麻辣派對 (瑞生酒店) (已結業)

今日去到尖沙咀美麗華行街， 大約中午時間就去搵嘢食， 搵搵下我辣癮就發作， 經過見到有間餐廳叫做麻辣派對， 見門口寫套餐嘅價錢都幾合理48元起， 喺尖沙咀區嚟講算係合理。水煮魚套餐(小辣)鍾意食辣嘅朋友， 見到呢碗水煮魚嘅辣椒一定流曬口水， 魚嘅份量都幾多， 味道方面夠曬麻同辣， 可以食到喺大陸食嘅風味， 呢度嘅套餐可以跟飯或者麵， 我揀咗飯。口水雞配麵口水雞嘅味道夠香， 相比起水煮魚口水雞冇咁辣， 雞肉嘅肉質唔會好鞋，麵方面可以揀辣同唔辣， 因為有位朋友唔想食太多辣所以個面揀咗唔辣， 麵嘅份量都幾多。酸辣土豆絲土豆絲都算係功夫菜， 將薯仔切到幼絲嚟炒， 呢個土豆絲都幾辣， 應該有中辣嘅級數， 酸同辣嘅味道做得幾平均， 土豆絲食落爽口。冰雪鮮檸 C飲杯飲品有青檸和檸檬， 茶味濃度適中， 飲落有少少薄荷味， 幾清新和解辣最尾仲有糖水( 馬蹄露) 喺香港有陣時食川菜， 有些餐廳因為要就香港人口味， 就會喺麻同辣方面會比較輕手， 有時想食到四川風味都幾難，但呢間餐廳做得唔錯， 麻同辣都好夠味

麻辣派對雖然唔係第一次食，但係之前只係食川式小菜,不過因為男朋友最近迷上食酸菜魚。經朋友介紹話依到嘅酸菜魚幾有水準,所以一於帶男朋友嚟試吓。黎到果然見到幾乎每台都order酸菜魚或者水煮魚。呢度有幾款魚可以選擇,經店員介紹之後我選擇左江團魚,肉質鮮嫩之外亦都比較少骨。除咗有大量酸菜之外,底部仲有大量薯粉。金牌酸辣水晶粉上枱嗰陣時真係嚇親,因為冇諗過咁大碗。酶同辣嘅味道啱啱好,得而平衡。面頭仲有大量嘅肉碎同花生。山城回鍋肉夠晒鑊氣,肉片嘅份量都幾多,我選擇咗中辣,於我來講辣度啱啱好,好惹味。

與舊同學聚舊，選了位於加連威老道的這家麻辣派對。這𥚃以彩色燈飾點綴，風格較女性化，也略帶一點神秘感。侍應服務到位。這天選了三份美味的午餐。孜然蔥爆羊肉 羊肉軟嫩,有羊脂香韻，與京蔥同炒，香氣爆發。酸菜江團魚 江團魚肉質軟滑，點了小辣的程度，用以辟腥又惹味。香濃鮮甜的湯底內有咸酸菜和芽菜，製作絶不馬虎。雲南酸菜米缐 加了惹味香稔的肥腸，湯底酸香，米缐吸了湯底，令人垂涎欲滴，欲罷不能。蜜語水果茶 午餐只需要加$10，可以說十分超値，水果新鮮，香甜消暑，夏天不喝凍飮？ 不可能吧！

朋友話想食辣野🌶刺激下腸胃咁喎😂😂, 就提議去食麻辣派對, 之前上大陸嘅時候已經想試但無試到, 今次就去試試去😋😋🤗🤗 我地用openrice訂座有9折, book左6點半, 上到去果陣唔太多人, 所以幾多位置可以選擇, 我地兩個女仔食唔到咁多就決定兩個小食同一個酸菜🐟酸辣土豆絲⬆️⬆️ 作為一個薯仔人🥔, 見到酸辣🥔又點會放過先🤭🤭 土豆絲都幾大碟, 辣嘅程度都ok, 有少少偏酸嘅, 土豆絲唔太淋, 質感岩岩好, 而且所有🥔都沾滿哂汁, 好食!黑醋伴秋葵⬆️⬆️ 小妹除左係一個🥔人, 仲係一個秋葵控, 一見到黑醋伴秋葵已經好想試, 因為平時食嘅秋葵都係配芝麻醬, 咸蛋黃醬, 酸辣口味嘅秋葵未試過, 一試就中意左, 秋葵本身質感已經好特別, 加埋酸酸辣辣咁, 好正😝😝🤤🤤, 個人覺得土豆絲好似辣d🌶🌶🤔🤔 酸菜魚味江團再加左金針菇同水晶粉, 江團魚肉係多d但骨同樣多, 唔中意食太多骨嘅朋友就可以選擇其他魚, 一上枱已經超香, 啖湯都幾好味, 辣嘅程度尚可, 酸菜幾惹味, 魚肉都夠滑同簿嘅, 我地叫嘅配料都幾吸味, 索哂d湯, 好味道😋😋

