麻辣派對 (瑞生酒店) (已結業)

有無人覺得夏天食辣嘢會零舍爽快？我和朋友就是一個例子，晚上來到尖沙咀的麻辣派對，想試試在夏日食辣嘢的感覺。餐廳格調相當有特色，牆身亦有不少特別的掛畫，不像一些普通的中式餐館。打卡位亦都出奇地多，未食嘢時可以先影影相。麻辣派對有多款菜式，有魚類、雞煲、小炒等等應有盡有，而且又有各款酒類供應，適合一大班朋友或者家庭聚會。▩ 1. 水煮江團魚餐廳有多款煮法，有水煮、酸菜、鮮椒和蕃茄，視乎各位的選擇。當然，除了入門級的江團魚外，餐廳還有多款魚類、毛血旺或安格斯牛肉，適合不同口味。我選擇的水煮江團魚，首先辣度剛好，小辣真的恰到好處，很易入口，而江團魚肉亦都非常順滑，完全無碎骨，不懂吃魚的亦都不用擔心。除此之外，水煮煲內亦有不少額外配料，例如豆芽、魔芋、薯粉等等，不夠的話還可以額外添加。▩ 2. 招牌口水雞除了主菜之外，我們還點了這裡的招牌口水雞。別以為口水雞是小食，其實可以當作一份主菜，雞肉和雞皮滑口，而且其辣椒亦都弄得非常惹味，配白飯一流。▩ 3. 凍檸茶食辣野要飲返啖凍飲，我們要了凍檸茶，飲完透心涼。我已經想好之後會約多些朋友過來一起和辣椒開「派對」。

疫情開始緩和，同事也蠢蠢欲動相約到尖沙咀「麻辣派對」辣一辣🌶，講起都興奮🤣🤣🤣其實這間餐廳食物種類選擇多，烤魚、海鮮、小菜、涼菜及米缐，每樣食物都好醒胃，而且亦可選擇不同辣度。酸菜味型江團🐟酸菜魚湯頭酸辣香濃，魚片滑淋，盤中有炸香的辣椒🌶、大豆芽菜、酸菜和水晶粉等材料，吃起來口感豐富，鹹香開胃，辣度適中，味重不膩。古法咕嚕肉🐖酸甜可口，香味濃郁，廚子做到爽脆鲜嫩，糖酸汁不會過量恰到好處，加上以酸薑引入菜餚中，好味道😋用來拌飯吃一流。最後喝一杯冰凍的檸檬茶，渴後有感透心涼，舒服😌餐廳還給客人一個驚喜，每人贈送一碗綿滑綠豆沙「下火」👍

你地尖沙咀果間都幾差wo,按人頭收費但比不足人頭份量食物比人，隔望枱6個人同4人枱份量完全大分別，個客好聲好氣同你地個經理講，但經理就完全吾理個客，繼續自己做自己做野，淨系講”4人份量係甘咖啦”,但問題係4人份量連一個6人份量的一半都無啊，呢間永遠都吾會再去。服務態度差，無禮貌，收足錢但比吾足份量！另外，黃燜雞沒什麼味道，而且肉質鬆散，麻婆豆腐太咸了，似是放了過多的鹽。另外，雞一大陣強烈雪藏味，而飲品就只有死甜，像在像糖水一樣。

星期六行尖沙咀，天氣熱又想食啲酸酸辣辣既野醒神下，就上左黎呢間樓上鋪試吓，見到個名都知係食辣野架喇😋上到去餐廳環境比較昏暗好有情調，我同朋感覺兩人坐左張旁邊既卡位十分舒適，冷氣亦充足，牆上面仲有大型油畫，周圍又放左啲五顏六色既花，成個感覺都好靚好舒服我哋上到黎係下午兩點左右，客人唔算多，同埋可以叫到下午茶套餐，因為又想食酸菜魚又想食米線，價錢又唔貴，所以叫左三個餐餐飲可以轉飲六小時燉湯，鍾意飲湯既我當然唔會錯過啦，仲有餐前小食貓耳朵👍🏻酸酸甜甜好開胃，燉湯熱辣辣好順喉，飲得出落足料煲，唔係味精水❤️有驚喜紅燒筋腩米線，我仲加埋肥腸🤭啲餸俾得多，唔會話得一兩舊就算，筋腩夠入味，牛筋炆得夠林👍🏻👍🏻肥腸質地亦好唔錯，有咬口口水雞配小麵口水雞同小麵係分開上既，小麵質地似幼身上海麵，索到啲湯汁一齊食好正重頭戲當然係酸菜魚啦，配白飯個湯酸酸辣辣又唔會嗆喉，惹味到不得了，但真係會越食越覺得辣，可能因為我一路飲啲湯，得番啲辣椒泡椒喺度😂魚無骨，質地都滑👍🏻仲有甜品係桂花凍同熱既綠豆沙，食完辣野再食個甜品潤潤喉真係好貼心🥰PS 廁所都夠闊落，店員服務態度好，會主動加水

