麺屋飛丸

入開元朗突然好想食拉麵，search到呢間鋪頭好似都算係小有名氣，所以try下佢！#黑蒜油雞白湯拉麵整體味道中規中矩，唔會太油，湯底雖然清爽，但就唔算好濃，可能對於鍾意濃味嘅人嚟講，會覺得有啲失望。慢煮雞肉的口感可以再滑啲，食落去有少少”鞋”，而豬肩肉叉燒就冇咩亮點。#環境呢間店有啲細，座位唔算多，所以坐得有啲迫，但職員幾友善！#總結整體嚟講，元朗麵屋飛丸嘅黑蒜油雞白湯拉麵雖然唔算太出色，但如果你想食一碗中規中矩嘅拉麵，呢度都可以考慮。不過，對於追求高質素拉麵可能要再諗諗！…查看更多

⭐ 評分**：★★★★☆ (4.5/5) 🍜 鹽味雞白湯拉麵 ✅ 湯底：濃郁但唔膩，雞白湯香醇帶少許鹽味提鮮，飲完唔會口渴。 ✅ 雞肉丸：超驚喜！內藏雞軟骨，咬落「索索聲」，煙韌爽脆雙重口感。 ✅ 糖心蛋：流心完美，醃得入味，蛋黃濃郁帶甜香，高質。 ✅ 麵質：拉麵可選軟硬度，份量十足，男仔食都夠飽。 🍗 小食 & 飲品 - 叫小食會送嘢飲（可選無糖可樂等），抵讚！ - 今次冇加小食，因為拉麵本身已經夠飽肚。 🏠 環境 & 服務 - 座位：店內細，約4-5張枱，室外有2-3張枱（有風扇，夏天都頂得順）。 - 服務：店員友善，2:00 PM 後人流較少，容易搵位。 - 學生優惠：有「學生拉麵」set，性價比高，適合附近學生哥。 📌 總結 「元朗拉麵黑馬！」 - 雞白湯濃郁得嚟唔膩，雞肉丸同糖心蛋係亮點，絕對回頭！ - 建議避開飯市高峰，或者揀室外位（有風扇唔算太熱）。 - 學生優惠抵食，街坊價錢但質素拍得住市區名店。 💡 小貼士1. 必試：鹽味雞白湯拉麵 （可以單點追加）。 2. 時段：下午茶時間（2:00-3:00）較少人，易搵位。 3. 優惠：記得帶學生證，有特惠套餐。 …查看更多

幾日前經過拉麵店但要等位所以無試到，今日無聊無嘢做所以試下。入面環境好細，大約十幾個座位左右入面有六種拉麵（仲有一隻蝦湯）主要兩大類，雞白湯和清湯。咁我點了清湯（鹽味）湯底方面都幾清唔油，配料有雞肉、叉燒、蛋等等……配料方面幾好，應該係低温慢煮。叉燒偏瘦，但主要嘅拉麵就比較軟（但我要適中）而且有少少似上海麵平均而言都可接受。味道：⭐️⭐️⭐️⭐️（拉麵扣分）服務：⭐️⭐️⭐️（正常）環境：⭐️⭐️⭐️（細得來洗手間仲要壞咗）衞生：⭐️⭐️⭐️⭐️（都ok）抵食：⭐️⭐️⭐️（正常價錢）…查看更多

友人查看這間拉麵店有點名聲我也未吃過於是大家一起試試吧湯底分兩種：雞白湯、鰹節清湯我記得開店初以雞白湯為主打有想要重口味所以我選了黑蒜油雞白湯（$93）黑蒜油份量十足，所以很香口早預料到這樣雞白湯味道會不太濃但原來連雞湯的香氣也殺掉了跟之前在同區另一間（可惜已結業）吃過的雞白湯比較有點比下去麵質我選了適中如果吃慣硬身的可能會覺得有一點點軟配料豬肩肉叉燒和慢煮雞胸還好雞肉丸因有軟骨碎所以口感不錯味玉流心合格有餘如想吃原汁原味應要嘗試鹽味雞白湯（$90）他就點了我希望為湯底平反所以喝了一口但對不起這個品質對不起價錢雞的味道和香氣也不太足夠而麵質他同樣選了適中他也覺得太軟，認為要選硬一碗拉麵加配一款小食，即送飲品一罐所以我們點了小食羽根餃子（$30）煎得香脆，蘸上醋一起吃，香而不膩吉列炸蠔（$28）外皮香脆，蠔肉新鮮南蠻炸雞（$28）同樣外皮香脆，醬汁開胃總結：我明白為什麼一直都沒惠顧這間因為以前同區有另一間日本白雞湯拉麵那一間令我很滿足，所以不想試新東西今次的經驗證明了之前不來這裡是對的…查看更多

有foodie介紹，都見網上評價幾好，所以今日帶埋阿媽黎麵屋飛丸食下佢個拉麵。2:00前去到見到幾位學生食緊，座位唔多都係5-6張枱左右，我哋呢個平日時間唔駛排隊直入。$90一個拉麵正常價錢，雞白湯拉麵係主打，我叫鹽味雞白湯拉麵，阿媽叫醬油雞白湯拉麵，麵既硬度可以揀軟/適中/硬，我揀軟麵，又真係軟身啲岩我。個麵黎到唔係熱辣辣，但份量的確幾夠，👍🏼鹽味同醬油雞白湯底都各有特色，有雞味，我鐘意淡d所以喜歡鹽味多啲，鐘意濃味既人可以揀醬油。入面粒雞肉丸幾好食，入面有雞軟骨爽爽脆脆咁，粒味玉蛋因為我大肚所以冇食，冇得評價，我媽話ok。雞胸肉同豬肩肉只係室溫既溫度，我冇追問店家係咪專登要整室溫唔熱，因為係慢煮出黎既肉，好滑唔鞋，但略欠肉的香味，一般般，我鐘意煎香既肉同埋熱d。加小食送野飲，我哋加左大阪風唐揚餃子，入面個餡有粟米🌽同似係雞軟骨丸既餡，幾特別喎，上面鋪滿木魚同沙律醬，好大粒餃子，幾好食。蟹子沙律我媽食既，我見佢食到爽爽聲，同埋好大碗好多蟹籽，應該都正常發揮👍🏼。野飲因為鋪頭冇位沖，所以只有汽水或者支裝雀巢檸檬茶或波子汽水飲。如果d肉熱返d,同埋豬肩肉有煎香既話我會再黎食過，因為個湯底同麵質係幾好食。…查看更多