龍泉冰廳

在這個節奏飛快、匆匆流轉的都市生活中，總有一些角落彷彿被時間遺忘，靜靜地守候著那些懂得細膩品味的人。這回，我想與大家分享位於繁華銅鑼灣的一間冰廳——我已是第二次光顧這裡。最令人著迷的，是他們將餐包烘焙至恰到好處的溫度，散發出誘人的香氣。這次我品嚐了他們的菠蘿包，酥脆的外皮緊緊包裹著香甜的內餡，咬下瞬間，酥香與甜蜜交織，令人回味無窮，一口接一口，難以抗拒。而更令我心動的是那款雞尾包，金黃酥香的外皮與濃郁雞肉餡完美融合，猶如一場溫柔的味覺對話，細膩中層次豐富。這個早晨的主角，還有他們推薦的招牌——鮮豬潤公仔麵。豬潤肥美厚實，份量十足，每一口都蘊含著鮮甜與細膩的口感。麵條的硬度恰到好處，起初微韌彈牙，隨著湯汁滲透，漸漸柔韌適中。這不僅是一頓餐點，更是一份細膩的情感寄託，讓人在品味中，感受到純粹與真摯的美好。In this fast and busy city life, there are always some quiet corners that seem forgotten by time, waiting for those who enjoy simple, good flavors. Today, I want to share a small ice cafe in the lively Causeway Bay—a place I have visited twice now.What I love most is how they bake their buns just right, giving off a tempting smell. This time, I tried their pineapple bun. The crispy outside wraps a sweet filling, and when you take a bite, the crunchy and sweet flavors mix perfectly, making you want to eat more. Even better is the cocktail bun, with a golden crispy crust and rich chicken filling—a soft and tasty treat with many layers of flavor.The highlight of my morning was their recommended dish—fresh pig’s liver instant noodles. The pig’s liver is thick and tender, with plenty to enjoy. Each bite is full of fresh, sweet flavor. The noodles are cooked just right—slightly chewy at first, then soft and smooth as they soak up the soup.This meal is more than just food; it’s a warm and special feeling that lets you enjoy something pure and true with every bite.…查看更多

叫外賣，一袋送到過嚟包漏咗白飯同湯。打去問佢話廚房話有包到，我問佢係包一袋定分兩袋佢同我講包一袋。 明明我嗰個大袋滿到插針都插唔入，根本冇可能能放多一個白飯一個例湯入去。佢仲講大話話佢有包到入去。又冇禮貌又冇服務又唔肯認自己做錯嘢，做飲食做到咁祝你好運啦…查看更多

之前試過順景幾好味，不過諗住試下新餐廳所以試隔離嗰間龍泉叫左個叉燒蛋飯，個餐牌度仲有隻手指公一黎到見到個樣，叉燒同蛋係分開唔係炒埋一齊，已經扣晒分，完全唔明點解會有手指公，點解個廚咁有自信個飯係室溫唔係熱架喎，我唔知係咪特登唔熱等d 客入得口拿拿淋食完走，茶記叉燒唔靚就預左，都唔係自己燒，冇蜜汁冇燶邊都係正常，個蛋就ok，半熟仲有蛋汁可以撈飯朋友叫左個焗飯都係咁，個飯有炒底，但焗過都係唔熱既點解成間餐廳d 野都可以唔熱，其實個飯煮得幾好粒粒分明，但唔熱真係嘥左，喺餐廳食飯要求飯餸熱都唔係好過份啫…查看更多

Lunch time 銅鑼灣周圍都要排隊入，不過每次入龍泉都好快入到。蕃茄牛腩通粉+多士及煎雙蛋 + 凍奶茶想食常餐又唔想無咩味，所以揀左蕃茄湯底。而因為佢份量都好多，所以多數叫完扣底都係會食唔晒。多士及煎雙蛋方面都係正常發揮，而蕃茄牛腩通粉都ok，不過如果怕辣既朋友就要小心啲，因為我食個陣個湯底都有啲辣，要係咁飲嘢先解到。飲品就大大杯，夠晒飲。…查看更多

出左去銅鑼灣，唔係又去希慎，又去燈籠街掛？今次想睇下香港舊式嘅茶餐廳係咪仍然健在，睇左有幾間新開的韓仔鋪，就轉入利園果邊，轉轉下睇到有間快樂餅店，已經變成快樂餐廳，隔離係間港味懷舊冰室＜龍泉冰室＞，咁望下餐牌幾合理，望下入面幾企理，就決定入去喇。我就坐呢度，入面都唔算好窄，只係員工走來走去唔好意思影影影。因為有D飽，所以試食就揀個港人成日嗌嘅常餐。其實又係果D沙嗲牛肉，叉燒或者扒類加個丁麵／米粉／米線咁樣，有奄列+油多包餐飲。$50價錢是OK的。呢樣野好似好簡單，其實有好多茶記都非常難食。粉麵就叫左個叉燒米線，份量唔錯，肉類都平均，唔會得2舊，而且味道不錯唔會太淡。奄列同油多唔會太油，入面火腿唔會得2條。熱飲叫左個阿華田，因為之前胃痛，無試佢嘅奶茶。整體來說環境及食物都不錯，最欣賞無核突手寫字，同埋左貼右貼污穢膠紙漬，員工手腳已經很快，但是繁忙時間都必須等等，香港真的鋪租貴，人工貴，希望香港小店不會絕跡吧。…查看更多

