麺屋飛丸

營業中

休息中

位於元朗這一間日式拉麵店，坐輕鐵去只需行2分鐘就到，如果坐地鐵就喺朗屏站經過元朗商場都係大概10分鐘嘅路程。首先間餐廳比較細小，所以記得預留時間早啲去，因為都好多人去食。首先講吓點解咁多人去食啦，佢主打嘅湯底其實得兩大款，一個係鰹魚湯一個白雞湯。兩個湯都非常出色，我自己非常喜歡，因為佢嘅湯底清澈又唔鹹又鮮甜。配上特製嘅雞胸肉，我從來都冇食過咁嫩滑嘅雞胸肉。淨係食佢塊雞胸肉已經知道廚師嘅煮食級別了。另外我哋仲嗌咗幾款小食添，包括有吉列炸蠔，蟹籽沙律，牛肉薯餅，炸雞串。其中牛肉薯餅同我去日本食嘅一模一樣都係咁好食。另外餐廳環境都好有特色，服務態度良好很細心。整體平評分都非常高，值得推介同朋友一齊食。

我都钟意食拉面，见到玩朗呢间飞丸面去试下，佢系小店黎，食饭时间会排长龙，所以今日同朋友早过啲学生去😉🔸 塩味鸡白汤拉面🔸鲣鱼酱油拉面入面都有豚角叉烧1件，慢煮鸡胸1件，鸡肉丸、糖心蛋、竹笋、洋葱、青葱，鸡白汤浓郁奶汤味仲配紫菜，鲣鱼汤鲜甜👍🏻豚角叉烧肥瘦均匀，烤香过味道好香，慢煮鸡胸煮得软熟；鸡肉丸啖啖肉，最欣赏糖心蛋，煮得好入味，甜甜嘅蛋黄心流出😋😋两碗面汤底都好味，一碗浓郁；一碗鲜甜，任均选择。*蟹籽沙律蟹籽满泻，蟹籽份量多，青瓜爽脆新鲜，有蟹柳丝系入面😋 好鲜味*大坂饺子上面铺满木鱼，外皮煎成过，饺子层皮煎到好脆👍🏻内软有口感。*免治鸡肉棒啖啖肉冇骨，好有咬感，鸡肉棒用炭火烧得好香。叫小食奉送罐装饮，我拣左～波子汽水同埋无糖嘅乌龙茶。呢个价钱可以接受，佢有个学生限定～$56碗拉面送饮品，抵食👍🏻即叫即煮，热辣辣，好味道😋#pancake #pancakebb #元朗美食 #香港攻略 #香港美食 #民间食评人出色隐世拉面小店-麺屋飞丸 (元朗)📍元朗教育路87-99号鸿发大楼地下C号铺

呢間餐廳以拉麵同日式小食為主打，菜單上有好多款口味豐富嘅選擇，包括以下幾款：首先，我要講下佢哋嘅「清湯醬油味拉麵」。呢個碗拉麵有清淡嘅湯底，配上醬油味道，非常開胃。麵條煮得彈牙有嚼勁，朋友鍾意食硬麵，選擇硬麵口感。另外加咗替玉（另外收費$16），好大份，好飽。如果你鍾意清淡嘅拉麵，呢個「清湯醬油味拉麵」絕對係一個值得一試嘅選擇。另外，我亦推薦你試下佢哋嘅炸蠔。每件炸蠔炸得香脆，外層酥脆，內裡嘅蠔肉鮮嫩多汁。炸粉好薄，多汁好食。另外揀咗「白湯鹽味拉麵」。白湯鹽味拉麵有濃郁嘅湯底，加上適中硬軟度嘅麵條。我加咗竹筍（另外收費$8），變咗竹筍山，最後食唔晒，抵食。除咗拉麵，仲食咗小食，明太子手羽同迷你蟹籽沙律。明太子手羽有淡淡嘅辣味同鮮美嘅明太子醬汁。而迷你蟹籽沙律則帶有蟹籽嘅鮮味同沙律嘅清爽口感，非常開胃。沙律一d 都唔迷你，好大份。

