麻辣派對 (瑞生酒店) (已結業)

這間食川菜的餐廳，一直都很喜歡食，在疫情期間，也有來這裡買外賣回家吃，不過堂食當然更加美味!餐廳共有兩層，當日雖然平日去到，而且只有晚上7點，但已經開了兩層給客人進膳!鮮椒爽脆生腸，這裡的生腸自從吃過第一次，已令人想念，所以今次堂食一定要點來吃!生腸份量都算幾多，爽脆，醬汁帶有少少的麻辣味道，有種開胃的感覺!香鍋自選系列，每次來這裡都會揀自選口味，而今次揀選了蓮藕、土豆、鮮牛肉、雞脆骨和花膠。辣度選了小辣，由於這個香鍋會用上小爐熱住，所以味道會越食越辣!蓮藕和土豆吸收了香鍋的辣味，辣得過癮!而鮮牛肉口感比較嫩滑，而且牛肉味頗濃，味道不錯!雞脆骨即是雞軟骨，爽口又特別!而花膠是新出的配菜，估唔到花膠在香鍋內的味道很惹味，吸收了醬汁的味道，麻麻辣辣，滋補得黎又夠刺激味蕾!凍蜜語水果茶、冰雪鮮檸C飲，飲品非常大杯，前者有不少生果於杯內，如西瓜、火龍果、橙等，茶不是太澀口，微甜!後者味道較酸，用作解辣一流!最後還送上綠豆沙，味道唔算好甜，很滿足呢！

天氣凍咗，除咗打邊爐，食吓辣嘢都唔錯㗎，但個個都食辣嘢，唔通個個都食得辣嘢咩！好似我哋同埋M媽嚟到尖沙咀嘅麻辣派對食晚餐，M媽一向唔食得辣，好彩呢度嘅辣度可以自己選擇。為咗提升佢辣嘅程度，我哋一於叫大辣啦！講笑姐，我哋只係叫咗小辣。餐廳主要分為4大菜式：重慶銅盤烤桂魚、水煮系列、香鍋辣子系列同泡椒酸辣鍋系列，選擇都唔少別！派對口水雞雞肉嫩滑，肥瘦度適中，而口水雞最重要當然係個醬汁啦！麻香味濃，非常惹味。紅油火雞腎火雞腎係一個好難入味嘅材料，但呢度嘅麻辣汁夠濃，辣味夠香，火雞腎爽口彈牙，唔錯！山城回鍋肉回鍋肉可以話係好多人第一個接觸嘅川菜，一屬肥一層瘦嘅回鍋肉，油香十足，好好味呀！干扁四季豆四季豆炒得好有鑊氣，仲有豬肉碎同香料，口感豐富，配飯一流。（記住Like同Share畀朋友）By A姐M佬 玩樂日記

很久沒有吃過麻辣菜，也沒有見過位朋友見到這間餐廳叫「麻辣派對」🎉感覺我們也要來開個派對才對🥳閒日晚上都幾熱鬧，餐廳播著台灣流行曲，挺適合跟朋友聚舊聊天桌面上有意想不到的...濕紙巾。另外，侍應給了一壺全滿的水，餐廳亦提供了放口罩的袋及放垃圾紙巾的膠袋，感覺都衞生。如果大家都幫忙把自己用過的紙巾放到袋內，便可減少侍應接觸到，大家食飯亦都更加衛生。酸菜煮牛肉組合 | $230辣度可選擇走辣、BB辣至大辣，即使不能食辣也有選擇。我們點了BB辣，又把原先的牛肉片轉了肥牛片，肥牛的份量很多，彷彿食不完。酸菜酸味夠，而且肥牛下面有很多水晶粉，吸收了湯底味道。內裏也有幾塊魔芋，滑嘟嘟的。涼拌黑木耳 | $48黑木耳夠凍，有些椒麻味，少少辣，加了芝麻幾香，涼涼的配起酸辣湯食一熱一冷，黑木耳份量都幾多。另外叫了椰子水，好欣賞餐廳提供原罐裝的飲品，食辣野飲椰子水可以解辣下火。差不多吃完的時候，侍應送上了紅豆沙糖水，食完酸辣菜，喝一碗糖水，感覺很滿足。

果日臨急臨忙搵野食，係OpenRice 見到呢間麻辣野有位於是就即日book 黎試下。 3點book 竟然仲book 到5點可能因為平日關係。5點令既時間唔算好多人可以慢慢食同環境又唔會好嘈！水煮魚同辣子雞必食水煮魚肉質好滑，辣子雞切到細細粒岩岩好！會再去食。

