麻辣派對 (瑞生酒店) (已結業)

同朋友喺尖沙咀見到一間叫做麻辣派對, 我哋都想食酸菜魚於是就入咗去。 酸菜魚我哋叫咗江團魚，食落都十分嫩滑，同埋份量好多，兩個人食嘅話，其實都唔需要太嗌其他東西，酸菜都夠味。 入面亦都有冬粉，蒟蒻， 所以的確夠飽。 我哋叫咗bb辣， 唔太辣之餘亦都有刺激，正。 另外我哋都嗌咗一小碟嘅口水雞， 雞件都十分滑，十分香。 嘢飲方面，我哋嗌咗蜜桃水果茶，大大杯入面水果好多種類， 幾清新。最後佢哋送咗兩碗紅豆沙，畀我哋，暖笠笠，中和番啱啱的酸辣。

黎到麻辣派對食一個下午茶，乾煸肉鬆四季豆套餐，首先啲肉鬆好夠味，四季豆炒得啱啱好，熟得來又幾爽脆！之後有一個涼拌黑木耳套餐，少少微辣，啲木耳好爽口，而且個辣到啱啱好，份量都係啱啱好！仲叫咗一個川北涼粉，有芫荽，蔥，花生，去搭配，好好味，加上過來涼粉得好爽，晶凝通透！雲南米線，我哋叫咗BB辣，一食落去啲米線好彈牙，而且辣到啱啱好，再加上啲配料好充足，口感十足！仲叫咗一個燉湯，材料十足，包括有我好鍾意食嘅雞腳 ！我哋都食飽飽，好滿足！

話說喺尖沙咀有間川菜，我同我個frd都想試好耐~呢日咁啱同個frd係尖沙咀睇展覽，睇完之後就順便去咗試~ 呢間餐廳就係「麻辣派對」，餐廳裝修好特別，店內光線較暗，有好多花球同彩燈做裝飾，成個氣氛比較熱鬧，有少少似置身喺酒吧~ 🧡酸菜魚+萵筍（$236）可以自由搭配湯底、魚肉同配菜，選擇非常多！魚肉有江團、黑魚、桂花魚、脆肉鯇魚、剝皮魚可揀，配菜都有十幾二十款可揀！ 我哋就揀咗酸菜湯同江團，配菜加咗萵筍！上到嚟超多魚肉，無諗到竟然仲有魔芋同紅薯粉，份量超多！雖然我哋揀咗BB辣，但都幾辣下，好夠麻夠辣，不過個酸味同香味就爭咗少少！ 🧡川北涼粉（$58）仲以為係細細碗，無諗到上到嚟係咁大份，份量超多！食落冰冰涼涼，味道較淡，但就好解辣！個人覺得酸味重少少或者做得香啲會更好食！ 🧡桂花冰粉（$Free）最後埋單仲會每人送一碗甜品，可以揀綠豆沙或者桂花冰粉！我哋就揀咗冰粉，冰粉好重桂花味，唔會好甜，正正常常！

同朋友於尖沙咀 shopping 兼吃晚飯，這陣子天氣涼涼地，大家都諗起《麻辣派對》，酸菜魚是我們必點的菜式。店內環境好有Party氣氛，天花有些鮮豔彩色花球，不同顏色燈泡，好適合同朋友們歡聚。食物選擇包羅萬有，除了酸菜魚，仲有重慶銅盤烤桂魚、水煮魚、鮮椒魚等等，香鍋辣子系列也非常吸引，除了辣子雞鍋，也可揀田雞、肥腸、豬手等，另外泡椒酸辣鍋好受愛辣的朋友歡迎，涼菜包括口水雞、毛肚、木耳......也有家常小炒，蔬菜類有萵筍、土豆絲、四季豆......另外，特別有派對6小時燉湯。我哋得兩個人，點個酸菜魚已經好夠，再加個小食。酸菜魚-江團~我哋揀咗BB辣，一大盤，好豐富，江團魚份量好足，大大件魚塊，完全無骨啖啖肉，正啊！配料包括酸菜、辣椒、辣椒乾、芽菜，仲有水晶粉及魔芋。鮮椒生腸~生腸十分爽脆，加入花生碎及芝麻，味道更香口。凍檸茶及冬瓜茶~都是解辣好選擇。最後送咗兩碗紅豆沙，唔會太甜，不錯呢。

同事一直好想試麻辣派對上星期happy friday 同兩個同事去食辣野肥牛肉雲南米線 小辣 ＄58大大碗 酸酸辣辣幾好味 叫左小辣覺得唔夠辣 下次要叫中辣 同埋覺得唔夠配料 e.g.芽菜果d紅燒排骨酸辣水晶粉 小辣 ＄58同事叫左呢碗 我試左舊骨都幾正家鄉毛血旺套餐 ＄78另一個同事點左呢個餐 好飲好辣 其實唔太辣 好多芽菜 有幾件午餐肉 但血就比較少凍檸水燉湯水果茶加＄10好多水果overall好抵食 一個價錢有小食 主食 飲品 同甜品 仲想點

