龍泉冰廳

營業中

休息中

提早返工第一次公司附近食早餐，極後悔入咗呢間唔留係炮台山半𡷊食。叫左鮑片 叉燒 麫鮑片酸 叉燒凍加螢光顏色 湯無味 麪削。我見鄰座食客都投訴鮑片酸係杯茶正常$38 唔叫好貴 但係真係無下次唔明點解全部好評

👯 Shopping 完經過蘭芳道之際, 見到呢間冰廳光猛整潔, 決定入去小休兼醫下肚仔🥰📝餐牌食品種類豐富：港式風味, 中西菜式, 東南亞美食, 精選小菜套餐, 懷舊鐵板餐... 目不暇給🥰🧑‍💼店員服務有禮兼有效率, 我哋點選咗套餐, 落 order 後即上🥣是日例湯💕🥬另加配油菜 $25灼菜芯翠綠鮮嫩, 因我哋唔食蠔油, 店員細心地代轉換,灑上美極醬油👍✨招牌南洋咖哩/飯意粉餐咖哩豬頸肉 $65濃厚椰香味嘅咖哩醬汁, 最啱送飯🍚成碗滿滿嘅豬頸肉+薯仔, 超慷慨嘅份量😋✨椒鹽金沙骨 $78非常入味夠鑊氣, 仲份量十足😋跟餐：除咖啡奶茶外, 也可加💰選配特飲🍹💥涼粉冰 $8💥奶茶紅豆冰 $15

冰室，冰廳，咪就係茶餐廳囉龍泉冰廳好似有幾間分舖，這間開在銅鑼灣，簡直係沙漠中的清泉，冷氣夠凍，招呼唔錯，行到又攰又熱又唔想煮, 最好入去食番個豐富晚餐。客源都幾廣：有兩老，有sales們, 都有一家大細喎。選擇真多：中、日、韓，點會唔啱食，不過係有選擇困難症😂😂最終決定叫：豆腐斑腩煲，椒鹽金沙骨，再加碟油菜，均衡飲食啦！豆腐滑，斑腩冇雪味一疏一疏，漿粉都係薄薄的，抵讚👍🏻椒鹽骨好香口，送飯一流, 份量好多下呢😋😋例湯送的，味道也不錯，回家後亦沒有口渴喎其實二人食係會食唔哂, D餸多都要打包架, 哈哈, 希望餐廳店主無睇到這個食評就好啦~

今晚收工去左龍泉冰廳食埋晚飯先返歸，冰廳位於銅鑼灣蘭芳道，旺中帶靜。主餐牌勁多選擇，有西式意粉，日式飯，蔥油撈飯或公仔麵，焗飯意粉，叉燒飯，南洋咖哩飯意粉，生滾濃湯飯，肉燥飯或拌麵，雲南小窩米線，湯麵河，東南亞麵食，炒粉麵飯，韓式飯，常餐，懷舊鐵板餐，小菜，三文治，奄列，多士，同各式飲品。今晚叫咗兩個小菜，餐牌上都係有手指公既，可能係招牌菜式。兩個餐都奉送老火例湯， 珍珠白飯同熱飲。凍飲加$3，特飲加$8至$15不等。醬爆雞煲 $78醬爆雞煲用個薄身煲上，雞肉有9件左右，都大大件，都係雞髀肉，已去皮。配有三色燈籠椒。味道少少辣。燒汁雜菌茄子炒牛柳粒 $80燒汁雜菌茄子炒牛柳粒好大碟，熱辣辣上枱。牛柳粒好淋，大大粒啖啖肉，牛味濃，好食。茄子大大塊，份量好多，好吸油，邪惡。另外配有菇片同燈籠椒。呢道菜式正！老火例湯似係蓮藕，味道鹹度適中。 珍珠白飯大大碗。西生菜 $25西生菜叫左少蠔油，服務員特登分開上，貼心。經典紅豆冰 跟餐加$8 經典紅豆冰大大杯，梛奶味道正常，紅豆份量都幾多，味道都好。我鍾意呢度係用碎冰。叫左少甜少冰，甜度啱啱好。飲完簡直大滿足，好似食埋甜品。食完好飽，每人都係一舊水