我喜歡北上吃川菜，因為深圳很多川菜都是很好吃，今次同事想介紹香港一間正宗川菜給我， 說比深圳更好吃，所以午餐時段去試試看一出電梯眼前一亮，餐廳裝修很漂亮，很多花花佈置，女士們看到心心眼，打卡一流由於川菜是辣的，多喝水是必然，而每張枱都放置一瓶大檸檬水， 很貼心午餐套餐很多選擇，有小菜套餐或麵套餐， 價錢十分便宜，小菜套餐平均＄6X就可以包一款小菜，白飯，飲品，甜品麵套餐更便宜，平均＄5X 包一碗麵， 飲品，甜品以為價錢便宜一定會細份量， 估不到份量十分大份，尤其是口水雞配麻辣麵，麻辣麵份量很大碗，足夠二人份量吃估不到味道竟然跟深圳很多川菜一樣的出色，正宗，辛辣度亦是我喜歡的水煮魚亦是足料，魚亦很新鮮，足料，夠麻辣回鍋肉更是香口惹味， 餸飯一流飲品更是不得了，超級大杯，比例大過我手掌最後贈送甜品馬蹄露， 不太甜，馬蹄很爽口，十分喜愛以後吃川菜不用再長途跋涉北上吃，可以在香港吃到正宗川菜真是太開心了

通常其他地方嘅特色菜嚟到香港，都會遷就返香港人嘅味道而有所不同不過今次呢一間麻辣嘅餐廳，味道上幾乎可以還原到外出先食到嘅麻辣風味我哋下午茶時間先過嚟食，所以唔使排隊就可以入嚟食呢度嘅裝修好似party room，幾有氣氛午餐同下午茶時間嘅價錢都好抵，幾十蚊就有個餸 、有麵/飯、仲可以揀燉湯同飲品，再配埋個甜品，真係好抵食基本上大部分小菜都係辣嘅，不過遷就返唔太食得辣嘅人，佢仲細分左可以揀唔辣、小辣、大辣等等如果唔食肉都仲有素食可以揀見有個六小時燉湯可以揀，仲要唔使額外加錢，就試一試係咪真係咁足料呢碗湯材料豐富，飲落好鮮甜飲品另外揀咗水果茶，同樣份量十足見到有西瓜、火龍果等等嘅水果，茶底飲落唔太濃，比較清新招牌口水雞套餐呢個套餐配上大大碗麵，麵入面有花生、肉碎等等口水雞應該係預先醃好，所以食落味道比較濃，辣味較重孜然蔥爆蒙古羊肉套餐配飯呢個菜羊肉騷味重，配上香濃嘅孜然味同京蔥嘅香味，食落幾有去旅行先食到嘅味道，送飯一流酸辣土豆絲雖然只係普通材料，不過功夫多，所以我幾鍾意呢個菜式呢個土豆絲唔太酸，不過偏辣少少，用嚟送飯會比較合適套餐包咗糖水，呢個係馬蹄露見個糖水整到好似冰花咁，加上馬蹄嘅爽

