影片
以上資料只供參考, 請與餐廳確認詳情
麵家，位於銅鑼灣，最出名雞白湯x雲吞x慢煮牛腩✨牛腩又係自家慢煮，雲吞又係自己新鮮包，誇張😍裝修雅致，服務周到，講解餐廳非常到位👍🏻餐牌每樣食材、煮法，都好講究😳真用心去做☺️著重本地味道，麵係超過50年老字號永樂，河粉係超過70年既雙喜，有心，試試佢！💪🏻招牌大地魚雞白湯，湯麵上枱最香竟係濃雞味😳真 · 雞湯，熬足8個鐘，濃到雞白湯拉麵啲湯咁，加啲清甜，勁好味，全無味精全碗飲晒🤤三拼湯麵，揀左好港式既#蝦籽麵，好多蝦籽，麵底用既係本地粉麵廠永樂，特別彈牙同有蛋味👍🏻招牌櫻花蝦雲吞，用櫻花蝦+蝦籽+鮮蝦自家包，大粒到等如平時既兩粒咁濟，超足料，蝦籽味餡好正🥹秘製慢煮牛腩，同炆牛腩唔同，牛味保留好濃🥰加埋牛汁好爆，肉質嫩滑帶少少咬口，好高質🫶🏻牛筋，煮到勁淋，味道偏滷水，又另一風味，好味😋仲有辣菜甫，有埋麻味，加落邊度食都咁正😆細節就係緊要極有心小店🫶🏻估唔到港式風味透過嚴選食材、手工炮製之後可以提升到依個境界🙀午市、下午茶、晚餐都得，就算香港人都應該要黎試下高層次既港式味道！😎
繼續閱讀
麵家 Min Gaa雲吞麵店fusion, 用左雞白湯底. 價錢以地點講唔算貴, 環境乾淨, 唔怪得晚上6點幾都爆場 雲吞、金錢肚、秘製慢煮牛腩三拼撈麵 $86用左老字號「永樂麵廠」麵, 口感爽口無咩鹼水味. 簡單拌甜醬油好食雲吞另外用大池魚雞白湯裝, 圓圓大粒, 好似沾仔記. 皮薄餡除左原隻蝦同好豬肉, 據說仲有櫻花蝦同蟹籽粒相對個味無咁出. 個雲吞肉味為主, 無平時食開咁爽彈牛腩可按喜好揀肥瘦, 選左肥. 牛腩切得均稱, 肥位較香濃牛味, 軟腍無渣. 金錢肚另加$10, 爽口入味火辣紫薯三拼撈麵 $84加$10要牛腩, 同魚蛋墨丸, 魚蛋夠彈口, 墨丸都好香. 夾埋佢個辣咖喱好惹味. 紫薯無實體, 已溶入咖哩中, 所以咖喱口感更綿溶溶好掛麵. 所有撈麵湯會另上, 選左日式雞白湯, 口感濃到帶微稠, menu 寫無味精、無添加, 經8小時熬製, 飲落的確幾香濃. 而大池魚雞白湯就相對清dd, 最後飲哂時令油菜 $22當日係菜心苗銅鑼灣登龍街18號V Point地下3號舖
繼續閱讀
呢間位於銅鑼灣嘅麵家係一間好有心思嘅港式粉麵小店！餐廳主打招牌雞白湯，聽講呢個湯底係每日至少用8個鐘頭熬製而成，工序繁複，絕無添加任何味精，可以放心飲哂成個湯底！店內裝修以木系嘅簡約風為主，環境乾淨企理～✨招牌櫻花蝦雲吞麵櫻花蝦雲吞特別大粒，因為係餐廳自己每日新鮮包嘅！皮薄餡靚，散發住濃郁嘅海鮮鮮味！雞白湯清澈而鮮甜，質地順滑，係進店必點！幼麵係選用咗「永樂」呢間超過50年老字號嘅品牌粉麵廠！麵質同味道都好經典，充滿港式情懷～✨秘製慢煮牛腩拼牛丸河慢煮牛腩亦都係餐廳自家炆嘅，肥瘦均勻，肉質軟腍！牛丸爽口彈牙！大地魚雞白湯就多咗一份魚嘅鮮味，味道甜美！而河粉都係香港制造嘅，選用咗超過70年歷史嘅呢個品牌「雙喜」！河粉比一般嘅偏幼身，質地柔滑細膩～鍾意食辣嘅人，千祈唔可以錯過小店嘅辣椒油同埋辣菜脯啊～✨時令油菜-菜心苗呢到嘅油菜可以自己選擇配蠔油定係腩汁，今次揀咗配腩汁！微甜嘅腩汁同菜心苗嘅清新口感相得益彰～✨壹品豆漿✨檸檬可口可樂