宜家香港啲茶餐廳、冰室開到成行成市，要突圍而出真係唔容易，今日lunch time黎到銅鑼灣見到呢間龍泉冰廳排晒隊之餘，重有好多人係門口等外賣，所以就決定入去試下！餐廳擺位就正常茶餐廳咁但一打開menu就有驚奇，超級多選擇，小炒、焗飯、咖哩呢啲基本野就一定有啦，估唔到重有西式意粉、日式牛肉飯、鐵板餐、米線、湯飯等。今次我地就叫咗叉燒大眼仔飯同小菜套餐蜜椒薯仔牛柳粒。-叉燒大眼仔飯大眼仔姐係兩隻太陽蛋，送上去黎成碗飯都係熱辣辣，半肥瘦叉燒而且份量夠多-蜜椒薯仔牛柳粒套餐套餐跟一碗白飯同例湯，蜜椒薯仔牛柳粒夠獲氣出晒煙，黑椒味夠，牛柳粒同薯仔外皮焦脆，做到外脆內軟-涼粉紅豆冰/透心菠蘿冰呢款好懷舊嘅野飲，係出面餐廳已經好難見到，兩款野飲都整得好好飲，涼粉紅豆同菠蘿嘅份量都足夠

難得過海嚟都銅鑼灣，正值午飯時間，見到一間茶餐廳頗有人氣，外面有不少人是排隊準備堂食或者買外賣，於是便入去試試。想不到午飯時間也有一些正常晚餐才會有得吃的鑊氣小菜套餐。而且價錢實惠。我點選了一個菜遠斑腩小炒套餐，另外加一碟油菜芥蘭。大概十幾分鐘，蒸氣本滿的小炒已上枱。斑腩魚塊頗大件，炸粉也很薄，在人山人海的午市做到這個水準實屬不易。醬汁方面調味適中，令我能夠品嚐到魚肉的鮮味，再配上菜心一起吃，鮮味多汁十分匹配。而最近想吃得比較健康，於是加了一碟芥蘭。廚房把芥蘭的葉和菜莖平均切成一半，喜歡吃葉先還是菜莖先，任君選擇，菜莖沒有渣滓，爽脆鮮甜，必選。而我最喜愛喝的熱奶茶，茶味濃郁，淡奶會比較多，就個人喜好我幾鍾意呢個配搭。

lunchtime去銅鑼灣附近快食，見到呢間茶餐廳都幾多人買外賣/入去食，就去了食雖然餐廳內都幾多人，但店員執枱、安排座位同上菜都好快，而且座位都有隔版，絕對係快食之選！lunch set只是$50-70 不等，同區來說幾抵。🍛香煎鴛鴦扒係雞扒x豬扒，雖然賣相好standard茶餐廳款，但其實配咖喱汁幾好食，味道少辣香濃，椰香味重，浸滿軟香飯好食。另外2款扒都大大塊、厚厚的，豬扒軟熟得來有嚼勁 ，雞扒的外皮脆香，肉厚嫩，水準不錯。有機會來食下下午茶豬扒包！

近排因為忙於屋企👨‍🔧裝修, 所以大多數都選擇係屋企附近簡單食。都無特別意欲寫食評, 直至上星期因為約左係佐敦做身體檢查, 完成後到附近一間叫悅麵的小店午餐, 非常有驚喜, 好味, 價錢合理, 員工/老闆態度親切友善, 就後悔竟然一張相都無影幫佢地宣傳一下。所以今日就算都只係好似平時咁放工💼到就近既地方晚飯, 我都決定影定相留定底先。我地點左香辣星洲炒米粉, 咖喱豬頸肉意粉, 凍檸茶同🍍菠蘿冰。送例湯, 味道正常。咖喱豬頸肉意粉 - 難食, 真係每食一啖都忍唔住皺一下😕眉頭, 醬汁是咖喱色加生粉水, 豬頸肉沒有先醃, 意粉也是完全無味, 點解唔落少少鹽調下味呢。香辣星洲炒米粉 - 呢個好丁點, 起碼有味道, 但以一碟正常的星洲炒米去睇, 也是不合格。平時我好少食星洲炒米因為怕辣, 但呢個只有好輕微既辣, 香料份量明顯落得好少, 基本上都係鹽的味道。菠蘿冰 - 呢個最差, 唔係藥水味, 根本就係一杯藥水, 慶幸我沒有叫特飲。老公話呢餐飯唯一可取之處是坐位尚算舒適。食完呢餐, 突然超級掛住紅茶冰室的咖喱焗意粉。

Probably won’t ever eat here again. For the same price there are many more cafe options that taste better.I ordered the tomato sauce spaghetti with pork chop and chicken steak, the sauce was terrible- no flavor at all, and very artificial… seafood fried udon was also bad as the seafood ingredients were super low quality frozen seafood…

間餐廳真係銅鑼灣一霸，唔止一次中伏，今次再次被伙計無禮對待，忍無可忍要爆光外賣遲咗八個字，稍微問吓啲伙計點解會咁遲，仲要比人罵街，叫客人在意遲就唔好再買…男女伙計個個周身紋身，不時會在門口除口罩吸菸，極度不負責任，衛生堪憂。旁邊外賣員哥哥都懷疑間餐廳有黑社會背景，次次都好遲，不建議再光顧…香港真係一個魔幻的城市，明明是一個無服務無法治的地方，仲要成日話自己服務業好強，係法治社會。其實所謂服務，法治，都係要付出金錢先有，啲有錢人先可以享受。普通人食餐飯，係永遠體會唔到服務同法治。

