鹵家

營業中

休息中

周不時都入黎元朗搵下好野食，夜晚行過見到五星級酒店老師傅主理既燒味就一試究竟！我地叫左兩個晚市套餐，一個小菜😋 另外值得一讚佢可以白飯轉米粉！米粉就不過不失喇，但有多一個選擇真係太好了😍▪️蜜汁叉燒王 $76呢個叉燒好出色！肥瘦比例剛剛好，皮脆肉嫩，有小小燶既位置可以食到炭火既香氣🥹！個底仲放左小小芽菜令成個感覺無咁油膩！▪️梅子脆燒鴨估唔到有鴨髀食🦆燒鴨皮好香脆！鴨肉好嫩，酸酸甜甜有油香但食落去又唔會太油膩，值得一試。▪️京蔥金錢肚 $45開胃小菜之選，用左韮黃、青瓜、芫茜涼拌！有小小辣，金錢肚唔會太韌勁入味🥒！▪️合掌瓜粟子栗米蘿蔔湯湯水主打無味精住家老火湯，有時候成日出街食飯好怕飲太多味精湯。但呢個湯將材料的鮮味調出，飲落好清甜，平時出去食飯好少飲湯既我，好快就飲曬😍-▪️凍檸茶不得不提凍檸茶係意外的驚喜😍😭！茶底濃，加埋3️⃣塊檸檬就係黃金比例🤣🤣凍檸茶愛好者嘅我十分鍾意🤣

呢日同呀媽行街突然好想食叉燒飯，經過呢間小店見到寫住五星級酒店老師傅主理，就吸引左我入去試下🤣.點左兩個午市套餐：🌟食神叉燒飯 $58皇牌緊係要試下，好多叉燒上面舖上太陽蛋，吉穿佢撈汁食正👍🏻 叉燒肥瘦適中，不錯！.🌟皇牌鴛鴦飯 $65雙併就滿足貪心的jo🤣jo選了鹵鴨和豉油雞，鹵鴨淋身入味，點酸汁好好食，豉油雞嫩滑，濃濃豉油味加上薑蔥油，再配上大大碗飯濃厚港式口味正.兩個set都可以選湯或者飲品，好熱叫左杯凍檸茶🤣但呢到老火湯出名點都叫一碗試下，有合掌瓜、紅蘿蔔、粟米、一大舊豬肉超足料！最正無味精我好快成碗飲哂😋.🌟酒仙醉雞卷 $50我同呀媽都好愛醉雞，見賣相幾靚就點來試下，濃厚紹興酒香，肉質煙韌彈牙，真心不錯推介👍🏻.如果想食港式燒味又想飲老火湯呢間不錯！大大碗又唔貴性價比高👍🏻

係網上有好多人讚過依間燒味高質又好味嘅 "滷家"，而且由5星級酒店經驗豐富嘅老師傅用心烹製，絕對值得品嚐咁美味嘅食品啦！餐廳環境設計簡約，地方潔淨，店員服務態度有禮，很不錯的。下午茶時段有高質燒味飯/米線、自家製豬扒飯、鮮肉餃米線、涼拌小食等，都好吸引呢。食神叉燒飯    $58叉燒係我燒臘中最鍾意嘅一款，所以係必食。色澤紅紅的叉燒，外皮亮閃亮嘅蜜汁，些少燶嘅位置㪚發住炭火香氣，半肥瘦均勻，叉燒都幾厚，肉質鬆化，陣陣豬油甘香，肉味香濃，而上面就鋪左太陽蛋，煎得啱啱好，流心蛋撈飯一流，配合爽脆清甜嘅蔬菜，非常讃！皇牌鴛鴦飯     $65這個一份有兩款燒味，我揀咗燒鴨和豉油雞，燒鴨味道甘香，鴨肉香濃，燒烤味散發出來，烤得外皮香脆，肉質鮮嫩  ;  另一款係豉油雞，肉質嫩滑，不會有較多脂肪，就最啱我啦。套餐由飯轉米線，滑嘟嘟，爽口有彈牙。話梅涼瓜片    $32另外小食揀咗本店嘅招牌菜話梅涼瓜片，這個絕對係清涼嘅小食，推薦！涼瓜完全入晒話梅味，沒有原本涼瓜嘅苦澀味，食起嚟清甜爽脆，口感清新，美味嘅涼拌小食。套餐可以揀住家老火湯或熱飲，老火湯每日新鮮熬製，聲稱不加味精。今日係猴頭菇茶樹菇紅蘿

