麵屋丸京

營業中

休息中

作為拉麵迷，當然要黎牛頭角既排名第一試下。好幸運地，雖然要等位，但都好快入得，食物亦都上得幾快。首先講左重點先，就係個麵。除左太油，就都係太油。唔單止我同男友都咁話，連隔離左右枱都係咁講。更誇張既係，佢地食剩成大半碗。而我同男友就幾經辛苦先食得晒。食完走時，已經覺得腸胃好似不舒服，真誇張。叉燒就中規中矩，不過不失。雖然拉麵一般，但個唐揚炸雞又幾抵食同好食！皮脆內嫩。由於見到佢係新鮮整，所以都冇乜油益味同夠晒熱！不過奉勸一句，唔係醬油控真係要諗過先好入去。

夜晚六點幾食，唔洗等位。七點三到食完，出面已經有五、六個人等緊。.第一次黎食嗌清湯，今次試濃湯，覺得好味好多～.半熟蛋拉麵（$78）半熟蛋酒味偏濃，唔太甜。叉燒入口即溶，非常軟身，好好味！.叉燒拉麵（$83）有成七塊叉燒左右！好多😂而且覺得呢間拉麵店麵比較多，食到都幾飽👍🏻濃湯豬骨味濃，唔會超咸。.自家製七味炸雞（$38）啲雞塊大舊，而且啱啱炸好好脆～個炸粉係炸軟殼蟹嗰種😂一食就諗起哈哈。.埋單一人$100總結黎講價錢合理，食物質素好，會再食～

本身已經好鐘意食拉麵，今次帶同朋友黎到丸京，朋友叫左極上拉麵，有齊晒叉燒、溏心蛋同埋筍；而我就叫左醬油拉麵，再偷朋友半粒蛋！哈哈！佢有清湯同濃湯揀，我地都叫左濃湯，個湯真係濃到就咁睇已經好多精華，一飲真係不行了，好濃郁啊！啲麵好有咬口，適合鐘意麵質較硬嘅人，配埋啲湯真心正，不過飲到最後可能會覺得湯有啲鹹，但我每次都會keep住叫濃湯，因為實在好好味！至於叉燒同埋溏心蛋都不過不失，值得一試！濃湯極上拉麵 HK$93濃湯醬油拉麵 HK$68

京都風豚骨背脂拉麵，從葵芳開到嚟觀塘。天氣咁凍一人毒食點了份最貴嘅極上拉麵，盛惠$93，觀塘區呢個價錢堅貴，慶幸水準甚佳。湯底濃厚富肉香，麵條爽彈有份量，叉燒六大片鋪滿表層，雖切到燈影咁薄但入口軟腍有加分，溏心蛋嫩滑流心，不過湯底太熱不宜久放。清一色港人師傅，但水準絕不馬虎，值得一試！

一天限定20碗的真叉燒拉麵，所以這天一大早就來到，人不多。一坐下先看看菜單，但其實已經決定好是吃真叉燒拉麵，另外再點了半熟蛋。第一次吃真空低溫調理的叉燒，口感很特別，不太硬不太軟，而且叉燒超多，吃的很飽，很滿足，吃拉麵一定要配半熟蛋，也是很好吃。

放工成日去觀塘區覓食貪得意落到去牛頭角呢區好似得一間拉麵鋪排隊排左半個鐘......拉麵試左清湯&濃湯濃湯幾好味，有d似阿媽煲嘅老火湯清湯都ok，淡淡地冇試到slowcook叉燒普通叉燒味道好普通仲試左佢地自家製餃子 幾多汁味道正正常常同fd講起話slowcook好食d，笑我做乜咁傻放工時間去，話平時唔洗排隊其實唔係住果頭我覺得冇乜值得encore，試一次就夠不過如果咁啱經過可以試下個濃湯

本身好鍾意食麵 所以鍾意食拉麵不過近2年都比較少再係香港食因為係日本食真係好味好多 價錢又平一半但係IG見到人地食依碗拉麵 又好似好正咁喎🤤就黎試下啦🙈-▫️真·叉燒拉麵🍜 ($98)▫️+半熟蛋🥚 (+$10)-Menu話依碗真·叉燒拉麵每日限定20碗不過我係晚市7點幾去 都仲可以叫到2碗😂一黎到真係好多叉燒‼️成碗麵係完全被叉燒覆蓋左  因為用左真空低溫既烹調方法 所以叉燒係呈粉紅色既食落比平時既拉麵叉燒柔軟嫰滑 好味😋湯底揀左濃湯 確實幾濃味 湯帶有油脂 岩哂重口味既我而半熟蛋都相當唔錯 麵身爽彈 幾掛湯整體有驚喜 係香港水準較高既拉麵👍🏻👍🏻雖然$98有少少偏貴 但係絕對值回票價

