龍泉冰廳

營業中

休息中

雖然係Happy Friday，不過今日好趕時間，去龍泉冰廳食個快飯先。龍泉冰廳位於銅鑼灣蘭芳道，旺中帶靜。龍泉主餐牌勁多選擇，有西式意粉，日式飯，蔥油撈飯或公仔麵，焗飯意粉，叉燒飯，咖哩飯意粉，生滾濃湯飯，肉燥飯或拌麵，小窩米線，湯麵河，炒粉麵飯，韓式飯，常餐，懷舊鐵板餐，小菜，三文治，奄列，多士，同各式飲品。午餐有6款選擇，當中包括牛市精選扒餐，牛市精選扒餐有兩款，比主餐牌平$23，雖然冇左個鐵板，餐湯同飲品，同埋冇得要薯條，不過都幾抵呀。香煎鴛鴦扒意粉 $65香煎鴛鴦扒係豬同雞扒，大大塊！雞扒炸得皮脆肉嫩，味道鹹度適中。煎帶骨豬扒都脆脆哋，完全唔韌，質素唔錯！汁可以揀黑椒汁，番茄汁，咖喱汁，我叫左番茄汁，味道好好，令到啲平凡嘅意粉好好食，仲有少少番茄粒，好食過快餐店意粉！伴碟仲有少少沙律菜。鐵板西冷牛扒 $88另外揀左一個懷舊鐵板餐，今次食鐵板西冷牛扒。首先隻鐵板係成隻牛咁，幾特別。西冷牛扒兩塊，肉質好稔，肉味都唔錯。可配薯條，薯菜，意粉或者白飯，我哋揀左邪惡嘅炸薯條，仲叫左走鹽。炸薯條係扭紋，熱辣辣炸起，好好食！伴碟有少少沙律菜同半個番茄。重點係個汁。汁可以揀洋蔥汁，黑椒汁，蒜

今日下晝要去銅鑼灣聽talk, 知道蘭芳道有好多間食店， 於是就行去果邊， 揾下有無好野食啦。 咁岩經過龍泉冰廳，見到好多人等外賣， 應該食物質素有返咁上下，同埋見到有鐵板餐食， 心郁郁就想試下，諗諗下自己都真係好耐無食鐵板了。店員姐姐非常忙碌， 因為樓面真係超多人。是日午餐懷舊鐵板餐， 西冷牛扒配意粉。西冷牛扒喺鐵板上發出的滋滋聲，好耐無聽過了。真係集體回憶都返哂黎。 牛扒煎得剛剛好， 有牛肉味， 咬入口重有肉汁， 牛扒有d位置有少少筋位， 有d咬口感覺。

見到佢張外賣餐單都幾吸引下，諗住叫個外賣試下，叫左個「美極生炒牛飯」， 點知又唔係生菜，畀左翠玉瓜，啲牛肉少到可憐。。。我知呢啲都係啲免治牛肉嚟。。。但真係少到離譜囉

今日到銅鑼灣行街，發現呢頭附近開咗好多新食肆，所以揀咗呢間試。門外見到餐牌選擇多，價錢平民，又有我近來想食的鴨腿湯飯，所以就衝入去。冰室隔局，餐台細小，無錯係有好多選擇，有茶餐，又有台式，韓式，泰式。睇咗一輪，最後都係揀蟲草花藥膳鴨腿湯飯，同埋瑞士汁乾炒牛河。上菜速度五算快。先上乾炒牛河，成碟可令立立，唔算有鑊氣亦唔夠熱。味道上面沒有瑞汁味。再等一陣上埋鴨腿湯飯，鴨腿斬開上下，同相片相差很遠，蟲草花味道不出，湯米唔濃，味道偏淡。一句講晒，唔好食！

今日見有D 時間約朋友食個lunch，見識到爆場等於好食呢個事實，呢度既店員仲好醒目，見你主菜咁耐未黎會主動問你點乜食❣️藥膳松草花鴨腿湯飯平時食鴨腿湯飯多數都係陳皮黎煮既湯底，湯底都會偏濃味偏深色，而呢度用松草花、杞子做湯底，湯底無味精，岩哂宜家追求健康既人，而且更易食到鴨既鮮味，唔會比陳皮味蓋過。鴨腿肉質唔老，仲有微微滷水味❣️日式鐵板鰻魚拼雞扒薯條熱辣辣既鐵板真係好吸引，香味引到唔少人，鰻魚夠哂肥美，雞扒嬾滑大件，而且無雪味，仲有鐵板上食唔停口既粗薯條❣️咖啡紅豆冰 & 奶茶紅豆冰呢2杯飲品真係好好飲，平時飲椰汁紅豆冰會覺得好甜，用奶茶同咖啡配紅豆冰就無咁甜啦，微甜既紅豆蓉要讚，紅豆又夠哂淋，而家呢到嘅奶茶咖啡非常出色，好推介呢2杯飲品

