黑門水產すいさん (Fashion Walk)

名店坊不嬲多好野食，最近又多間日本餐廳。由尖沙咀開到嚟呢度，和風裝修應該都唔會陌生。電子落單，壽司刺身，浜燒小食，應有盡有。深海池魚薄切刺身$268深海池魚清、甜、爽並重，酸汁開胃又提鮮。赤貝壽司（一本）$138大隻赤貝新鮮爽甜，配赤醋飯達到更佳的享受。日本海膽軍艦 $128海膽夠澎湃，近乎跌落嚟，望到都心郁郁。左口魚鰭邊壽司 $128炙燒過既左口魚鰭邊迫出魚油香，令人難以抗拒。黑門令大漁魚子醬脆脆包厚脆包，吞拿魚蓉，海膽，魚子醬，蝦，蟹籽蟹肉，仲有魚子醬，將所有新鮮食材一啖過啪入口，充滿滿足感。極上大漁貝燒 $138帆立肉、蝦、蠔、魚子多款海鮮用浜燒方式將鮮味融合。

（多圖少字系列） 今晚去左銅鑼灣fashion walk food street食黑門水產居酒屋，成條街都好有氣氛， 呢個天氣坐outdoor 都好舒服，又可以帶狗狗🐶☺️ 餐廳上菜比較慢， 都冇咩人手主動斟水收碟。 黎居酒屋都預左貴，呢間性價比唔高。 火炙A5神戶和牛 同極尚壽司盛盒（12件） ； 都分別HKD498 一份架啦 。食物質素都靚靚仔仔打得卡， 食左咁多樣都好味 冇中伏 ， 但真係細份左啲。 最好打左底先黎食😬 人均HKD700

如題，質素低下的貴價餐廳；米飯三十蚊一個，大陸米；壽喜燒冇一樣係日本野，牛肉係超市最cheap 美國牛，但三舊幾水一個；菜色比一般餐廳貴幾成又唔特別好…. 本來見想食返餐好少少嘅日式晚餐，點知去錯曬不過個玉子燒係ok 嘅，都夠熱亦好食

喺銅鑼灣睇完戲，見時間啱啱好6點零，就去咗食個早飯，之後再去睇戲🤣所以去咗fashion walk燈膽街嗰到搵嘢食！一睇就見到黑門，諗起大阪，於是就入咗去食😍😍一打開menu就比個反卷吸引咗，係赤鬼海路老天反卷。海老即炸，食落熱辣辣，配埋佢特別嘅醬，唔洗點wasabi同豉油都好香好夠味。刺身就嗌咗個鯛魚，配咗蜜柑汁，點埋啲汁酸酸地，好夾，唔點就依然可以食到鯛魚嘅鮮味，魚肉彈口，好新鮮。刺身仲嗌咗三文魚腩，每切都好厚，食落好香三文魚味，加埋少少wasabi，食落口浸味仲出咗，超正。一講大阪就諗起甲羅燒，所以就嗌咗個海膽蟹味噌甲羅燒，拎去燒之前就緊係要打返張卡，見到啲蟹膏勁多，加埋海膽，色好靚。燒完出嚟超重蟹膏味，配埋餅乾食，就可以中和濃蟹味，但我自己就鐘意成啖蟹咁食😍😍呢間嘅鐵火卷特別之處係佢用咗赤飯，即口即握，吞拿魚都好親鮮，又大件。雞心唔係到到都有得食，即叫即燒，好香口。鰻魚飯勁大兜，鰻魚又勁大條，夠2個人食。豚肉湯牛肉稻庭烏冬個湯底非常香，豚味濃，加少少麻油，牛肉半生熟，好嫩口，直頭成碗湯飲咗！

