麻辣派對 (瑞生酒店) (已結業)

識我既人都知我係酸辣麻辣控，加上近年酸菜魚當道，今日就黎試試呢間！結果一試愛上😍［酸菜魚-黑魚。中辣］（加水晶粉、毛血旺、魷魚）今次試黑魚，比較彈牙，少量細骨，一啲都唔腥。如果想食較嫩滑既建議可試桂花或江團。湯底是重點！嗜辣嘅我，中辣夠哂爽皮，加上大量酸菜，仲有芝麻香味，好味！魷魚爽口，水晶粉索哂啲湯更加係食唔停口⋯［麻辣雞鍋 - 半隻。中辣］（加雞脆骨、茄子）份量多到以為叫咗一隻😂啖啖肉，唔呃秤！麻辣味好香，唔係死辣。一路食一路有個爐熱住，唔怕「晾」。特別推薦個雞脆骨，就算浸左落汁仍然好脆好香口！［香酥雞翼尖］超！香！脆！仲會另外上辣粉比你，送啤酒真係無得輸🍻［麻辣無骨鳳爪。中辣］個晚叫半打啤酒🆓呢個小食。大大隻鳳爪，個汁有少少似口水汁👍🏻［涼拌黑木耳。小辣］好爽，好入味👍🏻［清炒萵荀］成晚最清既一道菜😂好爽口另外，店員服務都超好，同客人有講有笑👍🏻（我地食到佢哋收工個一分鐘，仍然可以保持超好態度😂）

呢間分店有成兩層，整體地方都好乾淨，佈局比較中式幾有feel! 今次總共食咗四樣嘢食，埋單都係每人$200左右，係唔錯嘅Happy Friday晚餐🤣.💎 $228 酸菜魚-黑魚一直都好想試一啲正宗嘅酸菜魚，一上枱就見到份量好夠好多嘅魚片🤤仲有酸菜、粉絲、蒟蒻等唔同配菜，食落味道啱啱好，唔會過酸過辣！.💎 $48 雲南米線好抵食嘅米線！口感超彈牙，唔會因為長期浸落啲湯到而變到好腍，配埋肉碎同花生一齊食，鹹鹹辣辣咁令人一直想繼續食！.💎 $78 酸辣土豆絲食落口已經覺得薯仔味好重，口感爽，加上酸酸辣辣既味道，真係夠晒開胃！拎嚟做前菜就一流啦👍🏻.💎 $38 水果茶有幾種唔同嘅生果喺入面，食落去都好新鮮甜！另外飲落唔會有糖漿嘅感覺，幾健康！

每次想食酸菜魚，麻辣派對必然是我的不二之選，尖沙咀分店地方寬敞，訂座又有優惠，每到週末都必定爆滿！真係好抵食！今次選了普通的江團魚，魚肉爽滑，切件後完全不留魚骨，可以安心大口大口。酸菜及魚肉份量比一般餐廳多，鍋底材料亦同樣豐富，有大豆芽、蒟蒻，額外加配水晶粉及萵荀，二個人食的話份量真係足夠有餘。湯底的酸度恰到好處，濃淡適中，BB辣的辣度完全適合唔食得辣的人，大豆芽清甜爽嫩，薯粉口感煙靭彈牙，索滿湯汁，越食越過癮，每次吃都感到非常滿意。嫌唔夠辣旁邊亦有辣椒粉🌶🌶🌶🌶必點的口水雞是例牌份量，雞肉嫩滑有雞味，雞皮Q彈滑口，即是雞胸位置肉質亦同樣嫩口，質素不錯👍🏾👍🏾進餐後亦有糖水奉送😱😱😱 整體店員服務殷勤，食物質素不錯，必定會encore的餐廳✨

