黑門水產すいさん (棉登徑)

營業中

休息中

彷彿開啟平行時空門，一步踏進日本。活北寄貝刺身一本百分百鮮味， 無庸置疑一定是最新鮮的， 廚師刀功非常了得， 將不同部分口感分割開， 將刺身添上多重的口感。黑門令蟹味噌甲羅燒服務員將整個蟹蓋及食材呈上， 可見其對自己的真材實料非常有信心，亦替我們放上爐燒， 燒好後把紫菜梳打餅墊底， 炸蒜頭放上面， 蟹膏味極之濃郁， 幾重口感在口中揮發，絕對值得一試。串燒白穴子串這個真是值得一贊，師父把串燒燒得非常脆口，乾身而引發出的食物本身的油脂， 而且把魚皮燒得非常脆口， 脆柔油香，一口滿足。三文魚牛油炒雜菌牛油炒雜菌已經是標準配置了， 原來配合三文魚，帶出另類的香， 絕對是另一番風味。蟹油辣椒炒魷魚鹹香味非常充足， 作為佐酒物絕對一流。明太子大魚炒飯生及熟明太子各自配合， 飯粒軟淋， 辣味後勁凌厲， 令你意想不到。三文魚腩壽司吃得出食材的鮮味， 雖然沒有特別驚豔的味道， 但絕對是高水準的食物。黑門三文魚加洲反卷大大片三文魚內裡夾著大大嚿牛油果，這樣的配搭絕對是 perfect match

有時經過尖沙咀見到黑門水產都係好多人，排長龍。今次放工之後終於約咗朋友去試一下。👍😊餐廳門面裝修好有格調，木系識裝修完全令你感受日本居酒屋嘅感覺。店員非常熱情招呼周到，值得一讚。👍👍😀真係勁多人去食黑門令蟹味噌格羅燒滿滿嘅蟹膏係蟹殼上，店員會喺你面前幫你燒好。再配上餅乾嚟食，配搭好新鮮。當作前菜一流。蜜糖芥末火焰安格斯牛沙律從來都冇諗過蜜糖同埋芥末可以咁襯🤣一種係甜、另一種係少少辣，溝埋好開胃，仲配上靚牛肉。掂脆燒白穴子串爽口彈牙、火候控制得好、食落唔會油膩。長崎本鈞池魚一個餸兩種食法，首先池魚料理、包上紫菜食、再加啲豉油一口咬落去。另外就係池魚刺身，食材好同新鮮，就咁食都好好食，而味餸幾有驚喜。煙燻三文魚活火山首先佢擺設好有心思，一片片煙燻三文魚切成一座山，裏面有壽司。份量十足。酥炸雞軟骨雞軟骨揸得唔會好乾身，亦都好脆。黑門角切魚生丼角色各類嘅新鮮既魚生，配上一啖白飯加點豉油，無可挑剔。黑門大塊燒大大份，又唔會整得太鹹，醬落得啱啱好。正👍🏻其他菜式小總結：餐廳菜式質素非常高，店員有禮嘅服務，我感到非常滿意。

有去過大阪嘅，一定聽過黑門市場呢個地方。喺香港掛住日本，想食磯燒又想食刺身，不妨試下呢間黑門水產。我地平日嘅夜晚8點半去到，全店滿坐，食到10點都一直有客入黎。大家記得要book位呀！店員介紹必食甲羅燒。甲羅燒有三款選擇，分別有赤鬼明太子蟹味噌、黑門令蟹味噌同埋海膽蟹味噌。我地就嗌左黑門令蟹味噌甲羅燒。↘ 黑門令蟹味噌甲羅燒 $72三款甲羅燒都有蟹膏、蟹籽、蟹肉同鵪鶉蛋，而呢款最著重係蟹味。蟹味真係好出，好香濃，亦好甜。由於有蟹籽，每一啖都會食到「索索聲」，口感豐富。真係必食嘅菜式。↘ 極上大漁貝燒 $98呢樣都係店員推介，同甲羅燒一樣，店員拎去燒之前會拎黎俾客人影相先。有海膽、帶子、蝦、蠔等等。燒完出黎貝殼上嘅汁先係精華，集結曬所有海鮮嘅鮮甜。另外仲叫左以下其他菜式都好好食，脆脆包、安格斯牛肉沙律、酒襲釀烏賊都好特別。↘黑門令大漁魚子醬脆脆包 $176↘酒釀生螢烏賊 $68↘蜜糖芥末火灸安格斯牛肉沙律 $128↘三文魚刺身 (4切) $78↘黑門大阪燒 $88↘大阪木津海鮮丼 $188