👍🏻鹽味拉麵（$90），呢個價錢嚟講喺同區，我覺得都算係唔係太貴，其實係好多旺區嚟講每一碗拉麵都起碼$100以上冇辦法香港嘅始終比較貴，面嘅軟硬我就叫到適中，真係冇令到我失望，因為我係好怕食啲太硬或者太林嘅拉麵，我會覺得拉麵嘅軟硬度係影響成碗拉麵嘅評分，小食嚟講，我就揀咗蟹子沙律，蟹籽沙律出奇地好多飛魚子，我最鍾意食飛魚子每一啖都波波除再加埋餐廳㗎加嘅沙律醬簡直就係非常出色，呢一個前菜真係冇得輸，大大份，而且又唔係太貴，性價比同CP值簡直係一流，我同朋友都非常鍾意呢一個，大家share一齊食，簡直就係正👍🏻👍🏻👍🏻黑蒜油拉麵嘅味道亦都非常特別，同日本傳統嘅黑蒜油拉麵嘅味道，我都覺得非常相似，黑蒜油嘅湯底味道非常濃烈，但係亦都唔會搶過本身湯底嘅味道，呢一個位非常覺得特別，而且拉麵亦都非常掛湯，每一啖都加埋濃烈嘅黑蒜油，令到成個拉麵更加昇華，我同朋友都非常鍾意，我哋另一個小食就加咗炸蝦，炸蝦嚟講，每一啖都非常熱辣辣，睇得出餐廳係落單即刻幫我哋炸，絕對唔可以本身是先做定嘅一啲吉列炸蝦，價錢嚟講都相對合理值得一讚嘅係餐廳嘅店員，雖然餐廳非常多人，但係餐廳嘅店員亦都不忘為每一碗拉麵對我哋逐一介紹

麵屋飛丸係元朗駐店應該都有十年，因為位置比較入，基本上如果唔係元朗人或者拉麵控，應該好難發現呢間隱藏寶店。🦌🐿️࿂黑蒜油雞白湯拉麵࿂$93拉麵配料比較多，包：豬肩肉叉燒1件，慢煮鷄胸1片，鷄肉丸1粒，味玉1隻，紫菜1塊,竹筍,洋蔥，青蔥。食拉麵第一啖要飲湯先。雖然係叫左黑蒜油，但係黑蒜油唔會搶走雞白湯味。叉燒有微燶，有淡淡嘅焦香味。雞胸較厚身，食落似鴨胸。雞肉丸內含雞軟骨，口感唔錯。而味玉都好出色，外皮唔會煮到爛曬，都仲好彈牙同時蛋黃做到流心效果，蛋味濃。另外麵質雖然簡左軟，但都保持爽身，唔會影響口感。࿂清湯鹽味拉麵࿂$90配料同以上一樣，不過紫菜就變左做木魚花。湯底冇雞白湯咁厚身，比較清澈透明。飲落較為清香，偏鹹香，食落好舒服唔會好口渴咁。比起雞白湯，食野偏淡嘅我鐘意呢款多啲。🦌🐿️࿂免治雞肉棒࿂$22雞肉打得好碎，食落唔會有太過煙靱同時唔會太鬆散，食落都好嫩滑。而且加左軟骨，所以都有啲咬口，食落唔會太寡。醬汁係傳統日式燒汁，鹹鹹香香又甜甜地。🦌🐿️本身以為冇咩人食，但原來係唔少元朗人嘅心頭好，當日係平日，入座到食物上枱大約等左15分鐘左右。店員只有一位主廚同靚靚侍應，侍應嘅服務同態度都好

