麺屋飛丸

營業中

休息中

呢間元朗係一間非常出色嘅小店雖然唔太起眼，但人流非常多，店舖嘅地方雖然不大，但係食物質素相當高，拉麵價錢仲非常合理，性價比高，除咗拉麵，仲有非常多嘅小食一個叫拉麵一碗有得送一罐飲品，我就揀咗忌廉味嘅可樂，朋友就加$8要咗支烏龍茶，飲品夠晒凍冰冰，天氣咁熱，最基本飲品梗係要夠凍黑蒜油雞白湯拉麵，配料非常多有豚角，叉燒一件，慢煮雞胸一件，雞肉丸，一粒味玉，紫菜一塊，竹筍，洋蔥同埋青蔥，配料相當多，而且外觀仲非常吸引，湯底非常濃郁，加埋黑蒜油味道更加香溢，棉質嘅軟硬度剛剛好，而且份量仲非常多， 豚肉有燒過嘅香氣脂肪一入口就已經溶化一層脂肪一層肉，口感已經比滿分，雞肉丸經過炸之後非常香口，雞胸肉夠晒軟滑，容易入口，糖心蛋不得不提生熟度做到剛剛好，而且味道仲非常入味，南蠻炸雞$26，雞肉炸到外脆內軟，入面仲唔乾身，廚師相當有水準，上面鋪滿特製嘅調味醬，入口相當惹味蟹籽沙律$36， 青瓜絲上面鋪滿大量嘅沙律醬蟹籽同埋蟹柳絲，蟹籽嘅份量仲非常澎湃，份量相當多，全部嘢撈埋一齊食味道清新，入口夠爽口，健康，每一啖都食到有蟹籽

朋友知我鍾意食雞白湯拉麵🍜今日比佢捉左出黎元朗，試下呢間拉麵新店「麵屋飛丸」裝潢設計係簡約木系，麻雀雖小，五臟俱全，有4張卡位方枱，枱內已有餐具抽屜位，枱面有檸檬水同7味粉等調味料麵屋落單方式簡單，用筆圈起選項卡就可以，內容清晰易明，列清楚哂價錢及拉麵入面既配料蟹籽沙律🥗材料：海量蟹籽+清新青瓜絲+軟熟蟹柳絲+美乃滋口感爽脆軟滑齊哂，蟹籽量較多，鮮味up免治雞肉棒係食到入面有雞軟骨既免治雞肉，燒汁味香，唔會搶走雞味唐揚炸雞雞件炸到金黃，襯熱食外脆內嫩，重點係唔會死咸，好加分吉列炸蠔麵屋用左麵包糠做炸漿增加口感，咬埋蠔仔依然嫩滑，怕腥的話可以用跟碟既檸檬汁去腥味塩味雞白湯拉麵🍜主角出場！朋友同我一樣揀左經典塩味雞白湯拉麵，同一般拉麵擺盤一樣，碗邊放有紫菜、叉燒片及雞胸肉片各一片、湯內有雞肉丸、竹筍、洋蔥、青蔥、味玉好足料麵條軟硬度可於落單時選擇，今次我揀正常，食落岩岩好食拉麵最緊要係個湯底，呢度既塩味雞白湯有好香濃既雞肉香，入口香醇順滑，原來經4個鐘熬成，加入海鹽，鹽量適中唔會搶走雞肉精華值得一讚呢度既跟麵流心蛋相當出色！蛋煮到5成熟岩岩好，食蛋白已經食到醬油味好濃郁，蛋黃半凝固，食落超

係元朗既一間小店，主打雞白湯，點了一碗雞白湯醬油，一碗鏗魚醬油，嗲下去發覺點錯了，配鹽湯可能比較好因醬油比較麵係博多式白色嘅拉麵，口感尚可，配料好多，有一隻流心蛋，一塊五花肉，雞肉丸同一塊慢煮雞胸，女仔應該食唔晒，五花肉算入味，雞胸很清，雞肉丸反而係最好吃的，食落去仲有小許軟骨，口感味道都不錯人圴$90，每人只係叫左一碗面

