鹵家

營業中

休息中

👍🏻 蜜汁叉燒皇 （晚市套餐）燶邊叉燒唔係度度有 要半肥瘦 燶得黎脆皮唔過火竟然係呢間小店揾到❤️咬落去油香味重 但唔會膩 脂肪部分有爽口嘅感覺！肉質嫩滑且入味 醬汁甜甜 好好食呀🙌🏻👍🏻 頭抽豉油雞（晚市套餐）雞皮好光滑 好似打咗燈咁好靚 食落雞皮猶如啫喱 而雞肉嫩滑 雞胸位置都唔會柴🐥頭抽頭油唔係死鹹 唔錯 跟餐可跟飲品/湯 是日餐湯係蘋果雪梨粟米紅蘿蔔豬骨湯 主打無味精 清熱潤肺化痰止咳 唔錯👍🏻 話梅涼瓜片姐姐推介咁就試下 本身唔算好鍾意食苦瓜 但係呢種整法好清新 話梅嘅酸甜味滲咗入苦瓜片 帶走本來嘅苦澀味道 夾脆😄注意事項⚠️- 餐廳由五星級酒店老師傅主理 質素有保證💁🏻‍♀️

今日中午見到同事叫左個燒味飯 香味令到我好想食燒味 所以放左工就去左朋友推介間小店開餐🤓我地叫左兩個晚餐 一個蜜汁叉燒皇 一個頭抽豉油雞 兩樣燒味個樣好靚 一上檯就即刻想咬翻啖😂 叉燒燶邊 肥瘦均衡 好正😍頭抽豉油雞皮光肉滑 雞肉好嫩滑 而且頭抽豉油十分入味 食到甜甜嘅雞香味我地仲叫左個話梅涼瓜片 估唔到小食又幾好味 食完燒味個口有D油膩 食翻呢個涼瓜片可以解一解🤣跟餐嘅住家老火湯 標榜無味精 今日係蘋果雪梨粟米紅蘿蔔豬骨湯 可以清熱潤肺 帶點清甜味呢餐滿足左我食燒味嘅慾望🥰 燒味質數好高 下次再來過😗

元朗有好多燒味店，但呢間喺教育路既鹵家係幾多好評，好多街坊都話佢啲鹵味同小菜幾正。今晚我地兩個人叫左兩個晚餐加一個前菜，每個餐仲會包一個白飯同一碗老火湯。老火湯大碗同無味精，有家的感覺： 🔶️酒鮮醉雞卷（$50， 8.6／10） 賣相吸引！好香花雕酒味！醉雞都好入味，每舊仲有粒杞子喺面好有心思。 🔶️秘汁鹵家鴨（$68， 8.8／10） 賣相好靚，鴨片好入味！每塊鴨片切得薄得黎啖啖肉，肉質實之餘又唔會太過靭，好好味！下面啲豆芽索哂啲汁好好味！ 🔶️南乳豬手煲（$72，9.2／10）最正係呢個！個豬手煲熱辣辣咁上枱，勁滾！個煲有成7-8舊豬手，舊舊都大舊，啲豬手炆得啱啱好，啲豬皮脆身，又好入味，又好好送飯，真係好正！ ✏️總括而言，好用心好高質既燒味店，好適合男人的浪漫。

對上一次嚟鹵家食飯已經係兩年前，今日重遊舊地，再試試佢！中午嚟食，簡單叫個蜜汁叉燒蛋飯，凍檸茶。隔咗兩年無嚟，唔……好似差咗好多咁。上枱影一張相已經即刻食，個飯只係暖暖地，連熱都稱唔上，我想講，一間好味嘅燒味真係要用好熱嘅飯，先襯托到啲油香出嚟，如果係暖嘅飯，咁同街邊燒味檔有咩分別呢？希望店家注意一下。蜜汁叉燒，蜜汁味唔明顯，肉比較乾比較柴，我叫咗要肥少少，但都係偏瘦，可能而家好多人為咗健康都係揀瘦啲，但要好味當然係要肥叉啦！要食瘦肉我食健康餐就得，洗乜嚟食燒味呢？今次我覺得個味道係過得去，但唔似之前食過咁驚艷，即刻佢地退步咗好多，唔知係咪我唔好彩呢，可能下次再嚟就會回後水準，小店生存難，希望店家努力維持水準！加油！

