麺屋こころ (新城市廣場一期)

營業中

休息中

這次途經沙田試了麵屋こころ，想不到正宗全料東京撈麵如此味美，紫薯拿鐵亦口感一流！這碗正宗全料東京撈麵，它搭配新鮮肉塊、肉躁和蔬菜等，每一口都充滿驚喜。加上湯底味道濃郁，鮮香四溢，讓人忍不住一口接一口。而且麵條口感也很滑順，嚼勁十足，絕對值得一試！之後點上一杯紫薯拿鐵，察覺它的顏色引人注目，紫色的奶泡與深色的咖啡形成美麗對比。而且飲品口感濃郁，紫薯的天然甜味與咖啡的苦味完美融合，帶來一種新穎的風味體驗。適合喜愛嘗試新口味的咖啡愛好者。

獨食試咗呢間隱藏喺商場嘅日式撈麵店，驚喜！🍛 咖哩炸雞撈麵 - 咖哩醬超濃郁但唔膩，撈勻每條麵都掛汁💛 - 炸雞外脆內嫩，咬落仲有肉汁爆出嚟🍗 - 麵質彈牙有咬口，配埋流心蛋簡直完美🥚 - 份量足料，夠飽👌 🍹 日本水果冰茶 - 清甜解膩，果香超自然唔假🍎🍑 - 冰粒用茶冰底，溶咗都唔會淡👍 環境舒服唔逼，服務幾好～下次想試佢其他😆🏷️麺屋こころ (新城市廣場一期) @kokorohkg 📍沙田沙田正街18-19號新城市廣場一期7樓704號舖

在HK極極少拉麵店好食呢間日本過來的我覺得撈麵好好味、湯麵未試唔知、個煙鴨胸細飯 好好味鴨肉好香👍🏻👍🏻價錢唔貴，我是下午經過見係日本來香港開就試下，有驚喜！ 食過一次會想再來試埋其他口味😍 碗細飯都只是40蚊左右好抵，又好岩要keep fit要細食一d既人😆

今日同朋友嚟咗呢間麵舖食晚飯，點咗兩款招牌麵！🤩 山椒麻辣撈麵嘅麵條彈牙得嚟唔會太硬，啖啖都有嚼勁 💪🏻 麻辣醬汁香辣過癮，麻得啱啱好唔會辣到喊 🔥 個湯底香濃，帶少少花椒嘅麻香，辣中帶甜，唔會太嗆喉 👌🏻 配料新鮮豐富，啲芽菜爽脆，豆芽夠新鮮，啲肉碎香口鹹香，每啖都有驚喜 🥰叉燒撈麵就簡單得嚟好有家鄉風味 🏠 叉燒切得厚薄啱啱好，肥瘦適中，肉質軟腍又唔會太肥膩 🐷 個醬汁係醬油味為主，清香不膩，勁開胃 😋 個蔥油香氣四溢，同叉燒夾埋一齊食，簡直係絕配 💕兩款麵都值得推薦，下次想同大家一齊再嚟食晒佢哋其他款式嘅麵 🍜 呢度啲嘢食無論賣相定係味道都好窩心，食完唔會太飽但又唔會覺得唔夠，啱啱好！💯

今次殺入沙田新城市廣場搵食，竟然畀我撞正呢間麺屋こころ！未入去已經聞到超濃郁嘅香味～🔥原味東京撈麵撈麵要趁熱先攪拌均勻！！！將所有配料撈勻之後，一啖吸落去濃醬油掛麵勁邪惡，啲中太麵粗身得嚟超掛汁，咬落仲有啲煙韌回彈感！撈麵仲可以加辣🍵京都抹茶拿鐵店員即場沖茶有模有樣，抹茶粉苦中帶海苔香，撞埋新鮮牛乳，飲落綿滑到似食緊抹茶布丁！味道唔會太甜少少甜啱啱好！！！等我下次帶埋個為食朋友仔來開餐，佢實好鍾意

今日出咗去沙田新城市廣場睇戲，順便食埋lunch先返屋企，但係見商場周圍都多人，咁啱經過呢間餐廳見到都好滿，但一個人有位，即入， 唔使等，好彩.餐廳主打食日本拉麵和撈麵，平時通常食拉麵、比較少機會食到日本撈麵，所以今次專登揀咗撈麵試吓.紫薯拿鐵：紫薯味濃，但沒有蓋過拿鐵味道，未飲都已經聞到好香紫薯味， 唔錯, 推介鹽味撈麵：果然係日本餐廳，擺盤都好精緻，賣相好吸引， 食落又唔係好鹹，味道適中，撈麵惹味，麵條彈牙，還有詳細解釋食法，非常細心，令味道發揮得淋漓盡致👍👍❣️