元朗教育路有一間近期幾出名嘅鹵味小店，出面睇同一般燒味舖唔同，四四正正。佢格局係做街坊生意，但聽聞都吸引到唔少外區客人專登入嚟食，事關廚房好似由退休嘅酒店主廚處理👍呢一日午市時間經過教育路，終於有機會入去一試🤪午市套餐 食神叉燒飯叉燒食落有我好鍾意嘅蜜汁味，當中有幾塊叉燒外層燒至微焦，好吸引我🤩呢一日嘅叉燒偏瘦，因為我唔記得 request半肥瘦叉燒🤣午市客飯套餐仲會跟多一隻太陽蛋，煎得靚仔！

元朗五星級廚師主理平價燒味小店【#鹵家 】蜜汁叉燒皇 $76叉燒一啲都唔肥全部都好好肉地外層仲有滿滿一層蜜汁邊邊位仲會焗到脆脆地，外層少少焦，入面肉汁超豐富，香味十足梅子脆燒鴨 $68皮脆肉嫩非常juicy 酸酸甜甜 有油香但係又唔會覺得好肥膩配住家老火湯、米粉今日係木瓜味豆花生雞腳湯 飲落無味精味 木瓜味好鮮甜好滋潤特登嗌米粉就係為咗配叉燒汁簡直一流呀酒仙醉雞卷 $50花雕酒味味道香濃但係好易入口 而且仲有一種好fresh嘅醇香味 配上浸咗凍水嘅雞卷肉質非常嫩滑鹵家 (元朗)元朗教育路68號兆豐樓地下10及14號舖

When I visit YL, you must go and visit this Resturant .I ordered the set dinner with soup , char siu, rice and drinks. Char siu is so good, words can’t expect how tasty is that. Everyone should go there and have a tryPrice is reasonable

早排睇 @mm.millmilk 介紹已經心郁郁想試，果然個叉燒$76真係好厲害，應該係呢兩年食過最好食嘅叉燒！❤️半肥瘦就唔使講㗎啦，肉質juicy 🥰同坊間唔同就係佢唔係用好多蜜汁嚟掩蓋叉燒嘅味道，而係以淡淡蜜汁帶出叉燒原本嘅味道。仲有燒焦咗嘅邊邊位，又脆又香，又唔會過甜～ 食過返尋味，回頭度極高！仲叫咗碟鹵鴨肉$68，點埋白醋好正，鴨肉唔dry, 算多肉，好入味，佢啲滷水汁唔會死鹹或者太甜，勁好😍精華係啲鴨皮，但又唔會太油膩，仲有好多件添，非常抵食👍個湯真係好家常湯feel 無味精！又唔會太淡，好足料，好滋潤，真係對得住佢「家」個名💚仲叫咗個京蔥牛柏葉，香香辣辣，惹味～下次應該會買份叉燒外賣返屋企食，大滿足！Igable:8/10Taste:8.5/10Worth revisiting:9/10#屯門美食 #元朗美食 #朗屏美食 #元朗 #鹵家 #港式叉燒 #叉燒 #香港美食 #香港 #hongkongfood #hongkong #香港好去處 #拍拖 #美食 #拍拖好去處

📍鹵家 @ 元朗超入味！自家製🐖必食滋味叉燒(*ﾟ∀ﾟ*)ღ 蜜汁叉燒王 $76ღ 秘汁鹵家鴨 $68ღ 蒜汁豬頸肉 $69ღ 酒仙醉雞卷 $50作為元朗人 真係而家先第一次食haha晚市呢個價包湯米線/白飯/菜飯超抵喇佢嘅湯米線仲要好有誠意 有啲配料㗎叉燒係我嘅第一名 肉質爽嫩好入味～鴨肉都滑又滷得入味 一定要點埋醋食但豬頸肉同醉雞我都麻麻🤨前者太重蒜忽略咗其他鹹味 味道冇層次後者都係得酒味 唔夠鹹香 勝在雞肉夠滑！回頭指數😼3.5/5（元朗人嘅家常便飯(〃∀〃)

