麻辣派對 (瑞生酒店) (已結業)

最近有潮興麻辣最近好多朋友都討論邊間麻辣店好食經過一番討論我決定揀呢間麻辣派對因為聽過呢間野個裝修好特別同好好食，呢間麻辣派對位於尖沙咀門口好大個牌仲要坐電梯上樓上，一開門見到地方好黑暗但係裝修真係好特別完全唔覺得係一間麻辣店裝修華麗😍我就叫咗個水煮魚加滑牛水煮魚嚟到感覺都好大碗水煮魚仲好滑份量都仲好多至於麻辣嘅味道我覺得我剛剛好叫咗小辣加咗啲滑牛唔會太晏牛肉都滑有驚喜🤗仲叫咗個麻辣小面因為本人係比較鍾意一路食麵一路食水煮魚感覺非常開心😂🤗🤗最後梗係叫個四季豆伴下四季豆炒得好爽脆👍👍👍

早前跟朋友到深圳試了一間頗知名吃酸菜魚的餐廳，有同事介紹尖沙咀亦開了一間四川餐廳，有水煮魚及酸菜魚等麻辣菜式，所以便跟同事來試一試，結果喜出望外，沒有令人失望！這間餐廳的裝修很特別，新潮又吸引，有酒吧的感覺，枱上的濕紙巾竟用安全套的包裝來表達(笑)。餐牌的選擇多，我跟同事點了一鍋酸菜魚-小辣，另加薯粉、一碟口水雞以及一碟鹹肉炒雜菜，很喜歡這間餐廳的菜式辣度可以選擇，由走辣，bb辣至喜歡挑戰大辣的人也適合。當酸菜魚上枱時我們都嚇了一跳，因為份量很多。江團魚的魚肉很滑溜，而且無骨，可以放心大啖大啖享用。酸菜爽口亦不會太酸，配合少少麻辣味令人越食越開胃。薯粉十分彈牙，配合爽滑的魚肉，口感一流。至於口水雞點了小辣，雞肉頗滑，醬汁跟外邊餐廳做法有點不一樣，這裏的口水雞並不只有麻辣味，醬汁似乎有麻醬，令到雞肉在麻辣味中帶有一點點香甜，我同事十分喜歡！至於鹹肉炒什菜則十分香口，鹹豬肉炒得幾香脆，亦不會太油膩，反而有少少似吃豬肉脯的感覺。雜菜吸了鹹肉的香味，十分香口，用來配白飯一流！今晚的晚餐幾為喜出望外，原來香港都有一間高質素食四川菜的地方，亦不用到深圳亦能食到好吃的酸菜魚，而且餐廳裝修環境好，坐得

香港人的麻辣口味🌶 唔會過辣，中辣都係其他川菜的小辣，帶甜，跟一班三五知己良朋又唔知可以吃幾辣，又想嘗試挑戰食辣的朋友就啱晒 重點係難得呢間麻辣川菜，有一大樽任飲檸檬清水擺喺你枱面任斟，絕對唔孤寒🤗😻， 食物又夠大碟， 因為係樓上舖，價錢同油麻地川菜差不多， 服務態度也很熱誠，絕對有得留低

今晚係Halloween night，成間麻辣派對都變得好有氣氛，呢度本身有兩層，有一層竟然俾人book咗黎做party room，而令一層都全場爆滿其實依家要食辣野都唔使返上大陸都可以食到，我今晚就同友人一齊麻辣一番，我哋就揀咗水煮系列，所以湯底係深紅色，辣到我哋都只係揀咗小辣，但頂層鋪滿左大量辣椒，而餸菜就以江團魚為主另外再加多左五款輔菜，分別有黑木耳$28、豬紅$38、金針菇$28、水晶粉$28、蓮藕$28，全部餸菜都可以充分咁吸收晒湯底嘅精華最後當然唔少得要叫番杯凍檸茶嚟解下辣啦仲有個甜品送添

last night I would like to have dinner with spicy in tsim sha Tsui and we found out the restaurant.we ordered Spicy Fish in chinese style and had a bottle of white wine.we only got 2 people, so we just ordered 2 dishes but the food is quite good and delicious.we order middle level of spicy but not so hot. we will go again.

