麻辣川米線

營業中

休息中

今天，因著一些自己未能協助的不平事，人忽然變得思潮起伏，心緒不寧，也憤憤不平，滿懷唏噓；只想去吃一碗麻辣米線，麻醉自己。老友曾經找來這家米線店，看食評似乎不錯，決定試闖一下。這裏的米線湯度，分「雞湯」(即唔辣)，「麻辣」和「麻辣酸」三種；辣度則分「最小辣」、「小小辣」、「小辣」、「中小辣」、「中辣」和「大辣」。太公未光顧過，未知這裏的辣度如何，而今天確實需要一點刺激作為麻醉，就根據自己在裕一品平素吃的辣度作準，要了個「中小辣」。看著沒有laughing哥的「學警」，不消一回，米線即送上；湯底呈血紅色，應該不嘢少 - 呷一口湯，應是放了五香等香料同煮，湯底鮮甜，感覺猶如吃「五香肉丁」麵 - 當然，這湯底更香更濃；也是因為這份甜味，中和了湯底的辣度，也致使「麻」的味道橫行，吃畢半碗，便感到咀唇朝著「臘腸咀」的方向進化。米線則煮得非常爽口彈牙，是暫時吃過這麼多家麻辣米線店中最好的，比高峰期的「裕一品」更好。魚蛋則較一般，魚蛋上托盤痕跡上顯示，它們應是外購的；魚鮮味尚可，但調味也當重，也過份彈牙了點，予人不真實之感。這裏的米線，製作認真，非常不錯；唯太公始終不太喜歡偏甜的湯底，重臨的機會不大；

是日2點放學, 本來約了5cm lunch, 但他仍然和同生約會中, 要等到7點半和朋友dinner, 一個人跑到深水步去找真皮大早看過OR的食評, 一直很想試這間米線, ssp盲的我把地址告訴了5cm, 上次他帶我來過, 可惜沒有開門, 今次一個人來到ssp當然要試一次, 幸好還記得怎樣來 :]下午3點, 只有兩檯客, 共3位客人, 阿姐在看 親情, 一起討論阿海 看過menu, 是自己tick單落order, 問過阿姐意見就叫了 黑柏葉麻辣米線(小辣) 等左一陣就有得食, 先飲一啖湯, 吃湯麵前先喝一口湯是我的指定動作, 因為我覺得湯底可以主宰一碗麵的生死. 湯底夠麻不夠辣, 帶甜. 第一口覺得很奇怪, 但吃著好像上癮一樣, 好吃.第一次吃黑柏葉, 很爽, 吸了麻辣味之後更好吃米線份量比譚仔少, 女仔夠飽, 男人則未必夠吃一碗一送好像要28元, 較譚仔貴, $28在譚仔可以一送一凍飲了而且沒有水吧, 飲品大概$7-10, 建意可以食完行過隔離既士多買飲品, 一支也不過$3-4元, 比這裡便宜好多恐怕很久也沒有機會再來, 除非不好米線又不吃辣的5cm願意陪我啦 :]]

對上果次黎都好似已經一年前,今日去完黃金買野,突然好想食米線,所以就行過黎睇下有冇位,去到門口見到得四五個客,入到去坐低準備點餸,原來已經電腦化,只要寫個食品編號就可以,我order了清雞湯,雪花肥牛同牛腩,再加多一碟花雕雞翼,碗米線好大碗,d湯好甜好特別,完全冇退步,肥牛同牛腩都唔錯,幾好味,而碟雞翼$22有四隻,勝在新鮮熱辣製造,不過花雕酒唔夠多,如果多小小就好好味我個人認定這間麻辣川比譚仔更好食,無論湯底以及配料都比譚仔好食,不過雞翼我就覺得譚仔較為出色

The soup is very tasty... But it is only one level of taste compare to another 米線 in the same street.... That one you can find different taste in the soup...But I like this more because of the taste of 麻... which the other one didnt haveMy recommend is the 麻辣 beef belly... very goodAnd I have order a rosemary chicken wings which taste above average

