麻辣川米線

營業中

休息中

今日踢完波, 去左lee 間野食, 好似車仔面咁叫, 我唔敢試麻辣湯底, 試左雞湯, 估唔到d湯幾甜, 料又夠多. 兩種料$19都算低食. 但地方真係細左d, 唔好坐.

呢度d湯幾好味，但ｄ米線就好腍．唔夠爽！仲有就係堂食好味過外賣好多！

自從吃過這間麻辣川米線的麻辣湯底我已愛上了，香濃麻辣味"GOOD",另外還有麻酸辣湯底夠麻夠酸"GOOD"---

當以前麻辣川個舖位仲係明順快餐時,我都成日去食o個度o既$15早餐.直至其轉形為麻辣川(留意招牌上小小的"明順"字樣),因為價錢不合,未去試.而當時福榮街仲未開譚仔.直至近來,見到佢做優惠,米線加$1有豆漿/油菜,自己米線癮起,就入內一試.上面係中辣麻椒炸醬腩肉米線+豆漿,都係$17+4+1.首先湯底,少少麻,味道濃郁,有景霖般的"可口",因為係雞湯底?炸醬,估唔到原來甜甜地,配落湯底相得益彰;腩肉,份量太少,有點遺憾;米線,較淋,但份量足;豆漿,對某些人來說可能較細杯,但夠凍又美味.整體上,呢度o既米線水準不錯,值得一試.可能對大家來講,舖位好似比較"刁鑽",其實o個度就o係元州街專當勞左近,好近松記.不過成間舖數埋得果12,3個位...(^_^;)(HTW米線紀行‧2)

湯底幾好，麻辣好正！特別推介麻辣雞翼，十分入味，辣到飛起！連我一個『半素食』者，都不能抗拒而要破戒！

麻辣，是最近愛上的異鄉口味，但所吃過的三間除了四姐都叫我失望，聽說這裡的湯底不錯，就特地去試試看。地方雖小，但打理得清潔整齊，很有好感。朋友點的是小小辣肥牛雞絲火腿竹笙腐皮，我則點了大辣豬潤大腸金菇，和一杯豆漿。落單以後在朋友旁的一位女士開始抵不住辣，開了罐凍飲，在另一桌的顧客也開始變孖潤腸... 等待中我開始有點怕吃不了大辣...朋友的小小辣先上場，我試喝了湯底一口，頗香和甜，但菜的分量就如kitty cat所言，少得可憐，朋友的評價是：肥牛得兩塊，雞絲有雪味，竹笙小而不爽，火腿已事先煮過，口感不好... 只有湯底還是可以的。然後上了豆漿，真的是夠濃夠凍，雖然已經加到五元一杯，還是物有所值。最後的大辣米線上場了，看著紅紅的湯，真的讓人感動，最起碼不像譚仔那些加麻辣粉就叫麻辣湯...喝了一口，有香味，入口辣完之後麻的感覺留在舌頭，好！豬潤大腸等配菜還可以，但可以更爽滑一點。金菇則一如以往吃過的，麻辣佳配:-)價錢是有點物非所值，好不好為了那個湯底再去一趟？

星期一晚同男友心血來潮，本來諗住去韓館食飯，但我竟然懵盛盛記錯左，以為韓館0係電氣道……當日由中環到灣仔再到北角，仲來回了電氣道一次，行到我同男友謝哂，把心一橫，都係返九龍搵食。成十點先搭船返到尖沙咀碼頭，商量後都係決定到長沙灣走一趟。(受不了麻辣米線0既誘惑) 近排真係無辣不歡，成日走去食麻辣米線，男友更加好似上左癮咁，一星期總有兩三日會幫襯四川。由於知道四川九點就已經收左，今次決定試試麻辣川。間舖都幾細，環境幾光猛同埋乾淨。睇下張紙仔，發覺呢度有唔少唔同0既選擇，一“食送”米線$17，配料亦分$3同$4 0既選擇。亦分清湯、麻椒同埋麻酸辣三種湯底。男友點了中辣肥牛金菇米線，我就點了小小辣0既竹笙金菇米線。門口大大隻字寫明不加味精，當然要試真d個湯啦。碗米線一到，即時試下個湯底，真係非常唔錯，小小辣0既湯底食得出好濃郁0既雞味，又不失少少麻辣。湯底0既味道真係一流，不過就同四川果d明顯不同，唔知邊隻先係正宗喇。男友亦對個湯底幾讚賞，佢話同樣係中辣，呢度比四川麻少少。配料方面都幾好，不過真係太少了！金菇都還可以，但竹笙真係只得三數條，仲要係幾零碎下。米線方面係一大敗筆，太淋喇！比不上四

$15麻辣牛腩雞湯米線......正!!!

這一間食店開了不久，起初都無太多人光顧，但最近開始多人，今日便走去試一次。一樣餸的麻辣米線只賣$17，每多一樣餸加$3/$4，也不算貴。我叫了個麻辣牛腩米線，湯底有雞湯、麻椒選擇，麻椒又分小、中、大辣，我要了中辣麻椒湯底。孰知中辣真的很辣，辣得我要換湯，吃完後整個咀都麻痺了，變了豬腸。但總的來說，麻辣真的夠麻又夠辣，味道是很不錯的。(因湯底太辣，食不出麻辣牛腩的真正味道)我會要幫襯的，不過下次要小辣好了。這裡有電視睇，小老闆娘(老闆的女兒)很有禮貌，我想叫她替我加點水於湯中，以減輕辣度，她就提出替我加點雞湯，她真好好人喔!!!