[#元朗燒味] || 小店高品質燒味@元朗‧鹵家 / 講女搵食團  = = = = = = = = = = = = = = =總括💬：小店經營高質素燒味，分量大碟抵食環境：★★★★☆ | 味道：★★★★★服務：★★★★★ | 抵食：★★★★★ ———————————————— 住元朗有個好處就係多野食，除左一般連鎖店，都有好多唔同菜式既小店 今日懶煮飯，又想坐得舒舒服服食個燒味飯，就去左成日都經過既「鹵家」 . 小店模式坐位之間唔算太迫，坐得舒服 雖然是小店家庭式經營，主打由經驗豐富前五星級酒店師傳主理 標榜每日新鮮製作 主要提供鹵味，燒味 加上無味精住家老火湯 同親愛的一人個一人餐 經濟又實惠 . 套餐可選老火湯或飲品 老火湯標榜無味精 飲落完全無味精 每日既湯款唔同 大大碗，又有好多湯料 ———————————————— ˚‧⁺ ･ ˖ · 酒仙醉雞卷 ･ ˖ ·⁺‧˚ 每片醉雞卷加上杞子點綴，賣相吸引 雞皮軟薄滑身，入口唔油膩 雞肉去骨，一啖放入口，肉嫩啖啖肉 帶有清香酒味不苦澀 . ˚‧⁺ ･ ˖ · 頭抽豉油雞 ･ ˖ ·⁺‧˚ 雞肉嫩滑唔嚡口 頭抽豉油鹹甜適中 味道很有層次

聽講呢間燒味好好食，即約埋朋友去食個快、靚、正嘅lunch先😌🔸薑汁松花皮蛋（$32）紫薑鋪底，皮蛋加上薑汁及蒜蓉，味道酸甜帶蒜香，非常醒胃😋🔸食神叉燒飯（$58）有睇過套戲嘅，都會知係叉燒蛋飯。叉燒半肥瘦，唔會太乾又有燶邊，香甜蜜味又夠香口，另秘制豉油加埋蛋汁，真係多多飯都食得落😋🔸燻蹄拼海蜇飯（$69）一上枱真係有啲驚訝，竟然有咁多燻蹄，總共有十多片👍🏻燻蹄厚薄適中，太厚會膩，太薄又無口感，加上蒜醋汁，無得彈👍🏻海蜇十分彈牙，麻油非常香，食到唔停口😋🔸牛蒡粟米紅蘿蔔湯（套餐跟配）飲一啖已經知唔係坊間嘅味精湯，而係十分足料嘅老火靚湯，抵讚👍🏻🔸凍檸茶（套餐跟配）凍檸茶要咗少冰少甜，飲落微甜偏酸。

今晚突然想食燒味，於外賣平台揾到鹵家，睇價錢並唔似一般的燒味，就決定即管使下，叫咗一個2人餐及另外加咗一個小食。2人餐包一份雙拼燒味，一份小食，2個例湯及2個飯。我地揀咗叉燒及燒鴨，兩樣整得都出色，夠入味，口感亦佳，份量亦合格。小食我地叫咗酒仙醉雞卷，雞夠哂入味又有啲酒香，美味！就算係2個例湯都絕對唔馬虎，足料之餘，夠味但又唔會過咸。另外加的小食為話梅涼瓜片，味道雖略帶柑甜，但咬落並無太多苦澀的味道。整體鹵家的食物令人滿意。值得向大家推薦。

今日中午放飯試呢間鹵家，睇個名以為主打鹵水野呢，唔係喎，又有燒味又有d茶餐廳碟頭飯咁，一於入去試試先。睇完餐牌，試下個梅子脆燒鴨同個自家太陽煎雞排飯先，我地都係跟個老火湯，佢標榜無味精，一於試下。先黎個湯先，我地係第1批客人，呢碗真係叫頭啖湯，首先真係飲得出無味精，但我覺得再甜d會好飲d。梅子脆燒鴨，梅子係指梅子醬，呢度用既酸梅醬唔同出面一般燒味檔果d，個梅子醬應該係自己調既，幾特別，梅子味都幾重，脆燒鴨就唔脆，似鹵過咁好腍身，鴨肉好入味，今日食到係鴨胸位，師父仲片埋肉擺盤好靚，味道係唔錯但就唔似平時食燒鴨果種香口既感覺，飯煮得幾好軟硬適中。自家太陽煎雞排飯，太陽即係太陽蛋，個雞排賣相好靚，不過食落又係好似鹵過咁，無左果種香口既感覺，唔怪得叫鹵家，味道都係唔錯既。