自從上次同阿妹來過尖沙咀的「麻辣派對」之後，很回味！ 意想不到受不到辣的我也能嚐到麻辣菜式！ 這家店的菜式五花八門， 林林總總的配搭，款款都各具特色創意！用心製作風味無限！ 除麻辣也有清淡的菜式供選擇。午市套餐也相當吸引，收費亦親民。 見食客所點的香鍋辣子系列，水煮，泡椒，海鮮，家常小炒等菜式都賣相了得！色彩漂亮 鑊氣十足！非常吸引！ 今晚與好友晚餐聚會，我推介這家店，一起發掘新口味！ 好友也存疑惑， 二人不好辣的竟走入火辣辣的麻辣店！？ 在幾款水煮系列中被我們發現一款新口味的～蕃茄味型湯底可自由配搭～江團魚，黑魚(生魚)，桂花魚，脆肉脆魚，剝皮魚，巴蜀毛血旺，極上安格斯牛肉等等。配搭豐富！ 可由走辣，BB辣至小，中，大辣。 我們選了BB辣！藩茄味型黑魚 $ 228洗手盆般大！份量十足！顏色奪目即時食指大動！細看內容相當豐富～湯底非常濃郁。蕃粉， 蒟蒻，大豆芽菜，菇類，鮮茄……等等。原條黑魚切片嫩嫩滑滑吸收了蕃茄湯底鮮上加鮮味。份量之大感到十分飽足！但又不甘於只吃一款，於是再點一款小炒～家常豆腐 $ 68賣相精美，豆付和配菜都入味惹味！有豆腐干和滑滑軟豆腐雙重口感

依家尖沙咀晚市好多都好靜...見到呢一間係爆滿幾乎要等位 搭lift落一層 充滿神秘感 !!🦋一入到餐廳樓底好高 好似置身於電影場景一樣🎬🎭有氣派 非一般的感覺 掛著復古油畫畫作 🖼配上五彩十色的燈光用上大量仿綠植 🌿店員用心服務 不時都碟和加水 加分💕樣樣都好食 收費合理 難怪係城中熱店♥︎滕椒花椒白貝$58 驚喜的涼拌菜式 份量足又大粒叫小辣 真係唔太辣 又充滿滕椒的麻味 ♥︎古法咕嚕肉 $88 份量很足 外層脆卜卜 肉夠林 好夠味 甜甜酸酸好開胃有別於一般常用的菠蘿用上兩色椒 配上子薑 酸Q頭 大大粒 好入味 ♥︎川香豬軟骨炆娃娃菜$88豬軟骨夠林夠入味 入口即溶 在碟上鋪上滿滿的娃娃菜 沾滿了湯汁 香氣撲鼻♥︎大刀牛肉小麵 $58 滿滿的一大碗 充滿小麵 口感有彈性配上厚薄均勻的牛肉片 加上不同配菜 特別一讚係花生 浸落湯都好香脆 驚喜

留意openrice book位有折架💕💕叫左個辣子雞+肥腸，口水雞，手撕包菜辣子雞+肥腸超大盤而且d雞炸到脆卜卜 超香口百幾蚊超值😗口水雞個汁亦都超惹味而且好滑溜溜！手撕包菜都好夠鑊氣！

香港少之有少嘅酸菜魚店舖，麻辣派對嘅裝潢非常新派有氣氛，好似置身於豪華K房包箱咁，啱囇一班人約埋一齊聚聚！雖然因為呢排食嘢都好重口味，呢度都有清清哋嘅選擇，例如我哋叫嘅蕃茄味墨魚，蕃茄味湯底，有江團魚、墨魚、剝皮魚、桂花魚作選擇。餐廳每日都以新鮮番茄，加上豬骨、蔬菜及多款香料，熬足幾個鐘，令湯底格外濃稠。我哋叫嘅墨魚鮮魚，肉質細嫩，嫩滑爽滑，配搭蕃茄湯底酸鮮美不膩。此外亦有招牌酸菜魚、水煮魚、鮮椒魚、重慶銅盤烤桂魚等魚類作選擇。另外，我哋仲叫咗小菜，例如家常豆腐，口感柔軟細膩，燒過嘅豆腐口感結實，香氣逼人。其此，仲叫多個藤椒花雕白貝，白貝自身已經非常鮮，雖然加左藤椒調個辣味，但都冇完全蓋過海鮮嘅鮮甜。