成日聽身邊d 人講話食麻辣當然要返大陸啦，但其實香港一樣食得到高質既麻辣菜，就好似呢間麻辣派對咁入面用左花花黎做主題，就咁睇以為係娛樂門場所😂唔似係食麻辣既地方咁鮮椒味型黑魚 - $198餐牌上面有各款類型既水煮系列，有水煮味型，酸菜味型，鮮椒味型同埋蕃茄味型，魚肉可以揀江團，黑魚同埋桂花魚。原本想叫江團，但問一問之後發覺黑魚應該比較好而且未算係最貴果個價錢😂個大兜兜都係花花形狀，入面好多料，勁多鮮椒，只係叫左小辣都食到出汗，黑魚果然肉質較嫩滑結實一點，食起來會較有口感清炒萵筍 - $78食辣野點都要叫番個菜黎中和返個辣度既，萵筍絕對係一個唔錯既選擇，因為平時去街食飯好少可食到，佢又爽又甜既程度真係算係第一位架絲苗白飯 - $12食魚當然要叫返碗飯黎送飯啦😍裝得好滿，粒粒分明食飽飽仲送你糖水，呢款類似渣渣既糖水，裡面各款有益既豆類都有

雖然店名叫麻辣派對，但係今次我同朋友你唔係食麻辣火鍋，而係食酸菜魚因為得兩個人，我哋只係叫咗一個水煮系列酸菜江團魚，再加5款配料，分別係肥牛、金菇、水晶粉、娃娃菜、貢丸一上枱，分量大到嚇親，有好多魚，每款配料都落咗好多，試一試個湯底先，好夠酸，好開胃。江團魚好滑，亦都好少骨，啖啖肉。肥牛好正，唔韌得黎好夾酸味。貢丸一般，無乜味。水晶粉娃娃菜入哂味好正。兩個人費盡奶力都食唔哂，可以三個人分享。叫左兩杯水果菜，份量好大，好多水果，但味道較淡賣單4百蚊有找，總括黎講係好食既，有深圳食既味道，可再一戰！

我呢, 不嬲都好為食,之前北上過食酸菜魚, 成日都有心癮上去食。但始於返去都遠啦,加上最近返大陸過關唔係咁安全,所以係HK搵食啦~而呢日畀我發現尖咀都有間-麻辣派對 , 望落價錢又唔貴,一於試試佢~一上到去, 嘩!好似深圳某食店裝修風格好靚呀, 周圍都係花花同5顏6色嘅燈。本MENU都有花花的又係好似DOMDOM嘅濕紙巾手拍青瓜 ($38)食主菜前, 叫個青瓜開下胃先~作為開胃小菜, 佢味道幾好,酸酸地, 小小辣, 青瓜都好爽脆水煮黑魚 ($198)呢度叫魚呢, 自由度都幾高~有4款唔同口味可以揀~再可以揀唔同嘅魚/肉類。本身我想食酸菜魚嘅~但又想食田雞啵, 但因為我地得2個人, 叫2個主菜又好似太多~所以最後決定叫水煮魚,再加田雞做配料~而魚, 我地揀左黑魚, 比最平嘅江團魚貴一級, 試下係咪正D (雖然我都冇食過江團魚)黑魚, 魚片大大塊,幾乎冇骨(只係好間唔少有一條半條)魚肉好滑, 唔腥!土豆($28)另鯡我地加左土豆, 吸晒味, 正!田雞 ($68)田雞, 份量都幾多, 同埋冇乜身, 大部份都係啖啖肉嘅田雞脾,個水煮魚其實本身個底都有芽菜同魔芋,仲有D水晶粉~埋單$378.4,

有層次嘅麻辣川菜尋日同朋去左尖沙咀行街，朋友話想水煮魚，諗起附近有間川菜叫麻辣派對，聽人講唔錯，於是去試下。上到去，裝修好特別以黑色為主。睇返Menu,佢有幾種唔同既湯底，除左麻辣，仲有香口既酸菜同蕃茄， 唔食辣既朋友都唔怕㨂唔到嘢食。我地order咗個大辣水煮魚再另加肥牛，仲有一碟手撕包菜。水煮魚用江屯魚做材料，入口鮮味，辣味未有蓋過魚既鮮味，值得一讚。菜方面亦好新鮮。呢度既辣唔係一般川菜咗死辣，有層次同時食到材料既味道。菜式既份量都唔小，今次唔多人叫唔到太多，下次搵多幾個嗜辣嘅朋友黎試多幾款菜式👍🏼