拉麵有不同派系 做法 材料 味道雖然冇一隻可以滿足晒所有人嘅口味但係我諗我搵到最適合我口味嘅拉麵係日本試過一蘭拉麵之後 係香港真係好耐冇試過水準咁高嘅拉麵了呢間餐廳位於觀塘宜安街9號-麵屋丸京 雖然唔係好就腳 但係行多幾步都扺門口以簡約的日式裝修 比較同同區嘅餐廳別樹一格 店內裝修暖和舒適 有傳統的吧枱形式 也有桌子跟椅子食物款式不多 我選了店員推薦的極上叉燒拉麵 湯汁濃郁有力 麵質有咬勁 沒有鹼水味 配合肥瘦均等的日式叉燒 鮮嫩誘惑 在口中像牛油般化開 蔥花和溏心蛋將味道昇華 價錢十分公道 以這個質素來說 我形容為‘蝕住做’ 當然冇咁誇張😂 但係一試難忘 誠意推薦大家呢間拉麵店🙂

同愛人黎度人煙稠密九龍東, 係一條林立好多茶餐廳, 蛇鋪同小巴站既小街巷度, 經過見間裝潢幾靚既拉麵, 又見肚餓價錢又可以接受, 所以就入去試一試,  老實講係香港食拉麵(個d咩所謂隱世咩咩, 咩東京最強)真係10間有8間都伏, 成日話自己豬骨湯, 攪到成碗油咁又"杰"過芝麻糊, 我真係唔多識欣賞.入到去係舒服既, 乾淨簡潔, d位唔會好迫, d侍應幾有禮貌拉麵店可以有咩選擇?咪拉麵囉,所以唔會好多款, 不過價錢都算ok首先點左枝白提子梳打潤一潤喉先, 非常好飲, 唔太甜, 好香白提子味, 最緊要係夠凍! 推介!!拉麵黎啦, 專登叫一個清湯, 一個濃湯, 比較下, 清湯係非常出色, 香得黎唔太膩, 麵質彈牙爽口, 最後成碗連湯清左!!正!!而濃湯就差dd, 個湯係比清湯更香,不過太肥,有d頂胃,不過隻蛋做得幾好, 而叉燒佢選擇左薄切同偏瘦, 幾易入口, 唔錯上面個個係濃湯,下面個個係清湯小結:  係香港算係非常唔錯既拉麵店, 可能鋪位問題, 人流唔算好多, 所以唔洗排隊(暫時), 更加值得一試再試

第一次係去荃灣店吃，已經覺得好好味。今次近屋企去了牛頭角店(其實都係觀塘個頭），水準一樣無變。點了最平的拉麵，我老公就加多一隻蛋🥚然後share一碟日式餃子🥟一上台先來一淡濃湯先,老公發現佢地有落一粒粒的豬油,濃湯唔會鹹是真的熬出來的湯底,真係好香好香拉麵亦好味,軟硬適中,有咬口。唯一想有小小意見的是塊肉,有點鞋,可能因為係薄切和係真空包裝加熱的肉,不過問題不大，仍然係吃光成碗。然後到餃子🥟他們用的那個煎餃子機煎的餃子好juicyd肉汁完全鎖係入面,我鍾意加埋佢d辣椒醬和蒜泥一齊吃,我唔識形容,如果淨吃餃子的話,我想我可以一人吃到3-4碟咁好味！題外話,我好欣賞佢地提供超冰凍檸檬水(荃灣那家有,牛頭角那家只是冰水),吃一口熱拉拉拉麵再來口冰凍水,超級爽！加分加分！

今天在朋友的instagram見到一碗鋪滿了叉燒的拉麵，剛看到以為自己在做夢，平時吃拉麵不是只有三塊嗎？這個只會在食肉獸夢中出現舖了滿滿的叉燒的拉麵是怎麼回事？經過調查後，發覺原來出自麵屋丸京，找到三家分店，居然全部在九龍⋯ 在港島居住工作的我還是抵受不住誘惑，收工後去了牛頭角拜訪這個麵家。初來報到沒點最著名的低溫叉燒拉麵，聽說每日只賣20碗，我就先試普通的極上拉麵，93元一碗的拉麵，比起83元的拉麵多了一隻溏心蛋，不過重點依然是那滿滿的叉燒，連麵條都看不見了。整碗麵其實可以用四個字來形容：穩扎穩打怎麼說呢？叉燒多，味道不錯，但沒什麼特別湯可以選濃或清，選了濃的，味道不錯，但也沒什麼突出麵條不能選硬度，剛好是我喜歡的有咬感的麵條溏心蛋，也就是溏心蛋，不過不失整碗吃完下來很滿意，但除了滿滿的叉燒外，好像想不到有什麼特別了。也許我們胃口都被養大了，想深一層，吃東西一定要有特色嗎？有時候一碗穩扎穩打的拉麵其實得來不易，想想我也應該知足了，價錢合理，味道好，份量足，足以好評。

