麵屋武蔵 虎洞 (北角匯二期)

營業中

休息中

好友相約去北角滙睇“貓．美術館“欣賞日本畫家山本修先生所創作CAT ART 貓作主題的世界名畫，洗滌疫情的苦澀，心靈也變得清淨一些。行下影下又到食lunch時間，决定食拉麵就選了“麵屋武藏虎洞“，裝修很日本風設有高身吧枱，還有多張四人枱，疫情期間坐得比較疏落舒服。我們二人入座四人枱很鬆動，餐牌花多眼亂，最後點了蕃茄低温叉燒拉麵、白虎豚肉片拉麵、胡麻菠菜沙律、武藏炸雞。蕃茄湯底鮮味，拉麵質感彈牙，叉燒又薄又嫩。白虎豬骨湯底濃郁，豚肉片鮮嫩。胡麻沙律味道調得剛剛好。炸雞炸得又脆又嫩。

有驚喜wor😍​蕃茄湯底超級濃超級香‼️​仲有新鮮蕃茄粒，味精唔太重👍​塊豚角好厚肉，不過略嫌有少少韌​拉麵好味👍💓​​味道👅👅👅👅​抵食🤑🤑🤑​環璄⭐️⭐️⭐️​服務👍🏻👍🏻​番兜🍉🍉🍉​(最高分x5）​

今日依舊去買外賣返酒店凱悅食，附近美食選擇多，外賣應用都有好多可以揀，不過咁啱去商場買衫，買到五點半，因為有六點後不能堂食的限制，所以決定買完返去沖涼再食。2020大家都唔容易，一家人去唔到日本，新既一年起碼能點日本拉麵食。呢家看來味道唔錯，專注幾道菜，裝修整潔，鋪位當眼易搵。可惜限制不能點湯拉麵，不過可以沾麵加料，懶聰明問可唔可以food panda叫打折，結果話要付外賣費。其實兩個道理都合理，同樣既信息，可以用正常語氣講，唔需要特別客氣，可惜就一位金絲圓框眼鏡姐姐可以用到懲戒主任方法嚴厲提醒，就即使其他幾位同事其實非常禮貌細心，都唔會想有下次。當然，每位朋友都可能有不如意的一日，希望聽日她心情好返啲。沾麵特點可以麵質唔受影響，包裝細心分開溫泉蛋同麵，湯就更加獨立包裝。煎餃有均勻的蔥花，豉油醋亦單獨小盒，餃子當然無辦法做到煎粉，當然餐牌張相都無，所以無問題。價格80元一份加20低溫叉燒，味道不錯。

今日去試北角匯新嘅拉麵店。店面裝修唔錯，open kitchen睇住師傅整嘢都幾好但係啲出品真係唔得。拉麵個湯淡到好似水咁啲麵又唔淋，最慘係嗰條咁樣嘅腸好似冇煮過中間仲係冰嘅。真係冇諗過咁嘅地方咁嘅價錢食過咁樣嘅拉麵。 都仲未提一碗拉麵等咗半個鐘先至有。呢間嘢試過就算一定唔會再有下次

疫情沒有好轉，安全起見唯有繼續叫外賣。今日來北角匯的麵屋武藏虎洞✨虎尾沾汁麵配赤虎湯🍜：好細心，湯和麵分開裝的👍👍湯底非常濃郁及香😋麵條彈牙，條豬肉腸勁大條，據說係因為條腸的形狀似虎尾，所以叫做虎尾拉麵，還有豚角即係五花腩，入口即溶化👍👍牛肉鯖魚日式四格便當：用醬汁煮過的牛肉伴上香甜洋葱，食落更香甜，鯖魚都煎得好香滑而且冇魚鯹味😋😋武藏煎餃子：皮煎得夠脆咬落又夠juice👍原來而家重做緊用foodpanda外賣有獨家優惠：滿$100即減$30

高質外賣🥡而且超快手同店員講超趕時間五分鐘即刻起到貨仲建議我邊啲食物比較快可以拎超細心！ 賣相靚靚😍炸雞🍗好juicy 蘋果沙律🥗都好有分量，有埋蟹籽青瓜同埋火腿條食落好飽肚鯖魚便當🍱有大量菠菜即刻開心左😝鯖魚拎到返office都冇魚腥味抵讚，牛肉既分量一d都唔少溫泉蛋牛肉飯～～呢個個汁較得好好味仲有麵豉湯同埋飲品送添！下午茶套餐都好抵食～～其實本身想食拉麵🍜不過太趕驚等得耐個溏心蛋好吸引☺️

疫情下夜晚都少左出街食飯，買外賣自然成為日常。赤虎虎尾沾汁麵 $80沾麵既好處係湯同麵一定係分開，而麵同餸再用分隔分開，配料有豬腩肉、笋、糖心蛋，仲有一條長長既豬肉腸。湯分別有白、黑、赤虎，今次揀左赤虎，即係帶辣味既沾麵湯汁，味道唔會好辣，好惹味，麵質夾口彈牙，份量亦好多，非常好食。牛肉鯖魚日式四格便當 $58飯盒擺盤好和式既設計，鯖魚嫩滑牛肉汁香味濃，送飯一流。武藏煎餃子 $38餃子都係拉麵店必點，雖然係外賣，但返到屋企食味道都唔會差好遠，餃子皮薄，煎得香脆冇過火。武藏炸雞 $38炸雞熱辣辣炸起，皮脆肉嫩，份量亦唔少，加上自家制醬汁好惹味，誠意推介。