朋友喜愛吃麻辣, 我未曾嚐過, 今次隨他到尖沙咀的「麻辣派對」, 有專屬升降機, 上一樓便是。步出升降機一看, 室內裝飾出乎我意料之外的美, 像是開派對的地方 菜牌上的選項很多呢, 就是水煮系列已有很多選項。 辣的程度也可選擇, 由「走辣」至「大辣」。 既然朋友熟悉, 就讓他點菜吧。 水煮味型(江團) : 朋友說因我是初試麻辣食品, 就點小辣程度好了。 一大碗放在面前, 看到很多胡椒粒丶辣椒和芝麻。 原來碗內有很多魚肉丶水晶粉丶芽菜丶芹菜等。 吃一口魚肉, 非常滑嫩和香, 還滲透着微微的辣味, 這就是麻辣(小辣)的味道吧 而水晶粉吸收了麻辣湯, 麻辣味更突出。 這樣一嚐, 我甚喜歡呢。 麻辣小麵 : 也是點了小辣。 有炸菜和肉末, 麵質頗爽。 蜜語水果茶 / 檸檬茶 (凍) : 水果茶有很多新鮮水果, 橙丶青檸丶 西瓜丶熱情果等, 甜甜酸酸的。 喝後真的可解辣。 新鮮檸檬茶不苦澀。店員飯後送上糖水, 帶微甜的味道, 也不錯呀。

當天透過app預約能夠獲得九折優惠店舖裝修環境優美以及環境舒適店員的服務質素很有效率馬上安排位置給我們亦有向我們介紹食物十分推介大家食酸菜魚，味道不錯當天因爲屋企人唔今得辣所以我們點了bb辣屋企人覺得OK魚的數目也不少必定要配一碗白飯我們還加了二款小食在酸菜魚當中分別是水晶粉，豆腐未到能夠深入食物當中店舖亦沒有限時最後埋單只需要$230左右我覺得兩人來説也10分化算係香港都可以食到酸菜魚之後都唔使再咁麻煩返大陸食lu

今日第四日返學，琴晚食完麻辣派對，今日已經好上身又上癮，又想再食，食lunch又走過來食，琴晚店員介紹過有午市套餐，喺尖沙咀坐得舒服，座位唔迫，收費唔貴嘅餐廳唔多，去到樓下望一望下午餐到底有啲咩，見到有飯有麵好多選擇，睇見真係樣樣都想食，奈何返學都係得一個人食飯，唔知點解成人返學個個食lunch都好鬼多嘢做，唯有搵多一晚同朋友食飯再過嚟，今日選擇咗大刀牛肉小面 $58+10%，凍飲唔使額外加錢，加上呢度嘅店員效率好高，10%值得比。

放學後，約咗朋友喺尖沙咀一齊食飯，今次冇選擇困難症，好明確知道要食川菜，一路不停係咁搵，由尖東行到過去金馬倫道，諗住去海港城附近搵吓睇吓有咩川菜好食，行到金馬倫道就諗起想係加連威老道買少少野，見到有間麻辣派對新開個喎，平時銅鑼灣嗰2間就幫襯得多，但係尖沙咀就真係未試過，今晚就想去試吓啦，前世同魚有仇啊一定要叫水煮魚啦，但係朋友就少食魚，就加多個肥牛俾佢食，另外再加秋葵同萵筍，好似dry左啲，再點多一個手撕包菜，食物味道同銅鑼灣一樣有保證，以後去尖沙咀都可以川菜食啦。

朋友幫襯過銅鑼灣分店話唔錯，見依家九龍有就去嚐試下。 兩個人叫左個毛血旺（加左紅薯粉同牛肉）同炒包菜。 包菜唔錯，夠香有熗炒嘅火味，但我覺得再辣啲會更正。 毛血旺就好足料，本身已經有豬紅/鴨血（唔識分）、魷魚、餐肉、牛柏葉、火腿、魔芋同芽菜等。 個血好味，無雜味又夠入味。餐肉就勁厚切，正。其他料就不過不失，鐘意食重口味嘅就一定要加紅薯粉，吸曬啲湯汁之後真系好好味。 不得不提佢杯King size水果茶同檸茶，夠曬大杯，啱曬解辣。