這天OT完返到元朗已經超過八點，煮唔到飯就打算食埋先返屋企。元朗人當然會選擇去最多食店的教育路搵食，今日特別間想食燒味，平時望到會直行直過的燒味店「鹵家」，今日就行左入去。餐廳由經驗豐富前五星級酒店師傳主理，加上提供無味精住家老火湯，一般我哋想像燒味店都會比較不會太整潔，但呢間店比我感覺企企理理乾乾淨淨，坐得很舒服，而餐廳的侍應姨姨非常有禮貌同仔細，值得一讚。 餐牌上除咗有各種比較大路的燒味之外，比較特別的有蒜汁豬頸肉，仲有一些特式小食可供選擇。 晚飯堂食配有住家老火湯，呢晚係猴頭菇南北杏蜜棗紅蘿蔔粟米豬骨湯，功效係清熱潤肺止痰止咳。這個湯非常清甜而且暖心，又真係完全無味精，有媽媽的味道，對於少有住家湯飲嘅我地，係感受到溫暖的。 蒜汁豬頸肉(跟白飯) $69來到五星級酒店師傅主理的舖頭當然要試一些比較特式的款式啦。這個蒜汁豬頸肉絕對係超乎想像的好吃！一上桌貌似川菜的蒜泥白肉，豬頸肉半肥瘦是最好吃的，似是以慢煮方式灼過，肉質鮮嫩完全不會韌。重點係蒜汁，對於蒜頭控嘅我，呢個蒜汁絕對係無得頂！蒜香味一流加上燒汁，豬頸肉索盡蒜汁入曬味，送飯絕對一流。一般燒味店沒有這個豬頸肉，是一大鎮店之寶！

元朗晚餐時段發現左一間超高質既燒味店 無論肉質邊位應脆得脆 應軟得軟 品質真係好好食💓 據說由五星級酒店老師傅主理 食完一次之後令我一定會回頭🤤叫左兩款晚餐套餐 包埋湯品（青紅蘿白湯）同埋白飯 #蜜汁叉燒王 $76真心要一試 肉質同脂肪分佈完美 而且成舊肉外皮脆口 內裡都非常鬆軟 完全食唔到任何一舊係韌 非常香口秘汁鹵家鴨 $68鹵家鴨都非常嫩滑 最緊要鹵得入味亦唔會太過鹹 仲有白醋汁跟 酸酸甜甜認真開胃 食慾大開另外叫左款鹵水小食 一樣出色鹵水大腸頭 $45大腸頭好乾淨完全冇腥味 軟軟口感好有咬口 蔥花鹵汁配搭一流 仲有最嫩滑既鹵水豆腐 非常惹味試過一次真係會繼續幫襯落去 價錢合理試到高質燒味 晚市堂食人流一般 但外賣既人係滔滔不絕 真係斬返件料上屋企開飯一流選擇📸 Credit to Instagram: @mroolong

鹵家（元朗）元朗真係有好多臥虎藏龍嘅餐廳呢間燒味店由前五星級酒店大廚主理全部菜式都係用心製作今日試左一份小食酒仙醉雞卷雖然話係小食但份量十足醉雞捲非常入味酒味相當突出而且唔會過肥雞肉亦非常嫩滑每片醉雞卷仲好細心配上一粒杞子除咗賣相好靚之餘入口仲可以帶出鮮甜味另外仲試左兩份晚市套餐套餐包咗一份燒味、白飯同住家老火湯或熱飲蜜汁叉燒王🐷（$76)係半肥瘦嘅叉燒肥瘦均勻適中而且仲有我最愛嘅燶邊味道香甜美味😋秘汁鹵家鴨（$68)秘汁真係無叫錯一食落口已經食到好濃烈嘅藥材味唔會得個咸字同鴨肉味道超夾🤩再點埋醋一齊食除咗可以解膩味道仲好平衡師傅刀工仲要好好鴨肉切到一塊塊好平均好靚而且入口非常軟滑濕潤唔會柴真係好出色👍🏻今日嘅湯係合掌瓜栗子甘筍排骨湯飲落清甜完全無味精係真材實料煲出嚟嘅住家湯整體黎講呢間餐廳嘅性價比真係好高食咗咁多嘢連埋湯同嘢飲都係$200有找實在值得一試呀！