麻辣派對 (瑞生酒店) (已結業)

今日第四日返學，琴晚食完麻辣派對，今日已經好上身又上癮，又想再食，食lunch又走過來食，琴晚店員介紹過有午市套餐，喺尖沙咀坐得舒服，座位唔迫，收費唔貴嘅餐廳唔多，去到樓下望一望下午餐到底有啲咩，見到有飯有麵好多選擇，睇見真係樣樣都想食，奈何返學都係得一個人食飯，唔知點解成人返學個個食lunch都好鬼多嘢做，唯有搵多一晚同朋友食飯再過嚟，今日選擇咗大刀牛肉小面 $58+10%，凍飲唔使額外加錢，加上呢度嘅店員效率好高，10%值得比。