Ann Mamma Thai kitchen by 張秀玲

營業中

休息中

荃灣呢間泰菜小店，怖置都幾靚🐖泰式無骨滷水豬手 $118-豬手份量驚人 肉嫩而且非常入味 滷水香味唔會太超過 外皮綿腍滿滿骨膠原 配上泰式辣汁酸酸辣辣好開胃🍡沙嗲串燒 4串 $75-串燒可選雞肉及豬肉 熟成度啱啱好帶肉汁 加埋秘製沙嗲汁有重花生及沙嗲香味 味道一流🥬炒泰國椰菜苗 $96-椰菜苗炒得好惹味 鹹香感十分 惹菜苗本身有少少咬口又爽 泰式餐廳必選🍹椰子開心果沙冰 $48-椰子味濃 沙冰中含椰子片 開心果香甜 調得相當出色總括嚟講，味道唔錯，值得一試

一行三人訂枱食飯，明明樓下有位，但被安排上樓上，好似閣仔咁款，黑麻麻，幾驚有老鼠走出嚟！全晚得我哋一枱客係樓上！ 冬蔭公黎到，問長髮侍應男攞碗仔，半秒迅速黑面，咩料呀？無碗點飲湯呀😡之後成晚都唔見有人會主動上黎招呼，叫左甜品，「請」黑面哥執一執枱，又被黑面😥最最最離忍晒譜係⋯⋯埋單時，我哋一齊落樓俾錢，黑面哥竟然用呼喝嘅態度同我哋講「俾錢個個留低，其他人出去」，嘩，咩態度呀，話晒都係客喎，呢間野簡直『不知所謂』。 食肆負責人唔好怪香港人北上消費啦，顧掂自己啲服務態度先啦....個老闆唔知知唔知啲員工係咁嘅態度，定係都係一家親？？就算啲食物幾好食，都無得傾啦，如果服務評分有負數，得分應該係「-50」⋯⋯

Ann Mamma Thai kitchen by 張秀玲📍荃灣曹公坊11號地舖味道：😋😋😋😋😋😋😋環境：🎑🎑🎑🎑🎑🎑服務：😏😏😏😏😏😏😏人氣泰式餐廳，想試好耐每次經過都勁多人排隊🥹，食物性價比係幾高值得一試👍🥘黃咖喱牛腩配白飯 $78份量非常多！牛腩經過慢燉，肉質鮮嫩軟綿，黃咖喱偏鹹，搭配著蓬鬆嘅白飯啱啱好，每一啖都能品味到咖喱嘅香氣同牛腩嘅鮮美-☕️泰式奶茶 $0口感滑順而帶有微微的涼感，茶香、奶味同適量甜度巧妙嘅配合，喺味覺嘅享受😋-全單免收加一又超大份量，真係勁抵食，但記得要早啲嚟或者打電話訂座，唔係真係有排等🤣————————————#香港美食 #美食推薦 #美食日記 #荃灣 #荃灣美食推介#打卡 #打卡餐廳 #荃灣 #荃灣好去處 #tsuenwan #tsuenwanfood #hongkongfood #hongkongfoodie #荃灣美食 #荃灣推薦美食 #泰國餐廳 #thaifood #泰好味

呢間餐廳經常Full House，前日放工6:30去咁啱有位🥳餐廳入面已經掛咗聖誕裝飾，好適合三五知己聚會～✨大蝦炒金邊粉 $118金邊粉炒得好香，旁邊配上花生碎、辣椒、青檸，可以按自己口味添加。醬汁味道都啱啱好，不會太甜或太酸，而且仲有少少辣大蝦有5-6隻，又新鮮又彈牙✨黃咖哩牛腩 $96一上枱即刻聞到黃咖哩嘅香氣，醬汁濃郁又唔膩牛腩燉得非常入味，勁淋✨烤薄餅 $118烤薄餅外皮酥脆，內裡鬆軟，沾上咖哩汁食，真係絕配！✨Citrus Fruit Punch $58呢杯特飲好清爽，裡面加左橙、青檸、西柚等多種柑橘類水果，飲落酸甜適中，仲幾開胃