繼續閱讀
「麵家」喺銅鑼灣V Point地下，裝修企理又光猛，白色磚牆配木系枱凳，成間店乾淨到反光！晚市衝過嚟食碗熱辣辣嘅粉麵，簡直係打工仔救贖～ .🔥🍠火辣紫薯咖哩三拼撈麵限時新品！紫薯蓉溝咖喱汁竟然超夾，幼滑得嚟帶微甜，辣度夠哂過癮（食得辣必試！）。三拼揀咗 慢煮牛腩（瘦一點版）＋貢丸＋雲吞，牛腩係自家炆足鐘數，咬落鬆化唔黐牙；轉咗蝦籽麵超聰明，掛滿咖喱汁嗦嗦聲！貼心提供咖喱汁另上，唔怕浸淋麵～ .🐔 雙拼（櫻花蝦雲吞＋牛筋）配招牌雞白湯老實！日日熬8粒鐘嘅湯底真係無得輸，飲落濃到黏嘴唇，成碗清晒仲想encore！配櫻花蝦雲吞幼麵，乒乓波咁大粒嘅雲吞係每日新鮮包，蝦仁爽彈＋粉嫩豬肉餡，鮮甜到震～ 牛筋煮到半透明，啜落「咻」一聲溶喺口，配永樂50年麵廠嘅幼麵，港式情懷滿分！ .🥬時令油菜揀咗腩汁菜心苗，菜心苗嫩到無朋友，腩汁鹹香吊出菜甜，簡單但高質！ .🥛豆漿解辣一流～ .總結：慢煮牛腩同手包雲吞真心高質，細店用心做嘢，環境舒服到可以hea足成個下晝。午市快食、下午茶輕量、晚餐輕食都啱key，銅鑼灣搵食記住mark實！
繼續閱讀
銅鑼灣美食集中地燈籠街原來有間港式粉麵🍜 雖然呢條街有幾間麵店 但係佢嘅定位都幾唔同‼️ 呢度將港式粉麵提升咗好多✨ 飲到雞白湯 又用香港老字號永樂同雙喜嘅粉麵🇭🇰❣️咩都有麵 $78個名簡單直接 有雲吞 墨丸 牛丸 魚蛋 貢丸 牛腩💦 咩都有啲好豐富🔥慢煮牛腩係自家炆 仲可以揀肥啲瘦啲 肉味濃唔柴🐄 招牌櫻花蝦雲吞自己新鮮包 皮薄餡靚成粒乒乓波🦐魚蛋同魚片都有 好彈牙🐟 另外墨丸我念念不忘 新鮮到食到墨魚粒嘅膠質🦑麵底揀咗幼麵 配上大地魚雞白湯 湯底有平時粉麵店兩倍濃郁但唔咸💕真係清淡得來又好食 仲可以加啲辣菜脯或者辣油變化下🤌🏻🤪❣️秘制慢煮牛腩拼牛筋 金錢肚 撈麵 $96撈麵仲另外有碗湯 招牌雞白湯感覺到熬咗好耐 擺咗一陣面頭有啲膠質💦 唔似係日本拉麵嗰種雞白湯比較中式 有啲蜜棗嘅甜味又唔會有肉臭味🐓呢個價錢雖然貴啲但係反映咗係肉量🐄🐄🐄真係俾咗超級多料‼️牛筋係超級軟腍入晒味甜甜地 冇牙婆都食得超好食‼️呢碟嘅牛腩仲靚 肉質再結實啲 加上醬油肉味濃到一瞬間以為食緊嘢野味🤣金錢肚好靚仔 處理得乾淨 爽口彈牙又入味🌟❣️時令油菜-菜心苗 $22鍾意佢蠔油分開上可以食得健康啲🙂↔️🥬條菜本身已經好甜零渣 就咁食都好滿足😗❣️壹品豆漿 $12❣️冷萃烏龍茶 $15壹品豆漿依家咁好飲的嗎？飲落同新鮮豆漿冇分別 甜度係啱啱好🤓 第二度見到都可以試吓🤩
繼續閱讀
您可能會有興趣的...