麻辣米線 (小辣) 配 竹笙 & 黑柏葉~又真係幾麻bor~ 辣就不是太辣~ 而且湯底比較偏甜~o的竹笙ok ar~ 吸晒o的味~ 正!!而o的黑柏葉lei... 雖然黑mama咁... 樣子唔太討好...但咬落又幾好口感~ 好爽~其實無漂過o既牛柏葉都幾好食ya~另同行o既親友都叫了雞湯&酸辣湯底~佢o地都話ok lei~比起譚仔, 湯底偏甜, 唔係咁o岩口味但本人認為佢o的餸多元化o的~ 煮得好o的~可以繼續支持lei~

講真,,,我以前返學成日黎食,,,呢到分麻辣 , 酸辣 2種,,,,2種都有大中小辣揀,,,酸辣會比較酸,,,,但係味道唔會太差,,,,麻辣個人認為唔錯",,,比起譚仔有過之而無不及,,,果種辣係2種黎的,,,其實呢到果種辣比較正宗,,,,

今日冇野做, 去同個fd 吹水.黎哩度食碗米線, 個fd 介紹我例牌叫雞肉炸醬d 餸好食過譚仔, 但d 米線冇咁彈.碗野既份量唔多, 但佢勝在加$1 就有多碟菜/ 豆漿食多碟菜/ 飲完杯野就真係飽啦.

$24麻酸辣、中辣各款菜另加$4牛腩：好入味，新鮮，還有點牛筋，不會太大舊，易入口，正竹笙：索晒D辣味，好正啊芝士波腸3粒：無咩特別，即係芝士腸個D囉愛這隻麻酸辣的味道，米線滑、爽口、質感好、淋的適度剛好，PERFECT服務不錯

2008.11.22 (六) 早兩個月曾到斜對面既雲南米線開餐路經麻辣川，不知何解竟將之遺忘得澈底﹔收工前上 OR 搵食，見此店大比數笑面專誠到訪，到達時才晃然。店小小乾淨企理光猛，樓面阿姐友善，主剔麻辣小辣，亞姐提議先試小小辣以免吃不下﹔推介既麻辣牛腩，亞姐細心先問是否需要另上，當然好喇 ~ 唔該晒﹔牛腩夠淋味濃(超正)，竹笙有利吸取麻辣湯送進口爽爽甜甜口感不錯。主嫌小小辣不到位，相信對我來說應該夠有餘。我看圖揀了豬潤大腸米線雞湯底($26)，雞湯清甜﹑米線幼滑﹑鹵水大腸冇肥膏冇異味炆得入味(正)﹑豬潤薄切但仍”鞋”口(麻麻地)，雞湯雖清甜但麻辣能為味覺增添刺激感，而且麻香味重亦是我鍾情麻辣既原因(愛麻不受辣真難搞)，倘若帶點花椒八角的香味更錦上添花。香草雞翼($20/4隻)，平排既雞翼外層佈滿香草賣相精緻討好﹔可是香草粒稍為硬，滿口”銀住銀住”既感覺(不太好受)及超級藏牙隙(唔"了"牙都唔得)﹔而且雞翼醃得唔夠味，相信下次來唔會再叫香草味。

今天突然很想吃麻辣米線，見同事盛讚這店的米線，於是決定一試。買外賣回公司吃，同事吃麻酸辣湯底的米線(小小辣)，我則吃麻辣湯底的米線(小辣)。外賣的份量比起堂食小得多，我想最多只有堂食的三分二份量，但價錢卻一樣的，我想堂食較抵食吧~!外賣份量少, 相對價錢好像貴了一點點~我的麻辣米線湯的顏色紅紅的，面泛一層紅油，我略嫌肥膩了一點。還以為會很辣，但吃下去頗易入口，湯濃濃的，而湯帶有甜甜的味道，所以我覺得不太辣。一心想吃辣的我，有點失望啦~! 不過湯底的味道其實是不錯的。看見店裏還有其他的小食，好像不錯，有機會再試試。