朋友叫我試下荃灣嗰間royal泰國小店，話佢嘅泰式風味正到爆燈💡。今次我就嚟個嚐試，感受吓地道嘅泰國滋味！店面細細，佈置得好有泰式氣息，一坐落就投入咗泰國小巷嘅貼地感覺。 第一輪上嚟嘅係青木瓜沙律，辣辣地、酸酸哋，啖啖都親口。木瓜絲超級爽脆，啲花生仲帶嚟啲額外嘅香脆感覺🥜。跟住嘅係泰式燒豬頸肉，呢個真係撈齊晒我啲串燒煮飯嘅心。肉質嫩滑之餘，佢嗰香燒味道鋪滿咗成個口腔，簡直正到飛起！忘記咗提同朋友仲share咗個炒泰酸辣牛肉 - 啲牛肉嘅質感我真係要讚佢一下👍，重點在於辣度同爽口感結合得好好，唔係單純辣而已，有層次嘅辣，過癮！食完後嗌咗杯泰式奶茶冷落冷落，甜甜嘅滋味就係個perfect ending。整體嚟講，正宗泰味、裝潢幽靜，跟朋友嚟吓慢嘆都啱晒🌿。咋，想搵平食美味嘅泰國街頭風味，我會話你哋知，呢度準冒！

📍位置：近荃灣站 A3 出口，步行約10分鐘，在街市對面。🏠環境：門口擺滿了植物，推開玻璃木門，就是L字形的座位安排，選用了綠色坐墊和長形的白色墊，白色的牆身掛有植物畫，後方更有一個中式木架，放置了花瓶作裝飾，整體很雅致，只是擺枱較密。🤵🏻服務：人手下單，收取加一。🍽️午市：提供九款套餐，並送特飲。餐牌上有些食物會定期轉換，所有餐的份量都特別大份，就算是免費的餐飲都大杯，CP值高。🍝泰式咖哩🍤蝦炒河 $88份量好多，還多過茶記的牛河，用料足，有🍤大蝦、🥚蛋絲、蔥花和紅椒絲，味道不辣而有鑊氣☺️，淡淡的咖哩香味，整體好吃而非常飽肚👍🏻。🍛黃咖喱牛腩配白飯 $78😆下單時先點了少飯，否則會造成浪費，😋咖哩牛腩大塊而燉得軟腍，薯仔塊亦入口軟綿🤤，咖喱汁就帶點微辣，拌飯一流🥰。🍧芒果🥭百香果沙冰 $18份量大杯，沙冰可見點點黑色百香籽，入口好綿滑💛🧡！而且味道清甜而帶點微酸😍，十分開胃😚。🍹泰式西柚茶 (跟餐送)同樣非常大杯，味道跟果茶類似，帶點少許茶甘而不甜，個人很喜歡🥰，而且免費餐飲選擇多又大杯。

「Ann Mamma Thai Kitchen」位於荃灣曹公坊地下11號，揸車嘅就推薦泊附近咪錶， 搵唔到嘅話去路德圍咪錶會多啲。 呢間泰餐好很大份！ lunch set食完夜晚都唔使再食！ 今次午市嗌咗 👇 泰式雞肉湯粉『 唔夠味包括湯底！』豬手飯『 入口即溶，一啲都唔油膩，鍾意食豬手嘅話，推介👍』 凍泰式奶茶＆西柚梳打『算係咁啦飲得落』揸車出入：👍👍帶小朋友：👍👍食物質素：👍👍👍環境舒適：👍👍👍CP值...😋：👍👍彩蛋：荃灣區最大份嘅泰餐就喺呢度出現，真係大胃王先好去！

位於荃灣的張秀玲泰國菜，一直好多朋友話唔錯，今日就去食左串燒牛肉及豬肉、炭燒豬頸肉和菠蘿炒飯。🌟串燒牛肉及豬肉嫩滑的肉質和豐富的調味令人印象深刻，肉串經過炭燒，表面烤得香脆，內部卻保持了肉質的鮮嫩。配料和香料的使用也非常恰到好處，帶來了一種微妙的辣味和香氣。🌟炭燒豬頸肉經過炭火的燒烤，使得肉質更加鮮嫩多汁。豬頸肉的油脂分佈均勻，口感十分順滑。🌟菠蘿炒飯香氣四溢的菠蘿為主要材料，加入多種配料，蛋和米飯炒製而成。整道菜的層次感豐富，米飯炒得微黃，口感彈牙。服務態度友好，環境舒適，是一個適合與家人或朋友共享美食的好地方。

