麵屋丸京

營業中

休息中

唯一這店 - 丸京·年幾之前朋友帶我來呢到食過佢個濃湯拉麵覺得好正，之後去過佢其他分店發現質素不行。今日再來返呢間牛頭角分店，有新嘢黑蒜醬油湯底立馬試下。叉燒份量小左一半，但味道口感依然保持到，面質不錯，而且過鹼幾好，唔會有鹼水味道。湯底夠濃，飲後不渴，黑蒜味道夠出。檯頭有兜蒜蓉，即刻試下佢，夠曬香，又有生蒜辣😛。整體來講此店是值得推薦，不過只限此分店，其他店就不推薦了。

星期五難得黎到牛頭角d咁既地方 就試下丸京誰不知店員漏單 仲問我係咪加單 好似唔相信我咁😒 真係大掃雅興 未食心情都唔靚喇叫個炸雞都等30mins 好失望拉麵湯頭還可以啦 鹹咗少少

由於睇到開飯網的評語好，便去試吓港式日本拉麵，門面 枱桌整體算整潔，員工有禮貌。今日叫咗二碗拉麵，一碟餃子。等咗大約10分鐘，拉麵端上，發覺湯底超油膩，鹽份過高。再過5分鐘後，餃子端上，碟底不只多油，一口咬入餃子，肥肉超多，加上油炸，入口滿口油。食完真係要跑10K

一間好有日本風情裝修的拉麵店我地一坐底就會有兩個杯同冰水，無錯，係冰水，比較養生既我，係呢個時候就會要杯熱水。身體實在受不了冰水而提供冰水都有日本既感覺。由於我唔食得蛋黃，所以叫左碗無溫泉蛋既濃湯叉燒拉麵，食拉面前都會自試左個湯底先。嘩！好香豬骨味，飲完唔會口渴。跟住就試埋個面底，我比較中意有咬口，呢度就好合我口味。再黎試個叉燒，呢個係薄片，入口即溶，味道唔錯我朋友就叫左個有溫泉蛋既除左拉麵，呢度都有小食同雪糕🍦

又到左放lunch嘅時間 之前行街經過呢間 見到鋪頭門口裝修幾靚 於是便相約同事一同過來食lunch 咁佢menu選擇不多 而價錢不算便宜(可能裝修費貴) 咁就要左個叉燒肉子拉面 賣相一般 叉燒兩塊 玉子一隻 個湯底幾濃味 但份量真係可以再多翻少少

琴日放工，黎到牛頭角見到呢間好多位，打算入去食，但朋友未到，所以同個侍應講兩位。但佢話要齊人先入得坐... 所以我要喺門口等... 我出左去諗左陣，其實鋪頭都無咩客，而且天氣咁熱，我再入返去話咁當我一位先啦，佢就比我入去，但坐一人位。然後佢催我落單先，其實我都想落左先，因為都好肚餓，所以落左個拉麵。拉麵黎到，都係整到好似人樣咁，好得意。個湯係清湯，還可以，個麵就偏硬身，可以再淋少少，叉燒就幾好，無咩肥肉。

家住觀塘，有日發現呢到竟然有間麵屋丸京，其實一直都未試過，因為我知道葵芳嗰間好多人成日都要排隊所以一直都無食過，依傢竟然開正係屋企附近，當然要試下啦。真係食一次就會愛上，識食一定要食濃湯味，個湯濃到不得了，每次我都會一啖麵一啖湯咁食，而且佢個慢煮叉燒真係好出色，切得薄之餘肉質係淋架，而我最鐘意就係加粟米，$10就已經有成半碗咁多，我本身好鐘意食粟米，而且我覺得加左粟米之後個湯會變左甜甜地仲好味，但係我男朋友就反而話加左粟米個湯甜左佢唔鐘意，所以呢樣就見仁見智啦，總括而言，真心值得推介，係我食過最好味既拉麵！牛頭角呢間比起葵芳嗰間雖然地方細好多但係並無葵芳嗰間咁多人架，我食咁多次都未試過要排隊，如果大家想試下又唔想排隊的話，建議你地黎牛頭角呢間試下：）

