麻辣派對 (瑞生酒店) (已結業)

天氣凍就想食熱野或者辛辣野依間之前係深圳食過一次佢地d 炒香辣類煮得唔錯辣味同調味都好香港開既反而無試過，突然見到招牌就試下裡面環境就好似開party feel, 而且入面個mon 係甘播住d 人開party 既相侍應d 口音有d 唔正，類似譚仔甘我地點左辣子五餸，揀左豆乾，秀珍菇，水魷，雞脆骨，椰菜秀珍菇食落去仲juicy,椰菜吸哂d 惹味，水魷係爽口個陣，男友大讚脆骨即係雞軟骨，好咬口同香口，最一般反而係豆乾甘樣五味就$200 但係兩個人真係夠食但我地嫌食依個太單調又另外再點左個麻辣小面小面面身係幼d, 湯底都好多炸菜香菜等配料我地點中辣，都係幾麻下最後每人送碗糖水岩岩好解辣openrice 訂位有折，佢即場同我對完資料，比左折我點知夜晚就話我缺席。。。真係勁奇怪

今日特別想食麻辣野，見之前有朋友食過唔錯就去左尖沙咀既麻辣派對食。我要好強調我係第一次食，點解呢？樓下𨋢口個姐姐幾好既，事關因為落雨，佢比左個遮套袋比我裝遮，感覺以為唔差啦！點餐既時候都未覺得有問題 食到中間我叫個職員比個menu先知原來有下午茶menu,佢地比漏左，搞到我食貴左，幫我落餐個呀姐又唔提下。仲有無意中聽到碌卡要食夠幾百先可以用，好彩平時唔帶cash既我咁岩有cash姐，又唔寫係當眼處，如果真係冇cash人黎食點算？

即日係openRice book 位有九折=免加一。如果去呢到記得book位。我6:20pm都仲可以bk 7:00pm已經第二次去食，不過不失，叫左小辣同bb辣。我覺得下次可以再辣d。(本身食得辣)內面有加田雞。個鍋會一直燒住，所以一上枱個陣d雞唔會好熱，之後會愈食愈熱。今次食完之後仲有綠豆沙送，唔會好甜煲到好眠。都幾正

行完The One出嚟，見到個招牌麻辣派對，就諗住入去試吓。我地就嗌左兩款小食，一個鮮椒爽脆生腸($78)同埋燒椒小皮蛋（$68）。生腸食落去除咗辣之外仲好麻，口感亦都好爽脆滑溜。小皮蛋就好特別，係用鵪鶉蛋整嘅皮蛋。兩份小菜份量都非同小可。主菜，酸菜味型江團bb辣($168)，配料非常之多，唔止酸菜，仲有好多粉絲，酸酸辣辣咁，啲魚肉又有起骨，真係非常貼心。飲品方面，我地嗌左凍蜜語水果茶($38)同埋蘋果酒($38)。水果茶好大杯，入面仲有好多黑珍珠，飲落口感好豐富。環境方面，比較有特色嘅係，佢有一個語錄: 有酒就去喝，有愛就去愛，一生那麼短，再拘謹幾下，就真的過去了。.

今晚約了多年好友吃飯，為她補祝生日，而她很愛吃辣，並由她挑選了這𥚃。法國瑪斯乾紅$298，紅酒味道濃郁，非常容易入口。對於一個不容易喝紅酒來說的人來說，這個紅酒絕對是一個好的開始，而且亦都很配合水煮桂花魚的辣味，這個真是有點意料不到的。水煮味型桂花魚$288，水煮的辣椒🌶很香，帶點麻辣味，桂花魚肉質結實帶點爽口，魚腩部份脂肪豐富，個人覺得如果江團魚和桂花魚比較，桂花魚的味道，比較配合水煮的辣味。

今天下午到晚上，都在尖沙咀區，想吃點開胃的小菜，便來到這裡來。川北涼粉$48，當初第一次吃的時候在深圳，今次在這𥚃吃到的味道，和當年非常接近，不過涼粉的爽口彈牙就稍遜一籌，如果可以結實一點就更好。　乾扁四季豆$68，四季豆清爽甜美，烹煮的火候剛剛好，這個是個人覺得近年吃到中最好的。酸辣土豆絲$68，土豆絲切得粗幼適中，爽口清甜，酸度不高，辣度適中，雖然是一道簡簡單單地一道菜餚，不過要做得好味，實在不易，這裏是絕對做得不錯的。👍👍👍👍👍川味麻婆豆腐$68，辣味不算高，醬汁味道不錯，可惜豆腐會太硬，如果豆腐在軟滑一點，口感更好。