難得今日放假，當然要去吃好西所以就上OpenRice 睇下銅鑼灣有咩食日本餐廳推介，最後就選擇了黑門水產。餐廳環境好舒適，裝修亦很雅致，還有好日式水產市場感覺，而且乾淨衛生。我們先點了深海池魚薄切刺身，鐵板宮崎柚子胡椒香蔥牛舌心和蟹油蒜燒帆立貝。池魚刺身肉質肥美鮮嫩、口感細膩，搭配醬油很有風味。鐵板宮崎柚子胡椒香蔥牛舌心肉質鮮嫩，搭配宮崎柚子的酸甜風味和胡椒的辛香，以及香蔥的芳香，味道豐富多層次。搭配米飯或配菜一同享用，非常增添食欲。蟹油蒜燒帆立貝，師傅燒得剛剛好，帆立貝的鮮嫩口感配上濃郁的蟹油香氣，味道豐富而鮮美，非常鮮甜，值得一試。我們再點了明太子山藥，黑門大阪燒，海膽天婦羅及蒲燒鰻魚飯。山藥口感爽甜，配上明太子的鮮香非常合拍。海膽天婦羅也很有特色，香脆的天婦羅配上甜美的海膽形成很獨特的口感。蒲燒鰻魚飯份量很充足。鮮嫩的鰻魚燒得剛剛不會太乾，配上甜美的蒲燒醬汁，非常開胃餸飯。整體來講，服務好，味道又好，真係放假好去處

位於銅鑼灣主打水產的日式居酒屋。以前吃過尖沙咀分店已經印象深刻，便決定和朋友再戰銅鑼灣分店。餐廳門面仿照日本的居酒屋風格，彷如置身日本漁巿場；而店內的裝潢以昭和風為主，店內掛滿日式油畫及燈籠，更有一個大魚缸，氣氛滿滿。 ⋆_____ᴛᴏᴛᴀʟ ᴏʀᴅᴇʀ______⋆* 深海池魚薄切刺身 $268* 活北寄貝刺身 (一本)  $268* 油甘魚刺身 (4切) $118* 海苔酒盗燒帆立貝 $98* 黑門令龍蝦湯煮海鮮 $108* 海膽天婦羅 $188* 海洋之心 $78   ___⋆ ⋆ ___  ✿ 深海池魚薄切刺身池魚味道清爽，口感甘甜；除了可蘸芥末醬油外，更可以蘸沾餐廳特製的酸汁，口感更順滑.✿ 活北寄貝刺身┆油甘魚刺身活北寄貝肉厚爽脆，味道鮮甜，比起一般冷凍的北寄貝味道更濃郁更細膩；而油甘魚刺身厚厚一片，肉質爽口且充滿彈性，口感很實在。.✿  海苔酒盗燒帆立貝帆立貝大隻厚肉，店員會先上菜讓我們拍照後才開始磯燒；燒後海苔香味突出，帆立貝質地厚實，彈牙鮮甜，湯汁滿瀉。.✿ 黑門令龍蝦湯煮海鮮雖然只是小小一碗，但食材非常豐富，有生蠔、大蝦、八爪魚等等；店員也是同樣先讓我們拍照才開始烹

啱啱係日本旅行完返黎香港，轉頭又想食日本菜喇。今次同友人慶祝生日，嚟到銅鑼灣名店坊嘅黑門水產，一於品嚐新鮮水產，盡興一番。餐牌內菜品選項應有盡有，包括刺身壽司、濱燒、燒物、炸物、一品料理等等。小型聚會或者好多朋友一齊聚餐都會好合適，一定揀到心水菜式。餐廳裝修幾有日式居酒屋熱鬧嘅感覺，既然叫得黑門水產，我哋就點啲海鮮試吓有幾新鮮。甲羅燒有專人服侍，有三文魚子、蟹膏、鵪鶉蛋、明太子，味道香濃，配餅乾食用。見到盤刺身盛六點上菜都好開心，件件都厚切色澤均勻，鮮甜有水準。生蠔搭配咗青檸味嘅啫喱碎，可以提鮮。熟悉方面，我哋就叫咗鐵板牛舌，渣渣聲熱辣辣，牛舌有嚼勁，幾啱飲返杯。蟹油辣椒炒魷魚夠香辣惹味。整體價錢都符合銅鑼灣區消費，而食物都有相應水準，值得一試。

好耐之前已經約左朋友仔去食日本野，搵左呢間黑門水產，連個名都係日本既味道，好期待。好，坐低睇下有咩好食先。黑門令大漁魚子醬脆脆包，好kawaii既包包，上面有吞拿魚蓉、海蝦、海膽、魚子，一啖咬落去食到各樣海產既鮮味，好豐富既口感。鱈魚白子，白子有輕輕炙過，配埋個秘製醬汁，微微酸，都幾特別。蟹油蒜燒帆立貝，超厚身厚肉，燒完配合乾蒜味道好香口。黑門令蟹味噌甲羅燒，店員推介signature，蟹膏拌埋鵪鶉蛋有種黏稠感，令膏味更岀色。壽司盛盒，壽司握得好好，飯唔會散，而且食才材新鮮。黑門鰻魚玉子燒，玉子燒好軟綿，包住醬燒鰻魚，口感軟彈鬆，暖笠笠既玉子好香蛋味。