銅鑼灣做完嘢，唔煮飯諗住買外賣。阿爸話要乾炒牛河，阿媽要食蔥油雞，而我卻想食包。好在有龍泉冰室一站式齊曬，就算想食埋鐵板牛扒、雲南米線、冬陰功湯河都仲得。於是我叫咗3個餐，送三杯熱飲，加碟油菜，埋單都係二百零五元，滿足所有人的需要。叉燒炒蛋菠蘿包下午茶餐（$40），叉燒厚切大大粒，炒蛋嫩滑有汁，菠蘿包鬆軟，全部加埋無得彈。招牌瑞士汁乾炒牛河餐（$60），回家打開見到好大盒，盒底無油，贊。河粉炒得上色均勻，牛肉薄片腍滑又唔肥，味道也很好。洋蔥芽菜可以再多些。招牌蔥油雞餐（$80），打開外賣盒，見到雞上面滿滿的蔥油就好興奮，真正是白飯殺手。雞不算肥大，也不算好滑，但就皮爽肉厚有雞味，配埋蔥油，真是濃郁飄香。這個餐還送老火例湯呢。

隨住晚市堂食開返，夜晚食飯多返好多選擇，不過今日銅鑼灣做完Facial攰攰地唔想煮飯，經過龍泉冰廳買兩盒飯返屋企慢慢嘆。菠蘿雞粒炒飯$58大大盒炒飯，熱辣辣非常乾身，仲要用上新鮮菠蘿，比起用罐頭菠蘿更鮮更甜，雞肉嫩滑抵食之選紅豆冰+8紅豆好淋好入味，奶香甜味適中，非常好飲。干炒叉燒意粉$60炒粉麵飯係有質素，同炒飯一樣，意粉爽口，叉燒唔乾，夠鑊氣但唔油膩。咖喱牛腩煲 $80咖哩香濃，牛腩炆得好淋，好容易就咬得開。牛腩同薯仔既份量都好多，撈飯最正。

恢復晚市堂食後，銅鑼灣人流明顯回復，但有時好怕太多人，係矛盾嘅～ 所以決定買外賣返屋企慢慢食。每款小菜，配一碗白飯、一碗湯(今日係紅蘿蔔蓮藕煲豬骨)、一杯熱飲 *外賣盒 $2/套霸王雞 $80夠入味，比預期好，雞肉大大件，雖然係外賣，但賣相都幾好，仲有兩爽甜菜心伴碟，加分！蜜椒薯仔牛柳粒 $80外賣都不失惹味！每款食材都炒到好香口大澳蝦醬生炒牛肉飯 $58飯粒炒得夠乾身，粒粒分明，只係略嫌唔夠蝦醬味道，唯一美中不足。

呢間新式嘅茶記位於銅鑼灣位置好方便，附近返工嘅人可以一試💁🏻‍♀️menu有中西日韓台都有🤣啱哂咩都想食嘅朋友😂😂日本醬油炒滑蛋肥牛飯 $68燒汁另上可以自己調味，肥牛都算多個偏韌，有啲三色椒做配料，滑蛋正常滋味焗豬扒飯 $60正常茶記焗豬，豬扒幾多幾軟腍唔乾，飯有炒底，但係配料多啲就好奶茶紅豆冰 +$15試下特色野飲，奶茶個比例幾好，但紅豆太甜紅豆冰 +$8朋友嗌的，更甜一些龍泉冰廳 📍銅鑼灣蘭芳道5號地下同地區推介👉🏻 #hkbase銅鑼灣同類型推介👉🏻 #hkbase港式

龍泉冰室 銅鑼灣蘭芳道5號上兩個月公司行WORK FROM HOME 輪流返公司, 成2個月沒見同事,5月終於正常, 不用一個人孤獨食LUNCH, 有返個飯腳了。去返我地成日幫襯龍泉冰室食飯。食豐富D先。美式雜扒有雞扒、豬扒, 德國豬肉腸同BACON, 抵食又岩無肉不歡架人。就要了薯條，有西湯羅宋湯。雞扒皮好脆，豬扒帶骨鹹香，個汁是蒜蓉蕃茄，大份抵食6點前有下午茶，遲食lunch時間剛剛好有我點蔥花叉燒粒炒蛋菠蘿包 $40 甜與鹹架交融組合，香脆甜美菠蘿包，夾住滑蛋， 肥又有乜好驚凍檸茶走甜 +$3法蘭西特厚花生醬西多士$40 ，方面吸了蛋漿香煎，中間抹花生醬令到更香，再淋上糖漿，好味。凍奶茶少甜 + $3