今日同個朋友去食麻辣派對，自己平日都不太多食辣，既然朋友叫到就試下啦！地點都算好方便，位於加連威老道，你地鐵站都只係3分鐘嘅距離。行完街可以上去，都好就街。入到去餐廳設計幾特別，好多吊燈飾，幾有party feel，都能夠令心情都放鬆一下，不過音樂我覺得可以播返啲新同開心既歌，餐廳播嘅歌都係比較懷舊為主。然後我們叫左辣子雞（bb辣都已經有料到）配左勁多乾辣椒，加上勁香嘅孜然風味。加埋少少花生，感覺好香口。睇落份量真係超大碟，驚唔夠食加餸加左土豆同蓮藕，土豆厚切夠哂口感。兩者炒到脆卜卜，蓮藕爽脆又入味。另外蒙古羊肉就冇乜驚喜，亦食唔出係羊肉。食落就好想叫個飯黎撈，係超開胃。仲有叫左個涼拌青瓜（都係辣既）呢個真係好吸引，好似可以中和返啲辣味。同埋最緊要係唔肥嘛，我成碟一粒都無留低🤣食完仲有紅豆沙送，但係始終食完辣野，如果係凍嘅就更加好。今次的飯局係對一個少食辣既人黎講有驚喜既，下次要試埋魚喔，因為見到在場唔少客人都有叫。

尖沙咀川菜跟喜歡吃辣的妹妹第一次來這裡吃午餐。這裡menu 很豐富，有水煮菜式，辣雞煲，連四川小菜 ，米線也有。最後我們點了：酸菜江團魚 小辣：雖然點的是最便宜的江團魚，魚很新鮮！魚已經切好小片，大概有一條份量，沒有魚骨，肉質很鮮嫩，而且煮得很入味，酸酸辣辣非常好吃。湯底酸辣度剛剛好，配菜有薯粉、蒟蒻、牙菜等，份量很多。派對口水雞：雞肉嫩滑，雖然雞皮帶有一點肥，但是沒有雞腥味。麻辣味偏重，非常惹味。這裡菜式多，裝修可愛，服務細心，推薦。

已經好幾個月冇食麻辣派對 見辣癮又發作 所以今日同朋友又嚟食晚飯 叫咗辣子海蝦 加配咗有機花菜 亦即係椰菜花 蝦嘅份量大概都有十幾隻 新鮮蝦頭仲有膏 有汁好鮮甜啲蝦仲好大隻彈牙淡淡肉tim 椰菜花就係入味之選 爽口得黎又夠辣夠惹味 另外叫咗個回鍋肉 顧名思義就係椰菜炒肥豬肉回鍋肉皮同脂肪同肉嘅分佈好好 唔會太油膩兼且係爽口 啲椰菜亦鮮甜 由於兩道餸都好惹味嘅關係 所以就算我哋唔係特別肚餓都做左白飯 好下飯 另外食完所有嘢之後 侍應仲送咗兩碗紅豆沙畀我哋添 紅豆沙唔會太甜 而且夠豆好有咬口 我好鍾意

餐廳裝修型格，牆壁上掛上大型壁畫，燈光昏暗浪漫, 不似傳統川菜館，不說還以為置身於一間酒吧呢 !川味麻婆豆腐$68 ~ 雖然是家常小菜，但憑着這道菜可見新派厨師烹調手藝！除了保留成都風味，巧妙地煮出香氣濃郁，豆腐白滑，配上傳統麻婆豆腐風味，馬上胃口大開。👍🏻😋"麻辣水煮魚" $188～水煮魚鍋有3款魚任君選擇，我們選了「江團」，鍋內放了滿滿紅紅的辣椒(中辣)，辣味適中 , 魚肉滑溜又鮮甜，鮮味無比。另外再加肥牛片及娃娃菜，肥牛牛味濃郁，油脂均勻。鍋底有滑滑薯粉及牙菜，份量也不少！ 滿口麻辣當然要飲杯冰凍啤酒解解辣，今晚真係辣得過癮，感覺超爽呢！

一早BOOK左台, 所以唔洗等位即刻入到.坐低叫左支啤酒, 鮮椒爽脆生腸, 呢個送酒一流. 岩岩晒岩岩收工放鬆一下.Hea完叫D主菜泡椒雞鍋- 大約半隻雞份量, 鍋底有個火熱住, 大量泡椒, 十分開胃.酸菜魚 - 有幾種唔同魚可以選擇, 選左江團. 「江團」的正名為，學名，鱨科鮠屬，「江團」系烤魚之發源地四川對它的愛稱魚肉非常滑, 份量亦非常多, 配大量酸菜, 十分美味.清炒萵荀 - 食左咁多辣野, 叫番個清D既菜, 十分新鮮食完仲送左個糖水.

念念不忘麻辣派對的古法咕嚕肉（是的，是咕嚕肉），所以又來了麻辣派對！手拍青瓜份量很多，口水雞的醬汁拌上爽口青瓜，清新開胃。鮮椒爽脆生腸爽口非常，生腸清理得很好，切得小小一舊，一口一粒，椒香加上芫茜，很是開胃。古法咕嚕肉用 蕎頭代替菠蘿，肉件沾上了 蕎頭獨有的香氣，豬肉肥瘦適中，入口軟淋，外層炸漿厚薄適中，是日的酸甜醬汁偏甜，很合男友的心意，個人則更喜歡銅鑼灣分店的酸味。肥牛肉雲南米線有肉碎、榨菜、酸菜等配菜，肥牛肉沉了在麵底，湯底酸酸辣辣，配上米線很順口。