上星期五跟朋友光顧了尖沙咀棉登徑的黑門水產すいさん。店裡店外都充滿日本的味道，彷彿置身於日本。**海膽燒帆立貝 ($88) / 海膽蟹味噌甲羅燒 ($78)我們共叫了兩個燒物，由店員即場為我們烹煮。帆立貝非常大隻和新鮮，海膽非常濃郁，淋上調味酒令兩者鮮味更突出。而甲羅燒將蟹膏、蟹籽、蟹肉和鵪鶉蛋放在爐上慢火烹調而成。蟹膏味超級濃郁鮮甜，用淡味梳打餅襯托更加突顯其味道！**黑門令海鮮茶碗蒸 ($88)海鮮超級足料，份量比蒸蛋還要多。包括鮑魚﹑蜆肉、蠔、八爪魚等，上面鋪上魚子和三文魚籽，底部的蒸蛋吸收所有海鮮的精華。**辣酒煮活鮑魚 ($98)**鮑魚肉質Q彈，口感紮實。搭配辣酒汁，讓鮑魚的鮮味得到充分的釋放，辛辣中帶有一絲鮮美。**炭燒味淋魚乾 ($98)雞泡魚烤得恰到好處，唔會太乾身，甜甜地有咬口。**黑門角切海鮮沙律 ($98)新鮮沙律菜加入蝦﹑三文魚和吞拿魚粒，剌身夠鮮甜，加上沙律醬十分開胃。上面的炸蓮藕片意外地好吃。**赤鬼海老天反卷 ($168) / 黑門三文魚加州反卷 ($128)最後我們點了兩份卷物。天婦羅炸蝦外脆內軟，配上三文魚子和特製的微辣明太子醬，十分惹味！而三文魚反

一家人好掛住日本🥹經朋友介紹就去左呢間度試下，黑門水產好近我哋屋企😆呢日我哋食左好多野😍勁飽😝我哋叫左👇🏻🇯🇵🦀黑門蟹味噌呷羅燒必食❣️蟹蓋上有大量蟹膏、蟹肉、蟹籽、鵪鶉蛋燒完撈埋一齊食😋蟹膏特別濃郁鮮甜😛加埋梳打餅🫰啖啖滿足🤗🇯🇵🍣黑門極黑鮑海鮮太卷呢個太卷好出色☺️第一次食有鮑魚嘅太卷😍好足料啊🤩入邊有鮑魚、三文魚、魷魚、油甘魚、甜蛋、蟹柳、青瓜絲✅夾起嚟完全唔會鬆散😚面頭仲有三文魚籽😉真係會追住嚟食🤭🇯🇵🍄鐵板燒海鮮雜菌鐵板炒海鮮🔥上枱熱辣辣🤭滿滿嘅牛油味包住🧈仲帶住香噴噴嘅黑椒🧂送酒一流🍶鮑魚、海老、魷魚、金針菇、冬菇✅🇯🇵♨️黑門海鮮茶碗蒸食過最足料嘅茶碗蒸😍有鮑魚、硯、魷魚、魚籽等✅啲蛋好滑🤗完全索曬海鮮嘅鮮甜🤤真係大滿足☺️🇯🇵🍱大阪木津海鮮丼肥美嘅刺身有6款🐟再加埋魷魚、三文魚籽、飛魚子、芥辣八爪魚、甜蛋、海膽✅款款都好新鮮😚🇯🇵🍗黑門炸雞炸雞好大件😱酥脆嘅外皮包住爆汁嘅雞肉🤤點埋沙律醬😂美味同邪惡並存💯🇯🇵🥗黑門角切海鮮沙律抵食之選🙌🏻三文魚、蟹籽、油甘魚、甜蝦✅蓮藕片🌱車厘茄🍅大量沙律菜🥬酸酸甜甜好開胃💖會再嚟食😍好高質👍🏻

