麵屋丸京

營業中

休息中

心思思今晚想食拉麵，聽同事講去過呢間丸京食lunch話唔錯，所以同男朋友去try try啦。濃湯豚骨拉麵我地都揀左最基本ge豚骨拉麵，配料有叉燒3片、半熟蛋和筍。不過我地就分別揀左唔同ge湯底試，我就揀左濃湯，湯底偏咸，愈食愈咸咁，食完要係咁飲水！半熟蛋煮得剛剛好，而最驚喜係叉燒！叉燒有3大片，入口好嫩好淋，好似慢煮出泥ge口感，同平時出面食ge好唔同！另外再加了紫菜，不過紫菜偏淋，唔建議大家加啦。黑蒜油湯豚骨拉麵男朋友就加$12轉黑蒜油湯底，黑蒜味濃郁，但食到尾都係會口渴。順帶一提，拉麵係冇軟硬度選擇，拉麵口感亦屬於偏硬身。

本來很少比意見，他食這店的麵，覺得麵質是上等麵粉做的，豬骨濃汤都很鮮，是可返食的店，可惜是太咸(8/10)，差不多是苦的。本着好意，我也先讚美店長，面很好吃，但可否注意咸度。當我提到咸度，店長立刻反面，並说我店不同其他店，湯是濃汤。我告訴他，汤是很好很濃，但是可否選擇下少些鹽。他立刻面黑说，我這兒是這樣，我早上也试過味，你可去別店吃。哦！明白了。幸好，有其他客人也在談他的麵太咸，證明我舌头沒病。不過有時真系好食客難做

是日lunch想吃拉麵，便想起宜安街的麵屋丸京，之前經過幾次也未有契機一試。看看網上照片，原來這裏就是有澎湃叉燒拉麵那間。Lunch期間有小人龍，約15分鐘才有座位。 無論吃拉麵/壽司，都喜歡坐吧枱，可以看到師傅製作美食的過程，多一份娛樂。 餃子 $35咬下去外脆內juicy，肉汁溢出，但有點鹹。 丸京拉麵 $100這拉麵有2款叉燒：普通叉燒3塊 + 真叉燒3塊。叉燒密鋪平面，相當吸引眼球。再加整隻溏心蛋，份量驚人，一個男生也未必食得晒。先談溏心蛋，蠻流心的，很入味但有點鹹⋯⋯ 太麵麵質帶點煙韌，還算彈牙。湯底有2款可選：濃湯豚骨醬油／清湯豚骨醬油 我們選了濃湯，湯底很濃厚，厚實得以為食緊沾麵⋯⋯ 豬骨味超濃郁，但真的很鹹，醬油味完全嚐不到。連平時重口味的同事也覺得鹹 XD另一同事叫的清湯比較宜人。其實清湯味也不淡，豬骨與醬油味平衡得宜，我比較愛清湯。 真・叉燒以低溫真空烹調，肉質粉嫩，入口軟滑。雖然普通叉燒也不算鞋口，但2者相比，真叉燒口感更滑溜。可能是濃湯的影響吧？整體都是重口味⋯⋯ 溏心蛋與叉燒的關係，我不會把它立刻打入冷宮。下次試埋清湯煮的再報告。

呢間麵屋丸京都算係牛頭角隱世拉麵呀😍😍😍我就住係附近都唔知有拉麵食 通常都係大排檔個d架咋ma😂首先佢格局就好日式啦👍🏻👍🏻d位都算多 不過就要齊人先可以入啦 都正常既😁咁佢就有張紙俾你揀要咩湯咩餸既自己劃啦 我就清湯濃湯都試過 我鐘意濃湯啦☺️食拉麵就最鐘意食隻雞蛋🥚真係好好食架😍😍😍佢仲有小吃食 餃子炸雞都好好味喔👍🏻👍🏻👍🏻有時掛住日本拉麵🍜就可以黎呢度解相思之苦呀😂😂😂

