龍泉冰廳

營業中

休息中

龍泉冰廳 無晚市既日子繼續揾茶記 呢間茶記勁多選擇都幾多，除左炒粉麵飯，茶記必備懷舊鐵板餐，仲有日式韓式飯，意粉，日式飯，肉燥飯，拌麵，小窩米線等等，睇到眼花繚亂。外賣自取仲有九折優惠，最後都係決定食小炒 haha蜜椒薯仔牛柳粒 $78牛柳粒好大粒，香口惹味火喉剛好，配菜都整得好好食薯仔超入味，三色椒夠爽脆欖菜肉鬆四季豆 $68鹹香十足，四季豆咬落幾爽脆好岩送飯 龍蝦汁軟殼蟹燴意粉 $60軟殼蟹超大隻 打橫訓左係個飯盒度可惜ling 到反屋企淋曬 堂食應該鬆脆好多意粉分量超多 味道略淡  龍蝦汁吾算好出岩吾中意重口味既朋友

因為WFH 關係日日喺屋企做野同煮野食，太懶所以差不多餐餐都係煮麵同餃子，所以上星期趁出去買物時，都順便買餐人類嘅食物（笑）。卒之因為想食肉餅就揀左龍泉永廳，其實之前喺銅鑼灣行街時已經見好多人食，晚餐小菜連飯連湯連野飲都係60幾蚊，其實都真係幾抵。.最想食嘅肉餅都有好多款，最後揀左銀魚仔蒸肉餅，好似比較少見，因為外賣所以用左錫紙盤裝，順便可以保埋暖。肉餅的份量係一人size好適中，上面有大量銀魚仔，肉餅本人肥瘦適中，亦都唔會太淡或太咸，我鍾意撈埋啲飯一齊食，會不知不覺食左好多飯。.仲有另一個小菜揀左咕嚕魚柳，本身想揀粟米魚，不諗諗吓好似咕嚕汁開胃啲，同埋咕嚕魚比較小見，通常都係咕嚕肉。同肉餅一樣，咕嚕魚嘅份量都係一人份剛剛好，魚柳都幾好肉，唔會無乜肉又好厚炸粉咁，送飯真係超級開胃。除左魚柳本人之外，仲有菠蘿同埋三色椒。.另外想提下個凍檸茶茶底好好味，而且檸檬片都好足，下次會繼續揀凍檸茶。仲有就係個白飯都幾好味，通常外賣白飯都係好乾，但竟然係軟綿綿嘅有驚喜！最後就係個例湯應該係豬骨紅羅白湯，有湯料又無味精，同樣唔錯。.餐牌如下：

Feel like eating some dishes from cha chan teng, I walked past this cafe and decided to pack home for dinner tonight. Dragon Spring Cafe was located at Lan Fong Road, few minutes walk from Causeway Bay MTR.Like any cha chan teng, their menu was comprehensive, offering a wide range of Cantonese dishes, rice, noodles, side dishes and drinks etc. Iced coffee and milk tea were smooth and milky, fragrant in taste. Fried rice with beef in Sichuan spicy sauce - It was fried till chewy and fragrant, wit

今晚又買外賣晚飯番屋企食喇～ 呢間冰廳就喺時代廣場附近，真係幾方便👍🏼 餐牌選擇好多，即炒粉麵飯、小菜套餐等等應有盡有～😋今晚我哋買咗個瑞士汁乾炒牛、豆腐斑腩煲、土魷煎肉餅，小菜套餐仲包白飯、例湯同飲品，好抵食🤩！🐮乾炒牛河都幾多牛，炒得好有鑊氣，食落都唔覺好油～ 豆腐斑腩味道好好，魚塊啖啖肉、唔會腥，豆腐表皮煎香、內裏滑溜～👍🏼 土魷煎肉餅好厚肉，肉汁十足，餸飯一流呀！🐷 小菜套餐嘅例湯亦好足料，有豬骨同粉葛，而且唔覺有落味精～😋而家晚市仍然禁堂食，有時唔想煮飯嘅日子，再黎呢度買外賣都唔錯！😋