個場靚，影相一流但味道比上次爭d (可能小辣)以下全部小辣炒土豆絲：酸辣適中酸菜魚：最平個种魚，好鞋呀，味道唔ok，一d辣味都無(食得辣既朋友可揀大辣)炸雞軟骨：份量多，即炸，加埋辣粉，good炸鴨舌：一般，唔會再有下次鵪鶉皮蛋：特別，可以一試雞腎：唔得，一d都唔脆烤魚：$328唔平，但唔覺有咩特色，係多少少配菜，唔抵！木耳：不過不失，但$48偏貴少少切蛋糕：不另收費，仲有埋碟仔埋單人頭2xx，還可以la

今日放假同左兩個朋友仔去食飯，咁啱大家都想食辣野，上網見到呢間舖頭網上預約有九折，所以就去試吓啦！食呢間舖頭之前都有朋友仔同我講佢啲嘢好重口味，叫我記得叫個咕嚕肉中和下，所以我都聽佢講叫咗個咕嚕肉，另外嗌左水煮魚，口水雞，同埋嗰涼皮試吓。咕嚕肉嘅味道唔錯，唔會太過酸，而且佢嘅粉漿亦都唔會太厚，係一個唔錯嘅選擇！涼皮同埋口水雞我覺得不過不失嘅，不過就冇乜太大特別。另外水煮魚我哋加咗牛肉，金菇同埋寬粉，份量超大份，三個女仔都食唔晒，味道我哋嗌左BB辣， 我平時食譚仔三哥會叫三小辣既，我自己就覺得唔係好辣，不過食到好香嘅花椒味道，如果係啱啱入門食辣野嘅話我覺得都唔錯，重點係佢嘅性價比好高，食完最後竟然仲有一人一碗紅豆沙，都係百幾蚊一個人，大家如果有興趣都可以試吓㗎！

終於可以出街食飯喇!今次黎左食麻辣派對。我地叫左兩樣野。第一樣係酸菜魚。個魚湯唔會好鹹，酸菜都好想出味。我地叫左BB辣，所以只係好少辣，唔會食唔到或者要係咗飲水，味道岩岩好。入面魚都唔少，而且岩岩好，好滑。另一樣左泡椒雞，呢個無左酸菜湯，就比較辣。但BB辣都一定係接受到。佢辣椒好多，另出黎明仲好入味。呢到都唔係第一次黎，但覺得都KEEP到水準。最後食埋甜品，係桂花啫喱，清清地，成餐飯就好滿足喇~~~~

看見這間麻辣派對風評不錯，約了朋友一起吃晚飯。餐廳裝修別緻，牆上的擺設都顯心思。餐廳提供菜單紙，另外也可從MENU中點選菜式。分別點了泡椒雞蛙鍋，和戀味毛肚。上桌好大一盤，份外吸引。朋友之前吃過一次，說味道比較辣，的確BB辣也頗辣，怕辣的只點BB辣就好。田雞肉嫩滑，味道也夠新鮮，泡椒味濃。雞件份量多，肉質細滑，肥瘦適中，雞皮沾上醬汁更惹味。配料有茄子椰菜花和蒟蒻，食材和醬汁很配合，蒟蒻爽滑有口感，茄子軟滑入味。毛肚即是牛柏葉，辣味跟泡椒的辣味有分別，後勁沒有泡椒那麼強。牛柏葉很腍很入味，辣得來帶一點點麻醬味，感覺比較柔和，是有層次的辣。飯後免費奉上糖水兩碗，吃辣後再來一碗滋潤香甜的紅豆沙，份外滋味。

我同老公都好鍾意食麻辣，所以朋友就介紹咗我嚟呢度試吓，話呢間都好出名麻辣，應該啱我口味！呢度啲裝修擺設同個店名好夾，麻辣派對，真係好有派對feel。店鋪分兩層，超多卡位，所以有足夠嘅空間和位置，食得放心！這裏的菜式花款甚多，點菜紙足足密密麻麻的三整頁，最後揀咗我哋都鍾意食嘅豬手😋而且辣度可以自選BB辣到大辣，好啱我呢啲BB班🤣#黃燜豬手鍋（BB辣）$168上菜時還有明火裝置，讓食物一直保持溫度，值得一讚！👍豬手炆得好淋好入味，食落肉質超級Q彈，配以芹菜芫荽秀珍菇洋蔥同炒，香口又惹味！加上食物份量好多， 大大盤足夠兩個甚至一家四口開心share。#鮮椒爽脆生腸 $78第一次食麻辣生腸，原來咁好食㗎 ！唔單止夠爽口，麻辣味仲會一路咀嚼一路滲出來，越食越過癮！#紅燒排骨小麵 $48超級抵食和有誠意的一碗麵！多蔥多芫荽多肉碎多排骨肯定係佢嘅賣點！而且湯底極度濃厚又唔會太麻，麵質爽而不韌，湯汁掛滿，真係超好味！😋排骨炆到好淋，一咬就骨肉分離，口感好正！