麻辣派對 (瑞生酒店) (已結業)

呢間嘅酸菜魚價錢唔貴，分量都多，不過質素就的確一般般。魚塊就偏腥，同埋唔太滑，整體咬落口就好容易碎，不過佢嘅配料都多有魔芋，露筍同埋牙菜，酸辣方面都幾正宗。最後都有送個紅豆沙做甜品，味道好甜。

Chili Party  聽十都知呢間係主打食辣既餐廳出地鐵站行過加連威老道餐廳裝修好似去左party 既 顏色好多 又有射燈川香豬軟骨酸辣水晶粉豬軟骨又辣又軟嫩 好淋好入味 軟骨都有辣味水晶粉唔太多餐廳有 唔會煮到太耐 有咬口 煙韌湯底就不過不失麻辣都係主調黎 辣得幾過癮重口味之選

/ /正宗麻辣派對🎉好耐都冇食過四川口味啦！突然好想食辣野，即刻去過吓口癮🤪成個環境都好有氣氛💓入面仲掛咗霓虹燈波波球麻辣雞鍋半隻🐓雞嘅份量都好多！仲好嫩口入哂味，今次揀咗小辣，都唔算好辣仲加咗萵筍同埋牛柏葉😙本身已經炒好咗，所以都吸晒麻辣鍋啲汁食落好爽口、彈牙！大刀牛肉小麵🍜見到佢有米線食，即刻叫咗個試下牛肉係牛展，切得都比較薄小面好掛湯，食到麻辣味最鍾意係佢面頭仲有花生添🥜食辣野，梗係要叫啤酒啦🍺叫咗杯藍妹啤啤佢😙

食物方面 好難食涼拌嘢食酸味多過辣味 鍾意食辣嘅朋友呢間一定唔啱你❌烤魚已經嗌左大辣但都唔夠辣涼拌更加唔使講唔係唔夠辣而係完全唔辣得酸味😅質素追唔上價錢 性價比為零至於服務方面 樓下招待員做嘢濕滯輪候指示亂晒龍 數字籌都冇張 要啲客人自己記自己Number

Book左位仲要我哋羅號等，Book位意義係邊？？？仲要等半個小時先可以入場，唔好擺個食評係到卑人話，講完又唔改有咩意思？？？體驗感極差，望之後有所改善唔該！！！

不能抗拒嘅好味辣有麻辣香辣酸辣椒辣有走辣bb辣小辣中辣大辣就算唔辣佢地都整得好好味中午時分有好多款套餐選擇全部大大份，包凍熱飲同甜品絕對物超所值啲位都好闊落 好好坐有大概五張car座可能訂枱嘅時候要講聲留位不過略嫌啲背景音樂outdate又太嘈店員普遍都好nice又會覆單目測都有好多附近OL叫外賣自取同朋友兩個人各自叫咗麻辣牛𦟌同酸菜魚我地兩個都唔食得太辣叫咗bb辣啱啱好 少少辣 勁提鮮個麻辣牛𦟌仲食到好正嘅麻油味碟牛𦟌起碼有30塊底下仲有好入味嘅青瓜絲絕對好食抵食

3個字 ：好（x）正 ，簡簡單單 如果你鐘意食麻辣 真的要試下 ， 價錢又ok .唯一差的 就是 reception 無咁smart ，如你一早book左 但walk in又多人， 她會好亂 一定要等 而且態度會令你想 x佢 ，但上到去服務是ok的。 我去的是尖沙咀 整體食物方面真的一流 環境又靚 。特別是 一定要試個個毛肚 真的好（x）正 。其實我大至上都寫這些 因為要寫夠200字 ，如本身去開尖沙咀 銅鑼灣 又鐘意食麻辣 ，大哥 ，吾系hard sell 試下價錢又吾貴 特別推介 戀味毛肚 ，吾正 返來 x我