今晚同老公嚟咗一間在元朗教育路附近的拉面小店—麵屋飛丸，呢間店既外型裝修已令我聯想到去日本旅行時見到路邊拉面小店的感覺，一入店覺得裡面環境簡樸舒適，有日本小店的裝修風，而且服務員態度很親切，主動介紹他們的菜式拉麵之餘，她見我懷孕了，會問我要不要煮拉麵時全熟旦，及主動問我冷氣會否很大，可以調高溫度一下，真的很細心體貼的服務呢！ 我老公點左黑蒜油雞白湯拉麵，我則要塩味雞白湯拉面。黑蒜油雞白湯拉麵嘅湯底濃郁香濃，有淡淡嘅黑蒜味道，令人回味無窮。拉麵本身彈牙有嚼勁，配上鮮嫩多汁嘅豬肩肉叉燒片，慢煮雞胸肉片及煮得嫩滑嘅溫泉蛋，整體口感非常出色。而塩味雞白湯拉面嘅湯底則清爽鮮美，帶有微微嘅咸味，非常開胃。拉麵同樣煮得恰到好處，配上鮮嫩的雞肉片同蔥花，其他配料很足，味道相當平衡。除咗拉麵，我哋仲試咗麵屋飛丸嘅明太子手羽先同蟹子沙律。明太子手羽先炸得金黃酥脆，食到入面明太子時也是很鮮味，每一口都帶來滿滿嘅滿足感。蟹子沙律則以大量新鮮蟹子同青瓜絲組成，清新爽口，蟹子味濃郁，配上沙律醬，美味可口。整體而言，麵屋飛丸的拉麵以及其他菜式都表現出色。以小店來說，真的食物的質素高，味道豐富，份量十足。價格性價比高

餐廳係轉角位，有大玻璃，邊食邊望住行人行黎行去，寫意。座位有室內、外，室內播放日文歌曲，有feel。每碗份量足，食完飽肚，湯都可以飲清哂～雞白湯黑蒜油($93)，黑蒜味濃郁，食落完全唔油膩，食完亦冇口渴情況。每碗都配有豬肩肉叉燒、慢煮雞胸、雞肉丸等。叉燒大片，雞胸軟嫩，如果覺得唔夠，可以追加配料。味玉流心，一咬即爆醬，如果追加都值得～麵條硬度都可以選擇，如果有唔鍾意既配料，亦可以自由刪走，落單形式方便，自由度高。例如有紫菜/木魚花、竹筍、洋蔥、青蔥。鰹節清湯鹽味($90)，湯底清相對清d，配料一樣不過由紫菜轉木魚花，雞肉丸超juicy好食。免治雞肉棒($32)，一共有2串，外皮少少焦脆，有少少軟骨，增加口感。啖啖肉好juicy。大阪風唐揚餃子($32)，大量木魚花灑係面頭，餃子外皮脆口，肉餡內有粟米，有驚喜。拉麵加配小食，會送一罐罐裝飲品，其餘可以加錢升級。整體，小店風拉麵，係元朗難得有高質既拉麵鋪，又有小食選擇，仲要唔貴，值得食。

依間小店成日經過都無食過，今次終於早到無咩人試到主打雞白湯，我地今次叫左鹽味雞白湯拉麵同鰹魚清湯拉麵小食就叫左免治雞肉棒同餃子店員非常之有禮貌，好有效率，依家叫拉麵加小食送汽水，不過唔知道優惠做到幾時最好同店家查詢免治雞肉棒，幾好食，有口感唔會太鹹，不過就無跟隻生蛋點，不過都好食，有咬口餃子煎得幾靚，味道正常，無咩特別鰹魚清湯鹽味拉麵，每碗包粒蛋，一塊雞一塊叉燒同一粒雞丸，拉麵配料嚟講都幾豐富，湯飲落去幾清，不過依個味道係熟悉嘅，係平時自己煲鰹魚湯嘅味道依個好食！鹽味雞白湯拉麵，唔會好漏！配料一樣，依個唔會好咸，無諗過元朗一間小店做到依個質素，下次會試埋醬油雞白湯拉麵，應該都好食！元朗小店真係臥虎藏龍，無諗過一間小店都做到依個質素，口袋名單又多一間了

