鳴虎 (東港城)

營業中

休息中

行開一田見呢間拉麵熱辣辣好吸引，而且有幾款口味，賣相也很誇人。無加一服務費，先下單付款，再入座，之後自取食物，用餐完畢自行將餐具放回餐車。四國香蔥油拉麵 (綠虎) $88先飲個湯，有陣陣香蔥味，用左魚及豬骨敖成湯底，味道濃鮮甘香，加左四國香蔥油更加香。拉麵係幼身硬麵，入口微彈帶點咬口，味道清爽不膩。博多黑蒜油拉麵 (黑鳴虎) $88麵、叉燒同配料都跟其他口味一樣, 但湯底加左博多黑蒜油，味道就變得更有層次，帶濃濃黑蒜香，亦好夾魚同豬骨的湯底。炙燒叉燒好厚物大件，有微微炙燒過的焦香，豚肉鬆化可口，軟嫩有彈性，有種啖啖肉的滿足。味玉唔算好入味，但流心效果很好，有蛋黃濃香。配菜還有木耳、紫菜、京蔥，也很好味，木耳爽脆增加口感，紫菜吸哂湯汁好正，京蔥添辛香更惹味。汽水 $12，價錢尚可，不過飲波子汽水 $18，感覺更日式更正 。

今日在一田行完之後就看到這一間拉麵店有好多人在排隊。我們都想試下所以都一起排隊，排的時間不算太久，15分鐘就輪到我們。我們分別點左黑蒜拉麵，蔥拉麵同炸雞。黑蒜拉麵是裡面的味道最重的，但是都是我最喜歡的。首先是個湯底，加左黑蒜低之後個蒜味就加重左。本身就喜歡吃蒜的喝左湯底真是好滿足。面身是偏中等，不會太硬吃起來都算彈牙。個糖心溫泉蛋就是精華，配上個湯底真是昇華左。蔥拉麵對比起來就是清香左，因為分別有左4種不同的蔥，加重左個蔥的香味。面身是沒大差別的，口味偏好上是屬於清淡少。所以吃多左完全不會膩，個湯底都給我們喝完左。炸雞就是一定要陪個拉麵一起吃。來的時候先將檸檬擠在上面，個炸雞咬開的時候還有肉汁流出來。個人非常推薦點的小吃。

間中經過鳴虎都見到幾多人食，今次同朋友喺坑口唔知食咩好， 就坐低買碗拉麵試吓。✨博多黑蒜油拉麵（$88）拉麵來講$88呢個價錢都算係公道，湯底係豬骨湯，帶淡淡嘅黑蒜油香。麵條方面就冇咩特別，並唔係打打嘅拉麵。✨四國香蔥由拉麵（$88）同上面果款用同一個湯頭，但就冇左黑蒜油味，感覺較清淡。✨龍蝦沙律（$38）幾好咪嘅一款小食，分量都幾多👍✨鰹魚汁浸菠菜（$38）想食得健康啲，所以就叫左呢款鰹魚汁浸菠菜，可以補充下鐵質😆

突然之間想食拉麵，行過屋企樓下商場見到佢。望到menu有買國香蔥油拉麵（綠虎）🍜 緊係要坐低試下。 老公就叫左碗日本魚乾豬骨湯拉麵（鳴虎）。一碗嘅湯底飲落去好明顯有好香濃嘅魚味道，濃底好濃郁。拉麵係醬幼麵，雖然佢冇得揀硬度，但係師傅煮得剛剛好，係爽口彈牙，有口感。 雞蛋係流心蛋，一咬開蛋汁就流出黎。 小食我地叫左肉餃子🥟，同埋吉列大蝦🍤。 蝦子外皮炸列香脆，入面麵係juicy。 炸蝦脆卜卜，好香口。 叉燒係半肥瘦咁嘅狀態，同埋係厚切。食落有香氣，質感。佢係好似food court ， 去收銀比錢，之後自己拉位坐底。如果唔想食拉麵，佢都有飯既選擇。性價比比較高嘅拉麵，無論份量同埋食物質素都唔錯，兩個人埋單都係$250左右。

