鹵家

營業中

休息中

又係OT既一日，放工同同事簡簡單單食個飯就各自返屋企休息。同事提議食燒味，於是揀咗呢間餐廳。我地一人點一個餐，再加一份小食。同事點咗蜜汁叉燒王飯（$76），叉燒既蜜汁喺燈光照射下一閃一閃，好有亮澤。叉燒肥瘦適中，咬落去充滿肉味，配白飯確實一流！我點既係頭抽豉油雞米線（$66）豉油雞皮滑肉嫩，入口仲帶有豉油鮮香，但又唔會過鹹。碗米線落咗麻油，增添香味。我地再點咗鹵水豆腐做小食，豆腐又滑又入味，我地一塊接住一塊係咁食😂餐湯係蟲草花南瓜紅蘿蔔煲豬骨湯，有補肺益腎、潤燥止咳既功效。碗老火湯好足料，仲煲到d南瓜溶哂，好有誠意👍🏻