與友人行完山想醫肚，路經元朗教育路一間新開拉麵店！一於試新嘢！兩隻餓鬼見拉麵配小食送嘢飲。價錢都幾相宜。就叫兩個套餐啦！飲品除除支裝飲品外，其餘都唔使加錢，因為冇試過飲波子汽水，又好少地方有，所以叫左試下，覺得好得意！感覺幾特別！睇吓原來除咗指定小食外，仲有期間限定，忍唔住又叫多兩樣！胡麻雞絲沙律 青瓜好爽脆，芝麻醬同淋上面的蒜粒配合好好味，而且大大分，十分正！餃子，賣相都好吸引，食慾大增，味道唔錯，有粟米粒饀，煎得頗香脆！主角嚟啦⋯⋯雞白湯鹽味拉麵淡白濃烈湯底幾出色，雞胸肉嫩滑，仲有大嚿叉燒同，流心蛋，好滿足，CP值高！义燒較為創新手法，燒得焦香，較有嚼勁，肥瘦均衡！雞白湯黑蒜拉麵略嫌黑蒜味蓋過雞白湯原味，但都係足料非常,調味適中，不會死咸！吉列炸蠔炸得鬆脆，即整即食！牛肉薯餅，炸漿做得非常出色，好鬆脆，略嫌較小牛肉，都好好味店員招呼周到慇勤有禮，每枱皆預備冰凍檸檬水，位置亦頗舒適，是一間CP值高又有心做實事的日本拉麵店！雖然叫了一枱滿桌，都完吃得清光，肚皮滿足！回味回味！

又揾到一間有我最愛嘅雞白湯拉麵，佢哋有三款雞白湯，兩款鰹魚湯拉麵。除咗醬油味同鹽味，雞白湯仲有一款黑蒜油味。叫咗碗黑蒜油雞白湯拉麵，叫埋小食仲送汽水。拉麵一上枱好香蒜味，本身想撥開啲油，試一啖原味雞白湯，可惜失敗咗，因為蒜油真係好濃味。湯頭又濃又杰，加上蒜香就真係一碗極濃拉麵。再加上佢配細麵一齊食，每一啖都充滿蒜味。配料有紫菜、味玉、竹荀、雞肉丸、雞叉燒、燒豬腩叉燒，其中燒豬腩叉燒最出色，肥肉仲有啲爽脆但又唔會鞋。小食嘅免治雞肉串都高質，值回票價。

走進這間拉麵店，眼前簡潔又舒心嘅佈局擄獲咗我嘅心。首先跳上碟嘅係南蠻雞叉燒🍗，咬落去嘅時候，肉汁四溢令我瞬間愛上！再講下呢碗雞白湯醬油拉麵🍜，就係個驚喜啊！吉列生蠔配上嚟嘅油香味渾厚，仲帶點酥脆，脆脆嘅口感簡直係搶鏡重點啊！糖心蛋溏心得嚟蛋香四溢，宜家想起都仲垂涎三尺！就算係補充飲料，食物嘅水準都冇減。啲拉麵湯頭真係齊嘢，飲落去好有層次，仲有種回甘嘅滋味噢！整體嚟講，這家店嘅食物無論係賣相定係味道都做得幾好，真係好滿足，食得我心水清呀！👍🤤😋

好耐冇食拉麵，今日午餐就嚟呢間試下～ 呢間小店平日lunchtime好受歡迎🙌🏻🍜 鰹魚清湯塩味拉麵 $88🍜 鰹魚清湯醬油拉麵 $88🔸拉麵可以自選麵質，質感彈牙爽口，份量唔少。🔸湯底飲落清甜，唔會口渴。🔸豚角叉燒呢個大力推介‼️肉質鮮嫩，肥膏唔會太多但又好香口🤤🔸慢煮雞胸、雞肉丸、味玉一碗拉麵同時有豬同雞真係好正🙌🏻 雞肉都係咁嫩口好咬，尤其雞肉丸同味玉好高質！🔸木魚花、竹筍、洋蔥、青蔥提升香氣又有咬口👍🏻🥗 蟹籽沙律 $36蟹籽多到滿瀉🙌🏻 青瓜絲又夠爽脆👍🏻🐓 免治雞肉棒 (2串) $32食到啖啖雞肉大滿足，內裡仲有粒粒雞軟骨～🐟 吉列池魚 (一人份) $28係期間限定，外脆內軟，魚鮮味十足，肉質嫩滑。🍗 南蠻炸雞 $26外層炸得酥脆，內裡肉質鮮嫩多汁，加埋醬汁更有層次😋🥤 忌廉、可樂 $0拉麵加配小食就會送罐裝飲品。女職員態度好好，拉麵同小食都好有驚喜，仲可以儲印花，有下次💯