今晚嚟到元朗呢邊食飯，近豐年路輕鐵站見到麵屋飛丸，好想試吓呢間拉麵！細細間店乾淨企理，都幾舒服！🥰各款麵都好吸引 都唔知食邊款 款款都想試 急不及待叫咗兩個拉麵同小食😋😋😋😋醬油雞白湯拉麵賣相吸引，濃濃嘅湯底，一睇就想食。味道好好，濃香雞湯底配上麵，麵口感煙韌，份量好足，豚角叉燒一件、慢煮雞胸一件、雞肉丸一粒、味玉一隻，竹筍、洋蔥、青蔥。味玉好正，流心滑溜！各種配菜都話好食！黑蒜油雞白湯拉麵配料同醬油雞白湯拉麵一樣，豚角叉燒一件、慢煮雞胸一件、雞肉丸一粒、味玉一隻，竹筍、洋蔥、青蔥。最大嘅唔同就係湯底，濃郁黑蒜味，別具一番滋味！唐揚炸雞新鮮出爐，炸得好脆！羽根餃子煎得好脆，可以點餃子醋，好味🤤蟹籽沙律前菜，開胃，蟹籽好新鮮，粒粒脆卜卜！Zero可樂烏龍茶

黑蒜豚肉雞肉湯拉麵：這碗黑蒜豚肉雞肉湯拉麵給人留下了深刻的印象。湯頭濃郁而香濃，黑蒜的獨特風味為整碗拉麵增添了一層豐富的口感和風味。豚肉和雞肉的搭配使得湯底更加豐富，肉質鮮嫩多汁。配料的選擇也很恰到好處，叉燒的炭燒香味、慢煮的鷄丸和鷄肉丸都帶來了不同的口感和層次。鰹魚醬油拉麵：鰹魚醬油拉麵展現了日本拉麵的經典風味。醬油湯頭帶有深厚的鰹魚風味，為整碗拉麵帶來了豐富的咸香味道。拉麵麵條彈牙有嚼勁，搭配著鰹魚油的香氣，讓人一口接一口。日式餃子：日式餃子是一道經典的小吃，往往以其獨特的外形和美味的內餡受到喜愛。這款日式餃子在外皮的製作上讓人驚艷，餃子皮薄而有嚼勁，包裹著豐富的餡料。肉這款日式餃子非常適合作為點心或開胃菜，外形令人滿意。蟹籽沙律：蟹籽的鮮美和爽脆的口感為這道沙拉增添了豐富的層次感。搭配新鮮的青瓜絲和適量的沙律醬，既清爽又滿足味蕾的需求。蟹籽的鮮亮色彩也為整道菜品增添了視覺上的樂趣。

香港講起雞白湯拉麵，大家可能會諗起中環果間，但元朗其實都隱藏左一間😍岩哂屯元天人～坐落係教育路，店內雖然唔大，但坐得幾舒服～Menu選項唔多，但夠精👍🏻兩個人差唔多叫晒全部小食黎試😂😂😂- 南蠻炸雞 （右）外脆內軟，配左兩種醬，仲有檸檬汁解膩，食完都唔覺熱氣Heavy另外佢定時都有期間限定小食叫左吉裂池魚（中）同骨付腸（左）前者幾特別，池魚既質感再吉烈炸後者燒得夠焦脆～- 羽根餃子煎得好靚仔，皮薄～入面係菜肉餡- 免治雞肉棒係雞肉混合埋軟骨，咬落咯咯聲好爽脆，係好特別既口感😍- 蟹籽沙律本身無咩期望，諗住fresh下點知有驚喜，爆量蟹籽撈埋青瓜絲爽加脆，食落卜卜聲，係口腔內爆開🤤‼️食完小食 主角登場‼️我地揀左雞白湯同醬油雞白湯每碗都標配有一塊肥美肉切叉燒慢煮雞胸，糖心蛋同雞肉丸( 呢個好好味，混左洋蔥，好鮮甜😍 )先講白湯，聞落已經好香就咁飲已經好好味，算係淡口類麵質同日本果啲好相似！好似返左鄉下咁至於醬油雞白湯就偏濃郁食落好有醬香，配麵食其實呢個會更夾食日本野當然要配返支波子汽水！都只係加$10咋😆最後要讚讚店員，雖然舖面細細但服務十分周到同細心👍🏻👍🏻真係一間用心經營既小店💞

今日嚟到元朗的呢間拉面小店，鋪仔細細但係裝修別緻，播住日文歌。相信附近學生哥一定好鍾意。全店五款拉面湯底，配料統一。今次就試咗醬油雞白湯拉麵。拉麵嘅配料非常特別，除咗有豚肉、糖心蛋之外，仲加入慢煮低胸同埋豚肉丸。三層豚肉入口即溶、雞胸嫩滑。豚肉丸剛較為普通雞白湯冇一般豬骨湯咁咸，適合一啲口味清淡啲人士。醬油的味道平衡，呢種配搭喺香港少見。南蠻炸雞呢個炸雞不得了，南蠻醬酸酸地勁開胃、炸雞即叫即整入口熱辣辣。非常有心嘅小店。