好耐冇食酸菜魚了，天氣又凍凍地，正好係食辣野的時候。係OpenRice 訂位有9折，所以就決定同朋友試下依間！入到餐廳，感覺環境唔錯，有啲似去左酒吧relax既感覺😂食物種類都較多選擇，食辣野為主。而今次就目標明確，試下食最低價既酸菜魚$198😆最初以為酸菜魚只是有魚，沒有其他配料，仲擔心唔夠飽，所以我地就加配萵筍。上菜後發現都有薯粉、魔芋，足夠2個人食🤣唔知係咪因為我地叫BB辣既關係，酸辣度係ok，但欠缺香味，花椒都偏少。雖然我地係叫最平的江團，魚的質素唔差，啖啖肉，最重要係沒有魚骨。我地仲叫左 川北涼粉，可自選辣度。上菜時跟我預想既畫面有啲出入😂以為會係闊身既粉皮，原來係幼身入口偏淋的半透明粉條。配花生粒同肉碎一齊品嚐，再加上辣汁，味道又出奇地好夾🤣最後我地想叫甜品食，解一解辣。侍應話會有冰粉或綠豆沙送😊冇甜品menu架～

收工喺尖沙咀附近， 又見到天氣凍凍的， 想食啲酸辣嘅東西，便來到這間位於尖沙咀的麻辣派隊，和朋友一起吃酸菜魚。酸菜魚套餐都相當掋食， 二百幾蚊有一大盤， 加了薯粉， 成煲大大煲熱辣辣咁上碟， 夠味， 魚都夠滑身。 價錢相當划算， 份量夠四個女生吃。薯粉吸咗酸菜魚湯底汁， 軟軟又QQ, 非常美味。 入面仲有爽口的芽菜， 蒟蒻等配料。食完辣， 想叫少少清淡的，再叫了碟炒疏菜， 呢個有驚喜 ，入面有芹菜，青瓜，云耳，蓮藕。 用油同蒜頭爆香炒得相當可口。 埋單每人百蚊有找， 食得飽又好味。

依家天氣涼兩地就會好想食一啲熱辣辣嘅嘢其實行尖沙咀成日都經過一間叫麻辣派對嘅餐廳想試咗好耐今日見天氣唔錯於是去試吓呢度嘅選擇款式非常之多而且價錢係合理嘅一入到去就覺得自己好似真係置身於一個party咁，成個裝修非常之打卡able有唔少都係花式嘅報紙做播一啲好輕快嘅音樂口水雞細細碟完全係一個前菜，今次嘅辣到我揀咗BB辣，食落去麻麻辣辣，好正，雞肉又潤，仲有啲芝麻好香口！酸菜魚叫咗走辣 與方面仲有好多選擇我哋今次就試一試剝皮魚啲肉好滑而且唔多骨！最重要係佢嘅芽菜薯粉份量超級多，勁正啲酸菜仲要唔會死咸同死酸令我食完一舊又一舊呢一味菜係豬軟骨炆娃娃菜豬骨炆得好琳啲骨都可以就咁咬落肚娃娃菜索晒嗰啲麻麻辣辣嘅味好開胃最後仲有紅豆沙作為我哋今日最後嘅甜品所以食得超級飽啊

前兩星期先食過銅鑼灣店，今晚心思思又來尖沙咀店，一樣的高水準餐廳佈置色彩繽紛，牆上掛了多幅壁畫，真的很有派對feel。 必食"水煮魚" （小辣）～ 鍋上鋪滿紅咚咚的辣椒，賣相吸引。江團魚肉嫩滑， 原裝配料已有薯粉及牙菜， 再另加自選配料肥牛及萵荀，份量已足夠二人的了！肥牛香滑有牛味，性價比高！薯粉煙韌彈牙，吸收了麻辣湯更加香辣惹味。食麻辣當然少不了飲番杯清涼啤酒解解辣，真爽！今次只有兩人未能嘗試多些菜式，下次一定要叫多幾個朋友來吃飯，更可挑戰中辣呢

環境:位置寬躺，而且裝修不錯選擇種類多，最後選咗個水煮魚套餐😊午市水煮魚套餐:水煮魚+白飯+飲品+糖水叫咗個小辣水煮江團魚，雖然望落好多辣椒好誇張咁，但係辣度還算合理，我唔係太食得辣都食到😆江團魚肉質嫩滑，肉多骨少，而且份量好多，食完好滿足！！😋😋鍋底仲有芽菜，浸到入灑味，好正😍飲品可以選燉湯，呢度嘅燉湯寫住6小時熬製，火候好夠，而且好足料，推薦大家飲！糖水送咗個綠豆沙，正正可以中和咗啲辣味，而且味道不錯！