🎏日式沾麵今天帶家人來這間，雖然外賣自取，但太喜歡裝潢的關係拍了幾張，沉實美🤍 日式食物來說，性價比高服務亦很好，等待外賣時可以坐著。即使叫了很多食物，但外賣也很快到手-食物：份量十足，非常滿意🛍Foodpanda 外賣獨家優惠，滿$100即減$30*🎐$80 虎尾沾汁麵 Tsukemen (黑虎汁）麵條闊度適中，彈牙有咬勁，超喜歡！一直以為沾麵會乏味，可是這間的黑虎汁濃郁，咸中帶甜。豚肉啖啖入味，腸咬下去有種爆汁的感覺，整體有驚喜，推介！🎐$48 溫泉蛋壽喜牛肉飯配味噌湯有點像壽喜燒火煱配飯，好吃。最喜歡是粒粒分明又實的飯，配在一起太正了吧！味噌湯不會死咸，欣賞的。🏮$45 和風蘋果沙律 聽到和風兩字就想試，以為是普通沙律，可是醬汁出乎意料之外，相信加入了少許wasabi，蔬果鮮甜，沙律這樣配搭特別好吃和清新。🏮$38 武藏炸雞我上一次也叫過，雞夠嫩夠滑，沾汁吃更有風味！#麵屋武藏 # 麵屋武藏虎洞 #麵屋武藏二天 #神山麵屋 #沾汁麵 #拉麵 #坑紋麵 #menyamusashi

工作忙都要食，今日只能食外賣🥺想食得開心有心情繼續搏殺，應該食咩好呢？ 在北角做嘢，朋友介紹我去名字好有氣勢的 「麵屋武藏虎洞」，抱住醫肚心態一試。。。叫個平實的温泉蛋壽喜牛肉丼配味噌餐+和風蘋果沙律好驚喜！ 個日本白飯好好味，飯粒粒粒軟硬度恰到好處，又香飯味😍加上壽喜汁，好夾！好味呀！不喜歡食飯的我把整個飯K.O. 了🤤🤤🤤和風蘋果沙律個醬汁有少量 wasabi ，微辣要醒胃，做前菜小食好合適，青紅蘋果沙律菜配搭好正！連味噌湯都好得，不會像其他餐廳嗰啲咁咸🤩下次要 Encore 呢間！！！呢間唔係普通醫肚餐廳，而係嘆住食嘅餐廳！

久違日本拉麵今次去左呢間食拉麵/沾麵分白,紅,黑湯底,仲有期間限定口味虎尾沾汁麵,黑湯底,濃郁既香氣,細心睇仲見到粉末,沾麵湯底夠熱附冰凍冷水任飲,呢一點好有親切感係日本我好鐘意飲拉麵店既冰水因為日本天氣好乾,坐低即乾2杯先上小菜,點了一個胡麻波菜沙律雖說胡麻,但帶點芥末味道,好清新做前菜非常合適開胃,而且健康多味美大約10分鐘就上埋沾麵麵湯分上,夾上一口份量再沾濃湯品嚐滷蛋半熟好香滑,好吃!湯底黑,味重偏濃,沾麵湯就是要夠濃味!麵身有坑,非常掛湯汁,每一條都掛到湯汁麵身粗身有彈性,非常有口感仲配上一條煎香腸同豚煮豚煮好入味,帶點甜香,肉質好嫩滑香腸就無乜特別,但都幾有肉汁店內另有多款湯底拉麵同小吃供應湯底真係做得很好,比登龍街食過既更好食只係麵條份量比較少~北角渣華道123號北角匯2期1樓118-119號舖Shop 118-119, 1/F, Harbour North Phase 2, 123 Java Road, North Point

現在回復正常返工時間中午外出吃飯真係人頭湧湧所以選擇吃拉麵少為了方便快捷北角滙的一間拉麵店開業幾個月中午時分每次走過都座無虛席今次等位等了15分鐘算是快了虎尾沾麵有三款（白、赤、黑）我選了黑因為喜歡黑蒜的香味麵質彈牙而且湯汁可以掛在麵上唯獨湯比較鹹如果多一片肉更加好另外朋友選的也是黑蒜味的拉麵這個就沒什麼特別了幸好豬骨湯底夠香濃糖心蛋流心唔會過熟我以為吃完沾麵一定會有個魚湯之類加在沾面汁裡等我再一嘗鮮味虎洞我就不察覺有人額外加湯了