每一次想食辣野，腦海一定會浮現麻辣派對❤️因為味道正宗，環境又有心思😋辣度又可以揀，岩哂啲唔係好食至辣嘅朋友👍避風塘波士頓龍蝦❤️避風塘系列做緊promotion , $268就食到啖啖肉嘅波士頓龍蝦，龍蝦肉質鮮甜彈牙，避風塘炒得惹味香口，性價比高😋😋👍泡椒田雞❤️泡椒口味突出，酸酸辣辣好開胃☺️田雞肉非常滑，吸哂汁底精華😋乾煸花菜鹹肉❤️每次食川菜都必點！ 用乾辣炒，加上孜然粉等等調味，頓時令椰菜花變得惹味非常，重口味人士大愛！蜜語水果茶❤️食辣野一定要有大大杯飲品，呢度就有珍寶size 嘅水果茶， 甜度唔會太高，飲到鮮果味👍

同朋友都喜歡食辣野同重口味野，一早訂定位來尖沙咀，兩條友嚟一場麻辣派對，哈哈。其實睇菜單真係花多眼亂，款式太多，不過同朋友意見一致就是吃乾的，不吃濕的，因為類似火鍋的愈煮愈辣，有點怕胃痛，所以點了辣子雞，乾身~麻辣~咸香，非常惹味!另外加了茄子和土豆在裡面一齊炒，味道都好夾，看似很多辣椒，但其實不算好辣，肉都多但比較細粒，可能要入味，所以比較細粒?另外叫了豬軟骨津白，以為不辣，但一見實物，原來都辣，是比較惹味的辣，味道都不錯。

天氣寒冷最適合吃川菜，今次再到訪這間環境舒適，性價比又高的樓上川菜館。首先點了「麻辣土豆絲」，微辣的土豆絲質感爽口，是一道不錯的餐前小食。這裡的皇牌必推「酸菜魚」！魚質鮮嫩，魚片亦沒有刺，酸酸辣辣的口味讓人感覺很開胃。另外，除了魚片之外，裡面還有芽菜、蒟蒻及薯粉，薯粉質感Q彈，完美吸收了濃厚的湯頭，真是可以無限encore！不過酸菜魚的最佳伴侶是白飯，把之製作成酸菜湯飯，更是另有一番風味，不知不覺吃了兩大碗😅另外我們還點了回鍋肉，這裡的不會炒得過於油膩，而且豬腩片肥瘦適中，都是十分好下飯的一道菜。這裡每道菜式的份量都頗多，而且價錢相宜，性價比極高！

最近天氣冷了許多，就想著吃川菜，適逢聽家人介紹了麻辣派對，就奔著他們的酸菜魚來了。 他們有幾間分店，我跟朋友約在尖沙咀的分店，遠遠看去就見到了地上的投影，一定不會走錯。 一上到店舖就被他們獨特的佈置吸引了，很有心的設計。我們七點半到，店中已經有客人在吃飯。因為兩個女生吃，看到別桌的水煮魚和酸菜魚量大料足，雖然很想點些小菜試試，但還是只點了有名的酸菜魚，還可以加配料，便選了血旺（也就是豬紅）和我們都很愛的萵筍。 上桌時我們都慶幸沒有眼闊肚窄的多叫東西，因為量真的很多！超級劃算的！我們點了桂花魚，價錢貴一點，但魚肉還算不錯，刺也不多，很容易就能揀出來了。湯不是很辣，應該是為了迎合香港人的口味，不太能吃辣的我們只點了小辣，辣度剛剛好，麻的感覺很重。喜辣的人可以放心選大辣是完全ok 的。貼心的是他們的水放了檸檬跟薄荷，很能解辣和膩。 最後吃完，店員還送上了糖水，裡面有份量十足的紅綠豆和薏米等等，很是滿足～

今天與友人相約到麻辣派對聚餐，聊聊心事。餐廳位於尖沙咀加連威老道。牆壁和天花都用花花作佈置，很有氛圍。餐牌上有多種菜式可以選擇，而且可以選擇不同辣度。黑醋伴秋葵秋葵爽脆，酸酸地非常開胃。蕃茄味型江團蕃茄味濃郁，江團魚肉質相當鮮嫩，口感極佳，加上水晶粉及蒟蒻吸盡所有精華，味道一流，而且份量十足。冰雪鮮檸C飲 檸味突出，甜度適中，奇異籽可增加口感。凍蜜語水果茶一次過可以吃到西瓜、檸檬、青檸、橙、奇異果，多種水果。

