麻辣派對 (瑞生酒店) (已結業)

今日阿妹約來尖沙咀晚飯，係食麻辣的！嚇得我.....因為我唔辣得，不過佢不停咁同我講我一定喜歡！ 來到餐廳場面熱鬧好有氣氛！花花 牆身幾女性化好靚，阿妹同啲朋友經常來話好食！抵食！叫我一定要試。餐牌好多菜式類型選擇～原來可以選擇辣度的，有走辣，BB辣，小辣，中，大辣。水煮，香鍋，辣子，泡椒，酸辣.... 等系列。還有海鮮，川渝涼菜，家常小炒，田園菜蔬....嘩！真係 令人目不暇給！而且 價格相宜。飲品都好多選擇！凍物語水果茶 同 凍奶茶，好大杯！水果茶裡面有西瓜， 火龍果，奇亞籽 ，橙 ，蘋果同菠蘿～茶味好清新！食麻辣飲佢最中和到辣味！ 奶茶係港式囗味，好香濃！戀味毛肚～來到點可以一啲辣都唔試呢！揀咗BB辣俾我試試，果然好味！爽脆中帶麻麻辣口感非常惹味！藤椒 花雕白背 (走辣)醬汁調味濃郁，有好惹味嘅中芹菜，薑蒜同酒味道中有重鲜味！家常豆腐 (走辣)一開始阿妹點哩道菜俾我係唔想嚇親我，係話畀我知有得揀嘅！ 豆腐好滑好味道！醬汁唔多唔少僅僅 包住啲食材又夠鑊氣！五香牛腩小麵～盆咁大嘅份量！麵好彈牙，有炸菜香菜，花生等配料，好香口味道豐富。牛腩入味淋滑！真係碗好麵！食完仲有糖水

呢尖沙咀麻辣派對已經第二次去食，我同朋友都突然想食酸菜魚就諗到麻辣派對😹佢地好多選擇，多配料加，份量足～價錢又OK👻我自己推介香鍋同酸菜魚🤤小食小菜睇落都唔錯，下次要試下先

我個人覺得麻辣或者酸辣食品係比大家一路都認為嘅譚仔更加吸引，嗰種吸引係過一排就要識，真係上癮嗰種。反而譚仔嗰啲米線都並通，唔係咁令人着迷。呢度嘅酸菜魚或者其他水煮菜式最好最好嘅就係由嗰條魚係乜嘢魚，到湯底係乜嘢湯底，到配料係啲乜嘢，。。。你都可以全部自己由你Max and match！當然價錢都豐儉由人，今次我哋揀咗最平嘅江團魚，bb辣嘅酸菜煮法配水晶粉。始終冇立辣嘅話真係唔夠香，但係對我呢啲唔可以話叫做食得辣嘅人來講，只可以揀BB辣。曾經買過出邊一啲即食包裝嘅酸菜魚或者係酸辣粉配料包，但係真係老土啲講句冇出邊食咁好食。同埋出邊食咁耐真係大好多倍，自己買嘅話其實仲貴仲要自己煮喎呢度嘅酸菜魚湯料入邊有蒟蒻，菊花瓣，好多酸菜菜頭，芽菜配料，少少辣椒乾。性價比來講真係冇得輸，超級大份！啲魚好滑肉質都幾結實完全唔會散，魚嘅成本就唔貴嘅，但出邊嘅餐廳就唔知俾咗啲咩魚你食啦！出得嚟餐廳食，仲要食四川呢啲咁重口味嘅嘢梗係唔好俾佢停，加多個孜然蔥爆羊肉！呢個就冇要到辣啦，兩樣都辣頂唔順啦！好多羊肉片，唔係打邊爐嗰種超薄型而係真係有咬口有啲厚度嘅羊肉片。脂肪位都有少少但係食落好舒服，重口味得來唔會好罪惡