銅鑼灣呢間餐廳，經常企滿外賣 / 等候堂食嘅食客。疫情下...午市外賣有優惠，梗係Takeaway啦。Menu款式包羅萬有，中．西．日．台．韓．東南亞菜式，基本上講得出嘅都有得食。基於懶得選擇，就揀咗兩款是日午餐「焗意式肉醬司華力腸飯」即叫即焗．外賣返到去依然熱辣辣，肉醬同飯嘅比例恰當，配上司華力腸好有口感「葡汁雞扒香腸飯」香濃嘅葡汁，覆蓋住厚切雞扒，伴著爽口嘅沙律菜，大大盒好夠份量。「霸王雞」一向鍾情霸王雞，皆因配搭大量薑蔥好香口，雞肉嫩滑，估唔到幾十蚊嘅份量有咁多件，相當抵食「紅豆冰」紅豆大大粒．好有奶味，而且唔會太甜，好飲「熱奶茶．熱朱古力」特別喜愛呢度嘅奶茶．茶底夠濃郁銅鑼灣呢個質數同價錢，認真抵食，難怪長期咁多食客👍🏻

龍泉冰廳茶餐廳格局，入面好闊落，不過疫情關係就外賣回家吃了，而且都幾多人幫襯，食物款式選擇多，我叫左茄汁焗豬扒飯，茄汁味好濃郁，豬扒既豬扒好腍，炒飯焗完都唔錯，呢個飯都係$60。燒汁雜菌牛柳粒，呢個小篇推介，牛柳粒嫩滑，而且好抵食$78，有老火例湯，白飯同飲品跟餐，凍飲都係加3蚊炸，湯好有陳皮味同蓮藕豬骨一齊煲成，雜菌入面有茄子同三色椒，仲有芝士鰻魚炒飯，炒飯好大盒，鰻魚都好淋$88，職員態度好好，細心幫我落單。

餐廳的晚市外賣非常多選擇, 中式小菜, 價錢由68蚊起, 仲有九折添, 叫咗三個餸, 圍起二百蚊內, 仲有兩蚊找, 非常之超值佢小菜嘅份量都非常之多, 每個小菜除咗飯之外, 仲配嘢飲再加湯添, 湯係冇味精嘅叉燒炒蛋, 炒蛋非常之香滑, 配搭埋軟淋嘅叉燒, 特別入味另外仲有個薑蔥魚柳, 魚柳真係大大塊, 非常之大件, 入口順滑, 配搭住薑蔥, 非常之惹味, 另外就係生炒骨, 生炒骨顏色非常之鮮艷, 再加上爽脆嘅蔬果配搭一齊, 有咬口之餘, 味道仲非常之鮮香, 送飯一流,

疫情太嚴重，唔想煮當然選擇外賣自取，店員非常之細心，有塊紙皮放喺底唔會留到四圍都係！蝦醬生炒牛肉飯🦐蝦醬生炒牛肉飯，就算外賣都好夠鑊氣！蝦醬味道濃郁！椒鹽金沙骨🐷金沙骨好香口！送飯一流！咖喱牛腩煲🍛咖喱牛腩味道香濃！牛腩炆得夠晒淋！有埋飯飲埋湯！啲湯好足料仲要冇味精！以為佢係一間普通冰室但呢間小菜好夠鑊氣！似舊式大排檔風味！喺疫情底下算係難得嘅美食！就算係外賣自取都有一定質素，下次都會再叫！

收工後唔想煮晚飯既關係，就嚟左位於銅鑼灣蘭芳道既龍泉冰廳叫啲外賣小菜返去食。餐廳晚市都照常營業，外賣自取仲有九折優惠。禁晚市堂食既情況下，都幾多人幫襯，好多人叫外賣，見店員做到無停過咁滯。蓮藕綠豆湯每道小菜分別會配埋白飯、是日例湯同飲品。今日既湯水係蓮藕綠豆湯，湯料夠哂豐富。椒鹽金沙骨份量都幾多，肉質鬆軟，送飯真係一流。XO醬牛柳粒煲XO醬既味道好濃郁，牛柳粒同翠肉瓜既比例一半半，肉質彈牙，幾唔錯。欖菜肉鬆四季豆充滿鹹香，四季豆咬落幾爽脆。

而家晚市冇堂食，外賣已經成為生活既一部分。呢間店如其他冰室一樣，好多選擇，唔同款式既菜都有，今日就試下佢既中菜。XO 翠肉瓜豬頸肉 $78豬頸肉份量都幾多，豬頸肉同個瓜都爽口，有埋xo汁撈飯一流。蜜椒薯仔牛柳粒 $78牛柳粒好大粒，而且炒既火喉洽到好處，薯仔🥔亦炒得入味，好食😋油菜（菜心） $25係而家菜價咁貴既時候，呢盒菜心顯得抵食。菜心係甜，夠新鮮。一道菜既價錢已經包一杯飲品，一個飯同一個湯。湯好清淡，冇落味精。去買外賣時，陸續都有人落單，但職員服務態度好好，而且出餐速度都唔錯，值得稱讚。