飛丸麵屋提供了各種精緻的拉麵和配菜選擇。首先，讓我們評論這家餐廳的招牌菜蟹肉蟹昧濃湯拉麵。這碗拉麵擁有豐富的蟹肉和蟹昧湯底，湯底濃郁香濃，帶有濃厚的蟹味。拉麵的麵條彈牙有嚼勁，與湯底的味道完美融合，給人一種滿足的感覺。此外，迷你蟹籽沙律作為開胃菜，提供了豐富的蟹籽和新鮮的蔬菜，口感清爽，增添了整餐的多樣性。黑蒜味雞白湯是另一個引人注目的菜品。這碗湯底以黑蒜為特色，帶有深厚的香氣和獨特的風味。豚角叉燒、慢煮鷄胸和鷄肉丸都是湯中的配料，它們的肉質嫩滑多汁，與湯底的味道相得益彰。味玉和紫菜為湯品增添了更多的飽足感和層次感，而多竹筍、洋蔥和青蔥則提供了額外的口感和風味。在跟餐方面，南蠻炸雞是一道必試的料理。這款炸雞皮脆肉嫩，調味恰到好處，帶有微辣的風味，非常美味。總體而言，飛丸麵屋提供了令人印象深刻的美食體驗。他們的拉麵選擇多樣，湯底濃郁，配料豐富。配菜選擇也很出色，提供了多種口味的選擇。此外，餐廳的服務也非常友好和專業。

元朗一向係美食集中地，近來搵到呢一間位於教育路嘅拉麵店麺屋飛丸，竟然主打區內少見嘅湯底：雞白湯！🐓店內鋪面唔大但有幾張戶外座位，當日到訪都差不多坐滿哂人，好受歡迎！餐牌上有五款拉麵選擇，分別以雞白湯同鰹魚清湯做基底，貴精不貴多。拉麵以外有多款小食，牆上仲會寫上是日推介，以拉麵店來講種類算豐富😍🔸雞白湯拉麵 鹽味首先最抵讚嘅係雞白湯湯頭超級濃郁！質地濃稠有黏口膠質，雞精華完全滲入湯頭，鹹香味剛剛好🤤配以幼身麵條掛湯力強，而且麵餅份量夠大，麵控一定滿足🙆🏻‍♀️配料亦都係一大亮點，豚角叉燒香口肉質軟稔，慢煮雞胸味道較清新唔怕鞋口，雞肉丸有少量軟骨增強口感，就連味玉都夠入味又做到流心，整體質素非常高🥳🔸雞白湯拉麵 醬油味老公既醬油味係雞白湯基底上再加上醬油，雞鮮味同樣濃郁。濃稠度比起鹽味感覺稍低，所以佢覺得飲落更加順口！🔸羽根餃子五隻餃子以薄薄羽根連住，賣相討好，睇得出Rose比一般拉麵店出品更有心機！餃子皮薄裏面包着菜肉餡，比例平衡🥰🔸牛肉薯餅大大件牛肉薯餅，適合同朋友分享。薯餅炸至金黃外皮香脆，裏面除咗薯蓉外仲有牛肉碎，可以點沙律醬食

雞湯味香濃，配料超多，厚厚的叉燒，雞肉丸，一塊雞肉片，原隻玉子，有別於一般的拉麵，配餸特別多，再有些生洋蔥碎配湯底味道夾得好好，食完沒有口乾，實在太出色了！下次還會再來，店員服務好好，很有禮貌，期待下次再來吃