冬天的時候，又是打邊爐和吃辣野的好時間。這次就來到這間好味的麻辣店再次品嚐他的地道菜式。每次來的時候餐廳也是座無虛席，可見他的菜式味道是如此讓人深刻。麻辣水煮魚每次來到也必定會叫它做麻辣水煮魚, 不單是因為它的份量大份, 一定吃得飽, 更是他的味道出眾, 另人越吃越上癮, 它的辣不是一般的死辣, 它的辣味有很多層的, 吃得出有很多配料一齊煮過, 非常野味。 加上他的魚肉非常鮮滑結實, 而且非常厚身,吃落非常有口感。加上除了魚外, 他的配料也非常之多, 配上一配白飯, 真是簡單的黎, 味道一點也不簡單的一餐。

天氣開始轉涼，最適合吃麻辣菜式，一於去麻辣派對吃個痛快啦！這裡的午市套餐不單款式多，而且價錢超值。我們點了水煮江團魚套餐，及山城回鍋肉套餐。跟餐除了有白飯外，也有燉雞湯/飲品，及甜品。我們配水果茶，就只需加$10，另外也點了藍妹啤酒。燉雞湯：火候十足，真材實料，非常滋補。水煮江團魚：我們選了BB辣，鍋上鋪滿了紅紅的辣椒，讓我們吃出地道的麻辣香味，魚片嫩滑，份量亦足，令人大快口福啊！山城回鍋肉：這個菜非常惹味，肉片切得薄薄的，入口容易，加上椰菜份量不少，非常爽口，確是絕佳的配搭。水果茶：這個飲品非常足料，有新鮮的西瓜、火龍果、青檸、橙等，解喝怡神，只需加十元便能喝到。最後還奉上甜品一碗，確能令整個午餐劃上完美的句號👍🏻

天氣轉涼 又係食辣嘢暖身嘅時候所以去左尖沙咀麻辣派對食雞煲係呢度食有樣野好 就係配料選擇非常多叫左個雞煲 仲可以加大量配料啱晒多心嘅朋友仔麻辣雞煲今次就就朋友 唔叫咁辣 叫左BB辣呢個辣度剛好 又過到癮 就到人最緊要係可以食得哂 唔會辣得濟食唔到雞份量非常之多 食極都仲有 足料雞肉煮得嫩滑 鮮味十足另外加左茄子 蒙古半肉 同肥腸重點係醬汁份量剛剛好雞煲下面有酒精膏熱住令醬汁慢慢收 愈食愈入味所以必點茄子呢啲吸汁配汁蒙古半肉羶味十足 估唔到好夾麻辣汁食到咁上下 當然要叫杯野飯解辣今餐非常滿足

天氣開始轉涼，這幾天不停想吃辣的東西，要說吃辣的餐廳，這一間麻辣派對一定是首選～我們二人點了一份黃燜雞鍋配有機花菜，麻辣牛展和黑醋拌秋葵。先說黃燜雞鍋配有機花菜，一上菜的時候已經被他的份量震驚，不用200元的價錢能夠吃到一份分量十足的雞鍋。而且鍋下面有一個蠟燭保溫，令食物保持溫度。雞肉非常之入味可口，而且烹煮的時間剛剛好，雞肉非常之嫩滑多汁，而配菜也不可以放過，充滿著醬汁香口的乾蔥，洋蔥等配菜，非常之好吃，也很適合下飯～而且我們加配了一份有機花菜，花菜的份量也很多很新鮮，總括來說是一道味道非常之好而且性價比很高的菜式～！而小吃方面我們首先要介紹的是麻辣牛展，店舖挑選的牛展肉非常靚，牛肉和筋的分佈非常平均，而且配上店舖獨特的麻辣醬汁，除了牛味濃厚之餘，也能夠品嘗到刺激可口的麻辣味，非常值得推介！另一樣小食就是黑醋拌秋葵，這一道小食除了辣味之外還有濃厚的醋酸味，所以作為餐前小吃非常的開胃，同樣的份量也是很多，選用的秋葵也很新鮮，挺身爽脆，配上店舖特調的黑醋汁，很好食！結帳的時候，餐廳還送上一份桂花冰粉，甜度適中，桂花味很濃，在吃過香辣的食物後，非常之清新和舒適～

