黑門水產すいさん (Fashion Walk)

第一次食個感覺好差，想寫勸退文，雖然都覺得會被人洗走左個差評先講環境，揀得入邊坐就係唔想坐出面聞二手煙，而佢張枱居然門口到聞哂二手煙既味，直頭有懷疑過其實幾張枱都係因為人多臨時放（我明明去到既時候有其他空枱，而且我係有book 架）野食好一般，而且等到唔想等，首先我明今日係忙，但一開始得幾張枱，人又唔多，點解都出唔到好普通既野食，再嚟點餐係有困難，困難在於網絡差到連開網頁都要十分鐘，我明節日想sale套餐，但唔係連普通丼飯都無？ 而且我都唔係點平野，只係無點佢個節日餐，就等左個幾鐘😅 我最後要取消order ，唔係可能連佢閂門都未食到重點係佢明知忙，廚房做唔切但又要不停入新客，新客居然有啲仲早過個舊客有得食，只因為佢買套餐？ 散叫其實都唔平，唉😮‍💨

又到開心星期五，今日就同上司嚟食好嘢慶祝，就帶咗佢去公司附近嘅黑門水產，之前食過尖沙咀分店，銅鑼灣分店就未試過，原來超近公司，見到就好掛住大阪既黑門市場一入去就聞到好大嘅海水味，真係好似置身喺黑門市場一樣北海道蜜柑鯛薄切刺身食得日本嘢梗係唔少得刺身啦，我哋就叫咗個蜜柑鯛魚，真係切得超薄，好考功夫，配埋嗰個酸酸嘅蜜柑汁，又幾match海膽蟹味噌甲羅燒呢個超正，有海膽、蟹籽、鵪鶉蛋、蔥同蟹膏撈埋一齊，啲料好新鮮唔會腥，配搭梳打餅一齊，太多料一塊餅唔係好夠，所以叫侍應俾多塊黑門令大漁魚子醬脆脆包有蝦、蟹籽、三文魚子、魚子醬、吞拿魚蓉、海膽加個脆脆包，超級爆多餡料，又好新鮮，睇落都覺得好正，大滿足 金菇肥牛串，呢個都燒得唔錯黑門令四食有三文魚、吞拿魚、三文魚籽飛魚子迷你丼，再配個蟹膏蟹肉，仲有個蒸蛋、麵豉湯同沙律，份量好多，個蒸蛋好滑鹽燒鯖魚定食鯖魚燒得幾香又唔腥，不過食唔落白飯超滿足嘅一餐，我地兩個都食得超飽！

今日同細妹慶祝生日🎂去左銅鑼灣fashion walk到行街街食好西😋揀左呢間我地最愛嘅日本餐廳-黑門水產食lunch啦☺️佢地雖然位於銅鑼灣又咁高質，但lunch都超級抵食架😋＊＊＊＊＊🐟深海池魚薄切刺身 $268🍣三文魚腩刺身（4切） $118🦀海膽蟹味噌甲羅燒 $128我地單點左啲刺身，三文魚腩真係勁厚勁香🥹甲羅燒超濃郁之餘又唔會膩，真係十分之推介呀！🥳🍱黑門令四食 $338🍲日式安格斯牛肉鍋定食 $208轉Soba +$30午市套餐好抵食，會跟前菜🧆、茶碗蒸🍳、沙律🥗、同埋味噌湯🥣而且份量又大又高質😍＊＊＊＊＊

黑門水產同朋友去銅鑼灣行街順便搵地方食飯，加寧街個頭都好多野食，見到呢間日本菜餐廳，環境幾cozy，有室外亦都有室內座位，血拼完再搵地方舒舒服服坐喺度食埋個日本料理，what a good Sunday～深海池魚薄切刺身魚生薄切半透明狀態，魚肉好新鮮，魚身仲好有彈性，配合酸酸地嘅豉油，好清新，係一種刺身嘅開胃菜～海膽蟹味噌甲羅燒呢個甲羅燒都用咗好多配料，有蟹肉、飛魚子、海膽、鵪鶉蛋同埋香蔥，師傅燒完會再即刻送返上枱，食落口仲係熱辣辣，蟹肉味好香，仲有鵪鶉蛋香味，用嚟點紫菜梳打餅食都幾夾。黑門令大漁魚子醬脆脆包就好似一個好豐盛嘅刺身tart，多士燒到香脆，再配合吞拿魚蓉同埋海膽同埋三文魚子，表面仲有啲魚子醬同埋脆脆做點綴，整體口感好豐富滿足～味噌燒飯團飯團燒到好香脆，上枱仲熱辣辣👍🏻玉子壽司玉子都幾大舊，蛋味香甜。三文魚壽司三文魚都算新鮮，壽司飯底係用咗醋飯，Size唔會太大，一啖食落口啱啱好。燒雞腎 & 燒雞心師傅用咗少少鹽燒，唔會有腥味，亦都唔靭，唔錯。柚子生啤 Yuzu Draught Beer 幾特別，生啤底另外配左啲柚子蜜，令到啤酒冇咁苦，仲有啲柚子香。赤魚一夜干赤魚肉身比較