元朗真係好多好野食，價錢又平今次去咗鹵家食晚飯叫咗兩個晚市套餐加一個涼拌小食💖蜜汁叉燒王$76呢個餐仲包絲苗白飯/米線住家老火湯/熱飲啲叉燒好靚呀！叉燒係半肥瘦，好好味😋而且仲有啲窿邊，好香口💖頭抽豉油雞$66（包飯同湯）呢隻雞好滑，仲有啲芽菜墊底整得好好食好香佢地有提供埋薑蓉，但我覺得就咁食都已經好好食跟餐嘅飯都好好味老火湯星級酒店老師傅主理無味精老火湯美味之選真係冇味精，好似屋企煲嘅湯淨係個湯都值了，好足料，入面有好多湯渣😋好健康！💖話梅涼瓜片$32諗住健康啲 叫個涼瓜 好好食！整得好好食，一啲都唔苦冰冰涼涼咁好開胃，話梅味好香最想讚嘅係佢切得勁好，好刀功😋😋為成碟菜大加分！真係自己整唔到💯💯💯好鍾意呢一餐，有湯有菜咁好健康酒店師傅真係唔同啲，價錢真係幾抵，百幾蚊就有菜有雞有叉燒仲有埋湯！服務都好好，見佢地好忙，好多人叫外賣做到唔停手呀🤭🤭👍🏼

元朗教育路出名多嘢食，燒味係香港人嘅最愛🥰，今次為大家介紹嘅燒味店係「滷家」。雪梨紅蘿蔔湯先講嗰個湯，一飲就知係冇味精，住家湯😋每一碗都非常足料，每一啖都好鮮甜，同阿媽平時煲嘅靚湯冇咩分別，非常好飲😋話梅涼瓜片—$32呢碟小食比想像中好食😳估唔到涼瓜可以咁樣整！冰凍涼瓜加埋話梅嘅酸，有齊晒：酸、甜苦、三種味，加埋涼瓜本身嘅爽口，你會食個一啖，就會一食再食，強烈推介🤩油雞～睇賣相已經好吸引😎，份量又多，食落去肉質鮮嫩，美味可口😋梅子脆燒鴨燒鴨皮脆多肉，沒有太多皮下脂肪，所以食落去個口感唔太肥膩，食燒鴨，燒鵝，識食一定會點酸梅醬😏咁先係最好味😋Overall CP值極高的餐廳，大家一定要試😉

經過呢間長期排長龍既餐廳 好彩排左一陣就入得佢晚市套餐🍱真係好抵食套餐包括 米線 / 絲苗白飯 + 住家老火湯 / 熱飲.🐷蜜汁叉燒皇 $76雖然係套餐 但份量都唔會少 大大碟肥瘦均勻既叉燒燒到邊邊有D脆脆地 而且唔會太咸.🐣頭抽豉油雞 $66都係大大碟應該有成半隻雞雞肉勁嫩滑 好有口感 同埋幾喜歡佢用頭抽豉油咸咸甜甜咁 就唔會咸到遮哂D雞味.🥣住家老火湯都超足料 冇味精 湯渣都可以食埋🤣.🥓鹵水大腸頭 $45唔知點解鹵左既豬大腸真係特別好食大腸超級得入味 清潔得好乾淨仲有鹵豆腐配搭 真係勁好送飯.📍鹵家📌元朗教育路68號兆豐樓地下10及14號舖

放工想食燒味飯，走進門口平平無奇的餐廳吃飯，卻意外地感受到家庭溫暖。小店由五星級酒店老師傅主理，每日新鮮製作，最出名是叉燒王、豉油雞和梅子燒鴨！店內由一家人打理，滿滿的人情味，很多街坊來吃晚飯。Dinner set：皇牌鴛鴦飯$86（+$25轉套餐，包括：絲苗白飯/米線及老火湯/熱飲）🥣霸王花南北杏豬骨湯天氣轉涼，秋冬乾燥，呢碗湯有補肺益腎，潤燥止咳的功效，最重要係飲到屋企既味道。🍚筆者最愛叉燒和燒鴨，可惜叉燒賣曬，改為豉油雞拼燒鴨！果然沒有令人失望！燒鴨肥瘦均勻，鴨油回香，一片片平鋪上碟，未食都口水直流🤤！有咬口，唔係霉淋淋鴨肉，配上酸酸甜甜的梅子醬，非常開胃！🐓頭抽豉油雞也是鎮店之寶！頭抽的甜味不會蓋過雞味，也不是死鹹味，保留了鮮雞味！碟底還伴上大豆芽，很有誠意。😋小食：酒仙醉雞捲$50酒味芬香撲鼻，雞皮捲著入面的雞肉，皮很薄，入面啖啖肉，沒有骨，每件雞件上都鋪上杞子，共12件，筆者非常推薦這小食！今次食唔到叉燒王，下次再黎食過！📍 元朗教育路68號兆豐樓地下10及14號舖仔