呢排天寒地凍，食碗熱辣辣既拉麵係非常好既選擇，但懶人既我又唔想去太遠，麵屋丸京既牛頭角分店對我嚟講係非常就腳, 而佢既本店則位於葵芳，對我嚟講就有少少遠了。而呢間分店開係宜安街呢個美食集中地，門口既裝修同隔離既鋪頭非常唔同，一眼就會望得到。丸京既湯底主打豬骨醬油湯，係無油脂既醬油清湯，一入口就係清、甜，兩個字可以概括晒。感覺就好似JR 車站附近既拉麵小店，味道簡單，但入口舒服。除咗清湯，湯底亦可以選擇濃厚版本，即係清湯加上背脂做成既濃湯，十分肥美，同清湯完全相反，creamy、濃郁，冬天飲啱曬。另外叉燒非常薄身，朋友嗌呢個係多叉燒版本，一上檯，我哋都忍唔住偷偷打劫佢啲叉燒，滑身，薄，肉味夠，但唔鞋口，如果叉燒面有少少火炙味，就會係100分了，不過依家都唔錯。

You've probably seen the photos online of a bowl of ramen with slices of char siu just layered on top. Meat lovers eyes will boggle out. But you don't have to travel to Japan as there is a place in Hong Kong that does the same thing.麵屋丸京 (English name: Menya Maru Kyou) is a small ramen shop in Kwai Chung that specializes in this. Due to its popularity, it opened up two more restaurants in Ngau Tau Kok and Tseun Wan. Boyfriend and I decided to try the Ngu Tau Kok branch as it was closer to us.Men

今日完成function後 路經牛頭角想起不久前好友推介此餐廳 便去一嚐Menu:初看menu 實在令人不解究竟每日限完20碗的 真.叉燒拉麵 同其他叉燒拉麵有何不同詢問店員 其指真.叉燒拉大麵即係以低温慢煮技術煮成 顏色會較紅 肉較軟而好食難得作為首2位顧客 雖然$98一碗拉麵有點貴 但既然有機會 我便把心一橫試 真.叉燒拉麵不負所望 叉燒真是好好食！嫩口不汗 唔太薄 頗有口感至於湯底 我選了濃湯 麵則普通感覺同一般拉麵無異男友則叫了極上拉麵對比下 普通叉燒確實比真.叉燒 老.小小硬及薄呢然而流心蛋不俗兩碗一齊的對比顏色明顯巿差異呢煮法果然不同

牛頭角最近開咗間拉麵店鋪面裝修好靚，有大大個日式檔布喺櫥窗😉主要都係蛋同叉燒嘅配搭，可以揀清湯濃湯，仲有蔥同埋筍。如果唔鍾意蔥或者筍嗰浸味，可以走蔥走筍。上菜。。。🍜濃湯叉燒拉麵肉多到可以覆蓋住咗成個碗面😳不過叉燒都切到好薄，成完唔會滯🍜濃湯半熟蛋叉燒拉湯呢碗可以見到多d湯，湯味濃，質地好黏稠，碗面有一粒粒脂肪浮面。如果怕肥真係要三思🙊，不過越邪惡的，往往又係最好味的。朋友食清湯嘅都抵受唔住誘惑，要掙住返啖濃湯，話濃湯較好味又唔會咸，難怪永遠都係濃湯先沽清。叉燒方面，呢碗肉較厚，所以唔使擔心肉太少會唔化算😁肉質都係冧滑嘅。如果想食得再刁鑽d，仲有限定慢煮叉燒。🍜 濃湯半熟蛋叉燒拉麵半熟流心蛋煮得剛剛好好😋麵質方面十分爽口彈牙，麵較粗身，唔會太幼，唔會林bet bet， 吸收咗啲湯仲更加好味。🥐自家製餃子總結：拉麵都好好食recommend濃湯拉麵👍🏻