鹵家

營業中

休息中

呢日造訪元朗一間好出名嘅燒味店，入到餐廳之後真係有啲家的感覺，點解咁講呢？🤣事緣以往睇過啲網上報導，介紹餐廳係家庭式經營，主廚係退休星級酒店大廚😱樓面就由家人打理，營造到家常便飯嘅風格！晚市套餐，有主食、白飯/米線、老火湯/飲品🍽️蜜汁叉燒皇、特制鹽香雞、梅子脆燒鴨、秘汁鹵家鴨，全部都好吸引到我味蕾🤪除咗晚市套餐之外，餐廳仲有好多款唔同嘅小食，有好多款都好想食呀！蜜汁叉燒王($78)店家招牌叉燒，幾乎每一枱食客必點😆肥瘦程度係最靚仔嘅半肥瘦叉燒，食到蜜味之餘，亦做到脆口燶邊，口感一絕😋單論呢碟叉燒，水準真係拍得住市面上嘅高級中菜廳、酒店，但價錢相宜，份量亦俾得好足😝秘汁鹵家鴨($72)潮式滷水鴨，鴨肉本身滷得好入味，肉質細嫩，大家仲可以加錢轉鵝肉🥳酒仙醉雞卷($52)醉雞卷係店舖幾出名嘅一款小食，雞肉有陣陣酒香味🍺份量以小食嚟講絕對唔少，真係大份夾抵食！講到明家常便飯，又點少得一碗無味精、足料嘅老火靚湯呢🫕