龍泉冰廳

營業中

休息中

喺銅鑼灣蘭芳道見客見倒大大間龍泉冰廳，餐廳裝潢充滿懷舊冰室嘅感覺，價錢親民仲有我突然好想食嘅瑞士汁牛河，立即同同事買返公司試下！餐牌除左炒粉麵仲有好多選擇，包括中式小炒、鐵板餐、台式滷肉飯、特式菠蘿包等！價錢都係$50-$70左右！等候外賣時間快，包裝企理，讚👍 🇨🇭招牌瑞士汁干炒牛河🍜 $60 ：瑞士汁香濃，河粉夠厚身腍滑有米香。 牛肉大片完整，食落有牛味，干炒啱啱好會太油同太乾！招牌菜果然係有準！🍗瑞士汁雞髀肉燥飯🍚 $60  ：一整層肉燥蓋滿成個飯！仲有大大隻瑞士汁雞髀煮到入哂味！誠意滿分💯肉燥汁同肉味同樣香濃，飯粒分明每一啖都可以撈汁食太正！🦆藥膳松草花鴨腿湯飯🍚$70  ： 最精彩都係呢個鴨腿湯飯，湯頭有淡淡藥膳味唔會太搶味，鴨腿軟嫩肉味香濃仲幾大隻！湯飯份量足！推介！🦀軟殼蟹菠蘿包🍞 $45 ：因為買時仲係茶餐時間，所以share左最愛嘅菠蘿包！軟殼蟹炸得甘香，估唔到同甜甜地嘅菠蘿包都幾夾！性價比高！

出色的香港冰室外賣小炒疫情期間,大家都要注重身體健康,減少外出用膳,今晚就經過銅鑼灣附近買外賣回家,味道不錯~黃金蝦仁叉燒粒炒飯+凍飲最能夠見到一間餐廳的功架,就一定是炒飯,此碟炒飯粒粒分明,炒得有穫氣,絕對是一道合格的黃金炒飯!芝士鰻魚配炒飯+凍檸茶甘甜的鰻魚汁炒飯,加入半條鰻魚和芝士,每一口都是鰻魚肉,喜歡鰻魚炒飯的朋友不容錯過~生炒金沙骨配飯及湯+凍奶茶承接炒飯的穫氣,小炒一樣高質,酸甜的金沙骨配上白飯果然是絕配,少甜的凍奶茶則有茶葉香,是三樣中最好食的!龍泉冰廳銅鑼灣蘭芳道5號地下#龍泉冰廳 #龍泉 #銅鑼灣 #蘭芳道 #茶餐廳 #冰室 #外賣 #takeaway #炒飯 #凍檸茶 #金沙骨 #生炒金沙骨 #鰻魚炒飯 #黃金蝦仁 #叉燒

龍泉冰室銅鑼灣蘭芳道5號地下銅鑼灣呢一區都多商業大廈, 所以都有好多茶餐廳同冰室, 作為打工一族架我好鐘意好, 因為大份抵食, 效率又快,根來就是香港人精神同文化。放工順路買晚餐返屋企啦, 而家菜價高企, 自己煮成本都唔平,索性買仲慳返買餸洗碗架準備時間。晚市有中式小炒$68銀魚仔蔡肉餅，附老火湯, 白飯同飲品根本係白飯殺手, 個汁好濃郁惹味, 鹹鹹香香配白飯。$60 鮮蕃茄焗豬扒飯 (包飲品) 鮮蕃茄汁開胃, 豬扒大塊夠腍身, 個汁入面到鮮蕃茄見出誠意。另外仲加左芝士焗, 好有水準架鮮蕃茄焗豬扒飯。$60 雞扒煎雙蛋撈丁 (包飲品) 貪有煎雙蛋, 用個生蛋黃汁撈公仔麵係我獨門食法。美國雞扒大大塊好厚肉, 有雞同雞蛋, 另類母子飯。

又係攞外賣嘅日子，今次試吓銅鑼灣呢一間龍泉冰廳，見到上網啲好評都幾多，一於叫幾個小菜返屋企！望一望餐牌都好多選擇，有精選鐵板餐丶常餐丶韓式風味丶同埋精選小菜套餐～精選小菜套餐已經包括左湯丶小菜丶飯同飲品，由60幾蚊起，都真係幾抵！我哋叫咗金菇肉碎扒豆腐丶菜心炒牛肉，仲要加$25已經有一盒蔬菜🥬，鍾意食菜嘅我哋加咗兩盒🤩拎返屋企都係新鮮熱辣辣～豆腐夠滑好味😋，配上肉碎，送飯好選擇牛肉味道濃郁，配上菜心，健康又好味😛$25嘅菜心加得好抵，一盒大大盒，新鮮清甜👍個湯清甜又好飲🤩順帶一提老闆娘超級好人，又好傾，服務好好😆