之前同同事嚟過呢間覺得唔錯，今日食Team lunch就提議咗同事食，大家都好鍾意好開心環境又好服務又唔錯 Menu價錢合理！百幾蚊至到二百幾好多選擇！因為今日天氣好凍，所以捨棄咗刺身嗌咗個煲！不過最後同事分享咗幾篇刺身俾我雖然上次都記得嗰個湯底有啲油膩，不過都係encore海鮮煲！海鮮好味，另一個同事都嗌海鮮，不過佢個魚多好多係尾部嘅位置！我嘅就係圖中嘅三個白色位後面嗰句都係冇嘅揀咗烏冬，但係其實佢本身入面都有粉絲嘅！不過我唔係食咁多碳水化合物都食唔晒！蝦唔係新鮮嗰種，但係蠔同埋沙巴就好好味有個同事嗌牛肉鍋就係咁嘅樣海鮮刺身don赤蝦塗左醬油，感覺係應該冇平時嘅咁新鮮先要咁做？銀鱈魚質素平平。 平時食開嘅好似好味啲，自己感覺呢度嘅質素應該比較普通，因為平時可能食開高級嘢同啲客。不過服務同埋環境都好舒服，而且大致上都好好味一串$48得兩件雞肝有啲貴如果嗌$38.1吋嘅雞芯就有四粒不過都係偏貴

Fashion walk 雖然喺鬧市，但往往比人旺中帶靜嘅感覺。今次同朋友去咗一間日式居酒屋 —黑門水產，店外店內唔止神還原居酒屋嘅建築，而且內裡都有唔少宮崎駿電影海報，盡顯佈置嘅用心🤍今次我地嗌咗幾樣餸，以海鮮為主打，每一道都食得出師傅嘅心機同食材嘅鮮味💕📍深海池魚薄切刺身池魚本身屬於肉質比較緊實嘅魚，不過薄切後刺身口感都非常爽口，點埋蔥香嘅酸汁更加令人開胃，讚👍🏻👍🏻📍赤貝壽司 （$138/一本）橙紅色嘅赤貝色澤亮麗，咬落口好爽脆，味道鮮甜濃郁，而且飯已經調左味，所以就算唔點任何醬汁都食到帶甘香嘅鮮味。📍 海膽蟹味喑甲羅燒 （$128）甲羅燒燒嘅時候真係香味四溢🤤 蟹膏蟹籽份量滿滿，加埋海膽嘅口感更加提升鹹香味，最後配埋梳打餅一齊放入口，脆脆嘅口感真係食到停唔到口！📍 鐵板宮崎柚子胡椒香蔥牛舌心 （$178）炒香嘅牛舌食落竟然有避風塘嘅風味，胡椒嘅加持令牛舌帶辣味，炒香咗嘅洋蔥份外香甜，不過牛舌略嫌實咗啲，但整體都係好食嘅。📍串燒脆燒白穴子串 （$98）— 呢個都係我地最愛嘅串燒，白穴子外脆內鮮，唔單止肉質肥美，亦嘆到本身嘅魚鮮味，超推薦！自家製免治雞肉串（$78）必點蛋漿，免治雞

門外開始已經怖置到好似日本居酒屋咁🏮，即刻有去咗日本嘅feel北海道蜜柑鯛簿切刺身蜜柑鯛帶有淡淡橘香,而且沒有魚腥味赤貝壽司赤貝肉質外層爽脆，內裏鮮嫩，鮮甜極上大漁貝燒有齊蝦，蠔，帶子同海膽，勁滿足！牛油味好香又冇搶走海鮮嘅甜黑門令海鮮茶碗蒸極足料，飽魚勁大件，伴埋魚子醬蜆同三文魚籽，推！酒釀生螢烏賊最佳伴酒小食，醬汁濃郁，有淡淡酒味炭燒明太子雞翼（3本）去骨雞翼包住微辣明太子，皮脆肉嫩，雞味濃郁黑門令關東煮份量好足，有齊常見關東煮嘅蘿蔔、獅子狗，蛋，魚糕，芋絲同蒟蒻等。清甜高湯好入味，啱晒一班朋友分享黑門鰻魚玉子燒呢個勁驚喜，玉子燒除咗食到甜味同蛋香外，一咬開就會滿滿鰻魚汁沖出嚟，推！