黑門水產居酒屋，之前一直都想去食吓嘢，今日同朋友喺尖沙咀行完街，立即去食晚飯。餐廳位置就在K11對面的棉登徑，非常方便。黒門令蟹味噌甲羅燒 $72蟹膏嘅味道好濃郁，加埋蟹籽、蔥和鵪鶉蛋一起燒，質感Creamy ，非常鮮味，配以梳打餅一起吃，非常美味。磯燒富山灣營光魷魚 🦑 $98一向以為螢光魷魚就只有漬物，點知原來磯燒營光魷魚另有一番風味，口感爽口。蜜糖芥末火炙安格斯牛肉沙律 🥗$128火炙牛肉，令到牛肉嘅熟成度剛好，加上沙律菜和三文魚子，口感不油膩之餘，再增添一些鮮味。黑門令鰻魚漢堡x2 $176鰻魚漢堡，最初以為係用麵包夾鰻魚，點知係用鰻魚嚟夾飯、蛋、和紫菜。鰻魚肥美，又燒得香脆，再加上燒汁，口感豐厚。蒲燒鰻魚飯 $148鰻魚肥美鮮嫩，加上蛋絲、紫菜絲、燒汁，加上飯吃非常美味，二蘿蔔可以減輕鰻魚嘅肥膩感。辣酒煮活鮑魚(2本）$108鮑魚的size都算大隻，肉質結實，口感彈牙，辣酒帶有輕微的辣味，但又不會遮蓋鮑魚的鮮味，令到這道菜的層次多了。椰子雪葩$68飯後甜品一定唔少得，這個椰子🥥雪葩，椰子嘅香味很濃。赤子草莓🍓、海底之心 $68兩款飲品都各自有自己的水果味道，都很清新。

.去一趟日本🇯🇵~.位於尖沙咀棉登徑嘅居酒屋🏮 —— 黑門水產すいさん 好有日本feel🥰！.有日式燈籠、掛布等等，晚市座無虛席，非常熱鬧有氣氛✨！.食材好新鮮，特別推介 黑門令大漁魚子醬脆脆包 ，一啖有齊魚子醬、海膽、甜蝦刺身等，味道同口感都非常豐富😋，一定要試！.刺身飯食材同甜蝦都好新鮮，有甜味！. 海底之心 賣相打卡一流，係夢幻嘅漸變藍色！💙.📍 黑門水產すいさん 尖沙咀棉登徑8號地下3-4號舖

有次同朋友在尖沙咀行完街,就到朋友愛食日本餐就來到黑門水產食晚飯。店裝潢好有日本風格,好似置身於日本餐廳,非常舒適。.【壽司盛合】 $398這壽司盛合有多款壽司, 好吸引!款款壽司味道也不錯,分別有三文魚、油甘魚、赤身、真鯛、甘蝦、 帆立貝、芥辣八爪魚、香蔥吞拿魚腩、蟹籽、三文魚籽壽司及玉子 。特別油甘魚壽司有魚味,甘甜油香充滿了口腔 ;赤身壽司是油脂較少的部位,口感軟嫩;真鯛壽司魚味鮮甜,有爽脆感;香蔥吞拿魚腩壽司, 魚油豐富入口充滿油香,好美味可口。.【岩手縣赤崎生蠔】  $156 / 2隻這大大隻廣島蠔肉身豐厚飽滿,入口creamy滑溜鮮甜,滲出海水味濃,已放甜酸啫喱,令蠔味道更鮮味。這蠔十分肥美, 肉質爽口、蠔味濃而鮮甜,有海水味濃,並有少少點金屬味, 相當美味可口。.【黑門令蟹味噌甲羅燒】 $72蟹味噌甲羅燒就要燒, 松葉蓋載上了松葉蟹肉、蟹膏、 魚子、蔥絲及鵪鶉蛋。店員即時燒把鵪鶉蛋倒出與食材攪拌,直到燒到乾身就可以食。匙出來蟹膏充滿鹹鮮濃郁,可上少少炸蒜蒜,好味到爆!配梳打餅同食,也好好味呢!.【黑門三文魚加州反卷】 $128這款三文魚加州反卷 ~壽司米面層以包覆三文魚片

因為同朋友好耐冇去過日本，所以特登來尖沙咀呢間日本料理餐廳，佢感覺好似去咗日本咁，裝修完全同日本嘅餐廳好似，令我哋搵返日本嘅感覺。食物嘅價格都算適中，食物同質素都非常之好。無骨雞翼，非常之香脆可口，入邊嘅餡料都非常之多，食到停唔到嘴。鰻魚便當，好香嘅鰻魚香味，鰻魚更加入口即溶，燒到外脆內軟，非常之好食。呢個同日本都好似，好清新可口。魚生丼飯，三文魚同其他嘅魚生都好新鮮，除咗三文魚之外，有吞拿魚，有海膽，有魚子，又有八爪魚，非常豐富同份量都好多，質素都好高。燒蟹膏，好欣賞佢有一粒鵪鶉蛋，令到燒完之後，更加野味，再配魚子，口感一流。鐵板炒海鮮，佢嘅用料非常豐富，有鮑魚，有金菇，又海心，非常之好味。絕配嘅菜式。我哋更加欣賞呢個海膽帶子魚子，非常清新可口，好有新鮮感。