今日放工係銅鑼灣買外賣，見到呢間冰室價錢幾合理，一個晚餐套餐$7x左右，已經包括：例湯、白飯及熱飲。.叫左個「香煎土魷肉餅 $78 」同「班腩豆腐$78」，另加「蒜蓉炒白菜仔$40」，份量同味道都出乎我想像，香煎土魷肉餅啖啖肉得黎好鬆化，脆口又好香，咬落索索聲，加埋土魷融入其中，好食👍🏻班腩豆腐炆得入味大份，好香薑蔥爆過既香味，再加上豆腐好滑，唔似千年炸豆腐咁硬身。加配既白菜仔好抵食，呢幾日菜價咁貴，都係$40有碟菜，抵過自己買😅 最後想讚一讚佢個湯，蓮藕蘿蔔湯，無咩味精，質素唔錯。下次可以再幫襯😋

每次Lunch時段經過銅鑼灣呢間餐廳，總是坐滿食客 同外賣客人。疫情咁嚴重，最近都多咗買外賣返去食。Menu款式好多，中．西．台...實在太多選擇。揀咗個最受男仕喜愛嘅：「豆腐斑腩」班腩啖啖肉，個汁調教得好好，豆腐都好滑，仲跟埋青紅蘿蔔湯「咖哩脆香雞扒意粉」一打開蓋，咖哩超惹味，配上大大塊厚厚嘅雞扒，配飯/意粉都好夾是日午餐有四款選擇「XO醬四季豆肉片飯」加入XO醬炒好惹味，四季豆爽口，唔錯唔錯三個餐都跟飲品，份量十足，外賣仲有九折優惠，呢個價錢真心抵食

炒蛋正常，但係唔夠鹹，叉燒粒普通。菠蘿包絕頂難食。個皮又薄又霖，個包又乾又硬，好似隔夜一樣。 食完，心情大跌。侍應姐姐最坦白，話見到都知道唔好食，收銀姐姐堅稱菠蘿包係每日新鮮運到🤣🤣🤣， 畀完錢仲問我點解我話畀佢哋聽，其實我已經話咗畀侍應姐姐聽， 但係佢第一日返工，都唔知畀咩反應，唔知邊間供應商咁厲害，可以整到啲咁難食嘅菠蘿包， 我見幾個月之前其他食客食嘅菠蘿包，嗰樣都係正常。第一次openrice，提供食評，因為太難吃了。。。

晚餐時間想快食就試呢間出現少人龍嘅<<龍泉冰廳>>，叫咗個鐵板西冷扒/ 配薯條同黑椒汁同飲品只係$88 另外朋友叫咗焗豬扒飯 $60同埋香辣星州炒米粉$58細細個會好期待嘅鋸扒估唔到而家都有地方仲食到，個個牛仔鐵板真係充滿住童年回憶。尤其是將啲黑椒汁倒落鐵板時出晒煙同炸炸聲係我小朋友時最期待嘅畫面。而朋友叫嘅焗豬個炒飯底夠香口，醬汁濃厚。星州炒米粉嘅咖喱粉和黃薑令到好惹味，配料唔算話好多，但晚市都係五六十蚊就可以埋單，實屬平靚正之選。諗唔到食乜其實呢間冰廳都係唔錯嘅選擇因為真係好多嘢揀，下次再試埋其他再評價。📍銅鑼灣蘭芳道5號地下

記得冰室淨係識懷舊嘢， 冰室呢啲舊時代遺留落嚟嘅產物可以話係買少見少， 所以每一次去冰室食嘢我都會好珍惜。冰室可以食嘅大概都係經典嘅港式食物， 例如小菜呀碟頭飯同埋鐵板餐之類。Menu上面見到鐵板西冷牛扒喺呢度嘅經典之選， 咁我當然要試一試啦。鐵板餐最緊要有氣氛， 黑椒汁淋落鐵板嘅瞬間煙霧瀰漫， 黑椒味四散， 淨係呢一下已經值回票價！ 呢度嘅西冷牛扒 係預設熟成度， 大概都係well done啦， 不過無礙佢本身鬆軟嘅口感。 食得一讚嘅係佢個牛扒分量相當充足， 食完個餐我都飽曬。

其實冰室，冰廳跟茶餐㕔有什麼分別呢？我真係不知道，我只知食物選擇種類多，又以親民價錢吸引食客。我也間中幫襯㗎。鋸扒不一定要去扒房，高級餐廳之類。冰廳也可享用得到。黑椒汁是另上的，案自己喜愛加加減減。味道不會太辣，惹味。牛扒肉質不錯，軟腍，份量不少。配菜是薯條，一條接一條停不了口。餐湯是中式老火湯，感覺中西文化交融。有火喉，材料夠，清甜。懐舊紅豆冰非常好飲。紅豆煮得軟軟綿綿有口感。要求少甜恰到好處。