麵屋丸京係好出名嘅拉麵鋪，裝修都好有日本特式，地方都闊落，但未算坐得好舒服。好多拉麵鋪一開始就會俾冰水客人飲，意指對客人尊重，但冰水我就麻麻，都係室溫水岩我飲啲！希望可以有溫水/室溫水俾香港人揀啦！叉燒拉麵（濃湯）$73，啲面夠硬夠彈牙係我鍾意嘅類型！呢度出名慢煮叉燒，叉燒肥瘦適中唔會太鞋太un!濃湯既味道都幾夠！重要有生蒜蓉提供比你自己調味！超正！唯一覺得美中不足既係啲湯唔夠熱！但都值得一試！！

今日收工突然想食拉麵，於是就同朋友去左觀塘的丸京麵屋。睇過網上d comment，見到清湯同濃湯都有fans🤪今次啊妹我就試左清湯 怕肥😝😝湯底入口清純，飲落好舒服，吾會漿住個口🥳 叉燒有6塊，鋪滿碗拉麵，口感都好淋溏心蛋好流心。 如果可以有更多竹筍就好啦😎朋友就叫左真叉燒濃湯拉麵，叉燒係慢煮，入口即溶，口感仲淋過我自己果碗😍😍😍濃湯係清碗上額外加上油脂，味道濃郁。推薦:⭐️⭐️⭐️⭐️⭐️

平日大多帶飯番公司偶爾有機會一個人午餐這時候大多會想起這間在間巷旁的拉麵店拉麵的款式不多，我最愛的是這款大集合拉麵除了半熟玉子及荀外，還有6片叉燒鋪滿整碗麵其中三片是店家特製的慢煮「真叉燒」份外軟熟美味湯底方面每次都難以放棄Tonkotsu的豬骨濃湯味道濃郁質感馥郁細滑，脂肪比例洽到好處麵條並非九州系幼麵，更合我意除拉麵外，炸雞亦是必叫之選新鮮炸起，脆卜卜非常juicy比起一般餐廳的炸雞更強黑椒風味非常香口惹味， 每次吃到反艇也難以抗拒飲品是來貨的樽裝飲品, 不過不失整體來說絕對是會經常光顧的店舖

朋友介紹呢間叉燒係slow-cook叉燒，好多人都話好食，所以就一於試下佢星期六7點半到餐廳都唔係好多人，唔洗等就入得，正！！拉麵店一向都係揀湯底同配料。湯底有清湯/濃湯/黑蒜油(+$12)同期間限定(好似係櫻花蝦+$12)我揀左濃湯拉麵款式我揀左一半叉燒一半真。叉燒一次過滿足我兩個願望！賣相非常吸引架‼️‼️‼️味道都好正‼️‼️‼️真。叉燒確係嫩啲🤤湯底同麵質都👍🏼👍🏼👍🏼難怪咁受歡迎！！絕對值得再食！

牛頭角非常唔就腳系真嘅，所以呢間拉麵剔起咗好耐一直都未去到食～😗 之前有機會要去九龍塘面試見時間啱啱好晏就🌄即刻就過咗去食，果然係真正嘅臥虎藏龍 🐯🐉從來冇食過咁樣整嘅叉燒真叉燒拉麵 ❤️ ($106)評分：7.5/10.一場嚟到為嘅就係試吓呢碗每日限定發售嘅真叉燒拉麵 🤗 低溫煮嘅叉燒居然可以程粉紅色 😄初初有啲擔心覺得望落顏色好似啲豬肉 🐖 未熟咁 😅 查證過之後先發現因為低溫慢煮嘅關係肉嘅顏色唔會徹底變白～叉燒薄得嚟又幾有味，好似攞去燒個啲片片黑豚肉咁，而且真係有好多好多塊 😆 雖然掛得就隨心啲，唔系話好精緻～湯底方面，店家嘅湯底比較淡，同走濃湯路線嘅豬骨湯底有啲唔同 😚 望落少少透明似水，面頭油脂唔明顯，但飲落幾舒服。不過用嘅拉麵就係黃色而唔系白色個種，麵嘅質地相對較平庸餃子 ❤️ ($35)評分：7/10.餃子呢個價錢平過其他拉麵店，餃子餡料飽滿，不過雖然顏色夠晒金黃，但都仲可以整得脆口啲，還好啦