因為老婆好鍾意食辣嘢，上網睇呢間麻辣派對專做辣嘢比較出名，今次就帶老婆過嚟試下啦。首先呢間餐廳的環境氣氛就同距個名一樣，好似真喺去左party ，入邊有好多屏幕播放KTV熱唱歌曲，裝修也比較色彩繽紛，坐位也非常之多，店員招待也很熱情。點菜時睇到menu 真係令人覺得選擇困難，因為種類真係好多！有水煮魚、烤魚、香鍋同埋啲經典的川菜小炒呢度全部都有，而且仲有多種辣度可以挑選，不辣、BB辣、小辣、中辣、大辣。歌樂辣子雞鍋我哋想食雞又想食肥腸，所以選擇了雙拼，輔菜加左午餐肉同埋土豆。本身以為兩個人食一份會晤夠食，等到上菜了覺得係自己霖多左哈哈哈！（上菜速度很快，等左十分鐘左右）份量真係超級多，兩個人叫一個鍋再加兩個飯安全足夠。肥腸、土豆、雞肉、午餐肉全都都有走油炸過，吃起來很脆很香！好好味！辣度都岩岩好（點了小辣），咸度適中。總之呢個菜送飯真係太正啦！很開胃！食辣嘢當然少不了要點飲料，點了檸檬茶跟奶茶，食完飲一啖瞬間減輕滿口麻辣的感覺！最後食完店員仲好貼心免費送左桂花啫哩比我哋食，細細杯份量岩岩好食完。

係尖沙咀經過見到呢間有好多選擇，又有烤魚，又有水煮，又有小炒，重要見到有麻辣味雪糕，所以就同朋友試下！同朋友2個人，所以揀左一個水煮鍋加幾個配菜。我地要左鮮椒味型，配江團，一上黎就見到滿滿既鮮椒，食落夠麻，椒味又夠重👍江團魚都好新鮮，同一啲都唔腥！魚片肉質厚實，配麻辣味好夾！配菜方面，我地揀左豬紅，金針菇同娃娃，全部都係好吸湯，岩曬呢個湯底！除左自己額加既配料，本身都有水晶粉，金針菇。所以雖然得一鍋，但都一定夠飽！食到一半，餐廳會上每人一杯桂花甜品，呢個質感似食緊啫喱，同重點係佢好解辣！朋友唔太食得辣，食桂花啫喱令佢回復返戰鬥力😂最後我地試埋麻辣雪糕先走！雪糕其實好重牛奶味，再帶點麻辣味，好新奇既配搭！食完咀唇熱熱地🤣

夏天係食辣解濕既時間, 今天又與好友來到麻辣派對開party~ 呢間食過好多次, 觀感不錯, 食辣時候都會諗起佢餐廳裝潢好似開party 咁五光十色前菜叫左個麻辣無骨鳳爪，超大隻鳳爪，類似口水汁既味道，用黎佐酒傾計一流猶豫究竟要吃水煮定香鍋, 2樣都好想食, 但最尾都係揀左香鍋~自選香鍋自己揀配料, 我地揀左花菜﹑羊肉﹑蓮藕﹑包菜﹑牛肉同土豆每次既份量都令我地嘆為觀止, 因為真係超大鍋而且佢好在會有個爐仔係下面滾住, 甘大鍋都唔會食到凍晒除左土豆唔係想像中的炸薯仔片之外, 其他都好入味, 不過今次唔係太夠辣, 下次應該可以叫大辣哈哈回鍋肉肉既份量絕不姑寒，包菜亦炒得很惹味，腩肉雖肥，但彈牙夠爽，值得一食！主食當然要有呢度既金牌酸辣水晶粉，酸辣粉酸辣度適中，紅薯粉晶瑩剔透，非常滑口。配料有榨菜、花生、香菜和肉碎，味道鮮辣辛香。