上網睇過依間嘅老闆兼大廚幾有來頭 晚市套餐價錢合理 最平$58有交易 就已經跟飯/米線 仲有老火湯飲👍🏻性價比好高✨蜜汁叉燒王·配白飯·熱檸茶 $76要咗瘦叉燒 瘦得黎肉質唔會韌同柴啖啖肉🤤我同男朋友都好鍾意最正係啲燶邊位😍仲脆嫁！底下仲有芽菜墊底✨梅子脆燒鴨·配米線·老火湯 $68燒鴨皮吾太脆 下髀嘅位置都比較肥不過佢都比好多肉嘅位置 唔會比背嘅位置酸梅醬既酸梅味道比平日食到既重🍜米線好大碗 亦唔會煮得過軟淋 湯底有少少味🥣是日老火湯系赤小豆粉葛豬骨湯 湯渣有兩舊紅蘿蔔一舊豬骨😆飲完唔會口渴 一定冇落味精✨酒仙醉雞卷 $50花雕酒味好香 無骨啖啖肉好方便食😆連平時唔飲酒嘅男朋友都食咗好多件😂味道：🌕🌕🌕🌕🌗環境：🌕🌕🌕🌑🌑服務：🌕🌕🌕🌑🌑價錢：🌕🌕🌕🌕🌑回頭率：🌕🌕🌕🌕🌑

前晚我突然好想食鹵水,lunch掛住做野食得唔多,夜晚特別肚餓😝😝見到呢間鋪頭好多人食,都好多人買外賣...心諗應該唔會伏掛?太餓都唔想繼續搵野食🤣🤣所以就入左去喇望下個餐牌先,原來除左鹵水,呢間有餃子食架喎😍😍lunch都有米線冇咁heavy ! !我諗都唔諗就嗌左個鴛鴦拼,叉燒併油雞,因為我勁勁勁鍾意食叉燒！本身想嗌鹵水鴨........但好可惜賣晒......個陣都係8點咋.........🙈🙈🙈🙈🙈🙈🙈想食鹵水既朋友我建議最遲7點半好黎食喇.......賣得勁快！！！咁就轉左燒鴨,再黎多個碎雞卷....係咪feel到我有幾餓？🤣🤣好快就黎左個湯,是日係蘋果雪梨粟米紅蘿白豬骨湯 ,超多料都幾好飲！飲完唔口渴！個叉燒好好食,係半肥瘦偏肥少少,好香口,個蜜汁做得好出色甜度適中,叉燒一d都唔柴,好好食呀！油雞就正常水準～～燒鴨都唔錯,份量大碟！我會為試佢既鹵水鴨再黎！🤣🤣🤣佢既醉雞卷好食！！！夠酒香，雞皮完全冇肥油，仲好Q彈，雞好嫩滑！呢個係必食！！！下次黎可以試埋佢既餃子,我又係餃子控黎😍😍😍😍

滷家係一間我不斷回頭嘅店，作為飯堂合適不過，燒味出品有賣相，叉燒燶邊，燒鴨滷鴨也好吃，喜歡它以芽菜墊底，爽脆索汁，配嘅飯麵都好有份量，最得我心嘅係個湯，真係同屋但煲出嚟無咩分別，對於我一個懶備料懶去煲嘅人嚟講，真係乾手淨腳好方便！唯一考慮點就係價位都去到$70-$80，不過今時今日食碗米線都要$60，係咁上下㗎啦。晚市套餐：蜜汁叉燒王（$76）呢度標榜廚師出身於5星級酒店，叉燒焦香脆邊，肉質鬆化柔軟，肥瘦比例一流！肥而不膩，佢唔係用叉燒醬紅卜卜果d，感覺幾好，味道濃。晚市套餐：秘汁滷家鴨（$68）肉質軟淋，滷水味入味，一排肉一排連骨，份量都算多，送飯幾好套餐跟絲苗白飯或米線/米粉/公仔麵，仲有好大碗老火湯，大力推介呢碗湯，無味精，就像屋企煲的湯一樣。