$388(未加一)一個刺身lunch set 。好可惜唔新鮮，海膽有腥味，吞拿魚霉霉地，其他刺身都無鮮味可言，菜有菜蟲，洗得唔乾淨？成個set得漬物同蒸蛋正常發揮。呢個價錢，係銅鑼灣絕對可以食更好嘅。好失望，服務方面，侍應無加過茶，但當時得兩枱客，無人問津。明白現時舖位租貴，出售貨品價錢亦高，但食物質素先係留到客嘅原因，裝修得再似日本，食入口卻不知所以，都好諷刺。做好基本(食物質素)，客人自然會來啦。

呢間店有好日本既感覺,鍾意食水產,佢又似係主打海鮮,就同朋友黎左食。先左鯛魚刺身,個醬汁酸酸地好開胃,似係加左醋。鯛魚片到好薄,好似透明咁,好特別,係新鮮既。白子好肥美又補身。熟食就叫左條燒秋刀魚,好香,魚肉亦好緊緻,加埋檸檬汁,鮮味大大提升。比目魚都唔錯,個皮好香脆,魚好鮮美。甲羅燒超正,一定要食。裡面有蟹膏、海膽、蟹子、蔥、蟹肉同埋eggs,超豐富,店員燒完後,我張d醬mix埋紫菜梳打餅食,超正!最後要追加梳打餅。另外仲叫左個海鮮茶碗蒸,都係有海膽既,好味又新鮮,蛋好滑流。

餐廳提供多款日式料理，刺身、浜燒、貝燒、漬物、揚物、鍋物、天婦羅、一品料理、沙律、食事、清酒、生啤、特飲、甜品。黑門令大漁魚子醬脆脆包：魚子醬、海膽、蝦、三文魚䰵、吞拿魚蓉，鋪滿在脆餅上，口感很豐富。鱈魚白子：白色乳狀質地，口感柔滑綿密，很高營養價值。海膽蟹味噌甲羅燒：將海膽、蟹肉、蟹䰵、鵪鶉蛋，燒香後再釀番入蟹蓋，香濃又鮮甜既蟹味，充斥著整個口腔。黑門角切海鮮沙律：酸甜沙律醬配上三文魚、蝦、油甘魚、蕃茄、紫椰菜、炸蓮藕片，開胃前菜。蒲燒鰻魚飯：鰻魚燒得香口，魚肉滑溜無碎骨，加埋個甜甜哋既鰻魚汁，撈飯一流。豚肉湯牛肉稻庭烏冬：牛肉嫩滑，牛味濃郁；稻庭烏冬細滑彈牙，配上帶甜既豚肉味濃湯，掛湯力十足。赤子草莓：迷人既粉紅色，感覺清新。巨峰乳酸：充滿巨峰提子既清甜香氣。總結，食物質素高，擺盤精美，性價比高。

每次想吃日本海鮮時必定到黑門水產🦐除了用材新鮮外味道都十分驚喜 是不能錯過的寶藏餐廳啊✨🐟北海道蜜柑鯛薄切刺身散發淡淡的柑白清新而沒有腥味外表晶瑩通透口感鮮嫩細膩🍞黑門令大漁魚子醬脆脆包主要材料包括魚子醬、海膽、三文魚籽、吞拿魚蓉、甘蝦、蟹肉及蟹籽鮮味滿分💯每口都是滿足感十分推薦🌟🌟🌟🦀赤鬼蟹味噌甲羅燒招牌菜式✨蟹蓋滿滿的蟹膏及蟹肉🦀️鮮味滿瀉🥰與鵪鶉蛋🥚一同攪拌口感甘香幼滑 蟹膏香濃郁十分推薦🌟🌟🌟蟹痴萬萬不能錯過🍳黑門鰻魚玉子燒即使打卡了一段時間玉子燒仍然入口暖笠笠口感鬆軟加上香甜蒲燒的鰻魚增添層次感🐚黑松露白汁燒帆立貝黑松露味道突出伴隨濃郁的奶香味帆立貝完全滲透醬汁值得一試✨🍡燒小章魚丸6本外表金黃香脆內裡軟糯是經典中的滋味