✿水煮系列 - 酸菜味型水煮系列有4款：水煮味、酸菜味、鮮椒味、番茄味最鍾意食酸菜魚，佢嘅份量都好大，兩個人食都食唔哂。湯底酸酸微微，好開胃好好食。另外魚都有幾款揀，今次就試下食黑魚 $228，聽店員講係肉比較多，肉質彈口啲嘅。食落都真係咁，不過之前食開多油脂啲嘅，相比下黑魚冇咁肥，但冇咁滑，同埋每片魚肉都有魚皮，而我唔太鍾意有魚皮，雖然都係好食嘅，但有少少失望。佢可以另加輔菜，我地就加左肥牛肉 $68，咁樣配都好好食。✿ 紅燒牛腩炆津白 $88呢個好食！啲牛腩炆到好入味，好軟淋淋，啲麻辣味都調得啱啱好！✿ 冰雪鮮檸C飲 $38飲品都係一大壺咁，好抵飲，飲落就係青檸檬茶，正常，幾清新✿ 蜜語水果茶 $38飲落就係雜果賓治咁，入面有兩大片西瓜同埋火龍果，呢款幾好飲。坐得好舒服，唔洗同其他人迫，環境都乾淨同埋裝飾都唔錯，而且個濕紙巾嘅設計真係好特別，好易令人誤會哈哈

酸酸辣辣很醒胃話說早幾天休息放假，便去了尖沙咀逛街，拿着一堆戰利品，吃過晚飯才回家。我們去了尖沙咀的麻辣派對，點了酸菜味江團魚，蒜蓉炒菜心，簡簡單單便一餐。冰雪鮮檸c飲飲過後都很解渴，不錯喔。結帳時連+1服務費，大概$346，平均每個人就是$173。酸菜味江團魚198元分量很大很壯觀，用花形的大碟裝住 ，賣相吸引而美觀。上面佈滿了辣椒，但可能由於我點了BB辣，所以吃下去酸酸辣辣的 ，不算太辣，精神又醒胃。魚片嫩又多汁，不腥又無骨。底部還有很多的蒟蒻片之類，咬口有彈性。亦都有好多類似蒟蒻麵條的麵條，份量不少，兩個人食都覺得飽。蒜蓉炒菜心78元清炒菜心，翠綠又爽口，上面有佈滿了蒜蓉，增添口感和風味。冰雪鮮檸c38元這個頗大杯的，一個人飲應該會覺得有點多，我們剛好兩個人一起分享，味道不算太甜，裏面有檸檬和青檸，感覺自己吸收維他命C啊。

麻辣之選，尖沙咀美食好集中，去完the one 商場shopping!行落去橫街都係食物，但今次特別想食烤魚，食過幾次的麻辣派對，都未試過佢的烤魚，今次試試先，裝飾好特別，用個銅盤烤魚，份量都不錯，有不同的菜配合，試左佢個新味蒜香味十足，魚係貴花魚，兩個人食條魚份量剛好，再叫個薯粉配上，餐廳的飲品好大杯，抵飲，仲係用新鮮水果，值得一試！個湯係重料的老火湯，味道比得上家中的水準！朋友連個湯料都食完，下次可以再試試別的菜色！

去尖沙咀做完facial去咗附近嘅麻辣派對過下辣癮 呢度裝修好夢幻咕嚕肉 雖然呢度係出名食麻辣 但係其實呢度嘅咕嚕肉係超好味 脆卜卜新鮮炸起 啲肉又爽口仲有d肉質唔會乾柴 個咕嚕汁酸酸甜甜味道啱啱好 配飯一流乾扁鹹肉椰菜花 呢個差唔多係我哋每次必點之選 貪佢有鹹肉辣辣地香口之餘 又有啲炒得好香嘅椰菜花五香牛腩小麵 牛腩同埋麵既分量都幾大 牛腩有啲幾舊連埋筋位脂肪位好軟淋 亦有幾嚿係齋肉會比較結實有咬口 兩種唔同嘅口感 小麵湯底辣辣地 麵質都算唔錯 浸耐咗都唔會好糊一pat嘢另外店員仲送咗綠豆沙畀我哋食添