難得2人世界👫行下商場肚仔餓就比隻老虎吸引住...於是就決定食拉麵虎尾沾汁麵有3款選擇（白、赤、黑）我揀左黑 最鍾意香濃黑蒜味，配埋爽口彈牙既拉麵重點係有坑紋既拉麵掛湯！仲有豚肉腸，入口吾會太過肥膩啖啖肉👍🏻仲叫咗秋季限定版鹽味炙燒豚肉清湯麵，流心蛋係糖心吾會過熟鹽味湯底唔會太鹹恰到好處！至於小食方面，餃子煎得好香入口好Juicy!仲叫咗豚肉串，望落以為好似好油但其實一啲都唔油啲肉好瘦，配埋蔥食好香口飲品方面叫左2杯 ，分別係原味同提子可爾必思梳打，味道偏甜。整體黎講好滿足

長假期後好不容易捱到放工, 一夠鐘即閃人同老公搵好嘢食! 今晚近近地去公司附近嘅北角匯, 靜靜地唔算多人。見到有間拉麵店都幾多客, 就貢入去試試。之後先發現原來自己地磺青衣都有分店不過從未試過, 哈哈。店舖不算好大但環境幾好, 妙為吧檯同卡位, 座位之間好寬敞, 但因商場本身都靜, 傾計唔洗大大聲。店員態度良好, 一坐低就遞水同餐牌。拉麵分六種湯底 – 白虎(豚骨)、赤虎(辣)、黑虎(黑蒜)、番茄、虎尾拉麵、虎尾沾汁麵。而拉麵配料就有豚角、低溫叉燒、豚肉片。仲可以加錢要額外配料例如溫泉蛋呀、紫菜咁, 都算多配搭啦! 今次我地就叫左番茄燒豚角拉麵 + 黑虎叉燒拉麵。麵條口感偏硬, 食上黎比較彈牙, 湯頭用了蕃茄蓉熬煮, 濃郁而不油, 滿滿香甜蕃茄味呀!! 而黑蒜雖然成個湯底都黑媽媽, 但出奇地完全唔會好漏好滯, 蒜油亦非常香, 層次豐富。叉燒入口嫩滑唔洗咬, 好正! 除左拉麵, 當然少不了叫小食, 我地叫左武藏煎餃子 + 武藏炸雞, 兩樣都好鬼香口! 餃子唔似出面個D 油淋淋, 反而煎到好乾身但又咬落有汁好juicy~ 而炸雞就好香口, 肉嫩多汁 (最緊要唔會勁熱, 入口溫度剛好) 加埋

麺屋武蔵來自日本東京新宿今日 #淘小姐 終於有機會黎北角滙試試由於時間尚早店內客人不多坐得十分舒服等待上菜既時候見好多人買外賣猜想質素應該很好今期推介鹽味炙燒豚肉清湯麵 $80豚肉以低溫慢煮再將豚肉燒至焦香幾好味湯底用日本直送既鹽調配湯底入口清爽虎尾沾汁麵 $80 入面既豚角煮足足有70g 入口即溶一試難忘另外仲有一條長長既香腸略為咸左少少淘小姐係沾麵控如果有沾麵淘小姐都必定會點食食下個麵發現麵條十分掛汁原來麵條係有特別既坑紋增加左surface area咁樣既構思真係好聰明一共有三款沾汁我地就揀左黑蒜油豚肉湯底沾汁味道濃厚、口感幼滑入面仲有少量豚肉粒原味可爾必思梳打 $28 味道偏甜適合女孩子口味梅子青檸梳打 $25梅子味道特別但又不太特出整體可以減低拉麵既油膩口感日本直送唐揚豆池魚 $38未食過豆池魚佢肥dodo好好食九條蔥豚肉串 $38咸左少少如果有個白飯送下就好～

【麵屋武藏】是日本知名拉麵品牌，曾多次被票選為「日本全國第一拉麵」。2011年登陸香港，北角匯分店開業只有數月，今天不想做飯，便買來外賣套餐嚐嚐。虎尾沾汁麵有白虎、赤虎及黑虎三款湯底可選，黑虎湯以豬骨敖製，再加入黑蒜油，味濃帶焦香。麵條用上店家獨創的粗身坑紋麵，掛湯力特別強，吃下緊實彈牙，口感順滑。 每條麵都沾上湯汁，惹味而不會過鹹。沾汁麵配料豐富，最吸睛的是8吋長虎尾腸，以豬肉餡加上秘製香料及醬汁製成，外皮香口內裡味濃。豚角肥瘦相間，肉質鬆化軟腍，入口即溶，令人回味。溏心蛋色澤吸引、筍片爽脆入味，加些蔥粒更添辛香。鯖魚豚角日式四格便當包括配前菜、白飯及味噌湯。與沾汁麵一樣，同樣附有豚角及溏心蛋。鯖魚份量雖然不大但肉質嫰滑，沒有細骨吃得暢快。炒雜菇香口，拌著飯吃也不錯。小食選了煎餃子及炸雞，武藏煎餃子一客共5隻，外皮厚薄適中，餡料有豬肉、白菜及韮菜。拿到家中仍帶微脆，蘸些醋汁同吃，可解油膩。武藏炸雞粉漿不厚，炸得鬆脆，雞塊大小適中，每口一件剛好。