又想食日本野，好掛住大阪黑門市場，未有飛日本計劃就食住香港既黑門水產先啦~今日來銅鑼灣分店，店鋪面積好大，提供日式浜燒水産黑門市場的地道特色小食、海鮮、時令食材等，都設有1人座位，照顧不同食客需要😝✨海膽蟹味噌甲羅燒 $128甲羅燒係餐廳招牌之一，今次加左海膽，鮮味好濃，單以梳打餅拌甲羅燒，更加食到濃郁蟹膏味，再加上海膽，入口更加creamy🥰✨黑門大漁冷稻庭烏冬 $288呢個應該係食過最豪華烏冬之一，配料有海膽、三文魚籽、魚子醬等，睇個樣都覺得好新鮮，烏冬食落爽口，加埋配料食增添鮮味😎✨鱈魚白子 $168外層輕輕火炙之後, 搭配柚子醋，更添鮮味，食落入口即溶☺️✨岩手縣赤崎生蠔 $98蠔肉大隻兼爽口，味道濃郁，口感爽口，充滿蠔味🤤✨牛油燒帆立貝 $88帆立貝大大隻，口感Q嫩彈牙，牛油味香濃😝✨黑門令大漁魚子醬脆脆包 $108/一塊脆脆包上面擺滿豐富配料，有海膽、三文魚籽、吞拿魚蓉、魚子醬等，口感豐富😍

去日本好興行到夜一夜然後去居酒屋大吃大喝。今年年假用哂，但我自製浪漫，搞左個日本之夜，先去Sogo同激安買聖誕禮物，再黎到呢間居酒屋食全海鮮宴。 🍖 首先當然由刺身開始，吞拿魚一定要食大拖羅，但佢就同A5和牛一樣，油份豐富，所以食幾舊就好漏。呢度就好聰明咁加左牛篣絲同海苔，我話海苔唔係紫菜，係因為佢發出既香氣比紫菜濃，而且咬落係脆但較紫菜林身。成件事就變得輕盈，又加倍魚既油香。 🍖然後再食白子，佢唔腥又混合酸甜清新既醋汁，當堂重開個胃去反十成空間！ 🍖係食正餐浜燒之前，先食條赤魚一夜干都唔錯，魚肉厚實又醃得咸淡得宜，畢竟又夜又攰，有的充實野到胃特別滿足。 🍖主菜太令人期待啦，清酒蜆，燒海蝦，燒生蠔，全部不鮮不食，但係講到最新鮮一定係鮑魚，上枱影相仲係咁郁下郁下，燒好時口感爽彈但唔痴牙。 ✨️講真，裝修味道真係好有日本食浜燒感覺，當然唔係100%還原，但的確可以一解鄉愁！

好耐之前就試過尖沙咀嗰間黑門水產，今次就試吓港島區呢間分店😊銅鑼灣呢一間嘅菜單同埋環境都同尖沙咀嗰間差唔多，不過位置就更加寬敞～北海道蜜柑鯛薄切刺身係時令刺身非常新鮮，亦都係店主推介俾我哋試嘅😋鯚魚真子一開頭唔知咩嚟知道咗之後就🤧😂不過其實味道幾好，咬落去味道濃郁，好似食緊蟹膏咁，配埋酸汁都幾清新🤪海膽蟹味噌甲羅燒好好食😋不過因為味道太濃郁，如果多幾塊餅配搭就更好啦🫃🏻黑門三文魚加州反卷個卷好靚，啲配料新鮮靚色，三文魚肥美，令人食落好有滿足感❤️黑門今海膽櫻花蝦海鮮炒飯個人至愛係佢地嘅海鮮炒飯，啲海鮮甜爽口，炒飯香口又唔會油膩😁蔥吞拿魚腩卷黑門大阪燒再嗌咗少少小食，兩款都唔錯～總括而言，呢間餐廳嘅食物質素真係唔錯，新鮮嘅食材同獨特嘅口味組合，值得一試！😍