龍泉冰廳心思思想食鐵板， 放工同老公去銅鑼灣新開既冰室試下。Menu 超多款式，有中式熱炒小菜、焗飯、常餐、台式、馬拉款式都有。價錢喺銅鑼灣黎講真係幾抵食。我地揀左個美式什扒同日式鰻魚拼雞扒，兩份都超大份量。什扒有豬扒、雞扒、司華力腸、煙肉。肉質好軟熟入味，熱辣辣鐵板上享用。仲有香脆粗薯條，好滿足。鰻魚原條上，好足料，本身都有燒汁味，外層都有稍微煎香。加埋大大塊香煎雞扒，皮脆肉嫩多汁，配上香濃洋蔥汁，味道鮮甜。餐湯係羅宋湯，裏面有新鮮牛腩熬製，重牛味又軟熟。餐飲叫左招牌紅豆冰，呢間有別於其他冰室，係用椰汁底，紅豆都好大粒又香甜。

冰室熱潮又再回歸！銅鑼灣最近進駐了不少新冰室，今日去利舞臺廣場，路經蘭芳道，見到又新開左間「龍泉冰廳」。向來對茶餐廳和冰室都有種情意結，反正晚餐還沒有著落，今晚就一於在這裡開餐。餐牌非常大本，相片清晰精美，食物選擇很豐富，除了一般嘅粉麵飯外，還有雲南小鍋米線、東南亞麵食、西式意粉、懷舊鐵板餐及精選小菜套餐等供應。點左兩客小菜套餐，每個都會配老火例湯、珍珠白飯各一碗及熱飲一杯。是日例湯為青紅蘿蔔豬骨湯，湯味清甜滋潤，降火氣又清熱，四季都啱飲。招牌蔥油雞 ($78)  睇下碟蔥油雞分量幾足，淨係個賣相都已經夠晒吸引。雞肉嫩滑 Juicy，而且最重要就係面頭鋪左大量蔥花，入口蔥香十足，加上鹹度同油份都拿揑得恰好，啱晒我倆胃口。另外呢碟豆腐火腩 ($78)  水準亦唔錯，燒腩肥瘦適中，入口皮脆肉嫩，咸香惹味。豆腐味道亦穩打穩紮，表面有腐皮的甜，內裡口感細嫩，富豆香又滑溜，用嚟送飯一流。健康生活又點可以有肉冇菜呢？點左個蒜蓉西生菜 ($40)  生菜翠綠爽甜，富含水份，入口帶陣陣蒜蓉香。跟餐配有熱飲一杯，如果想轉凍飲則須另 +$3。食完飯嘆番杯香滑嘅熱奶茶，好滿足！

食下午茶，叫左個雞扒撈麵， 但係雞扒賣曬， 佢畀我轉瑞士雞翼😏第一碟嚟到隻雞翼好嫩滑，但可惜爭少少未熟晒， 熟左9成左右啦，都明嘅咁大隻雞翼，嗰翼位熟咗嘅槌位爭少少， 一同個侍應講佢地都好有禮貌即刻對唔住， 幫我攞返入去煮， 咁我諗住佢都係幫我煎返我咬咗嗰隻， 點知轉個頭整咗一碟全新嘅畀我。 今次隻雞翼就真係啱啱好熟👍🏻有時餐廳咁多客， 廚房有小錯誤好正常， 最緊要係佢哋之後點樣處理同有冇禮貌😊 所以畀個讚佢地

龍泉冰廳地址: 銅鑼灣蘭芳道5號地下電話: 26882281===================自發現左呢間新開無耐架茶餐廳之後，我同同事一個月都固定來兩三次，有時人多呢個想食中式，一個想食西餐，同事a又話要食飯唔食麵，呢度乜花款都有，大家唔好嘈唔洗爭。$65 豬加雞扒飯配黑椒汁，大大碟男士都會食飽飽，豬扒同雞扒大塊到會嘩一聲，非常慷慨呢。$50 常餐是慣常點，今次要了豬扒公仔麵，跟奄列及烘底toast 。不變一樣美味，好抵食。加個菠蘿油先，邪惡到極之美味，$15跟餐的飲品