呢一間係朋友食過推薦嘅日本菜，一入到餐廳環境好有日本氣氛，坐得舒服，餐單食物上面嘢食種類都幾豐富，我哋兩個人叫左900幾蚊，開頭怕日本菜份量偏少，但呢間每樣都幾豐富，三個人食都飽🤣幾豐富！🌈極上大漁貝燒$98因為朋友怕太生嘅野，所以我哋首先叫咗個漁貝燒，真係超大隻，係一個手板咁大嘅貝殼，入邊好細心已經幫貝殼起晒肉剪好入口大小，所以食嘅時候唔會好麻煩，好方便，一隻貝殼入面嘅帶子竟然可以切到四至五粒！入邊仲加咗其他嘅海鮮入去一齊煮，滿滿嘅湯汁，我開頭仲以為係燒烤添，海鮮新鮮得來又暖胃，入面嘅貝肉都係爽彈鮮甜，仲有蝦同埋蠔等等其他嘅海鮮！雖然冇生食魚生咁原汁原味，但係湯汁又有另一番海鮮嘅風味！🌈海膽蟹味味噌甲羅燒$78呢一個都係熱食嘅，質地上偏向似濃郁嘅牆，海鮮味比起味噌味更加重，有濃濃嘅海膽同埋蟹膏嘅味道，鹹香得來我覺得就算空口食都好易入口，配唔配餅都得～ 🌈蜜糖芥末安格斯牛肉沙律$128呢一個係冷盤，蜜糖芥茉醬係淋左上牛肉上面，所以整體係酸酸地，醬汁幾開胃，仲有少少魚子喺上面，一入口會爆開，口感好豐富！牛肉嘅話每一片唔算超厚，但肉味重肉質嫰，作為沙律嚟講都幾清新到，蔬菜都係爽甜！🌈黑門令

這家日式居酒屋的裝修非常有氛圍感，走進去彷彿就置身於日本的小巷子里。整個餐廳的佈置很考究，有日本傳統的桌椅，也有融入了現代元素的裝飾品和燈飾，讓整個空間充滿了活力和趣味性。作為日式餐廳，它的甲殼燒和海鮮茶碗蒸都是必點的菜品。甲殼燒入口即化，外皮焦脆內餡鮮美，還有濃郁的蛋香，一定要贊！海鮮茶碗蒸用料鮮美，湯汁清甜，而且價格也不貴。除了這兩款特色菜之外，三文魚沙拉和香辣海螺也是我特別喜歡的菜品。三文魚沙拉新鮮爽口，吃起來非常清爽；香辣海螺辣度適中，吃起來很有味道。如果你對拉麵有要求，這家居酒屋的牛肉拉麵也非常不錯。麵條Q彈有嚼勁，湯頭濃郁，牛肉也燉得十分入味。總之，這家日式居酒屋不僅環境好，菜品也十分出色。去吃一次，絕不會讓你失望。---🏠店鋪：黑門水產📍地址 ： 尖沙咀棉登徑8號地下3-4號鋪🍴推薦菜品：甲殼燒、海鮮茶碗蒸、三文魚沙拉、香辣海螺、牛肉拉麵

一直一直都好想試黑門水產⋯你點我點解？因為我真係好想去日本！！耐何無假去唔到住，唯有係香港搵下地方止下思鄉癮😢一睇到個門口 已經覺得去左日本咁🤤入面既裝修都好日本風～有種去旅行放鬆既感覺～至於食物既種類都有好多選擇🕺🏻但黎得黑門水產一定要瘋狂叫佢地既海產！日本直送架新鮮得黎性價比都好高～不過食海鮮之前都想食下菜refresh下先😂蜜糖芥末火灸安格斯牛肉沙律（$128）不得不提佢地既甲羅燒！係必試既item！我地叫左 黑門今蟹味噌甲羅燒（$72）店員好細心～未燒之前拎黎比我地打卡先😆除左得個樣個味道都一流，入口creamy，有好香濃既蟹膏味🤩黑門令鰻魚漢堡（$88）鐘意鰻魚既人一定會愛上依個漢堡😍用大大舊鰻魚夾住玉子同飯～真係好滿足淡淡肉🥹食完前菜就到定食時間😆豚骨湯牛肉稻庭烏冬（$88）湯底好香濃豬骨味！忍唔住係咁飲啲湯🫠牛肉用左好靚既牛！！一擺入口好易咬到，香濃牛味仲好juicy👍🏻依個定食好有驚喜😂無諗過可以咁高質！刺身定食 $238好豐富！啲刺身多到嚇親～全部都好鮮甜！！最值得一提既係舊海膽！！係食得出好鮮～係完全無怪味既海膽🥹加埋麵豉湯⋯茶碗蒸⋯沙律同飯真係好飽😆滿足最後既最後