As a ramen lover, i have decided to do the ramen race in Hong Kong and this restaurant has been on the list for a while - from they only have one shop to now...three chains. Today, we finally had the chance to explore the area in Kwun Tong and we came to try the famous cha siu ramen! so excited!!! the original ramen is much better than the black garlic one (+12HKD) as the soup base is less salty. But we still finish the whole ramen 🙌 this means we will definitely be back, but maybe another cha

又係宜安街呢個搵食好地方，麵屋丸京本身係荃灣開，分店就係牛頭角呢度，佢既裝修同呢條街相比，特別顯眼，因為周圍都係唐樓或者中菜館，佢既門口就好新好靚。先試既係醬油拉麵，可以選擇濃湯定清湯，濃湯就係醬油湯底再加上濃厚既背脂，同湯底混合，煮成白色，非常濃郁，充滿油香，不過冬天食會比較好，保暖，夏天食就略嫌油膩。叉燒既肉質ok, 厚度適中，有三塊，不過唔算太大塊，如果大塊少少會開心好多。荀片既味道好入味，好香，令人驚喜。

呢間拉麵舖位於觀塘最多小巴站嘅地帶，係正宗日式拉麵！係近呢一兩年先至新開嘅鋪頭。一入到去就會見到吧枱，再加另外四張四人枱，空間感不錯，至於bar 枱就係圍住拉麵師傅坐，真係好似日本嘅拉麵店咁。另外值得一提嘅，就係佢都係唔係太多選擇，就好似普通拉麵店咁有清湯濃湯可以揀再加幾個送，例如叉燒，豚肉，等等，另外配料包括有紫菜，粟米，雞蛋，多叉燒，等等。另外仲可以再點炸雞，餃子等等，唔夠飽都可以加碼！今次叫左拉麵同炸雞，拉麵份量又好味，但炸雞就overcooked咗少少喇...

上次我在牛頭角的食街「宜安街」上，幫襯一檔可以享用「一盅兩件」，兼且飲茶的中式茶樓餐廳的同時，亦都無意中發現「宜安街」原來還有一檔賣日式拉麵個日本拉麵餐廳，餐廳名稱叫做「麵屋丸京」。「麵屋丸京」的店員態度其實也很不差，早在我光顧享用完「一盅兩件」，離開餐廳經過「麵屋丸京」的時候，「麵屋丸京」店員還很有禮貌招呼我。所以後來我決定了，在下午六點鐘左右時間，重遊舊地兼且上門幫襯「麵屋丸京」。我選擇直接在六點，而不是六點之前幫襯是有原因的，因為牛頭角「麵屋丸京」是屬於會「中場休息」的日本拉麵店之一。至於牛頭角「麵屋丸京」裡面的檯櫈擺設佈局，以及「麵屋丸京」製作拉麵廚房，都跟坊間大部分的日本拉麵餐廳十分相似，有獨立的一人、二人、四人檯櫈之餘，還有半開放式面向吧檯的座位。我就繼續本着要觀察廚房製麵實況的需要，因而選擇了「麵屋丸京」的吧檯座位。而且「麵屋丸京」的吧檯座位數目也絕對不少，吧檯座位一字排開，足足排開了大約七、八個座位。我看見「麵屋丸京」樓面跟廚房的佈局，下意識立刻認定了，「麵屋丸京」很像一間傳統的日本拉麵餐廳，重點在於牛頭角分店「麵屋凡京」環境看來還很新淨整潔，衛生狀況都是可以接受的程度