中菜黎講麻辣野數得上我的最愛，無時無刻都會想食🤣而且地點比較就腳😍😍銅鑼灣同尖沙咀都有分店！而家尖沙咀分店仲好大有兩層！上次黎咁岩見到有公司包左開party,可以唱埋k咁🤣環境好浪費，燈光比較昏暗而且有好多彩色燈好似開緊party咁！可以放鬆下心情😁平時食中菜要多人食先.好，可以叫多幾個餸！但呢間個menu值得比讚！就係你叫水魚呀，麻辣雞等大大碟呢d可以比你加錢加配料，例如你加滑牛已經等於食埋水煮牛😂😂而且個配料仲有幾十款比你揀！飲品方面仲有水果荼，非常足料！值得推介👍🏼👍🏼

筆者不吃辣，但閒時就會去「麻辣派對」，因為能走辣的，而且餐廳裝潢有格調，燈光有氣氛，牆上掛著大油畫，喜歡這種氣氛。看看餐牌，有水煮系列、香鍋辣子系列、泡椒酸辣鍋系列、川渝涼菜、家常小菜、田園菜蔬、海鮮系列、麻辣小麵、雲南米線和金牌酸辣粉等，款式十分多樣。《蕃茄味型 (江團)(走辣) $168》就是喜歡吃蕃茄口味的菜式。上桌份量十足，眼見都足夠四人份量，看湯底都好吸引，平時吃水煮系列都不會喝湯，驚喜的是這個蕃茄湯底可以飲，入口鮮味、蕃茄味濃，而且調味也不錯；魚肉份量多，肉質嫩滑鮮甜，整體都不錯，十分喜歡。另外番茄較多，配料有蒟蒻、芽菜、水晶粉，十分飽肚，還有芝麻增加口感。《川香豬軟骨水晶粉(走辣) $48》份量好足十分大碗，豬軟骨每件都好厚身，肉質十分嫩腍，炆煮得十分入味，和軟骨都可一同食用，口感一流，配菜有大量的肉沫、花生、酸菜和香菜等。水晶粉晶瑩剔透、爽滑煙韌，整體都不錯。最後還貼心的送上糖水足料喳咋，十分滿足。

天氣凍除左打邊爐外，其實食辣亦一樣能暖胃今晚我地就去左尖沙咀既「麻辣派對」晚餐，去到餐廳樓下看到投影在地上既圖案已十分搶眼餐廳裝修好靚，好有氣氛，同出面既川菜餐廳與別不同佈置十分浪漫，差點以為去了那間高級西餐廳餐牌選擇非常豐富，有水煮系列、烤魚、海鮮、雞煲，還有小菜，豐儉由人雖然呢道食辣為主，但非常體貼，每款餸都可以揀辣度，就算唔食辣既人一樣可以係度食飽飽魔鬼辣椒粉，最終我都唔敢落雖然我地今晚就無食招牌既水煮系列，點左小菜加米線，但一樣非常豐富滿足古法古嚕肉：酸酸甜甜，非常開胃；口感外脆內爽，非常有水準！唔會厚粉，肉質爽嫩紅油火雞腎：雞腎爽口，夠麻又夠辣，超惹味！麻辣牛展：有很多片，厚度適中，口感軟腍入味！雲南米線：味道酸辣，非常醒神開胃，有肉碎、花生、炸菜，麵質亦煮得剛好！五香牛腩小麵：牛腩夠淋，份量足！

今日約了兩位朋友去尖沙咀行街，想起加連威老道有麻辣派對，一於去食下他們的午市套餐先。我們雖然近兩點才到，但仍是客似雲來。坐下後，便立刻研究一下午市餐牌，我們叫了三個套餐，大家都很有驚喜，真是超平靚正啊套餐包燉湯一碗，如不飲湯，可揀飲品，不過揀燉湯是正嘅，食材充足，火候十足，非常滋補養顏酸菜江團魚我們揀了bb辣，湯底味濃，魚片好嫩滑，有魚味，好正土豆黃炆雞好入味，雞件細細件易入口，薯仔送飯一流孜然蔥爆蒙古羊肉非常地道，羊肉羶味十足，廚師炒得好夠鑊氣，大家都食到舔舔脷套餐跟白飯或薯粉仲有糖水送添