想來呢間好耐！終於可以試呢間的麻辣🥰.🌶水煮江團魚 $198好大盤🤩勁多辣椒好crazy🤣叫了大辣老公食得好過癮好夠麻香，呢到迎合香港人口味唔算好辣，大辣等於譚仔的中辣，仲有幾個辣度，唔食得辣可以叫小辣同bb辣，仲可以走辣😆魚好嫩滑彈牙好好食，入面仲有薯粉和芽菜，正😋.川北涼粉 $58叫了凍盤，好大碟😆好多芫荽蔥和肉碎，點了中辣滿不錯的.金牌酸辣水晶粉 $48叫得金牌就想試下，好多配料，喜歡好多炸菜芫荽和肉碎，薯粉做得好出色煙韌彈牙👍🏻.冰雪鮮檸c飲 $38真係好大杯啊！兩個飲先飲得晒，好清新大大杯食辣岩哂.整體相當不錯辣得好過癮，餐廳裝修好有情調，濕紙巾用安全套包裝好搞笑🤣卡位好舒服，喜歡食麻辣的朋友滿推介！

今日第一次黎尖沙咀麻辣派對， 天氣凍凍地 緊係要食辣野，之前其實好多名人都去過又介紹過， 但我自己就一路都想食 但又未搵到個愛辣之人。 約返個舊同事見面 原來佢都鐘意食辣野， 咁就太有緣份 唔去麻辣派對 點對得住自己。 就係the one 隔離， 行幾步就到 估唔到咁近。 係樓下已經有服務員係到 招呼我地去搭life 十分細心。上到去以深色布置為主， 好有disco既感覺 真係肉開派對， 唔怪得改個名都咁派對。 睇等出好有心去裝修 而且都有藝術品 增添左d氣氛位置夠闊落 我同朋友一齊全卡位就好舒服 可以放心擺低袋等等。但傾左陣都忍唔住要叫野食， 實在比d食物既氣咪吸引左。廢事驚太辣 就叫左個bb辣既麻辣雞鍋， 成個大鍋咁上 仲會有火力熱住 邊食食辣 勁野味， 而且十分足料，雞又嫩滑 麻辣又夠刺激， 真心正。為左解辣 就叫左個紅燒舉腩津白， 雖然唔辣但仍然有水準， 牛腩香而且配合埋新鮮津白。 即刻清新晒碟碟都大大碟， 2個人真係食唔到幾多野， 我地只係叫埋個川北涼粉 就已經要投降， 看似簡單， 其實重料 而且個辣度岩岩好， 加上凍食簡直無敵。 彈牙得黎加埋辣汁既催化。 刺激成個口既神經

麻辣雞鍋(半隻)，選小辣🌶，雞鍋上枱，鍋內紅紅一片，視覺上已經充滿刺激，雞件入口麻香辣，食得過瘾。 芹香炒五素有蓮藕片，篙筍片，黑木耳，青瓜片及秋葵五款蔬菜，充滿田園風味，非常清新喔! 涼拌黑木耳一朵一朵黑木耳吸收醋汁及蒜香，再有小量芫荽吊味，爽口🥢🥢🥢，好一道涼拌菜色! 見到店內頗多家庭帶同小朋友一起用餐，推翻我的固有唸法，「🌶」不只是大人的喜愛味道，連小朋友都喜歡，好奇探索各種味道!而餐牌上除了水煮系列， 雞煲外，亦有家常小炒， 田園蔬菜……供選擇， 有辣有唔辣任君選擇 ，口味老少咸宜。除味道好之外，店員招呼非常殷勤有禮，值得比個👍。 店內色調迷人，令人放鬆!

約到好久不見的老朋友，想著大家一起辣辣地吃晚餐，怎料朋友喉嚨痛，我胃痛，但因為已訂枱所以不想爽約，所以想著照去試試，入座前已見座無虛席，幸好訂了枱，很快便安排入座，才知道原來餐廳有不辣的燜鍋可以選擇，這次跟朋友一起決定選擇黃燜雞煲，加了很多配料，加了茄子，有機花菜，豬手，老蛋(侍應都話識揀)，一煲過大雜燴超正，又大份量。它蛋真的超入味掛汁，豬手好林，茄子和花菜都索哂湯汁，而主角燜雞好入味，又嫰滑，份量又夠多，所以不吃辣的朋友都可以考慮再來。

本身我哋酸菜魚 加咗薯粉薯仔芽菜由於第一次食 而單上冇寫盤入邊有咩配料結果落班嗰陣店員都唔講聲，話依家落單幾日係同本身basic底一樣！結果搞到嚟咗Double嘅芽菜薯粉薯仔都不特只，我哋明明有tick度加魚!我哋係咪同店員講兜湯入邊根本冇魚！！佢竟然額外叫多一兜！又薯粉薯仔芽菜！真係非常浪費食物！其實你補番啲魚俾我哋就OK！而且仲依家Double價錢！當兩兜酸菜魚咁計！！真係食到一肚氣！同左身邊嘅朋友講以後都唔會嚟食！