最近朋友帶咗我嚟沙田食一間超好食嘅日本過江龍美食，佢就係麺屋こころ，香港都有幾間分店，我一嚟到就覺得呢度好光猛，坐得好舒服，食完之後都覺得好好食，絕對推介俾大家！飲嘢方面，當然要叫日本最好飲嘅抹茶拿鐵，呢度入口順滑，而且抹茶味唔會好假，反而真係食得出有少少金味，真係飲得出用咗日式抹茶粉。朋友嗰杯崗山烏龍茶我都有試咗一啖，唔會太濃，凍飲就覺得好清新。嚟得呢度梗係要食撈麵，所以我哋叫咗兩個分享，一個就係咖哩炸雞撈麵，而另外一個就係鹽味撈麵。個咖喱我覺得味道都唔錯，食得出有層次感，唔辣，炸雞翼都炸得好酥脆，炸雞同咖喱真係絕配。而佢嘅生雞蛋都可以用來做沾醬，面嘅口感都好煙韌。鹽味撈麵看似簡單，其實食落都絕對唔會單調，真係有少少鹹味，但係鹹味味嘅濃度控制得好好，食落真係好上癮。

麺屋こころ (新城市廣場一期) (沙田)沙田沙田正街18-19號新城市廣場一期7樓704號舖😊新城市廣場食好西當然要記錄下餐廳座位舒適🛋️木系裝修風格🪵燈光柔和💡坐得舒服慢慢食❤️❤️❤️❤️❤️❤️🍜山椒麻辣撈麵濃濃麻辣配料大量肉碎🍖溫泉蛋滑嘟嘟日式叉燒又嫩又juicy 😻配埋紫菜口感一流最喜歡彈牙爽口既拉麵份量十足大大碗飽到上心口🥹食極都不厭🤩日式撈麵好有特色濃淡適中值得推介🙌🙌

有日阿公自己一個逛想搵啲嘢食 衝擊下個腦部🤣見到呢間店好似幾舒服 就入去試試佢👹原來呢間麵店喺由日本開始主打“新嚐試”🆕 設計唔同口味打破傳統👏🏼呢到主打撈麺拉麵🍝不過阿公今日好dry (因為得自己一個)所以要食啲wet嘢滋潤返下🤣🤣🤣揀咗呢個黑松露鴨胸拉麵🍜再配炸雞球果然就是另一番風味😲😲湯底係醬油湯 麵底係比較粗身嗰種黑松露嘅味道濃郁得嚟又唔會過於霸道同鴨胸嘅肉香完美融合😚😚唔會撞走咗個醬油底 但又唔會唔夾配埋溏心蛋 同埋炸雞😋👍🏼👍🏼👍🏼雞肉內裡保持住嫩滑多汁 肉質鮮嫩阿公下次要試埋撈撈系列先得😉

呢度主打嘅係日本撈麵，唔係傳統嘅拉麵或沾麵。每道菜都展現出日本料理嘅精髓，尤其係佢哋嘅軟骨餃子同伊勢抹茶，味道同口感都相當出色。📍軟骨餃子外皮薄而有彈性，咬落去有微脆感，隨即就能感受到內餡嘅嫩滑。內裡嘅軟骨肉質鮮嫩，嚼落有一絲彈性，再加上肉汁，令每一口都充滿肉香。餃子入面嘅調味平衡得好好，唔會過鹹。📍伊勢抹茶口感細膩，茶香濃郁，飲落去滑順。抹茶嘅苦味適中，仲有一絲自然嘅甘甜，完全唔會覺得沉重，反而好清新。每一啖都帶住抹茶嘅香氣，食完飯後飲，好舒服。📍撈麵正宗嘅日本撈麵，麵條彈牙，口感滑順，跟一般拉麵唔同，撈麵嘅麵條更細緻，配合特製嘅醬汁，味道濃郁但唔會過火，麵條吸收咗醬汁，每一口都能感受到麵條嘅韌性同醬汁嘅香氣，食落真係好過癮。🔹🔹🔹🔹🔹🔹🔹🔹🔹🔹#麺屋沙田沙田正街18-19號新城市廣場一期7樓704號舖🔸🔸🔸🔸🔸🔸🔸🔸🔸🔸