元朗開咗好多小店，今日呢間隱世拉麵我終於試到，地方雖然細，入面只得四張枱，但係冷氣非常足夠，又夠寧靜，坐得好舒服，周圍都整潔乾淨，又衛生雞白湯醬油$88湯底非常濃郁，唔會覺得鹹，師傅真係用心製作，拉麵仲夠晒大碗，好有日本嘅風味，湯上面仲有少量嘅芝麻入面有叉燒一片，非常厚身，肉質又夠爽口，脂肪同肉嘅比例又夠晒平均，分開衫層肉完全唔會有肥膩感，仲有好濃郁嘅燒烤香味慢煮雞胸，完全唔鞋口，雞肉做到咁爽口，都算不錯，比較幼身味玉，糖心蛋一流，咬一啖蛋黃就流出，我最喜歡，旁邊仲有一片紫菜，非常爽口麵質既硬度仲可以揀，適合唔同人嘅口味，入面仲有京蔥是非常新鮮連埋拉麵一齊食令到味道提升，又有口感南蠻炸雞$26， 炸到外脆內軟，仲非常Juice，一碟有三件，配埋醬汁一齊食，入口更加惹味吉列生蠔$28（2 件），蠔size不算大隻，但炸到完全唔乾身，入口仲好香濃嘅蠔味午餐時段加$8，就可以有烏龍茶，性價比非常高，今日食到飽飽咁離開，非常滿足

朋友好鍾意食拉麵，呢間新開左一段時間既小店，夜晚有時都排長龍，下就時間經過唔洗等位，即刻去試下喇😉黑蒜油雞白湯拉麵$90鰹魚清湯塩味拉麵$88兩碗麵湯底都好味，一碗濃郁；一碗鮮甜，任均選擇。入面都有豚角叉燒1件，慢煮雞胸1件，雞肉丸1粒，味玉1隻，竹筍，洋蔥，青蔥。雞白湯就配紫菜。鰹魚湯配反木魚花👍🏻豚角叉燒肥瘦岩岩好，仲有烤香味；慢煮雞胸夠軟熟；雞肉丸個質感幾特別。最欣賞味玉，味道岩岩好😋😋蟹籽沙律$36勁多蟹籽嘅蟹籽沙律，份量好足，青瓜爽仲有蟹柳絲係入面😋羽根餃子$28冰花餃子，層皮煎到好脆👍🏻免治雞肉棒(2串)$32好有咬感，份量都唔細。波子汽水跟餐價(一碗麵加小食)就可以用$10加購。價錢抵食，仲有我要食佢個學生限定$56有碗拉麵仲送罐裝飲品，爽啊👍🏻仲有即叫即煮，熱辣辣，好正👍🏻好味道😋出色隱世拉麵小店-麺屋飛丸 (元朗)📍元朗教育路87-99號鴻發大樓地下C號舖

作為元朗人，見到有新餐廳開點可以唔試下今日黎到呢間「飛丸」食拉麵，都幾近元朗廣場，地理位置方便入面裝修都唔差，好多日式風格既裝飾呢到主打拉麵，估唔到元朗都食到雞白湯而家叫拉麵加小食仲會送野飲添，學生黎食仲有平呀我同朋友都唔中意食清湯拉麵，所以都係食雞白雞，鹽味雞白湯真係無得輸，湯底起晒泡勁濃厚，完全唔飲湯包開出黎，好夠味，真心同啲日本出名餐廳有得比。配料亦唔少，溏心蛋豚肉雞肉樣樣齊，勁出色黑蒜油味同樣好香好濃，但個人覺得蒜味蓋過左本身湯底味，同雞白湯唔係好夾，所以都係中意鹽味多啲蟹籽沙律，落得好足，完全唔會食到尾無晒沙律醬同蟹籽南蠻炸雞，即叫即炸熱辣辣，雞肉keep到肉汁，食落軟身入味，配埋面頭啲醬勁香口免治雞肉棒，入面食到有啲一粒粒雞軟骨，勁有口感吉列炸蠔，同樣即叫即炸，食落差啲辣親口脆卜卜味道唔錯

麺屋飛丸 隱世高質拉麵🍜又係放工食好西系列🥰今日去元朗小店食日式拉麵🍜店內裝潢簡單日式風 🇯🇵🥟食物質素都好高🤭店員服務好好🫶🏻▪主打雞白湯拉麵$88，呢個湯底好高質，配料有三片慢煮雞胸，玉米筍及蛋等等。湯底好濃稠及新鮮，麵條質感適中，雞胸好嫩滑。▪另外可以加配叫小食有罐裝飲品，有炸生蠔$28、沙律$36，味道都唔錯，整體嚟講，價錢合理，CP值很高👍🏼食物：🌕🌕🌕🌗🌑價錢： 🌕🌕🌕🌘🌑回頭指數 ：🌕🌕🌕🌗🌑📍地址: 元朗教育路87-99號鴻發大樓地下C號舖