水煮魚個湯底好淡，以前問過係魚湯，不過今次食落似溝咗水，d魚片仲少咗。好嘅point 都係個湯上面個層油好香。都係銅鑼灣個間好食d。環境方面張台有d痴，但d濕紙巾幾得意。

麻辣派對最近好似好耐冇食過辣野，行行下見到間食辣野既餐廳就入左去，一開頭我以為都伏伏地，但食落又覺得幾好食，就連食唔到辣既冬甩女都食到，想食辣既朋友可以試下。#冬甩仔女_尖沙咀#冬甩仔女_川菜🍩冬甩仔👦🏻🍩食評👅👦🏻歌樂辣子雞(小辣)(8/10) $68上枱好香😍叫左小辣🤣驚食吾到太辣😋但食落冇想像中咁辣，下次可以再試辣d，仲正🤪食落好香口，好脆口，吾會炸得太油膩👍🏼調味吾錯，食到椒鹽味、花椒、蒜頭、薑，送飯食一流🥰🍩冬甩女👧🏻🍩食評👅👧🏻水煮嫩牛肉(小辣)(8/10) $78一上枱見到好似好辣咁😩咁紅☹️但點知原來唔係好辣😆😆正，麻香味😍牛肉煮得好嫩，份量都算多，吾會太韌或煮得過熟😆牛同芽菜都好入味，送飯食一流👀🍩冬甩仔女👦🏻👧🏻🍩食評👅👦🏻👧🏻蜜語水果茶(7.9/10) +$10大大杯😳飲落幾清新，又吾會太過甜，茶味配搭得吾錯🥤有火龍果、橙🍊、西瓜🍉、青檸，仲有黑珍珠😋😋平、解渴、正👍🏼👦🏻👧🏻燉湯(8/10)應該係紅棗桂圓淮山煲雞腳，燉湯燉左6小時(單點要$68)好清甜😍有雞腳、瘦肉、龍眼肉等，都吾錯👍🏼👦🏻👧🏻綠豆沙(熱)(8/10)煮到起曬沙，好足料😋又吾會太甜👍🏼♨️太正👍🏼

餐廳裝潢以藍紫色燈光為主，一出電梯像進了KTV。還好菜的味道不差，服務也算周到，地面有服務生接待，用餐時的需求可以及時滿足。🌶️麻辣水煮魚。裡面的紅薯粉比魚好吃。🌶️回鍋肉。肉有些豬油渣的口感，椰菜炒得不錯。🌶️萵筍。用的粵菜作法，加了澱粉勾芡，不太能吃到萵筍的清香，勝在份量足。🌶️鮮椒生腸。脆嫩爽口，鮮椒實際上用的是湘菜的剁辣椒。餐後甜品送了綠豆沙（沒有海帶的那種）。整體來說，不算地道的川菜，味道偏鹹，但足夠滿足想吃辣的心。下回來嚐嚐辣子雞。

平時都幾鐘意食水煮魚 朋友話食過銅鑼灣分店幾好食咁啱行程係尖沙咀所以book左尖沙咀食啦去到要搭lift上去(得一部)我地入左lift之後閂門俾一個大陸中年男人㩒翻開個lift hold住5分鐘 話要等埋同行嘅老人家 個陣真係熱到hihi😑上到去佢地入左紫色簾入面 之後不斷有人嚟大約有15個人 可能仲多好不幸地我地被安排坐係附近隔離仲有一枱係佢地嘅小朋友😑全餐飯被不停嘈音攻擊⋯啲小朋友呀媽不斷係紫色簾行出嚟問佢地有冇食飯 做乜唔食成餐飯至少出左嚟8次以上搞到我地完全冇心情食🤮唔知點解全餐廳啲侍應會去哂個邊幫手 又幫手不飯不餸俾佢地啲細路講翻啲嘢食叫左碟水煮魚 陣味係無問題的 但啲魚嘅骨多到嚇人 平均食一片就有至少3條以上嘅骨未食過有水煮/酸菜魚有咁多骨配菜加左薯粉 因為問左職員佢話本身得配好少薯粉 但嚟到啲薯粉多到嚇人 所以根本可以唔洗加之後叫左碟四季豆 感覺唔夠乾身水果茶好淡 得啲生果有味