夜晚禁堂下，銅鑼灣人流大減，好多食肆都選擇暫停營業。經過蘭芳道，唯獨呢間燈火通明，又多人等外賣，一於試吓。小菜套餐，小菜配湯丶飯丶熱飲，揀咗2款店方推介小菜 (外賣盒 +$2/套)另有炒粉麵飯椒鹽金沙骨 $78椒鹽味好足，估唔到外賣都無減佢本身嘅惹味蜜椒薯仔牛柳粒 $78牛柳粒香口惹味，薯仔丶三色椒夠爽脆，好味！招牌瑞士汁乾炒牛河 $60有鑊氣，比起其他茶餐廳，呢盒份量算多，味道亦唔錯！熱檸蜜檸檬夠新鮮，食完飯先飲，都完全無澀味

📍 龍泉冰廳 小編不嬲都鍾意食小菜同港式嘢😆 早幾日同朋友去左呢間餐廳食🥰 推介佢哋嘅滑蛋叉燒飯！有好多舊叉燒係入面🤣-滑蛋叉燒飯 $58滑蛋有唔少蔥花 而且都幾大舊😋 食落去口感好滑 有蛋香🥰 叉燒偏瘦但都有少少肥肉 係小編鍾意食嘅口感🥰飲品就配左西洋菜蜜～燒汁雜菌茄子炒牛柳粒 $78呢款係佢哋餐廳推介菜式之一✨ 套餐包一碗白飯同埋例湯🌟個餸嘅份量啱啱好 牛柳粒食落去有咬口👍🏻有唔少茄子🍆 如果多啲雜菌就更好🤭飲品就配左杏仁霜～咕嚕魚柳 $68小編不嬲都鍾意食酸酸甜甜嘅嘢 所以見到呢個就叫咗！魚柳份量唔算太多 但係有啲都幾大舊🤫食落去甜多個酸😳 如果酸味重過甜就好😭飲品就配左朱古力～-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ★ ☆✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎-地址：銅鑼灣蘭芳道5號地下

今日係銅鑼灣放工想買外賣返屋企食經過見到呢間裝修光鮮既茶餐廳就決定試下！有快餐，亦有小菜選擇，實有一款岩食下午茶亦相當吸引抵食叫左三個小菜，店員細心包裝，令我可以一手拎哂葱油雞葱油炒香配皮香肉滑既雞，簡直係絕配雞肉好嫩滑，一咬雞油就滲出黎一啖雞再配撈均葱油既飯令人欲罷不能三色蒸水蛋除非雞蛋做底，仲加左咸蛋同皮蛋蛋白質好豐富，岩哂打工仔一個餸就滿足到營養所需蛋蒸得好滑，火喉控制好好椒鹽金沙骨椒鹽真係無得輸！令到金沙骨好香口，再加上金沙骨既肉質好夾好好食

銅鑼灣蘭芳道一帶小店林立，各式食物應有盡有， 泰菜台菜潮州菜 ，同家人中午食個快飯， 茶餐廳總能夠 迎合家人 ，食物款式要咩有咩，米線大碗飯港式常餐， 午市套餐各款炒粉炒麵蒸飯焗飯， 講緊正係龍泉。中式所有小菜飯類即叫即炒，大澳蝦醬生炒牛肉飯貨真價實，炒飯粒粒炒得金黃，而且份量仲比得超多，蝦醬炒飯炒得夠獲氣，仲有粒粒牛肉同瓜粒，蝦醬加點咸香，58蚊配飲品，抵食啦。叉燒大眼仔飯招呢個叉燒丼飯簡直不得了, 叉燒比得多，燒得微焦有陣陣蜜香味, 有肉香。煎蛋蛋黃垂涎欲滴，撈飯超好食, 是簡單又讓人滿足的Comfort Food!

放工去左銅鑼灣Apple store 整啲野，今日唔想煮飯，偷下懶😆，行過見到外賣有九折就叫左兩個小菜試下。椒鹽金沙骨（$78）和燒汁雜菌茄子炒牛柳粒（$78）兩個餸都好夠鑊氣🔥，非常嘢未啊，啲肉唔嚡口，送飯一流。份量好足💪🏻我比較細食，重留左啲第二日午餐😂每個重跟一飯一湯，叫咗杯奶茶紅豆冰👍🏻西生菜（$25）近排冇乜菜食梗係要加返個生菜，食番啲纖維啦🥬推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：9⭐️價錢（10⭐️滿）：8⭐️服務（10⭐️滿）：9⭐️地點（10⭐️滿）：8⭐️［龍泉冰廳 (銅鑼灣)］地址：銅鑼灣蘭芳道5號地下