今晚同個好喜歡食麻辣嘅朋友去了這間主打食麻辣嘅餐廳，餐廳位於加連威老道，絕對方便易搵，上到餐廳內的佈置就好似置身於派對房，按排座位後再望望餐牌，嘩真係有不同款式嘅麻辣選擇，除此之外還有因我而改變的水煮系列酸菜味型江團要BB辣，見到其他枱上都係大大盤嘅香鍋，鍋內放滿了很多辣椒，見到都十分刺激！朋友怕辣我吃不到所以轉了酸菜魚！除此之外一人加多一個粉，我就是肥牛肉雲南米線，朋友就係川香豬軟骨酸辣水晶粉。等了一陣酸菜味型江團上枱，大大盤，內有大量酸菜，湯底個種酸辣味道十分醒胃，加埋大大片又彈牙嘅魚片，加埋湯中浸泡了煙韌彈牙爽口嘅水晶粉，絕對夠二人分享！等了一陣肥牛肉雲南米線同埋川香豬軟骨酸辣水晶粉上枱，一樣都大大碗，肥牛肉大大片入口肥美嫩滑，米線十分之彈牙煙韌，湯底亦十分濃郁，而配菜嘅花生十分香脆；而川香豬軟骨酸辣水晶粉內嘅豬軟骨炆得十軟淋入味，連埋軟骨都可以咬開入口，朋友當然大讚這裡口味一流，我亦覺得唔錯，下次可以再多一兩位朋友，就可以多點其他款式！

熱愛麻辣的我，又想食辣野了!🌶🌶真係又酸菜魚的癮🤤所以決定去麻辣派對，去食酸菜魚!-去麻辣派對真係必食係酸菜魚💯今次點了水煮系列酸菜味型江團（bb辣）🌶份量好多，絕對夠2-3人食!😍首先講魚，魚身好滑好嫩，絕對無骨💯而且仲有好多份量的魚呢!‼️所以絕對夠食!而且酸菜魚入面仲有好多配菜同麵🍜食完真係好🥳飽!絕對對得住呢個價錢!😋唔食得辣的朋友仲有無辣選擇，我則點了BB辣，輕鬆過一過口癮!-由於酸菜魚已經好飽，所以今次決定簡單點一個小食🌮點了派對口水雞，滿滿的麻辣風味🌶想不到都幾多雞肉，入晒味，一直在想如果有白飯一定更好!😁-飲品剛點了凍檸水同凍檸茶🍋食辣野都一定要配備呢!估唔到份量一樣好大杯!🥃-又麻又辣絕對係過癮的晚上!😋🌶而且呢間的環境好有特色，佈置都幾用心呢!份量十足，2-3人分享都絕對夠架!😜

餐廳位於樓上，但地下已有staff幫忙帶位，服務不錯。餐廳掛牆飾物特別，裝修好有玩味。菜式選擇多，而且好多菜式都有得選辣度，或者走辣。藤椒花雕白貝。先點了個冷盤做小食。花雕酒味重，再加埋辣味，好開胃。白貝肉厚鮮甜。 麻辣雞鍋，要了 BB辣，半隻份量。份量唔少，夠2～3人食。雞件切到細小，入晒味，有辣味仲帶有麻痺口感。有小火爐燒著。保持溫度，同埋辣度，食到尾都熱辣辣。 豆豉鯪魚油麥菜。份量好大的一碟。油麥菜炒得香，與豆豉鯪魚係絕配。 凍蜜語水果茶。水果茶是用特大杯的，好抵飲。水果都有好多，有香橙，藍莓，西瓜等。食完仲送了桂花啫喱，可以中和辣味。

最近天氣凍左咁多，緊係搵食辣野嘅餐廳！今次去左麻辣派對嘅尖沙咀分店去得食辣緊係叫全部都係辣嘅餸歌樂山辣子雞 $168辣子雞整得得好香好脆，吾會太過油膩，份量又十足，最岩配白飯👍🏻麻辣無骨鳳爪 $68鳯爪大大隻，麻辣同係出面食吾同，呢款會比較偏向麻味道多，麻得好過癮😎滕椒花雕白貝 $58好重花鵰味道加上白貝鮮甜真係好夾！絕對一份係吾夠食！麻辣小麵$48麻辣小面，當然麻辣味十足，如果面身硬少少岩哂我！