行經餐廳門口，隨意走進去買個外賣，心想隨便試試，反正也沒看過什麼食評。服務方面因為是自取，所以就不多評價了。一打開食左2 啖已經成口都係黑椒味無論我食意粉，定係食牛柳，定係食緊一條蔥，我都淨係食到黑椒嘅味道 成個口好快都比黑椒麻醉左無諗過一碟咁普通的茶記炒麵會咁驚嚇到我以為入茶記食呢d 會好隱陣，難食極都會有個譜但原來係可以無譜🤣🤣🤣我相信接下來的一個月都不敢再吃與黑椒有關的食物了 這一間真的好surprise , 激動到我食食一半都要停低影相寫呢個食評 …查看更多

好後悔冇睇下之前食評先入黎我黎食早餐，份炒蛋多士上果陣，個侍應飛隻碟上枱，件多士成件自己飛咗出碟，降落咗喺枱面⋯ 我冇出聲，侍應拎走塊多士，再轉頭話即刻整過件俾我再過咗陣拎咗隻碟仔上塊多士，我一拎上手一咬落去，凍嘅淋嘅⋯ 我都懶得再同個侍應講，因為樓面同收銀不斷大聲溝通，話樓面得一個人、一對手做得邊樣，收銀就不斷叫等緊外賣嘅人出返去等、外賣有排未有得拎，之前電話落單果d都未做起，等唔切嘅就cut咗佢。再過咗陣，侍應上我隔離果枱嘅凍飲果陣成杯跌咗落地，勁大聲全間鋪都望住⋯ 個侍應即刻話個地下滑⋯ 然後收銀即刻過黎幫手，掉咗一枱客去另一枱坐，然後仲有個隔離枱嘅客成腳濕晒⋯ 佢即刻拎個地拖出黎拖⋯ 良久之後濕咗果個客先問個侍應，我成身濕晒你哋有冇紙巾俾張我？侍應先識去拎紙巾俾人，收銀就補多幾句唔好意思⋯ 呢刻我只係慶幸頭先倒瀉野唔係倒落我度⋯我只係想我呢餐食完唔會肚痛⋯ 真係未食過咁難食嘅茶記早餐，就算質素平平嘅我通常食野都清晒碟，湯都飲埋果隻。呢餐，我食咗一半真係食唔落去。多士當然擺低啦，塊火腿係大陸紅肉火腿⋯ 如果你有北上經驗食過大陸炒飯大陸麵包店夾果火腿，你就知我講邊隻⋯ 從來都未試過喺香港茶記食到呢隻難食火腿。想食返個叉燒意，d粉已經淋晒，個所謂金寶湯水都咩咁一d厚身少少嘅湯感都冇，唉，唔怪之得頭先坐對面個客碗野都係食咗一半就走咗😓睇黎都捱唔到幾耐⋯…查看更多

晚上九時許光顧了一個蕃茄蛋牛肉湯飯 連凍檸茶 吃了半碗才開現有半條煙頭在內 店內負責人態度欠佳 立即毀屍滅跡 並只要求留返我個人資料 再作跟進 已經將事情報告食環跟進 大家千萬不要光顧！！！…查看更多

炒蛋有酸味，明顯唔新鮮。我朋友哪份亦時，大家無食蛋。沙爹牛面就幾好，面有彈性，沙爹牛夠淋，沙爹濃郁。算賺分了。飲品不過不失。成個早餐，被蛋破壞晒。如果唔係两人食完面已飽，會要求更換。當然，要求換相信要𠄘受一定風險，兩人還是决定放棄，希望餐廳人員見到枱上面蛋完好未動，會察覺到。及時改善，否則，些店相信維持不久。作為香港人，本想支持本地食店，但都要自己爭氣，否則，點同內地競爭。做好自己本分，才是生存之道…查看更多

兩個小菜：$161 包飯餐湯同嘢飲 士多啤梨骨： 啲骨又乾又硬，似係炸完又炸，炸好多轉嘅質地。骨係無味，同無落調味料咁汁還汁，骨還骨土魷蒸肉餅：土魷超級硬，豬肉餅同樣無味。最後仲飛咗隻昆蟲落去，成碟冇得食。個天都幫我揀埋唔洗食我同待應講咗，但完全冇反應直接收走 記得要飲埋一碗咸到會生腎石嘅餐湯 ，當日似係菜乾湯永遠唔會再入去食，奉勸世人唔好冒險有咁嘅質素都仲可以喺銅鑼灣生存咁耐最後淨係飲咗杯凍檸檬茶去咗對面希慎廣場食其他…查看更多