突然又口痕想食辣，今次試下麻辣派對，入到去覺得裝修好有特色幾靚好適合一大班後生仔女一齊食。另外佢選擇都好多，今次揀左鮮椒味既江團魚$168，適合鐘意食麻但又唔食得太辣既朋友仔。佢魚身軟滑，無乜骨，鍋到有大量蔥花，夠哂香！但我個人認為佢稍為唔夠辣下次應該會帶水煮味，希望會更惹味！佢另外可以加配料係鍋底入邊我揀咗薯粉同田雞，薯粉吸哂d湯好正！但要小心食到啲花椒🤭田雞好令人失望，完全無味，肉質亦都好鞋口，食左一舊就冇再食了。另外叫左香炸雞脆骨$68，雖然炸到好香口，但佢啲調味粉得面頭少少，下面個d完全無味，建議加埋一齊炒左先上碟，唯一一讚既係佢的確俾左好多雞軟骨，食極都未食完🤣最後叫左干扁四季豆$68呢個都有得選擇辣度幾窩心，個味唔錯，但覺得呢個唔夠乾身唔夠惹味，應該係走油唔夠。有待改善🤨

想食辣野好耐 見到呢到以辣為主打 便黎呢到食飯試一試環境裝修都幾舒服 都適合同朋友黎呢到坐底吹吹水 食下飯辣野有好多選擇 水煮 麻辣 香辣等我地叫左個自選香鍋 揀左5個料 有田雞 雞脆骨 金菇 薯仔 椰菜花($200)香鍋會配埋火 等個鍋長期keep住熱 都幾好叫左小辣 對於好辣既我黎講唔夠辣 但當愈食愈收乾水既時侯 個辣味就會愈黎愈出田雞 雞脆骨 食落好有咬口金菇 薯仔 椰菜花 吸哂辣味 又夠飽肚另外嗌左個椒鹽鴨舌 相於惹味同香口 食完唔會飽 送酒1流所以都嗌左杯啤酒啤一啤 Asaki最後仲送埋糖水 好滿足

我和同事下班來這間位於尖沙咀的麻辣派對。可以說是我在香港食過最好味的川菜二人餐加埋$438有六款食物。第一道菜是老火煲足6小時的雪魚膠雞腳湯，濃郁的鮮味😍第二道菜是水煮黑魚，魚的肉質鮮嫩爽滑選了中辣，麻度辣度剛剛好😊。之後第四道菜是口水雞也是選了中辣，辣度適中雞肉爽滑入味☺️。第五道菜是麻辣四季豆，炒的非常夠㶽氣、濃味又不會咸😍。五個菜實在太好吃了。所以我們兩個人全部吃完了，沒有吃剩菜😉最後還吃了一個桂花糕，非常濃的桂花味、又Q又彈

早兩日喺尖沙咀收工，由於而家冇乜遊客嘅關係，好多餐廳都唔使等位，於是乎就諗起呢間之前經常有人排隊嘅酸菜魚餐廳，於是就同同事過去佢哋嘅招牌菜式係酸菜魚，但係同事坐低之後見到啲小菜好似好吸引，於是乎我哋就全部叫小菜，結果都非常驚喜手撕包菜，香醋味非常濃郁，加上菜本身嘅甜味有意想不到嘅化學作用孜然蔥爆羊肉味道同樣非常驚喜，香蔥非常爽口，而且羊肉嘅香味混入其中，每一口都食到好香嘅羊肉味紅油火雞腎，雖然佢係冷盤小食，但係因為佢嘅味道集齊酸辣香，配上白飯食亦都非常開胃

從前的自己不愛吃辣，所以對川菜都敬而遠之。但自從有一次陪朋友到川菜館，吃過酸菜魚之後， 被那美味所感動。自此之後，便開始喜愛吃辣。這天來到位於尖沙咀瑞生加威酒店樓上的「麻辣派對」，目標就是衝着酸菜魚而來。「麻辣派對」並非只有川菜提供，還有一般家常小菜供應。跟大夥兒來吃飯，即使是不愛吃辣的朋友，也能找到心儀的菜色。酸菜魚除了酸菜口味外，還有水煮、鮮椒味和蕃茄味。可配搭的鮮魚，有江團、黑魚、桂花魚和剝皮魚四款選擇，價錢方面則以桂花魚最高。除了魚肉外，另可選擇配以巴蜀毛血旺和安格斯牛肉。在芸芸魚類中，我選擇了最高級的桂花魚。桂花魚肉質嫩滑而鮮美，再配上我最愛的酸菜口味。而辣度方面，有四種選擇，分別是BB辣、小辣、中辣和大辣。不能吃辣的、還可選擇走辣。大大盤的酸菜魚中還有粉絲，粉絲充分吸收了酸菜魚的精華，非常美味。酸辣土豆絲川菜中除了酸菜魚外，酸辣土豆絲便是我心中第二位最愛的菜色。大大碟的炒土豆絲，炒得非常夠鑊氣。每一絲絲的土豆，都被酸辣的味道緊緊包裹。那酸和辣的味道，完美地融合，令人食指大動。蒜蓉菜心菜心新鮮，味道本身已經非常鮮甜，再加上蒜蓉來炒，鮮味倍增。