唔好以為我淨係識得港女打卡🌸其實我都好識得搵正嘢食，茶記都鍾意😋今次相約朋友行銅鑼灣，肚餓醫肚，見到一間頗有港式情懷的茶餐廳！要試吓呢！這家餐廳性價比在港島來說真的不錯，等我介紹吓^_^呢間餐廳可謂包羅萬有，有中有西有米線，有多國菜，任君選擇，價錢又唔貴，令人好開心，啲西式意粉睇上去都幾吸引，下次一於試吓👍😂🌕醬爆雞煲（$78）凍杏霜（$3）雖然沒有一個煲上菜，但賣相相當不錯，除了有大量雞粒，更有三色椒、芹菜，顏色相當鮮艷，雞塊每一塊都煮得入味，加上鹹香的醬料，中色風味十足，好食！凍杏霜濃淡適中，消暑解渴！🌕鐵板西冷扒 茄汁 （$88）不得不說這個西冷扒的價錢相宜，生熟剛剛好合我口味，鐵板西冷扒下面是薯條，薯條🍟比較軟，薯仔味頗香，我喜歡！澆上茄汁，10分滿足！冰廳來說這間算是衛生，相當企理！.服務態度很好！

今日中午同2個同事入去坐低食個午餐，諗住餐廳個樣正正常常諗住無問題，點知食完個飯飲完杯野就即刻收走，之後d 呀姐就已經眼啤啤，見你無反應就敲枱趕你走咁唯有即刻起身離開，費事一陣有人拎掃把出黎掃我出去位已經迫迫地，食完諗住休息個10分鐘消化下，無諗過個飯食得20分鐘就俾人趕，差d 消化唔切嘔番成個餐出黎！有客等都唔洗咁樣趕人掛？？？我都有俾錢消費喎今次無諗過是但食個午餐中伏，俾錢消費買難受，請都唔會再去，建議大家小心！

冰室總是享用午餐的好地方。 這家位於銅鑼灣的冰室是必試的餐廳之一。 當天與朋友在上班的午餐時候看見這冰室便一試。令人印象深刻的有滑蛋叉燒飯。 雞蛋非常滑，一到舌​​頭就融化了，而且叉燒很嫩，和豉油混合得很好。，令人不停地吃飯。另一個亮點是焗豬排飯，配上非常新鮮製作的番茄醬，與連鎖店的番茄醬不同。 另外，紅豆冰奶茶和紅豆冰咖啡令午餐昇華，紅豆完美的甜度提升了奶茶和咖啡的風味。 總而言之，這間冰室是午餐的絕佳選擇。

龍泉冰廳 (銅鑼灣)今日同朋友去開銅鑼灣，就想係個到搵間唔太貴又好食既野食下😋😋見呢間新開，又好多人去食，就入左去試下🥰醬油炒蛋肥牛飯 $60🍚呢到見到真係覺得肥牛好多🤣🤣食都食唔哂😋炒蛋肥牛同鹹甜既豉油好夾，都okay架😚鐵板西冷扒（配薯菜，黑椒汁） $88🍟🥩西冷扒煎到好淋好好食😋😋一啲都唔柴，配埋惹味黑椒汁，真係幾好食🥰值得叫嚟試下！薯菜都好脆口好好食！蒜蓉炒菜心 $40🥬菜心好甜好好食！蒜香味好重❤️❤️好惹味😚出街食到菜真係好🤣🤣紅豆冰 加$8🍹好重椰奶味😚紅豆好多好足料～熱菜蜜 （熱飲唔洗加錢）🍯例湯🫕（跟餐送）地址：銅鑼灣蘭芳道5號地下整體評分：4/5味道：4/5環境：4/5抵食：4/5

龍泉冰廳銅鑼灣呢個矜貴地段，食飯好鬼貴，作為一個師奶，茶記係我嘅當然選擇！今時今日嘅港式茶餐廳一啲都唔失禮，有質又有量。午市時段，食小菜套餐最經濟實惠。老公揀煎土魷肉餅($78)，我就要金菇肉碎扒豆腐($68)。一肉一菜，配埋例湯餐飲，啱啱好！煎肉餅有四至五件，煎得香口，有肉味有咬口，配白飯食一流。當日所見，好多穿著斯文嘅寫字樓男仔都有叫呢個餸。除咗豆腐火腩，佢直頭係男人嘅另一種浪漫！！ 金菇扒肉碎個芡汁唔糊，入口濕濕地，撈飯食都唔錯！食得興起，追加咗個芝士鹹牛肉奄列($38)。溶芝士落得幾多，加埋鹹牛肉，更加鹹香好食！地址：銅鑼灣蘭芳道5號地下

放lunch時間經過這間新開不久的茶餐廳，見到都幾多人去食，就入去食下。餐廳的食物選擇非常多，而且價錢好合理，係快食之選，因為order無耐後好快就上到菜～咖哩雜菜鮮茄煎蛋的咖哩不算辣，入面有好多款菜，感覺幾健康～煎蛋蛋黃送飯一流。想不到這裏有魚片喇沙食，是比較港式辣味的，有好多芽菜、豆卜，食落去胡椒味較重當日還點了紅豆冰，真係充滿茶餐廳特色。如果經過銅鑼灣快食，這裡的確ok的。店員服務態度也不錯的。