今晚同honey 落樓下食野~佢介紹左我食呢間米線...我地叫左幾樣野1. 竹笙, 椰菜餃, 鹵豬大腸, 雞湯米線 (d竹笙好好味呀!! 索左好多湯汁...椰菜餃就一般啦...鹵豬大腸都唔錯)2. 鹵豬大腸, 墨魚丸, 麻辣酸米線(honey好鍾意食鹵豬大腸同佢既墨魚丸, 又真係幾彈牙既)3. 三寶 - 花雕雞翼, 豬頸肉, 豬扒(花雕雞翼好好味呀!!!唔係好大酒味...我鍾意!!豬頸肉好入味...我唔食豬扒既..不過honey話都ok)4. 柱侯汁番薯苗(我未食過番薯苗, 口感ok..不過最令我欣賞既係佢個柱侯汁...好正!!所以我諗下次可以試下佢個牛腩..應該都會唔錯)5. 麻辣黑柏葉(嘩.......呢個勁囉....係勁辣!!!我地已經叫左佢分開上柏葉同個汁...我同honey一點完個汁...即刻要叫汽水飲呀!!! honey 仲食到出晒汗...冬天黎食應該幾暖身架)d service 都唔錯..佢地會介紹下d野食咁..

傾pro 傾到肚子餓落樓下食米線麻辣(小辣)竹苼"九"菜餃飲啖湯, 嘩! 果然夠麻夠辣!! 正!! 竹苼係辣米線的最佳朋友, 夠吸味~"九"菜餃亦係不錯之選, 多菜少肉good~~其實最正係湯底~不自覺的差唔多飲哂成碗湯呀~~

10月10日21;00日前見專兄棄拉麵，而選這店的麻辣米線，好辣之徒豈可不試。店地極少，要在外面等位，幸好5分鐘後便能入座。要了中麻辣豬大腸、豆卜米線。(姐姐溫馨提示：我店的中辣是好辣的)湯底：濃厚；夠麻、辣度一般、敗筆在偏甜。(日後會試清湯底，且看是否鮮甜)配料：點點清甜芽菜、惹味菜和淡淡的酸菜。(麻辣度不會蓋過配料食味)大腸：鹵水味濃(讚)，口感好。豆卜：有豆香，吸滿湯汁，極惹味。人氣店座無虛席，不想阻人品嚐，祇好極速離店。

作為半個長沙灣人,竟從未去過美居中心外面的"麻辣川".在油麻地BC出走,想吃辣味本來去雲貴川是理所當然,但是想起月前才吃過,個腦一轉,轉了去共同"主場"長沙灣,二話不說跳上巴士.來到美居"麻辣川".沒有可能同對面的"雲南風味"去比,一個雲南,一個四川,極其量大家都係賣米線.而且麻辣川的店子,比雲南風味的更細.轉個身都難.一碗五味麻辣米線要$40,份量很大..我選了竹笙,豬潤,豬腸,肥牛,雜菌等材料,麻辣湯底要中辣.友人的米線是麻酸湯底.另再叫多一碗菜肉餃,花雕雞翼,柱侯汁番薯苗一起吃.首先試一口血肉池林的湯底,麻香不夠,但整體味道濃厚,越吃越辣,實在刺激.米線上的材料,肥牛粗中帶嚼頭,鹵水豬腸沒有異味,豬腸本身很肥,口感油潤略帶點爽.吃米線叫竹笙,其功用例牌用來索味,豬潤切得很薄,質感不算特別爽.然而個菜肉餃也算不過不失.柱侯汁番薯苗出奇地好吃,個汁惹味,薯苗碧綠新鮮.十分討好.譚仔有土匪雞翼,這處有花雕雞翼,吃不出花雕味,但幾香口.吃到渾身是辣,如何是好?之前說過黑水能治百病,今次照樣一人一支可樂.大支裝飲得更添快感.本來想繼續爬下梯,但份量出奇地多,吃罷已經什麼也吃不下了.

這是我吃過最好味的米線, 我通常選擇麻辣, 小小辣, 湯底甜甜地, 配菜如芽菜, 酸菜, 九菜都排得很整齊在碗內, 份量恰到好處, 不會亂七八糟, 可以選的餸有很多, 我喜歡雞絲, 什菌, 猪肝等, 二個餸已經很足夠, 地方很乾淨, 這亦是我喜歡來吃東西的其中一個原因.