話說，小妹嘅幾位好姊妹幾個月無見，而姊妹們話好想食酸菜魚，由於香港搵地方可以好味嘅酸菜魚都比較困難，so far未遇到一間可以推介俾大家於是小妹不怕失敗地繼續尋覓，今次嚟到呢間見OpenRice 評語唔算太差，所以有期待，點知。。。小妹每次約食飯，都會揀一啲可以訂枱嘅地方，今次亦唔例外，但係，去到門口，就好似無訂過枱咁，見店員係咁放大枱入座，係唔俾小妹同朋友們，同自己walk in重新等位無分別，等待期間，對呢間店已經扣左唔少分數辛辛苦苦等到有位，上到去，座位仲迫過圖書館自修室，嘈過大排檔，令小妹直頭懷疑有冇符合消防條例。。。疫情底下，真心驚餐具嘅清潔度亦極有待商榷。。。落單叫食物，店員第一句：你呢張枱唔會有OpenRice discount㗎! 小妹同朋友隨即反咗一反白眼🙄️，心諗，邊有人諗住問你discount。。。小妹第一次覺得: ‘我點解會揀咗一個咁嘅地方？真係喺朋友面前失禮晒‘本來諗住，算啦，食物質素搭救，但係。。。小妹同朋友，除咗個炸雞軟骨係食晒之外，其他。。。唉。。。牛栢葉唔爽，皮蛋唔上味，辣子雞乾到咬唔落，酸菜魚亦普通。。。朋友還開玩笑的說：實係廚師輸馬仔無心機煮菜最終

食川菜唔洗諗!麻辣派對系首選，餐廳就好似開Party一樣，陰暗既燈光配以唔少花式佈置，再加上播住輕快音樂!感覺好Chill。口水雞口水雞以細細碗上菜，食落唔油膩，嗌小辣辣度容易入口，入口有少少麻，下次可以叫中辣。肥牛雲南米線肥牛煮得啱啱好唔會太老，米線份量多又軟硬度適中，配料份量十分足料，連湯送上嘅花生同酸菜都毫不吝嗇！牛油雜菜家常豆腐大大碗麻辣小面隨餐送桂花榚餐牌價格大眾化，三百幾蚊有咁多多野食，算系尖沙咀一帶抵食之選!

呢篇唔係食評，因為連門口都入唔到🤬原本book左1930，1915已經去攞枱，見到好多人係接待處，個個都好唔耐煩，已經估到有d問題，行埋去攞枱同佢講book左1930幾多位，最後淨係問左我地叫咩名，就叫我哋等一等，結果排到2015都無枱比我地，期間我地行埋去同接待處同個職員了解下原因，點解要等咁耐，佢仲可以好串咁同我地講，呢度排緊個個都book左1930。既然book位係無用，不如你咪比人book啦，浪費時間🤬

今晚約咗朋友食生日飯，佢指定要食酸菜魚，上網搵下，見到有間麻辣派對有酸菜魚食，見到幾特別，就book左19:00, 上到去1樓，係差唔多滿坐入到去，侍應帶我地坐咗一邊，我朋友嗌左個酸菜魚一鍋嘅佢咁岩都係要唔辣（原來可以走辣），我就嗌咗個酸辣粉不過我近排戒口叫佢走辣，仲有我哋嗌左個滕椒花雕白貝（小辣）先講一講個酸菜魚，好大一鍋夠酸味同埋啲魚好滑，酸菜魚㡳原是有好多薯粉，又有好多鹹菜芽菜呢個酸菜魚好好味，正，而我嗌過豬軟骨水晶粉入邊都好多配料見到豬軟骨都有成四至五大舊嘅跟住有好多配菜啦榨菜啊花生，最後佢送咗兩碗紅豆沙俾我哋好好味今晚即係牌滿足，下次如果食酸菜魚我都會嚟呢間encore一下