元朗街坊又試新嘢！已經好耐冇食拉麵，見到街邊新開嘅拉麵店🍜 餐牌嘅特盛拉麵非常多配料，貪心嘅我決定一試。飛丸特盛拉麵 $108超多配料！豚角叉燒兩件、慢煮雞胸三片、雞肉丸一粒、味玉一隻、粟米筍一條、紫菜兩塊，仲有竹筍及京蔥絲。大大碗拉麵加埋三款肉類，一隻雞蛋，份量好多，食完要捧肚而回。仲要每樣食物都煮得好好，叉燒同雞胸非常嫩滑，時間掌握時間好好。雞肉丸咬落爽口，原來係自家手打，加入咗軟骨非常有口感，我覺得喺入店必吃✨至於湯底有三款選擇，主打火喉足嘅雞湯：鹽味雞白湯辛辣味噌湯醬油雞白湯全部都食到雞嘅鮮味，湯底奶白色，非常濃郁，冇多餘味精，真材實料👍🏻🦪 小食叫咗吉列炸蠔兩隻$26🍢 免治雞肉棒$38🥟 羽根煎餃子五隻$26除咗個拉麵超好味，價錢只係100蚊出頭，非常抵食！我覺得好味過好多集團式嘅拉麵店，小店都有好質素，用心烹調嘅食物絕對欣賞👏🏻

元朗小店超多。不過依間唔太起眼，但成日都見到有人出出入入，所以引起左我嘅注意，要試試佢。價錢唔貴，正常價。食到廚師新鮮煮出黎嘅味道。飛丸特盛拉麵 $108依碗野，真係咩都有d蛋，正常一定有肉，佢有3 種有自家製雞肉丸，有口感。有雞軟骨有慢煮雞胸，一d 都唔un. 似生嘅感覺，但熟哂嘅味道仲有舊燒過嘅豬肉。肥瘦適中，入口好快溶化個湯底，雞白湯。夠濃。冷天黎食一碗真係perfect 仲有好多小食雞肉棒，都會新鮮燒嘅口感小小似雞肉丸炸蠔。正正常常，唔大唔細隻炸雞。調味醬特別

耐唔耐就想食拉麵系列🤤最近好鍾意食雞白湯拉麵喺元朗經過飛丸拉麵，店舖小小全部滿座，門口仲有人排隊一於跟隊試試！飛丸純雞拉麵因為比較鍾意食雞就淨係嗌左雞肉嘅拉麵係比較瘦嘅口感，但肉質都幾滑我幾鍾意🥰🥰覺得鹽味湯底可以試到原汁原味第一次嚟一定要試吓鹽味！雞湯味濃但清清地，有啲屋企湯嘅味道👍🏻另外叫咗跟餐小食炸蠔啱啱炸起熱辣辣 正呀🤤🤤🤤迷你蟹子沙律點知一啲都唔迷你😂好大份食物質素同服務都好好將免收加一，難怪咁多人👍🏻

飛丸特盛拉麵🍜有鹽味、醬油、黑蒜油三款雞白湯湯底，味道由淡至濃，依碗揀咗鹽味雞白湯，見到面頭係泡泡，入口十分綿密濃厚，鹽味亦唔會蓋過雞味🐓特盛係有齊三款肉類，各款都用咗唔同嘅烹調手法，帶來唔同嘅味道同口感，豚角叉燒有醬油同炙燒嘅香氣，脂肪入口融化而豬皮彈牙，雞肉丸炸過好香口而慢煮雞胸就軟滑🥩溏心蛋嘅生熟度剛剛好，亦都浸得入味🥚其他配料有粟米筍、竹筍、紫菜、京蔥絲🥢蟹籽沙律🥗雖然餐牌寫係mini蟹籽沙律，但係份量一啲都唔mini，一個人食嘅話綽綽有餘，上面嘅蟹籽更係非常澎湃，撈勻後仍然每一啖都食到蟹籽👍另一個小食羽根煎餃子都好唔錯，可以配搭柚子酸汁，叫小食會送罐裝飲品🥟另外值得一提嘅係依間拉麵小店相當有人情味，店員記得經常來嘅熟客，會問下顧客對食物嘅意見，走嘅時候突然落雨，店員仲借咗把遮畀佢地，十分窩心❤️