影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
日式拉麵吃得多，日式撈麵饒恕 👧🏽 孤陋寡聞。「麺屋こころ」於 2013 年在東京創立，開店兩年便榮獲媒體頒發的「拉麵新人賞」及「全日本最佳Mazesoba大獎」。沙田分店於上年中開業，仲聯乘新茶飲品牌「Kokoro Nomimono」登場，推出期間限定甜品🍦點一份正宗全料東京撈麵 HKD109 ，比原味東京撈麵多了豬腩、溏心蛋、紫菜和竹筍，豐富得多。麵條口感煙靭彈牙，配搭 🌶️ 香辣肉碎幾惹味！灼燒豬腩肉調味不多，入口有油香和肉味，口感爽脆。依次序食完 1/3 加入即磨黑胡椒，撈麵味道更突出；食完 2/3 加入秘製香醋，降低了油膩感，口感更清新。另一份是明太子忌廉撈麵 HKD99 ，明太子味道濃，太搶味！入口微辣，加黑醋後令麵的味道變酸，👧🏽 感覺麻麻，不是喜歡的味道！另外小吃鳥軟骨餃子 HKD39 🥟 外脆內嫩，味道一般期間限點聯乘 Kokoro Nomimono 茶飲品牌推出兩款甜品，分別是蜜瓜Set 🍈 及抹茶Set 🍵，抹茶 Set HKD128 有兩杯抹茶拿鐵，濃郁抹茶香和牛奶香甜，兩者味道剛剛好；抹茶芝士蛋糕，抹茶moose 和海綿蛋糕，味道一般；還有香濃抹茶雪糕和煙煙韌韌三色小丸子 🍡 第一次嘗試日本撈麵的確新奇有趣，但整體味道未算驚艷或有特別記憶點，價錢方面性價比亦不算高，回訪機會不大。
繼續閱讀
拉麵同烏冬成日都食，呢間撈麵就與眾不同啦😽 仲要而家推出咗期間限定嘅抹茶同蜜瓜系列甜品🍈 身為蟻星人嘅我即刻心心眼，食完覺得係幸福嘅感覺😻1️⃣柚子鹽味撈麵🥣今次試咗柚子味，食落感覺好清新😌呢度嘅撈麵用咗較粗身嘅太麵，食落有啲硬身同有咬口多啲😎 竹筍就好爽口，加埋淋淋嘅雞胸肉，太麵亦掛住蛋汁，加埋有蔥同紫菜等等嘅配料，真係食唔停口😋食到最後仲可以問店員拎白飯，再將白飯加入剩低醬汁嘅碗入面ᴍɪx ᴍɪx ᴍɪx~ 好食之餘一啲都唔浪費😏2️⃣甜品🍮期間限定嘅甜品sᴇᴛ一定要試吓😍 呢個sᴇᴛ入邊有抹茶芝士蛋糕🍰 牛乳雪糕🍨 紅豆🫘 蜜糖🍯 糰子🍡 同蜜瓜波波🍈…抹茶芝士蛋糕嘅底層用咗海綿蛋糕而唔係餅底，食落整體好sᴏғᴛ😚牛乳雪糕味道好濃好滑🤣紅豆亦甜甜綿綿，我覺得同雪糕一齊食又唔錯喎😋另外原味同抹茶味嘅糰子軟軟糯糯，蜜瓜波波一粒粒好趣緻🫶🏻3️⃣ 麥茶🌾其中一款揀咗好健康嘅麥茶🫗 可以消水腫又可以降膽固醇，仲有安神嘅作用😌4️⃣ 蜜瓜沙冰🍈一杯超級冰凍嘅飲品，而且又唔會太甜，仲有件好大嘅蜜瓜咬下添🥰
繼續閱讀
原來麺屋こころ開到嚟沙田喇(⁰▿⁰) 上個禮拜去沙田先知呢度都有分店😂 各位新界朋友唔洗走去灣仔都有得食喇🙆♀️每次嚟KOKORO都係必食佢嘅人氣日本撈麵，當然佢哋亦有拉麵、丼飯同小食可以揀💁♀️ 今次見到推出咗期間限定Dessert Set，好吸引，一於試試佢💪當日星期日5點嚟到，見到好多遊客幫襯，幾乎滿座，最後等咗唔洗5分鐘就安排到入座✦ 原味東京撈麵 $89呢款係熱食🌞 碗內配料豐富，有生蛋黃、辣肉碎、蔥花、韭菜、紫菜碎、生蒜、魚粉，食第一啖時辣勁已經湧上嚟，食多啖就食到來自魚粉嘅鮮味🐟多種配料混合形成濃稠醬汁，味道好濃重！