諗住黎試下呢間既新菜單 豆乳雞白湯拉麵真係寧願自己買華御結個豆乳雞湯都好味過佢佢啲叉燒仲要一陣蘇味。。。根本擺唔入口上面仲有一舊咬唔開既腐皮咁既野講真咩配菜都無 得幾塊咁既叉燒都收一舊水 真係中伏 仲要廚房慢到 等碗咁既麵等半個鐘叫嘢飲又係一肚氣 叫個菠蘿冰沙個侍應就話賣曬 點知新一檯客一坐低叫菠蘿冰沙就話有貨以為佢都算係出名少少既鋪頭 點知竟然係有咁低質既服務個環境又差 又逼又焗 講真食得非常唔舒服食拉麵真係唔需要黎呢間垃圾

▫️正宗全料東京撈麵 👉🏻材料有有超肥美嘅腩肉、生蛋黃、辣肉碎、溏心蛋、紫菜同竹筍等等，非常之豐富！撈麵硬度適中，口感煙靭彈牙，撈埋蛋黃同辣肉碎超級惹味！🤭另外，撈麵加入秘製香醋，可以中和偏濃嘅醬汁味道，大大減低咗油膩感🤫.▫️黑松露鴨胸拉麵👉🏻呢款係期間限定，作為黑松露控一定要試試佢！店家用上自家特制製黑松露醬，一入口就食到濃郁嘅黑松露味，之後鴨肉鮮味慢慢咁滲出，湯底充滿鴨油嘅鮮味，拉麵好有咬口非常之掛汁！無諗過黑松露同拉麵可以咁夾🤗.▫️鳳凰啤酒 🍺👉🏻呢款日本啤酒賣相好有型！入口清甜，之後帶微微嘅苦澀，感覺好Refresh

麺屋こころ (新城市廣場一期) (沙田)------------------------------🫶🏻咖喱炸雞撈麵炸雞外脆內嫩，搭配香濃咖喱汁，麵條吸收了醬汁的味道，令整碗面都充滿香氣🫶🏻叉燒撈麵叉燒肉質軟滑，味道鮮甜，撈麵的口感彈牙，搭配特製醬汁，每一口都令人陶醉 🫶🏻鳳凰啤酒清爽解渴，與餐點搭配得宜，提升了整體用餐體驗 🫶🏻焙茶latte茶味濃郁，配上奶泡，口感滑順，絕對是完美的結尾。——————————————————📍沙田沙田正街18-19號新城市廣場一期7樓704號舖—————————-—————————-Overall 💗💗💗💗

之前朋友帶過我食呢一間嘅日式撈麵，今日係沙田發現佢出咗明太子忌廉撈麵，忍唔住即刻嘆返個下午茶★̆̈ 明太子忌廉撈麵 $99呢款撈麵係熱食嘅，個麵上面鋪滿明太子，生蛋、蔥花、紫菜、豬腩肉同水菜，色香味俱全。豬腩肉肥瘦啱啱好，燒得好香。麵條彈牙有嚼勁，將所有配料徹底拌勻後，口感層次豐富！每一啖都充滿明太子嘅鹹香同少少辣味，仲好creamy。食到3分1可以加雪梨醋，食落好舒服解膩。食到尾仲可以免費加一啖飯，撈埋剩餘嘅醬汁一齊食🤤一碗麵可以試到唔同口味，真係好出色！★̆̈ 單骨香脆雞翼 $36單骨雞翼炸得酥脆，內裡嫩滑多汁，仲帶有香料嘅鹹香味，食落仲好方便，令人一啖接一啖💕

今日同媽咪去沙田行新城市廣場，見到有間麺屋こころ，之前喺新宿歌舞伎町🇯🇵見到已經想試，但嗰日啱啱食完燒肉太飽食唔落，今日緣份到就試下。我order左個原味撈麵，但媽咪覺得好奇怪一時唔能接受，點都唔肯試，就叫左個雞白湯拉麵。撈麵食法係先撈生蛋黃🍳食三份一，再加鮮磨黑胡椒再撈，再食三份一，今次撈昆布醋，第三個食法係我至喜歡，非常醒胃。職員話淨返的麵汁可以再加白飯🍚，雖然我近期盡量減少食白飯，但都問職員添左四份一碗仔白飯試下，果然汁都唔好嘥，好味。