今日出去做嘢，路過東港城，勁肚餓，試下呢間拉麵店～除咗拉麵之外，仲有日式丼飯同埋小食，選擇都算多～綠虎 $88 加紫菜 $8呢個四國香蔥油拉麵，每款都有兩大塊豚肉同埋一隻溫泉蛋，仲特別加入左香蔥油同埋海量嘅青（大蔥、蔥粒），蔥迷必食～湯底濃郁香口，麵量十足，男士當正餐食都絕對夠食～芝士魚餅拼魚條 $48好抵食！有四條魚條同兩大塊魚餅，淡淡魚肉同流心芝士，正～胡麻菠菜 $38胡麻醬配冰菠菜，清爽健康～波子汽水可樂味 $18店員好細心幫我開埋，兒時回憶～

今午和太太在坑口商場購物，途經一間拉麵店，傳來一陣陣香濃豬骨湯味，不約而同進入這間名叫「鳴虎」的拉麵店，店舖位於一田超市其中一個舖位，地方不大，開放式廚房，有十多個座位。雖然是小店，員工服務態度相當好，詳盡介紹店內各種拉麵，可以堂食或外賣。拉麵主要有四款：鳴虎 - 日本魚乾豬骨湯陸虎 - 四國香蔥油鳴海老 - 北海道蝦味噌豬骨湯黑鳴虎 - 博多黑蒜油我們點了鳴虎、陸虎，再加火炙叉燒、胡麻波菜和鰹魚汁浸波菜。鳴虎 - 拉麵入口彈牙煙韌、軟硬適中，麵條質素很好，配合濃稠度適中的豬骨湯底，提升了拉麵味道。溏心蛋賣相吸引，蛋黃流心、蛋香濃郁，叉燒肥瘦適中，味道調校得宜。陸虎 - 同樣是豬骨湯底，加了昆布和葱花，令豬骨湯更加鮮甜。火炙叉燒 - 塗上醬油經火炙的叉燒香脆冶味菠菜新鮮嫰滑，加入胡麻醬或鰹魚汁，同樣滋味。

今日經過一田原來裏面有這間拉麵譜，因為見到都有不少人幫襯又見自己有啲肚餓，所以就入去這一間叫嗚虎食拉麵，這裏只得吧枱位。看似不是太舒適，但是食物質素比預期想像好。我叫了一本嗚海老拉麵。湯底有濃郁及鮮甜甜的海老味。而棉質方面就比較淋身。最喜歡他的流心蛋，外面比較軟熟裏面是留心的蛋黃。而那塊肉就是精粹。而肉身夾住少少肥，所以都是不錯的。另外朋友試了一碗博多黑蒜油拉麵。這個蒜頭味不是太重。但味道也是不錯的。另外，我們叫了芝麻雞翼小食。雞翼味道濃都比較好味，因為乍得脆脆的又不會太油。這一間是沒有收服務費，所以都非常之抵食。

坑口東港城一田入面搵到間好食拉麵店🍜不過餐廳位置得幾個吧枱位 適合屋企人或者朋友食飯🤓不適合多人聚餐🥲呢度唔使加一 總共有五款拉麵選擇 同埋飯類+小食嚟到緊係試吓佢哋嘅拉麵啦😍蝦味噌豬骨湯拉麵 $88拉麵好好食！口感爽彈 QQ嘅咬勁 好啱我口味🤩仲有蝦味噌味湯頭好好飲🤣咸香帶甜 超推薦🦐💓配料超多木耳絲✨都係my favorite😆叉燒肥瘦適中 又唔會好鹹嘅！有微微炙燒香味👍🏻另外加咗份$28 火炙叉燒🐷佢就唔係拉麵入面嘅叉燒 係肥瘦相間嘅梅頭肉 有三大塊 不過呢款就比較鹹！博多黑蒜油拉麵 $88黑蒜油味濃香 都好好食🙊又唔會覺得太油膩！兩款口味各有千秋 都好推薦！肉餃子🥟$38餃子炸得香脆💕咸香適中 好食😋鍾意食拉麵嘅朋友唔好錯過🤤