麵條採用小麥麵，有嚼勁嘅粗麵條，係我鐘意嘅麵條質感🍜店員提醒，呢款撈麵可以四食，一食係撈勻食，二食係落黑胡椒、三食就落秘製香醋、四食加白飯🍚我個人最喜歡第三種食法，落咗秘製香醋，減輕辣度，而且撈麵味道更清爽，唔覺膩！✦ Matcha Dessert Set $128KOKORO推出咗兩款新期間限定Dessert Set，分別係蜜瓜set🍈同抹茶set🍵 身爲抹茶愛好者就當然要食抹茶set啦(✿ﾟ▽ﾟ)ノ呢個set有兩杯Matcha Latte、抹茶芝士蛋糕、抹茶雪糕同3款丸子，本身一杯Matcha Latte都$38，所以計落叫set真係超值😎☞ Matcha Latte濃郁抹茶多了一份牛奶香甜，牛奶順滑有充足乳脂，與抹茶嘅比例恰到好處，抹茶嘅清香無被蓋過咗，飲到最後都仍然飲到抹茶嘅回甘😙☞ 抹茶芝士蛋糕上層係芝士蛋糕幼滑質感，底層係軟綿嘅海綿蛋糕，蛋糕整體唔算苦澀，啖啖抹茶幽香而不澀！加上甜蜜紅豆蓉，簡直絕配🫘☞ 抹茶雪糕食過好多抹茶雪糕都係奶味較重，呢款抹茶雪糕茶味突出🍃 抹茶濃厚甘醇，茶香悠長！雪糕軟滑，不過雪糕融得快，唔好影太耐要盡快食！☞ 丸子有白玉丸子、抹茶丸子同艾草丸子，可以配紅豆蓉或者點蜜糖食🍯 艾草丸子軟糯，內餡有紅豆蓉，唔會過甜，與艾草味道匹配！白玉丸子及抹茶丸子體積較細，口感則較煙韌～💬 總結Dessert Set有質素，抹茶控可以一試！過嚟食個tea (❛◡❛✿) 撈麵一如以往水準穩定！
繼續閱讀
見到網上有人推介呢間，今日同朋友仔三個一齊黎試下，叫左3️⃣個set，網友話雞皮餃子必試，我地就一致叫哂雞皮餃子🤣Set1️⃣：原味東京撈麵+雞皮餃子生蛋黃、辣肉碎、蔥花、韭菜、紫菜碎、生蒜、魚粉及小麥麵最原始版本嘅撈麵，配料一樣豐富，賣相吸引，想食原味嘅朋友可以試下🤟。Set2️⃣：肉の地獄+雞皮餃子山椒胡麻冷撈麵（中辛）叉燒片、生蛋黃、辣肉碎、竹筍、紫菜碎、紅洋蔥、炸蒜片、芫荽、腰果、青檸及小麥呢款麵啱曬食肉獸嘅朋友，肉量非常多🤤。Set3️⃣：明太子忌廉撈麵+雞皮餃子豬腩、明太子、生蛋黃、蔥花、紫菜碎、水菜、唐辛子絲、生蒜、魚粉及小麥麵明太子充滿咸香，忌廉亦配搭得好，整體微辣惹味😍。三碗麵嘅麵條粗幼介於沾麵和拉麵之間，口感煙韌彈牙，將所有配料生蛋黃、蔥花、紫菜碎、唐辛子絲、生蒜和魚粉一起攪拌，充滿層次感。雞皮餃子有特色之餘亦好高質，香口而不油膩。服務員亦殷勤有禮，值得比高分💯。
繼續閱讀
呢間係東京開過嚟嘅，主打都係東京嘅撈麵，加上有啲香港特有嘅風味，好特別！呢個山椒麻辣撈麵係勁辣，豬腩夠晒肥美，炸豆腐粒同麻辣肉醬都充滿香辣咪道，加上溏心蛋、紫菜、紅洋蔥、水菜、竹筍、紅椒絲，味道更加豐富有層次，小麥麵亦好煙靭，口感好好👍🏻呢個叫做肉の地獄其實就係山椒胡麻冷撈麵，係中辣，有激量既叉燒片，又有生蛋黃，辣肉碎，再加埋竹筍、紫菜碎、紅洋蔥、炸蒜片、芫荽、腰果、青檸，撈勻晒同小麥麵一齊食，味道相當好👏🏻最後呢個係明太子忌廉撈麵，豬腩片肥肥地，同咸咸地既明太子好夾，篤穿生蛋黃去撈埋蔥花、紫菜碎、水菜、唐辛子絲、生蒜、魚粉仲有小麥麵，全部材料撈埋一齊，味道香濃，口感豐富有層次🫶🏻而小食就係呢個雞皮餃子，餃子原來真係用雞皮做餃子皮，包住肉餡拎去炸，炸到好脆，雞皮索索聲，餡料就係香濃既肉餡，再點啲酸酸地既沙律醬，更加好食✌🏻
繼續閱讀