鍾意食辣的，相信對呢間麻辣派對一啲都唔陌生🌶環境好有夢遊仙境feel今次比我發現到荀野呀「藤椒花雕白貝」只係$58咋勁抵食～用左口水系列整，辣得好惹味‼️連芫荽&浸底嘅青瓜絲都好好食「回鍋肉」腩肉片非常香口，麻辣味入哂落啲肉度完全唔係淨係得表面果陣味道「酸辣土豆絲」呢碟土豆絲勁大碟每一條土豆絲都切得好均一，口感爽爽脆脆的正呀‼️食到最尾，原來餐廳會有糖水送㗎雖然味道甜左少少，但好解辣呢間係其中一間我經常訪店嘅麻辣食店🌶🌶

由於疫情關係, 好耐都冇同朋友出去食飯, 呢排小左確診, 搵朋友食下飯, 簡左呢個食麻辣菜前菜叫左個鮮椒爽脆生腸,  混入了指天椒、蒜蓉和辣汁等. 麻, 辣, 爽, 脆, 佐酒一流, 食唔停主菜叫左個銅盤烤貴花酸菜魚, 賣相十分吸引, 一個大銅盤上, 銅傳熱十分好. 肉甜中帶鮮，鮮中帶甜，雪白如玉. 配上酸酸辣辣的湯底, 十分惹味最後店家還送了一個甜品, 十分可口, 亦可作解辣. 服務及食物質素也很好.

同朋友做完美容剛好肚餓，經過餐廳門口見到好特別的圖案寫住麻辣派對所以入去試一試！朋友說餐廳食物不錯所以就決定去試一試,剛好餐廳做緊套餐優惠一個套餐有飲品有飯麵可以選擇!當然少不了麻辣派對的特色酸菜肥腸同埋水煮魚、口水雞。每道菜式都好有川菜的風味，可以選擇微辣大辣，適合不同的食客！仲有燉湯可以配，今日係椰香雞湯，好香好好味呀！肥腸酸辣味道剛好，水煮魚魚片太少，秒完😅口水雞可以配薯粉，好好味呀！仲可以加10蚊改大杯裝特飲！

又再放寬食巿的限制，尖沙咀開始回復昔日的熱鬧，整條街都人頭湧湧，水洩不通，我和老公藉著星期日也來湊熱鬧，約6點已經感覺肚餓了，其實尖沙咀區食店有很多選擇，但我和老公最終都會去麻辣派對，真係好像中毒🤣麻辣派對食物種類太多，每次都可有不同的選擇😋。今晚食泡椒田雞，香滑又嫩滑，酸爽開胃😋。豉椒炒聖子超惹味爽口，酸辣土豆絲清爽香辣，越食越辣當然不能少的水果茶及鮮檸C飲，茶味濃香，酸甜好滋味，解辣必備🤣，最後一定5會忘記的桂花冰粉。

今晚落雨天，最好不過在室內享受一頓豐富的晚餐。約了朋友在尖沙咀睇戲，見時間尚早，決定去了一間食麻辣的店舖。地點不難找，在尖沙咀加連威老道大街樓上一樓！樓下已經有店員招呼入內享用晚餐，非常體貼。一到步，餐廳給予色彩繽紛，五光十色的感覺，餐廳內的餐檯擺設非常有特色，所用的飲水杯也五顏六色，座位也非常多，店員招呼相當不錯。我們坐下，快脆地點了特別喜愛的食物就是酸菜魚，份量相當足夠2-3 人，材料相當豐富，有酸菜、芽菜，魔芋（植物嘅一種) 味道淸淡、清熱解毒、配了江團魚，非常嫩滑，魚骨少，絕對冇腥味！當然少不了紅辣椒，我們因為不吃得辣，只點了BB辣的程度。另外也叫一份川渝涼菜- 派對 口水雞，加上超多麻油味的，麻辣同辣椒，還有指天椒，但入口也不覺得嗆喉，雞肉非常滑溜，雞皮薄薄也很爽口，配以白飯絕對一流。滿口麻辣味道所以點了一份蔬菜，就是清炒萵筍，味道爽口鮮甜再配以麻油醬汁，非常可口。最後當然少不了點了一杯水果茶，生津止渴及一杯冰凍的 1664 啤洒。可減輕滿口麻辣的味道啊！絕對是一杯絕佳的飲品！驚喜的是餐廳免費送了兩碗綠豆沙給我們作為飯後甜品，可能覺得我們對甜品意猶未盡，他們也毫不吝嗇再免費給