想試依間超耐🥹 慶祝朋友生日專登早一個星期訂左枱🥳 好多選擇，睇menu 都揀左十五分鐘，日系裝橫，有置身日本既感覺，不過冷氣唔係好夠，坐最入既卡位有點熱🥵不過食物質素取勝😋🥳🫃🏻黑門令蟹味噌甲羅燒🦀$72鐘意食蟹膏既朋友必嗌甲羅燒，蟹蓋上佈滿蟹膏、蟹肉、蟹籽、鵪鶉蛋和蔥粒，店員會比你地打左卡先📸之後就拎去廚房整熟，再上返枱比客人食用🤣蟹膏味超濃入口creamy，令人口齒留香🤤🫃🏻蟹油蒜燒帆立貝 $88同甲羅燒一樣，先打卡後品嚐，熟既帆立貝都彈牙，新鮮甜美，撈埋汁一齊食好滿足，蒜香味十足，仲有濃濃既蟹油味🤤🦀最後一滴汁都無淨食清光。蒜控必嗌🔥🫃🏻黑門令鰻魚漢堡 $88 一件印象深刻又有驚喜的鰻魚漢堡😍推薦，底面兩層用燒烤過的鰻魚包著玉子蛋、壽司飯和紫蘇葉，完全係色香味俱全🤤鰻魚燒得岩岩好，無太多既鰻魚汁蓋過鰻魚本身的魚油味和口感，配搭埋玉子和壽司飯真係大滿足又飽肚🫃🏻🫃🏻黑門今彩虹丼 $198好足料，有海膽，吞拿魚蓉，三文魚子，吞拿魚，蟹子蟹肉蟹膏，每樣食材都好新鮮，而且份量都多，依個價錢真係好抵🥹啖啖滿足，配上醋飯更美味🥳🫃🏻三文魚刺身(4切) $78本身想嗌三文魚腩刺身，但售罄😭三

星期日放假都要輕鬆一下 暫時未有假期去日本🇯🇵旅行 唯有book間居酒屋滿足一下自己味蕾 💕海膽蟹味噌甲羅燒係日本的時候已經好鐘意食 今次餐廳整法上面附上兩件梳打餅 用作點綴甲羅燒 濃厚的蟹膏味混合淡鹽味的酥脆餅乾 都係一種唔錯的食法👍🏻磯燒富山灣營光魷魚🦑經磯燒後入口熱辣辣 最喜歡其煙靭彈牙的口感 黑門三文魚加州反卷加州卷口感相對清新 賣相精緻 平目魚薄切刺身肉質鮮嫩 配上醋汁頗為開胃 味道亦鮮甜 黑門大阪燒飽肚感十足 麵糊底配上雜菜絲加紫菜木魚絲 口感層次都豐富黑門鰻魚玉子燒蛋控人士必點之選✅ 雖然係最後一道上菜菜式 但值得等待 玉子燒火喉控制得宜 保留到玉子的鮮嫩 入口帶有微蛋汁 😆黑門令炸雞🍗意外有驚喜 原本以為平平實實 但入口酥脆 雞肉肉汁都保持得唔錯唔會有乾涸感 三文魚牛油炒什菌最後點左一道蔬菜料理 帶有些許的牛油清香 相對較為健康之選飲品： 海底之心係一杯打卡able ge cocktail 選擇酒精濃度不高 容易入口 適合女士品嘗😆

上星期終於去到一直都好想去嘅「黑門水產」食晚飯，真係好開心呀！🤩我哋叫咗好多款嘢😍 首先係黑門令蟹味噌甲羅燒，好特別，好好味！甲羅燒個蟹味噌醬好濃郁，令到啲蟹肉更加鮮甜美味👍🏻黑門令大漁魚子醬脆脆包脆脆包好香脆，上面鋪滿鮮香嘅魚生，仲有魚子醬，真係太正喇！🦐🦀🍞明太子大漁炒飯同蟹味噌燒帆立貝都係好好食嘅菜式，炒飯香口味濃，燒帆立貝啖啖都係鮮嫩多汁。而黑門令三色丼同黑門三文魚加州反卷都係新鮮嘅刺身，份量又足夠，好滿足！🍣🍱最後我仲叫咗炸雞軟骨，個軟骨炸得好香脆，肉質又唔會太乾身，真係好好味！🍗整體黎講，「黑門水產」嘅食物質素同服務都係一級棒，真係好想再去多次呀！👍