香港人人人都鍾意食日本嘢, 連我都唔例外工作咁忙, 無時間飛去日本, 最岩就係留係香港食日本野😋今次嚟到銅鑼灣揀咗呢一間勁有日本feel嘅餐廳同老公撐枱腳入到去已經比成個裝修吸引住，真係超靚，同埋簡直係覺得自己去咗日本黑門市場咁😂所有點餐都是用QR code落單的, 嚟之前都有做啲功課見到好多人都有叫甲羅燒, 所以我哋就叫咗一個海膽蟹味噌甲羅燒, 另外再點了刺身, 反卷, 串燒同主食....每樣嘢都好好食, 我自己就最鍾意格羅燒，極上大漁貝燒👍👍味道岩岩好, 而且燒得岩岩好, 我同老公都好鍾意至於主食方面, 黑門三文魚加洲反卷份量又足料又正✨另外海膽櫻花蝦海鮮炒飯, 勁多海鮮, 啖啖都食到魷魚同櫻花蝦, 海膽份量都算多不過2個人始終胃口有限, 下次叫埋一大班fd 食就最岩, 可以叫多幾款野食😂整體都好好味, 另外, 店員都好好, 加茶都加得好密, 推介!!!

📍銅鑼灣今日又嚟到開咗好耐嘅黑門水產食夜晚飯。大概5:30就去到，暫時都比較多位，可以選擇戶外同戶外。$268 深海池魚薄切刺身池魚刺身份量都幾多，切得幾薄，晶瑩剔透。$118 三文魚腩刺身（4切)三文魚腩，厚切，肥美。$216 黑門令大漁魚子醬脆脆包 x 2呢個打卡都好靚，有海膽，吞拿魚蓉，蝦，魚子。口感好豐富，一次過食到幾種配搭。$108 黑門帆立貝伴魚籽醬帆立貝外面燒得焦香，入面仲係刺身，配埋魚子醬，超正。$128 海膽蟹味噌甲羅燒第一次食海膽味嘅格羅燒，唔會好鹹，配埋塊餅啱啱好。份量都幾多，海膽都見到好多。$78 海底之心呢一杯有酒精成份嘅飲品，打卡好靚，女仔一定鍾意，酒精唔太重，啱晒女仔飲。$38 枝豆枝豆都好好食，配酒一流。$78 磯燒白蛤6本呢個超大隻蜆，有六隻，仲要配埋超多牛油燒，好邪惡，肉質鮮甜，都大隻。$58 雞髀肉大蔥卷 一串雞髀肉好嫩滑，燒得好香。

黑門水產すいさん (銅鑼灣)📍銅鑼灣加寧街5-7號Fashion Walk地下C及D號舖🤍深海池魚薄切刺身 $268師傅刀功好好，深海池魚切得非常薄身，肉質好新鮮鮮甜，正🩷🤍三文魚腩刺身（4切） $118三文魚腩界開左十字花，油脂感好重好香👍🏻幸福幸福☺️🤍極上大漁貝燒 $138🤍蟹油蒜燒帆立貝 $98同朋友一人嗌左一款不同口味去試試，極上大漁貝燒岩晒貪心的我，好豐盛，大大隻帆立貝配上蝦、蠔、海膽、魚籽！賣相都一流🤩另一款就有好香的蟹油同重蒜🥰加上野菌👏🏻好味好味！🤍黑門令蟹味噌甲羅燒 x2 $196呢款係我同朋友的最愛，每次食水產都少不了佢！味道好濃郁，每一啖都令成個口腔充滿著白氣，食到後段配上脆口餅乾，會無咁膩加上有不同口感☺️🤍磯燒烏賊 $98烏賊燒得好香🦑唔會太乾保持到水份，又有咬口。🤍磯燒白蛤6本 $78白蛤比我們想像中大隻，而且處理得好好，肉質好滑嫩😋🤍黑門令龍蝦湯煮海鮮 $108最後個湯真係甜到一個點，天氣凍凍地配返個湯好溫暖，海鮮都是很足料的啊！/味道 🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟

銅鑼灣美食多，但行完街又要方便的，我會選擇Fashion Walk 的「黑門水產」。喜歡日本料理嘅我，一定會揀佢。海膽蟹味噌甲羅燒 $128海膽+蟹膏+蟹籽+鵪鶉蛋，本身每種食材都好新鮮有鮮味，配合一起烹調的甲羅燒，濃郁的蟹膏味更上一層。極尚大漁貝燒 $138元貝+蝦+𧐢，不同嘅配搭，不同的鮮味，但同樣烹調出極上鮮甜的漁貝燒。北海道密柑鯛薄切刺身 $238薄薄的刺身 ，每片都覺得透光，盡顯廚師的刀工，令到口感嫩嫩而不膩。黑門大漁稻庭烏冬 $288稻庭烏冬比一般烏冬幼細，放在竹簾上晾乾。這個晾乾的過程使得麵條更加堅韌和彈性。加上三文魚子、蟹籽、黑魚子和海膽，鮮味之餘，各種魚子在口內爆珠珠，口感層次咁豐富。黑門角切海鮮沙律 $108口感清新又醒胃自家製牛蒡漬 $58Menu 選擇非常多