💛好味指數:4.4/5💛💜回頭指數:4.4/5💜去一田買嘢順便係附近食埋嘢，見到有間拉麵店就去咗試吓🍜餐廳位置唔算好多，主要做外賣🥡✅綠虎$88拉麵分別有鳴虎、黑鳴虎、鳴海老、綠虎同赤虎，選咗綠虎嘅四國向蔥油拉麵🍜湯底味道濃郁，香蔥嘅份量好多，配幼身拉麵。配料嘅叉燒非常之大塊，仲有大量木耳同蛋🥚✅蒲燒鰻魚飯$68估唔到一間拉麵店仲有飯賣，價錢相對平啲，味道都唔錯😊鰻魚無骨配咗鰻魚汁好開胃，隔離仲有啲椰菜，夠灑健康🤣✅肉餃子$38餃子外脆內軟，煎得啱啱好，面頭淋上酸汁，酸酸地幾開胃✅茶$18有三款唔同支裝茶選🫖📍 鳴虎 (東港城) (將軍澳)將軍澳重華路8號東港城2樓222號舖一田超市內

呢間拉麵店喺東港城一田入面，堂食座位喺舖頭外圍，位置唔算多，要先喺收銀落單俾錢，之後再喺側邊拎。有拉麵、丼飯同小食提供。🌟博多黑蒜油拉麵 $88拉麵用咗濃郁既博多黑蒜油調味，湯底較濃郁蒜味重但唔油膩，有兩大塊叉燒、半熟蛋、蔥絲、木耳絲同紫菜。香燒叉燒半肥瘦，拉麵軟硬適中，份量唔算太多。🌟蒲燒鰻魚丼 $68餐廳有六款日式丼飯，性價比幾高。每個飯嘅份量都好多，除咗鰻魚之外，仲有椰菜。鰻魚灑上大量嘅芝麻，再淋上鰻魚汁。鰻魚都幾滑。🌟札幌香蔥豚肉丼 $58呢款豚肉丼既豚肉切得比較細粒，但份量好多，成碗都鋪滿晒豚肉同椰菜。豚肉幾入味，有肥有瘦唔會覺得好鞋。

行東港城商場，經過見到呢間拉麵舖幾有特色咁😍 咁啱吧枱都仲有位置，咁我哋就決定坐低試下啦～黑鳴虎（博多黑蒜油拉麵）$88熱辣辣又香噴噴嘅香蒜油湯底～蒜味濃郁～口感濃稠～叉燒兩塊，厚切而且有燒過，半熟蛋黃好流心～而且有大量爽口木耳，口感增添不少👍🏻日本魚乾豬骨湯拉麵 $88拉麵內嘅配料基本上一樣，只係湯底唔同～呢個湯底有淡淡魚嘅鮮味，幾濃郁～芝麻雞翼$48三隻芝麻雞翼皮脆肉嫩，十分香口～肉餃子$38肉餃子粒粒飽滿，外皮香脆，應該係即炸夠熱👍🏻

冬天除了火鍋外，吃拉麵也是快速選擇之選，由於時間關係熱呼呼的總想到拉麵鳴虎於日式超市門外的食店，雖說如此，人流不會過分多，就算是一人食用，也不覺得尷尬拉麵價錢在$88/碗左右，今次吃了日本魚乾豬骨湯拉麵，用四種鮮魚，加上豬骨湯所吸引兩塊叉燒，屬於厚身，輕輕火灸過，油香味重，咬一口沒有油膩感，旁邊的流心蛋絕對合格。還有足料的木耳絲，香蔥拉麵到了當然是先渴一口湯，湯底的魚介味非常濃厚，湯底屬於有點杰身，加上幼身的拉麵，每一口都好夠味小食方面，共六至七款，屬於多種類吧，龍蝦沙律一客兩球，非常吸晴，配上十多塊香脆紫菜，完全足夠包著沙律一起吃，蟹子沙律入口會吃到卜卜的口感，十足十吃著緊壽司一樣另外炸雞是一客四件，即叫即炸，配上沙律醬入口非常香脆，啖啖肉非常滿足