正宗麻辣口味我就食唔慣，但個人就非常喜歡酸菜煮法， 來到麻辣派對， 地方寬闊，裝修幾有特色，口味幾正宗。水煮系列都有幾個口味選擇，包括 水煮味型，酸菜味型，鮮椒味型留蕃茄味型，魚的選擇亦有4款。最後同魚怪老豆商量後決定叫一個魚一碟菜和白飯👇🏻👇🏻👇🏻⚛ 酸菜魚（江團）～ 我和老豆平時食辣野都ok, 但來到咁正宗口味的地方，我地都係選擇左 bb辣。 送來時我地都覺得份量十足， 一大盤上層放滿江團魚片， 辣椒， 而底層就有大豆芽， 酸菜， 蒟蒻， 和索味的水晶粉， 魚片勁滑溜一點骨都無岩哂我，可以一片接一片追住食。⚛ 豆豉鯪魚油麥菜 ～ 油麥菜吸收哂豆豉鯪魚的汁， 菜又爽又甜好滋味。⚛ 白飯 ～ 只要點酸菜魚就必點，因加d 酸菜魚做湯飯， 食完好溫暖好滿足。🥤 凍檸檬茶 少甜～ 食咁濃味的野，點都要叫返杯檸檬茶解一解油膩感。#hkfoodie #foodshare #foodie #food852 #dinner #foodiegram #foodblog #hkfoodblogger #foodlover #hongkongfood #followforfollowbacks #

心思思又想食酸菜魚，黎麻辣派對就最啱，呢度啲魚款式夠多！水煮系列有幾個味道可以揀，上次嚟就試咗水煮，今次就一於揀酸菜味！最鍾意呢度有好多唔同款魚可以揀，幾種魚其實都冇乜骨，侍應話江團魚油脂比較重、黑魚偏瘦啲。因為我未食過黑魚，今次就試吓。另外仲加左幾個輔菜，包括有機花菜、秀珍菇、金針菇。酸菜魚上枱熱辣辣，好大盆呀，賣相好吸引！先試湯底，酸度同辣度到調味得啱啱，因為我唔食得好辣，所以只係揀BB辣，不過對我來講原來都幾辣喎，不過就真係辣得好過癮好惹味，好有麻香！魚片好新鮮，真係冇乜骨，啖啖肉，黑魚真係比較瘦，但係都好嫩滑，魚片索曬麻辣湯汁，滋味無窮！除咗自己加嘅輔菜，本身酸菜魚有跟水晶粉、蒟蒻、大豆芽菜，分量十足！除咗酸菜魚之外，仲叫咗麻辣雞鍋半隻，同火爐一齊上，可以一路食一路加熱，賣相好吸引。醬汁非常濃郁，好惹味，雞件好入味，味道層次豐富。麻辣汁配上大量泡椒同剁椒，越食越辣，好過癮！

經弟弟推介話好味道的麻辣水煮魚，所以就去試試，係openrice 網上訂位有9折但要限時有d壓迫感，但都去試一下有幾好食去到餐廳樓下有接代處，要齊人先上得或一上去就開始計時⌛️個半小時，太多限制，令心情真有d不快，上到餐廳面積所以坐位到逼夾，光線遍暗；坐下來看餐牌都許多選擇，可以要食多2次先可以試多幾款，今次就試了以下幾款：1. 主菜鮮椒味型黑魚份量足魚好滑2. 七味雞脆骨- 夠脆口3.戀味毛肚調色好，毛肚爽4. 酸辣土豆絲-一般5. 麻辣牛展肉6. 鮮椒爽脆生腸 - 7. 乾煸四季豆- 一般8. 藤椒花雕白貝 - 唔覺有花雕味9. 麻辣雪糕幾特別味道總括來說，今次所食的食物味道不錯，都會再來試其他款。我間日去都座滿客人，

自從搬屋之後就好耐都冇食麻辣派對啦，今日難得有朋友請緊係同佢食個雞煲慢慢傾下。先點了個麻辣雞煲，外加土豆片再加鮮蝦，作為第一次試，先點了個BB辣試試。辣道剛剛好，加上香辣的雞件，一邊聊天一邊吃雞，人生樂事。另外再點了小菜加個炸雞翼尖，雞翼香脆且多汁，好可口。餐廳有免費檸檬水提供可以解辣，可見其細心之處。整體而言，雞煲份量足，雞件啖啖肉之餘夠入味，洋蔥又甜又爽脆，海蝦鮮味十足，成個雞煲連燭臺上，一路食一路熱住，冬天食一流。食完完畢，餐廳還免費送份紅豆沙糖水，真的很暖心。最後要讚讚餐廳環境很舒服，下班後搵幾多朋友談天說地，或同女朋友浪漫下，食住雞煲傾下計，真係好值得推薦。