銅鑼灣多咗好多間新嘅冰室今次試左係蘭芳道既龍泉冰室🙌🏻店內環境都好寬敞 餐牌上嘅選擇都非常之多有懷舊嘅鐵板餐,小菜,小鍋米線,東南亞麵食,亞洲湯麵河,東瀛滋味等🤣真係好難揀食邊樣 款款都好吸引🙌🏻可能因為咁所以經常都滿座👫👭👫👭👫最後揀咗試小菜先 小菜套餐都會有配老火湯,白飯同飲品 當日老火湯係青紅蘿蔔湯 飲得出唔係味精湯👍🏻🌟招牌蔥油雞雞肉非常嫩滑 份量亦多配埋蔥油實在好味 送飯💯🌟燒汁茄子肥牛煲茄子同肥牛都整得非常入味茄子唔會好油完全唔會膩🙌🏻加埋肥牛真係好滋味👍🏻😋😋

今日黎到銅鑼灣行街，跟住就搵間餐廳休息下食下野，黎到呢間餐廳，係銅鑼灣地段黎講，真係第超所值。叫左兩個套餐，隨餐送例湯，今日係豬骨紅蘿蔔湯，非常香濃，係用高溫熬製而成，都唔算多味精，味道岩岩好，飲完都唔會好口渴。主食方面叫左個椒鹽金沙骨，炸到金黃色睇見都洗曬口水，食起重有驚喜，唔會好鹹，味道岩岩好，肥瘦適中，非常有口感。隨餐包咪飯，送飯食係最美味。另一款係咖喱牛腩煲，我個人就最喜愛咖喱，用黎送飯食一流，牛腩容易入口，軟硬適中。真係無選錯，鑊氣十足。跟餐重包咪杯野飲，我地叫左涼粉紅豆冰，呢個甜度適中，非常冰凍止渴，好似飯後甜品咁，非常滿足。凉粉配紅豆冰真係好配搭。

今晚同朋友一齊去銅鑼灣咁就大家都收咗工咁就揀咗間茶餐廳食，點知呢間茶餐廳幾有驚喜，因為食物都幾有質素，廢話少講大家睇下我食咗啲乜:油菜： 油菜就一定要食嘅因為點都要食下一啲纖維嘢幫助消化咁佢個油菜都幾新鮮。招牌蔥油雞: 呢個蔥油雞最有驚喜，因為都幾多蔥油 就係我最鍾意令佢撈飯 ，而雞都幾嫩滑，同埋佢呢隻雞我都食到有啲雞嘅鮮味。 整體嚟講我覺得隻雞都唔錯。椒鹽金沙骨:炸得香口酥脆，肉甜有嚼勁，損骨頭都幾好味，越食越滋味。 另外我就係鍾意佢呢隻豬唔係太瘦起碼有係半肥瘦， 可以 喺口裏面同肉都喺個口度浪下浪下，感覺好過癮。最後同朋友飲埋兩杯凍檸茶就閃人， 如果大家行開銅鑼灣嘅話，大家可以試下呢間茶餐廳因為我覺得幾有驚喜。

大食妹今日早少少收工, 去咗銅鑼灣搵朋友食飯經過呢間龍泉冰廳, 野食好似幾啱口味, 就入去食個晚飯晚市嘢食款式都幾多, 今日大食妹就想食小菜<時菜斑腩煲>大食妹嗌咗份時菜斑腩煲斑腩煲雖然唔係用煲上有少少失望, 但勝在斑腩份量夠多, 食落啖啖肉, 調味都唔錯<椒鹽金沙骨>朋友就嗌咗香口嘅椒鹽金沙骨金沙骨肥瘦適中, 用椒鹽同蒜蓉調味送飯一流仲有包一碗白飯同足料例湯, 唔使驚唔夠飽<奶茶紅豆冰>奶茶同紅豆冰好夾, 甜度啱啱好, 紅豆都好足料<雜果賓治>雜果賓治好地道, 生果用左超多罐頭生果, 汽水亦夠氣

難得今日和同事行遠啲食飯，黎咗龍泉冰廳，午餐時間當然人山人海，好彩呢間冰廳都算多位，又剛好有兩個位，唔使等！除咗一般午餐常餐，今日決定食d特別啲嘅，叫左「醬油炒蛋肥牛飯」（ $60 ）同埋「冬蔭功鮮蝦湯麵」（$65）share食。醬油肥牛醃得剛好，唔會太咸又夠入味，又唔算好肥，真係幾好食，仲有一小碟醬油另上，方便自己再加，仲有三色椒同沙律菜，而塊炒蛋都唔太細，整體黎講我俾90分。另外個冬蔭功就感覺似叻沙多啲，輕微辣，蝦有四隻，仲有索哂汁既豆卜和爽口芽菜，麵質ok.加錢可以叫飲品，飲品就要龍鳳檸樂，一罐可樂自己倒，咸檸檬既味唔算好特出，不過極之解渴。