.天氣凍凍地就想食酸菜魚飲碗熱湯，一諗就諗起麻辣派對啦，坐得舒服、食物份量多而價錢合理.酸菜魚 - 江團魚 $198 中辣其實餐牌有幾款魚、同埋水煮、泡椒等烹煮方法，但我就鍾情於呢款，抵食又好味。.上菜啦....好大盤酸菜魚！成條江團魚起骨做魚片，大大塊冇骨啖啖肉，又好滑嫩.湯底係酸菜酸味加上香濃魚鮮味，本身盤酸菜魚度有蒟蒻片、幼薯粉同埋芽菜我另外加左3款配菜 ，土豆、有機花菜 同 炸豆腐角呢d配菜吸收左酸菜魚湯，好味道.口水雞 $68除左酸菜魚，仲叫左一款餐前小食 - 口水雞係凍雞件淋上麻辣花生粒既醬汁，口腔嘴唇辣到少少麻痺，過癮.

幫襯咗都唔知幾多次了，總之想食辣同酸菜魚，都會嚟呢度食價錢又唔算貴，而且d酸菜魚真係好鬼正，百食不厭🤣不過唯一可惜之處就係果粉底冇得選寛粉，如果有再吸埋d汁就更加好味，真心希望可以變為寛粉囉

上個星期突然間好想食辣嘢，就第一次去咗尖沙咀加連威老道間麻辣派對。餐廳位置就係尖沙咀the one附近，都好方便。因為餐廳係要搭𨋢，地下個服務員都好好禮貌招呼我哋搭𨋢。上到去見到成間餐廳佈置真係好有party嘅感覺，同埋一坐低已經聞到好大陣麻辣味。我同朋友兩個人都比咗張四人枱我哋，好闊落。前菜同小食方面我哋兩個人叫咗個毛肚（即係牛栢葉）同埋一個七味雞軟骨。戀味毛肚唔會太辣啱啱好，食落好惹味同爽口，唔會一味得個辣字。七味雞軟骨就炸得好香口，面頭仲有啲炸蒜，夾埋七味粉食都不錯。重點主菜我同朋友今次試咗酸菜魚，搵咗餐廳侍應介紹叫邊隻魚好，佢哋都好細心介紹邊隻魚食落嫩滑啲少骨啲，最後揀咗桂花魚。上到枱見到魚嘅份量都唔少，同介紹嘅一樣桂花魚相對滑好多同無咁多骨，個湯酸度剛好唔會太鹹或太酸。本身個酸菜魚就包咗啲粉，我哋就另外加咗萵荀同埋炸頭腐角，粉煙煙韌韌仲好入味，萵荀爽甜同個酸菜湯都夾。食到咁上下兩個人叫咗杯水果茶，水果好足料同大塊，有西瓜、火龍果、橙仲有啲奇亞籽，不過個水果茶就略嫌唔係好夠甜，但總括嚟講都不錯。

朋友鍾意食辣嘢，尖沙咀有間麻辣派對所以帶佢去試下。餐廳位於尖沙咀地鐵站附近。餐廳裝修佈置特別。餐廳主打重慶銅盤烤桂魚、水煮系列、香鍋辣子系列。仲有多款特色飲品。鮮椒味型水煮鍋 (江團魚)辣椒炒香加入新鮮江團魚片及其他配料，入口勁度十足，緊隨一陣陣麻痹感，花椒清香與魚肉的鮮嫩一起爆發。水煮鍋配料份量十足。冰雪鮮檸C飲味道酸酸甜甜，十分開胃。蜜語水果茶以檸檬、橙肉、火龍果多種水果與羅望子及錫蘭茶調製，味道清新。附送桂花冰粉，甜甜地可以中和辣味。廁紙盒非常精美。