有屋企人就生日，聽講呢間麻辣派對好出名，一於黎試下。Book左7點半，去到果陣已經全場爆滿，間鋪好靚也很有氣氛。首先點了口水雞，要了小辣，辣味適中。口水雞亦好香口。之後點了香辣焗波龍，小辣，份糧不是太多，但龍蝦食落新鮮及鮮甜。最後是麻辣雞鍋加肥牛，小辣也偏辣。但雞上麻辣鍋好香，雞很juicy，牛也好好食，值得一試。如果不是太食得辣，bb辣便剛剛好。辣度可選bb辣，小辣，中辣及大辣。下次一於再來試水煮魚。

早兩日夜晚收工後約咗舊朋友敘舊，喺尖沙咀想坐得舒服啲就即刻諗起呢間食嗰啲酸菜魚餐廳佢哋除咗酸菜魚之外其實菜式選擇都不少，不過愛食魚嘅我都係依然離不開酸菜魚首先上枱嘅係手撕包菜，我真係好鍾意呢種酸酸爽爽嘅口感，配上白飯食簡直一流酸菜魚上場啦，分量非常多，我叫咗價錢最平嘅江團，肉嘅份量不少，而且唔算太多骨，加上酸菜魚本身嘅湯底，將魚肉提鮮到另一個層次餐廳非常好，見到我哋食完之後問我地食唔食綠豆沙，原來佢哋都會有免費糖水提供，不過數量有限，好彩我嗰日同同事6:30就開始食，雖然係免費但係味道一啲都唔差，同出邊糖水舖食嘅一啲分別都冇，綠豆依然煲到起沙，抵讚

店內的裝飾很特別, 有很多特別的登光, 充滿現代感.點了3個菜, 一個白飯.酸菜魚 - 魚肉非常嫩滑, 酸菜非常好吃, 很開胃, 鍋底還有一些粉, 吸了湯的精華, 十個讚.乾煸花炒咸肉 - 乾煸花吃下有點像椰菜花, 咸肉非常好吃, 有點像厚版的西班牙火腿, 伴飯一流.清炒萵荀 - 最後來一個清茶, 萵荀挑了最好的部位, 切成簿片, 非常好吃.整體來說食物水準好, 價錢合理, 而且店員服務態度很好.

今天與朋友聚舊，相約來到麻辣派對試試。這裡環境十分特別，有五光十色的射燈，像開派對一樣。我們點了一份派對口水雞。口水雞麻麻的辣辣的，十分開胃。我們又點了一份麻辣雞鍋（半隻），而且加了肥牛肉作配料。雞鍋點了bb辣，辣度剛剛好。店員把爐放好，一邊燒一邊吃，保持熱度。雞隻肉質鮮嫩，份量也足夠。肥牛肉吸收了雞鍋味，味道香濃。我們又點了一份香辣焗波龍。波龍是指龍蝦。龍蝦肉質彈牙爽口，但肉不算太多，我和朋友也爭住吃。這裡環境特別，有派對的感覺。今天十分滿足。

好耐冇食過酸菜魚睇到呢間嘅評論唔錯所以諗住去試點知失望而歸。我哋揀咗黑魚諗住會滑啲點不知係超級硬同rough。明明平時食嘅黑魚係好滑唔知點解呢一條會咁樣。有少少似雪藏左嘅魚。酸菜魚嘅味道非常淡我哋叫咗小辣但係其實一啲都唔辣又唔酸。整體來講其實都唔知自己食咗啲乜嘢。成盤野最好食係酸菜魚入邊嘅水晶粉。不過反而佢嘅小菜（口水雞，土豆絲，手撕泡菜）好食啲。不過對我專登為咗食酸菜魚黎呢間餐廳嘅人，我都係要俾個差評佢因為佢嘅主菜實在太唔好食啦。