中午經過尖沙咀 同行的朋友也想嘗試麻辣派對 兩人也不能吃太辣 幸好餐牌有不同辣度 很適合我們餐廳在一樓 特色裝修 佈滿花花及掛畫 燈飾營造氣氛很時尚叫了三個中午套餐 水煮江團魚 川味麻婆豆腐&麻辣牛𦟌肉 除了水煮魚是小辣 其餘兩道菜是BB辣。水煮江團魚小辣剛好 魚肉很爽口 保留魚的鮮味 厚實 份量很足夠 配有芽菜 非常開胃川味麻婆豆腐外面吃的麻婆豆腐都是將豆腐煮散 但這裡將豆腐切成完整一個個小磚塊 非常有口感 除了吃到川味肉碎 還吃到濃稠豆腐味道 很有驚喜麻辣牛𦟌肉涼拌小菜 不油不膩 每片牛𦟌也很爽口 喜歡吃牛𦟌的朋友一定要試試套餐配有餐飲 我自己加了$10升級蜜語水果茶 起級大杯 水果也是厚切 很有誠意 水果茶味道清甜 水果也好吃 非常好喝

第二次黎食3個女仔嗌咗3個餸, 酸菜魚 (轉咗剝皮魚), 辣子雞加肥腸同土豆絲, 有得揀辣嘅都揀小辣, 加3杯水果茶剝皮魚都係第一次試, 勁好食, 未食過嘅人真係可以試下 酸菜魚個底好正, 小辣真係好Perfect, d 滑溜溜嘅麵索咗D 汁好好食, 又彈牙 辣子雞加肥腸, 唔知係唔係加咗肥腸, 覺得腸多過雞, 如果可以多雞少腸就好喇 但味道都係好好嘅 D 腸炸得好靚 土豆絲係超好食, 覺得有驚喜 火喉好好, 少少爽脆味道又夠, 下次要再encore 水果茶都好飲, 已經嗌走甜, 但水果好新鮮又香, 飲落唔會好齋, 茶味亦幾濃最後仲有杯桂花糕送, 不過就甜咗d, 鍾意甜野都應該幾岩味因為全部散嗌, 埋單都接近$700, 貴咗少少, 但偶爾食下都好滿足

媽媽好鐘意食辣野適逢母親節 帶埋佢食下四川野間鋪要搭lift上 本身以為樓上鋪可能唔會太旺估唔到上到去七點鐘 已經坐滿左八成睇黎真係好受歡迎睇緊個menu之際隔離枱兩個女人見我地揭黎揭去忍唔住叫我地試下個江團 話好好食仲話邊啲邊啲都好食 我地就跟左佢地嗌左三樣野黎試下——————————————————-水煮江團（$198）其實我地真係唔識咩係江團魚聽到隔離枱大力推介就試下上枱成盤份量比想像中大魚片多得黎大片 肉質鮮嫩滑溜面頭有大量香料如乾紅辣椒 芝麻 香菜底下仲有水晶粉 芽菜 同蒟蒻連媽媽咁大食食到後尾都話估唔到咁大盤 食到好飽鮮椒爽脆生腸（$78）生腸雖然剪到細細粒但無呃秤裝滿哂隻碟口感爽彈無臭味下面墊左啲青瓜絲吸收哂麻辣油 後勁辣得啲有少少麻痺金牌酸辣水晶粉 （$48）份量比想像中大碗有花生 榨菜 肉碎作為配料酸辣度岩岩好水晶粉唔算粗但仍有咬口臨尾送埋個桂花啫喱——————————————整體食物質素唔錯 款式多 因為我地都鐘意食辣除左酸辣粉小辣另外兩樣都嗌中辣下次黎可以試埋好多人食既酸菜魚同嗌大辣