身為一家泰菜，Ann Manna Thai Kitchen by 張秀玲的名字，一陣泰國華人的味道飄出來，頓時感覺時空轉移，彷彿站在曼谷街頭似的！每次假日中午經過，門前總是聚滿食客，不得不馬上把「張秀玲」 Put on my list，列入必定一試的位置！這天接近下午兩點來到，肚子在咕嚕咕嚕，可是門前跟往常的情況一樣。登記後，我們站在較遠的地方等候，眼睛和耳朵當然專注在 「張秀玲」的叫號。不久看到一位妹妹拖著爸爸的手 (她在前、爸爸在一隻小手和一隻大手臂的距離)，妹妹的姿態表現出焦急的模樣，隨後邊拖行爸爸邊說：「呢間餐廳好好食，我好鐘意食！」。原來小妹妹是「張秀玲」的擁躉，我們更是同一時段入座，妹妹似乎為我們打下一支強心針！「張秀玲」有著曼谷餐廳的感覺，類似某種泰式混合中西式的風格，不過香港地人煙稠密，座位的密度當然較高。 是次簡單的 Set Lunch 體驗，好有泰 Feel 的味道，令我們十分之滿意，特別推介必試的蝦餅。假如加送泰國人的陽光笑容，便達到接近 100% 返家鄉的感受了！定價由 HK$68 起的 Set Lunch 有九款選擇，包括一份主食和基本飲品，另可額外付費加配小

荃灣Ann Mamma，早兩日在openrice見到一間泰國餐廳每天只做兩時段，夾埋開店得6小時，好，就打電話去book位，今晚就見識下，係唔係好好味先。原本跟太太評價緊d野食都幾好味，但張枱大細，放3碟餸左右已好迫，加埋兩杯沙冰，食時已就住就住，以免撞到打爛野及倒瀉野。入正題，嬲爆，在openrice資訊明明列明收Visa,Master,現金。好啦，食完埋單走人，拿定張visa在手，長髮哥仔服務員拿張單黎，眼見我手上拿左張visa， 直接拋張單（夾住木板）落張枱到，就說一句只收現金後一枝箭走左去，嘩，我係消費者，在openrice見到可用visa，我打電話book位時亦無講只收現金。今時今日香港落後到只收現金，不如只收清朝銅錢，作為一間餐廳服務，就禁拋抵張單留句只收現金就算數，懂不懂禮物說句‘不好意思先生，本店暫時只收現金’，攪到我好似我無錢唔好學人同太太出街食飯，攪到我立刻出去找櫃員機，出門時感覺好似我沒錢找數，要出街 籌旗禁，真係火都黎埋，好彩我張銀通卡轉個彎就有機禁，如果得匯風禁，未要行超級遠荃灣大河道禁錢。長髮哥仔，係你，說你，唔該改下你服務態度，你估係到扮牛x公司有性格。

Ann Mamma Thai Kitchen by 張秀玲 (荃灣)荃灣曹公坊11號地舖荃灣熱門泰國美食，每次光顧都會遇到長長的排隊人潮。泰式清湯河粉配雞髀 $78以雞髀、蘿蔔、蒜頭、芫茜、黑胡椒粒、魚露和青檸打造湯底，口感獨特，帶有微甜微酸微辣的風味。蘿蔔清甜透身，然而雞髀的味道比較淡，可能雞的精華全都落在湯汁裏，但整體仍然美味。泰式鴨胸炒飯 $88份量十分多，無法一次吃完。炒得剛剛好的鴨胸搭配香氣撲鼻的炒飯，每一粒米飯都融合了炒菜和鴨肉的香味。午餐價錢已包飲料