前排去觀塘食蛇，咁啱見到間蛇舖對面有間拉麵，作為偽日本人當然要去八下間拉麵店主打啲咩，原來係醬油拉麵系，而唔係香港最主流嘅豬骨拉麵。仲要有數量限定嘅slow cook叉燒拉麵，喺日本食過slow cook雞肉叉燒後念念不忘嘅我梗係唔會放過呢間舖啦。門口嘅告示牌雖然有大大張拉麵相，但吸引我嘅其實係左上角唔起眼嘅真叉燒拉麵，賣slow cook叉燒嘅拉麵全香港應該一隻手數得晒。因為我嘅目標只有一個仲要限定廿份，入去前先同店員確定無賣晒先入去，真係有種一係唔食一係我就要食最好嘅霸氣，咳咳。既然只有一個人，坐喺吧枱位就好正常，我都好鍾意睇住廚房嘅運作，呢種位置啱晒我。睇到枱頭有蒜頭辣醬胡椒粉同醋，再加埋個水壺真係日本常用嘅冰水壺，未食加定分先。拉麵嘅湯頭就分濃淡兩種，濃嘅會加入背脂即係豬肥，雖然京都系嘅拉麵係以濃厚見稱，不過食醬油湯底就梗係食清湯，我覺得醬油湯底唔應該落豬肥，好易冚過醬油味嫁嘛。等咗唔係好耐碗拉麵就嚟到，睇落幾大碗而且叉燒份量唔少，計落幾抵食喎。Slow Cook嘅叉燒梗係要帶啲粉紅色啦，但因為湯係熱湯，浸係湯裡面都會變熟好似生牛河咁，所以第一時間梗係食返塊叉燒。Slow Co

其實味覺真系好個人主觀1、麵質•粗幼適中 ，好食👍🏻聽店員講本身較為硬身 點餐紙上無得選擇，如果鐘意軟身啲可以同店員講2、叉燒•吾好食内質好”鞋”吾入味好普通，呢個價錢吾值得我去排隊等20分鐘，因為食過幾間都系呢啲價錢更好味，如果系因爲無揀到真•叉燒個款所以咁”鞋”個人覺得吾好比人有得揀好過，起碼吾會做衰個名先3、清湯•淡得黎幾香，一定不是味噌湯 合格✅4、加$10流心蛋 （值）同一般食到吾同，酒味濃郁，我最鐘意隻蛋😍5、加$38炸雞🍗小食，唉！睇食評話好好食，一定要叫，感覺做假一樣好難食 吾脆啲皮好粉，吾識炸 真系吾好叫(總結:吾會再去，無令我回味既感覺)

2人叫2碗，有清湯同濃湯選擇。 喜歡重口味就要濃湯。 以為一般size. 點知吃一碗都飽到反艇。 星期五晚上1915 到達，剛有位唔駛排。 個waitress温提我地限量"真"叉燒拉麵剩1碗！！！ 唔諗即要， "真" 好彩。 入面生蒜任加， 好正！ 最後走人， 見到成10 幾人排緊！ so lucky啦！ 最後覺得是好味的， 但冇研究咩係真點先係假

呢間情人節講到依家終於食到啦 好感動！我見有好多人都話佢地嘅叉燒好好食 無脂肪所以就吸引咗我同男朋友去食啦我地係7點半左右去 唔洗排隊 仲有好多空位.我覺得呢兩碗可以一齊講 係差在叉燒嘅量首先個湯底非常香濃 飲一半湯都唔會話好咸濃湯加拉麵簡直係絕配 麵條都好濃味不過記住即食啦 好似我咁擺咗5分零鐘再食...就會‘鯨’咗.其次個叉燒 上到嚟見到仲有粉粉地我以為未熟哂不過見到枱面痴住用75度煮至少15秒中心部分煮2分鐘 都好安心我食落第一塊係入口即溶 睇得出非常透薄但有1-2塊某部分會‘鞋’咗d 呢樣我有d失望同埋叉燒無脂肪 食落都幾開心.講埋隻蛋先 佢唔係好似出面個d原隻上 而係分開一半雖然就咁睇睇唔出蛋黃流出嚟 食落無咁過癮之外整體個蛋都流心 浸係湯都幾好食.不過留意啦 最後張圖可見 油脂會較多所以怕肥嘅就小心d唔好食到啦