以土炮拉麵店來說, 鳴虎開分店開得相當積極, 在將軍澳已經有兩間, 而這家在日式超市的分店對面就是另一家, 來自日本的連鎖拉麵店, 在如此一個小小角落裏, 競爭之激烈就是香港餐飲業苦戰的寫照. 在附近私人屋苑林立的東港城, 定價再進取少少也不乏附近住家客, 所以動輒定價接近百元的拉麵, 絕對可以媲美中環及灣仔等拉麵店熱門戰場.點了蝦味噌拉麵, 味道有點死鹹, 看到其大量櫻花蝦碎希望帶出來的蝦鮮味, 但結果是味道過於濃重, 蓋過了所有味噌和湯底本身的原味, 而且湯頭喝完後有點涸喉, 感覺不太好. 麵和叉燒表現正常, 前者口感爽實, 後者脂肉層次分明, 有炙香也有油香, 但同樣被鹹味蓋過, 有點可惜. 至於烤雞翼則有驚喜, 外皮香脆有芝麻香, 內裡肉汁豐富而且肉質夠嫩滑, 比起拉麵更令我滿意.There are two branches for Nakitora Ramen at TKO that means the market potential is high at this district with plenty of private housing buildings and

東港城日式超市內開左一間新拉麵店，感謝祭血拼之後見到6點至9點有餃子(或者汽水) 送咁抵，就坐底左食拉麵。日本魚乾豬骨湯拉麵 $88湯底帶濃香鰹魚香味，原來用左4種鮮魚熬製，豬骨湯白雪雪夠濃厚，唔會死咸，濃郁湯底一般會配較粗同有咬勁嘅麵底，呢度都唔例外，配料有黑目耳絲，紫菜，溫泉蛋1隻，叉燒3片，叉燒用上火炙五花腩，食完暖笠笠，加口清爽麥茶，滿足。蝦味噌豬骨濃湯拉麵 $88另一碗試蝦味噌，一上枱就見到灑上滿滿櫻花蝦粉，蝦香撲鼻，湯底用北海道鮮蝦同櫻花蝦粉，味噌咸中帶甜，配料同樣是黑目耳絲，紫菜，溫泉蛋1隻，叉燒3片。小食叫左芝麻雞翼 $48, 炸得好香脆，連雞翼尖都唔可以放過。龍蝦沙律$38 跟5塊紫菜，可以包住龍蝦沙律食，38蚊有2大球龍蝦肉，感覺賺到了，滿滿龍蝦肉混入蟹籽同沙律醬，紫菜香脆，口味清新，做頭盤配搭一流。個人覺得對比對面的大型拉麵店，呢間鳴虎湯底更濃郁，唔死咸，麵底更有彈性，坑口街坊又多一個美味拉麵嘅選擇。

買嘢食嘢都方便嘅東港城，平日下午都係人流也不少。喺一田超市買完嘢出嚟，見到這間日式拉麵店，二話不說坐低依肚先。座位全是吧枱式設計，並圍繞着開放式廚房。拉麵款式唔算多，大概有五至六款左右，最緊要做到專業有水準。鳴海老🦐🦐蝦味噌豬骨湯拉麵加入咗櫻花蝦粉和北海道嫩蝦，味噌湯底帶着一種濃郁嘅蝦殼味道，完全感受到海鮮嘅精華，鹹中帶鮮味。採用直身麵條，軟硬度適中，糖心蛋香軟入味，日式叉燒有三大塊，厚薄適中，烤得焦香，肥瘦相間肉質尚算鬆化。當然還有爽口嘅木耳絲增加口感。波子汽水(可樂味）日式拉麵配波子汽水令到食拉麵嘅氣氛特別濃厚認真😋可樂味唔算太甜，最緊要夠氣夠冰凍！👍🏻鳴虎 （日本魚乾乾豬骨湯拉麵）淨係豚骨湯底已經滿足唔到拉麵控對湯底嘅要求，加入魚乾味道更有層次。豚骨湯底依然有膠質黏性但唔算強，味道醇厚，面層的油份keep到溫度，令拉麵入口更滑溜！😋龍蝦沙律🦞加入左明太子嘅沙律球，略嫌偏鹹，但食到啖啖的蝦肉再配脆口嘅紫菜，配搭不俗。學生惠顧仲有優惠，而且奉送小食～