第一次食呢間茶餐廳，叫左兩樣野食，其中一樣係乾炒牛河。呢個牛河真係咁多年黎食過最難食。。一食舊肉，哇，陣味咁怪既再食啖河粉，都幾肯定個陣係漂白水味🫠🫠🫠🫠🫠我咁就浪費左$60係呢個食左兩啖only既牛河上🫠🫠🫠下次都係俾貴啲過幸運星食石頭鍋牛河算🫠🫠🫠…查看更多

今日同屋企人去銅鑼灣覆診，去附近食咗早餐先上去見呢間門面整潔光猛又有位就食佢沙爹牛肉公仔湯麵配炒香滑北海道走地雞蛋和牛油厚多士雞蛋真係幾香滑 蛋味濃多士夠香口，又厚身沙嗲牛肉公仔麵🍜沙嗲嘅香味極多濃郁牛肉夠軟腍 公仔麵滿滿沙嗲湯底英式早餐🍳司華力腸、煙三文魚、炒蛋、蕃茄、焗豆、多士、雜菇等煙三文魚用心上碟 砌成花花咁茶餐廳都有得食英式早餐 都好特別份量女士食得飽環境整潔，座位夠鬆動坐得舒服 價錢同一般近茶餐廳差唔多…查看更多

下班後出銅鑼灣剪髮，髮型師要八點先有位，咁岩老豆出開灣仔買野，可以過黎銅鑼灣陪我食個飯🥰，就同老豆簡簡單單到《龍泉冰廳》食佢最鐘意既小菜客飯，估唔到地段咁貴的銅鑼灣，居然有間咁經濟既餐廳，蒸左一條黃立倉($85)，勝瓜雲耳炒蝦球($75)，燒汁什菌茄子炒牛柳粒($80)，再加多碟菜心($25)，仲要叫埋兩杯特飲，跟埋例湯白飯，埋單都只係290元，超抵食👍🏻，例湯是青紅蘿蔔湯，非常清甜，小菜炒得很夠鑊氣，蒸魚時間控制得恰到好處，非常鮮甜香滑😋，我也很久沒有吃蒸魚了。…查看更多

完成咗任務之後 喺銅鑼灣附近食好西附近有間港式茶餐廳 係時候食下港式餐廳裝修以木系為主 環境明亮同熱鬧呢度嘅菜式同飲品都好種類 多元化呢有懷舊鐵板餐常餐 同埋精選小菜套餐飯類嘅有 湯飯肉燥飯燒味飯同埋焗飯麵類嘅有 喇沙湯麵焗意粉同乾炒牛河夜晚都仲有三文治提供添 完全估唔到重點係有懷念飲品 香港真係賣少見少咁多選擇 真係可以滿足晒所有願望啊-Mixed Steak on Sizzling Plate ($108)鐵板美式什扒 ($108)賣相相當吸引 雞扒同豬扒好大同好厚 且肉質鮮嫩份量比想像中多 啱晒 超級中意食肉肉嘅朋友仔呢套餐除咗有煙肉 司華力腸 仲包埋羅宋湯同薯條添配埋黑椒汁認真惹味 整體嚟講 扒餐嘅性價比頗高-Eggplant with Beef in Casserole ($80)燒汁茄子肥牛煲 ($80)係我最愛嘅茄子 食落熱辣辣同好入味肥牛薄身且份量都多 食落好夠鑊氣呢-Pineapple Iced ($25)透心菠蘿冰($25)係經典飲品之一 有好多菠蘿粒粒但個人覺得太甜 想飲可以叫少甜Jelly Red Bean Iced ($25)涼粉紅豆冰 ($25)係經典飲品之一 濃郁嘅椰子汁味配埋甜甜哋嘅紅豆 幸福感滿滿啊-Cream with Chocolate ($28)特濃忌廉朱古力 ($28)甜品達人嘅至愛 勁濃郁嘅朱古力味飲落真係好邪惡 私心嘅強烈推介吖…查看更多

早幾日係銅鑼灣行完街，嚟個快閃晚餐😉蘭芳道嘅龍泉冰廳，選擇多，雖然有時都要排隊，但入座都算快，呢日好快就有位☺️小菜80蚊左右包白飯同例湯，好抵，我哋嗌左3款一齊食🥢🔅霸王雞雞肉好嫩滑，皮爽肉厚好有雞味，夾上少少葱絲配上秘製醬汁，真係大推薦🙌🏻🔅咕嚕魚柳平時多數食咕嚕肉，咕嚕魚柳第一次試，份量好多，外脆內嫩，酸酸甜甜好開胃😋🔅燒汁雜菌茄子炒牛柳粒惹味嘅一道送，牛柳粒軟腍唔會有筋，茄子雜菌吸曬醬汁，送飯一流👍🏻🔅咖啡紅豆冰好耐冇飲過紅豆冰，試下咖啡紅豆冰，紅豆大粒又飽滿，咬開好綿，唔會好甜幾好飲。🔅特濃忌廉朱古力好邪惡，雙重朱古力加埋忌廉，好正。…查看更多