叫左個濃湯半熟蛋拉麵, 有1隻切開2半的糖心蛋, 2塊好薄切GE 叉燒, 糖心蛋OK, 但叉燒實在係少同薄。味道OK GE, 又夠瘦,但真係少左D。麵係幼D GE麵, 偏硬, 岩我,有咬口, 唔會林哂。 話係濃湯,但我覺得一D都唔濃, 味道偏淡,但質地係杰TAT TAT GE, 仲見到好多豬油糕@@加3X蚊有5隻餃子, 餃子入面有麻油味,幾香, 入面係椰菜同豬肉, 正常啦

觀塘區日或拉麵唔多，麵屋丸京係我食過覺得最好個間今日叫左個濃湯極上拉麵，有6塊叉燒同埋1隻半熟蛋，見到已經好滿足，岩晒大食既我個湯見到有背脂，飲落有膠口既感覺，唔怕死既我，最後差唔多飲晒個湯叉燒入口即溶，邊位有燒過，增加左焦香，蛋仲係流心，甜甜地，好味驚死唔夠飽，仲叫左個七味炸雞，不過呢個即叫即整，想食就要預多少少時間，炸雞外皮好脆，不過有少少過硬，入面就仲有好多汁，食落有少少七味粉既辣味，點沙律醬食又有另一個口味，值得一試

在一眾拉麵舖中，若單以醬油湯底而言，就以這店的出品最合我口味....平常吃拉麵，我大多會選豚骨湯。但在此，醬油湯一定是我的心水....極上拉麵，是我每趟來必點的，除了今次之外....少了溏心半熟蛋，便是喚作叉燒拉麵的組合。叉燒的量很"大氣"非常慷慨滿滿的舖在碗上，肉質十分的嫩口即近入口即化，不過不夠厚身對我來講是對此叉燒唯一要彈之處....麵用的雖是較幼身的但勝在處理得蠻彈牙，掛湯能力甚高....對我來講，這裡的醬油湯底是最好的 ---- 其味不死鹹而帶鮮，喝多兩口亦不會覺對喉頭以至身體有太大負擔。更重要是湯色非常清澈不混濁，在視覺上又加了不少分數....粟米是另加上的，其甜度又為整碗麵再錦上添花....在外頭開始返涼的天氣底下，能吃上一碗這樣的拉麵，確實是一件讓人很溫暖之事....

同fd行完BB展，黎補充返啲體力！半熟卵拉麵 $78，香港傳統日式拉麵店少有背脂，呢家竟然有，令原本濃郁既湯汁更香滑，慢煮叉燒麵好正，偏瘦，麵心有咬勁！半熟蛋流心效果好好，幾入味。

依間拉麵舖開張到而家都食過幾次🤤，想食拉麵lunch都有得食超方便😍.叉燒拉麵 $83啲叉燒真係舖滿晒成個碗😍 好邪惡～ 我地普遍都係覺得濃湯好味啲 雖然有啲油但咁先有豬肉湯既精湛🤤 而且叉燒一口就溶 .半熟卵拉麵 $78如果唔要蛋就平$10😚 以女仔既食量黎講 其實$68都夠～ 但奈何個半熟蛋又幾誘人 有少少流心嘅感覺🤤.總結，次次食依間野都覺得佢個匙羹好重🤣 雖然無初初開咁好食係真既 同埋有啲油所以要係咁飲水🙈 但總有個魔力係會想不停食 香港既拉麵黎講我覺得都幾好味😚 仲要唔係好貴🤤 之前食過真空豚骨果個 雖然貴啲但美味真係升級佐 大家可以試下😍 講起我又流口水了🙈

我起初諗住會幾好食啦，點知我食完覺得d拉麵有d硬硬地，叫左個清湯底都覺得佢好濃，好咸，我真係覺得好似比錢食味精咁，但佢呢到個店員都幾友善既，個服務態度都算正確既