#您鹵X #唔知您哋鍾唔鍾意食.大家成日都話鹵味鹵味您哋又鍾唔鍾意食?我都幾鍾意食架所以耐不耐都會去食今次朋友帶咗我哋去元朗食.鹵家📌元朗教育路68號兆豐樓地下10及14號舖.雖然佢個名叫鹵家但唔係只有鹵味食~仲有其他食品架~有餃子又有燒味等等好多元化架~~.‌我哋叫咗晚市套餐♦️ 叉燒併油雞叉燒係我食燒味中嘅至愛呀!佢啲叉燒係半肥瘦, 正呀!蜜汁甜度啱啱好, 肉質又夠淋~正呀!😋😋油雞比咗雞脾我哋好嫩滑呀又超入味!♦️ 燒鴨碟燒鴨份量好大呀~同樣都係比咗燒鴨脾我真係好開心呀肉質唔"鞋"又好味~.我哋再另外叫咗♦️ 醉雞卷平時我都幾鍾意食醉雞卷冷盤架~佢超有酒香味而且雞皮完全冇肥油非常爽口彈牙!雞肉非常嫩滑👍🏻👍🏻👍🏻.晚市套餐都會跟絲苗白飯或米線仲附送老火靚湯同或熱飲.今日係果雪梨粟米紅蘿白豬骨湯好足料又夠哂火喉真係好有家嘅感覺~.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣環境：🟣🟣🟣🟣地點：🟣🟣🟣.總括嚟講，鹵家出品好味道！坐位寬敞，不會太窄！不過今次未食到鹵味下次一定要嚟再食品係元朗嘅您，不妨去試吓啦！.鹵家••••••••••••••••••••••••••••••#攸

食到一肚子氣的晚餐食飯 除咗食同路人/味道/性價比/環境仲有一樣野叫 服務！我坐低未點晚餐之前清清楚楚。明明白白的問你的人「請問今晚個湯賣晒未」「未。仲有」然後我就叫「晚餐。豉油雞飯。凍奶茶少甜」…..食了一半。我就問吓「依。我個湯仲未上喎」「你叫左凍茶就無湯送啦」「吓」「咁你系唔係要湯呀，咁個凍茶收翻正價，廿幾蚊」「吓」「咁餐牌有寫明嫁嗎！咁你自己叫咁嘢飲..咁你而家系咪要叫湯呀」「咁我叫餐前問你哋仲有無湯，我就梗係想飲湯啦。唔通我玩嘢咩，咁我無留意或唔記得咗，你地系唔系應該同個客講聲。如果你叫咗嘢飲就無湯嫁啦」「咁好多客問完咩湯最後都係叫嘢飲喎」我話「我知餐牌有寫，你哋啱晒。我而家只系建議你同其他同事講聲，下之有客人問完湯，叫咗嘢飲，你哋可唔可以多講一句提醒客人只可二選一呢」「咁餐牌有寫架嗎！」（ 你贏晒啦。餐牌有寫）我講 「我一直都好客氣好溫柔咁同你講，我建議你哋第時可以提醒客人，都係多一句說話遮..我唔係為你地好，我唔使講咁多嘢啦⋯⋯」但佢繼續佢的「撐」…來來回回…直至櫃面哥仔講句「我哋知道嫁啦」…真人真事真對白（人老了。記唔晒全部對白。也因為我真的開始嬲了）黃店唔係大L晒好食

鹵家 📍元朗教育路68號兆豐樓地下10及14號舖黎開元朗搵食🤣見呢間鋪寫住每日新鮮製造由前五星級酒店大廚主理～決定試試食神叉燒飯$58配上肥瘦均勻叉燒仲要有小小脆邊～帶點炭香味👨‍🍳夾埋流心太陽蛋🥚一齊食好正～唔怪得叫食神叉燒飯🙌梅子脆燒鴨飯$58燒鴨外皮香脆～肉質幼嫩仲要配上芽菜墊底😄好好味啊👨‍🍳酒仙醉雞卷$50 醉雞酒味香濃～好易入口😌問左老闆娘～原來用上多款不同花雕酒調制雞皮口感爽彈～雞肉好嫩口～啖啖肉～一啖一件～正🙌仲要用埋甘筍絲墊底愈食愈開胃住家老火湯-佛手瓜栗子粟米蘿蔔豬骨湯抵食高質～小品家常菜餐廳 燒味同滷味同樣出色～仲要由前五星級酒店大廚主理～抵食凍檸檬🍋茶+$3

食過幾次午餐，第一次嗌晚餐，門口塊板寫住送老火湯同飯，同四眼收銀講，要晚餐叉曉餐，加$10蚊飲可樂，唔知係咪太多人等緊外賣，佢連個湯都冇比我，咁我咪問佢，佢仲好意思話，你咪嗌左可樂囉，我同佢講，個可樂係我加錢，唔係送嫁，跟住佢又話，你要湯係要講🙄🙄🙄🙄我心諗，咁我都冇話要飯，你又跟比我⋯⋯返到屋企，打開個外賣，真係單薄，$88，連湯都唔比⋯⋯⋯⋯