銅鑼灣嘅🌟黑門水產🌟，主打海鮮磯燒🔥，店內自設魚缸🐟，即叫即撈即劏🪸，保證新鮮✨！🐟北海道蜜柑鯛薄切刺身 $238魚肉甜味優雅，細嚼下有橘子類嘅清新！🦀海膽蟹味噌甲羅燒 $128加入味噌嘅甲羅燒，又香又濃，來自蟹肉蟹膏嘅鮮味不停咁衝擊味蕾！🐚牛油燒帆立貝 $88🪸極上大漁貝燒 $138超級肥大厚肉嘅帆立貝！Basic牛油燒已經好突顯到鮮甜味！加埋生蠔、三文魚子、海膽、海蝦嘅極上大漁貝燒，將多種鮮味濃縮到貝肉中！🥗黑門角切海鮮沙律 $108醬汁香濃，有大量角切嘅魚生粒粒，真係魚多過菜！🐟香蔥吞拿魚腩丼 $238吞拿魚腩蓉多到完全睇唔見啲飯，大量嘅炸大蔥絲同埋蔥碎提升香味！🧈黑門鰻魚玉子燒 $98甜甜嘅鰻魚汁，加埋厚身嘅玉子燒，配搭得宜，唔錯！💚枝豆 $38佐酒必備嘅前菜！

經過見到個門面同埋裝修已經有種去咗日本嘅感覺🎉🇯🇵而且服務都好好，呢樣好重要啊🥰柚子胡椒豬骨湯豚肉鍋($268)湯底同豚肉好夾，完全帶得出鮮味，清新得來又開胃，仲可以追加蔬菜或者蕎麥麵👍第一次食呢種叫做魴彿魚刺身($328)一食就知新鮮，唔會太油膩，少少爽，滑得嚟啱啱好，亦唔腥，食食下就食咗好多件😳三文魚腩刺身就唔使講，超肥美😛勁好味👍海膽蟹味噌甲羅燒($128)竟然係我覺得最好味嘅嘢😋記得之前出去食係冇咁鮮味，可能加咗海膽，濃郁得來口感超級豐富，全晚全部食材都食得出好新鮮，好高質👍

又好想食日本嘢啦😋聽朋友講尖沙咀嗰間幾好食，所以今日出銅鑼灣做完嘢就過嚟食呢間環境幾舒服，仲有戶外位置，可能出面有feel啲，加上又唔係好凍，好多人都揀坐出面我就鍾意室內啲裝飾，真係好似去咗日本嘅居酒屋咁餐牌～出名甲羅燒同貝燒，我地都有叫到其中一款貝燒北海道蜜柑鯛薄切刺身刺身好新鮮，個汁酸酸甜甜好開胃鱈魚白子呢個係見熱門有，我地未試過就叫嚟試下好好食！表面輕輕燒過，咬落去好軟，口感好正個汁都係酸酸地咁極上大漁貝燒燒之前侍應拎過嚟俾我地睇下影張相先跟住就會拎返入廚房燒～好多料有蠔、海膽、三文魚籽、帶子同蝦食落好有鮮味正！黑門三文魚加州反卷日本海膽軍艦三文魚腩壽司吞拿魚壽司海膽好鮮甜，推薦！三文魚加州反卷好多料而三文魚腩壽司同吞拿魚壽司都好厚肉，幾好食酥炸雞軟骨好食！炸到好脆，一食就停唔到口

首先，我地點左北海道秋刀魚，鮮美多汁，經過精湛的料理技巧，保留了魚本身的原汁原味，每一口都能感受到魚肉嘅鮮嫩，同時外皮又好香脆。🐟🌊接下來，品嚐北海道蜜柑鯛薄切刺身，呢一道生魚片料理非常出色，以薄切的方式呈現，口感鮮嫩，魚肉帶有淡淡的甜味。🍊🍣除此之外，我哋重點咗呢度嘅招牌菜，味赤鬼蟹味噌甲羅燒。這款菜式獨具創意，蟹味噌濃郁香濃，淋在新鮮的赤鬼蟹身上，經過炭火烤製，蟹肉鮮嫩多汁，帶有微微炭烤香氣。🦀🔥另外，我亦都點咗壽喜牛肉鍋，優質的牛肉片搭配新鮮的蔬菜，入口融化的牛肉質感令人陶醉，湯底濃郁香濃，好暖胃，入邊嘅蔬菜亦都非常健康。🍲🥩最後，我點左海老天婦羅，外脆內嫩的海老，肉質爽口彈牙，搭配薄炸的冬姑和青椒仔，口感酥脆，味道豐富。🍤🍄