今日嚟荃灣做嘢，晏晝喺附近搵間餐廳食個快飯。記得之前有食友推介過曹公坊嗰間「Ann Mamma Thai Kitchen by 張秀玲」，反正行過去也不太遠，一於試下。估唔到餐廳非常旺場，入座都唔夠 10 分鐘就已經全場爆滿，好不誇張。點咗兩個 Set Lunch，午餐包餐飲，另外亦可以用優惠價加配小食及甜品等。海南雞配油飯， 雞件份量十足，雞皮爽滑唔肥膩，雞肉冇骨之餘亦冇肥膏，入口啖啖肉。油飯當然亦係亮點，香而不膩，點埋個帶甜味嘅黑醬油同酸辣醬汁食，好醒胃。另外呢碟泰式濕炒海鮮河粉， 味道亦唔錯，河粉炒得夠鑊氣，口感很滑。海鮮分量亦不少，有青口、蝦仁和魷魚等，食落鮮甜爽口，趁熱食好滋味。餐茶點咗泰式奶茶同西柚梳打，奶茶甜度恰好，好重奶香味，同喺泰國飲到嘅不相伯仲；西柚梳打味道酸酸甜甜，好 fresh、好清新。

Ann Mama Thai Kitchen by 張秀玲，位於荃灣曹公坊。餐廳裝修雅緻，以樹木為主，營造出寧靜的氛圍。午市時段非常擁擠，如果想吃午餐的話，最好在午市前提早攞位。 泰式清湯河粉（雞髀肉）清湯沒有味精，味道清淡卻帶有淡淡的芹菜和蒜香味，非常清新。雞髀肉的份量很大，河粉的份量更是十分充足，差不多可以供應兩個人食用。 泰式無骨鹵水豬手飯當我正猶豫不決該點哪一款飯菜時，注意到隔離枱上點的泰式無骨鹵水豬手飯，看起來相當不錯，於是決定試試。果然，豬手已經去骨，每一口都是肉，豬手鹵得入味，豬皮咬落一點也不油膩，入口即溶，非常美味。而且份量十分豐盛。 泰式奶茶店主非常慷慨，奶茶的份量也是特大杯，茶味香濃，如果你喜歡泰式茶的話，不妨一試。 西柚梳打這款酸酸的碳酸飲料可以很好地消除豬手的油膩感，非常開胃。 總括來說，不論是食物還是飲品，Ann Mama Thai Kitchen的份量都可謂十分豐盛。如果你食量較大，絕對會對這裡的菜式非常滿意。 而且午市套餐價格相宜， 是荃灣午餐推介之選。

前晚同媽咪去荃灣探公公 探完之後媽咪覺得肚餓 我就提議去食泰國菜 咁就是但搵到呢間 因為近公公屋企 係門口見到間餐廳好靚 入到去裝修同佈置令人好舒服 適合帶女朋友黎食 waiter都好有禮貌 沙嗲串燒雞肉/豬肉 $75雞肉嫩滑爽口 豬肉中上發揮 調味非常好食 鹹度岩岩好 加埋秘製沙嗲醬簡直perfect 大蝦炒金邊粉 $118重點推介呢個金邊粉 大蝦份量好多又新鮮 金邊粉爽口彈牙 絕佳調味 好食過一般泰國餐廳黃咖喱牛腩 $96因為媽咪唔食得辣 所以揀咗唔辣嘅黃咖喱 估唔到咁都有驚喜 咖喱好香 牛腩份量奇多總括嚟講 呢間絕對係泰國菜嘅天花板 環境服務食物質素都係一流最後埋單唔貴 有機會一定會再黎食

休息放假去哪兒好？通常都是外出覓食，哈哈，民以食為天，今日去了荃灣的張秀玲餐廳。一去到門口，已經見到好多人在排隊，但為了食張秀玲餐廳，我和媽媽都靜靜的等入去，效率都幾快，下單不一會兒就送到面前。人均消費$73。烤雞青木瓜沙律配白飯$68跟青檸梳打烤雞香氣撲鼻，一送到面前，已經閒到蜂蜜的甜甜味。肉質嫩中有彈性，有咬口。旁邊有特製醬汁，沾一沾，更有風味。青木瓜沙律爽中帶有辣感，越食越開胃。烤雞其實都幾大件，加上青木瓜沙律份量亦不小，單單食完這碟，都已經飽飽了。還有一碗白飯。青檸梳打感覺清新，一大杯的。泰式乾炒河粉（豬肉片）$88跟凍生薑蜜乾炒河粉炒得很乾身，豬肉片份量亦不小，整碟面積就像兩塊臉般大，媽飯說食完超級飽。生薑蜜微甜中有辣辣的薑味，滋味飲料。