鳴虎 (東港城)

營業中

休息中

今日去將軍澳坑口東港城配眼鏡，順道食快閃lunch。一田裡面有好幾間食店。我地最後揀咗鳴虎食日式拉麵。店舖不大，坐吧枱的。拉麵都有好多款選擇仲有日式丼飯由於時間匆忙，所以只叫咗2碗拉麵。鳴虎拉麵，魚乾湯底，麵質軟硬適中， 灸叉燒有2片及半熟蛋一隻。配菜有大量木耳絲及蔥。非常野味。另一碗鳴海老拉麵，蝦味湯底。灸叉燒2片及半熟蛋一隻。後加灸叉燒3片$28及一隻半熟蛋$12。蝦湯底蝦味非常濃郁野味。

終於有少許秋天涼意馬上要吃碗拉麵暖暖胃·位於東港城一田的鳴虎位置不多· 以高枱為主閒日也是高朋滿座· 當日等了一會才找到位置♡赤虎（$98)強烈建議愛辣的挑戰一下入口先是豬骨湯的香濃但一到喉嚨·辣的刺激感馬上跑出來大概是平時中辣的𣊬間冒汗感拉麵軟硬適中· 不算很掛湯叉燒肥瘦相間有炙燒過·令油香滲出配搭完美的溏心蛋、木耳、蔥絲同紫菜是碗可以填飽肚子又滿足口慾的拉麵♡黑鳴虎（$88)黑蒜味很香濃· 上枱已散發陣陣蒜香湯底不算很油膩· 但去到尾段剩喝湯會覺得調味稍重不過配麵條吃就會剛好♡炙叉燒（$28)叉燒超值· 28元有3片！而且塊塊都厚切· 建議加點♡鳴虎炸雞（$48)炸雞外脆內juicy • 可以沾上赤虎湯汁別有一番滋味

在坑口東港城行街，行完一田出來之後，就見到這間「鳴虎」拉麵店。突然就餓起上來，不如就食碗拉麵，叫個小食過下癮吧。鳴虎是環境非常快捷方便，就是下單買完後，找位置坐低進食，全自助的，就跟日本的模式一樣。別看店舖小小的，但拉麵向小食都有多款選擇，都是似模似樣。➹ 1. 日本魚乾豬骨湯拉麵飲一口這個湯底，感受到濃郁的豬骨香氣，就知道湯頭一定是以豬骨熬煮而成。但與其他傳統豬骨湯拉麵不同的是，鳴虎的湯底還添加了日本魚乾，為湯底增添了一絲獨特的風味。拉麵的麵條彈牙有嚼勁，不是軟淋淋的口感。另外，再配以叉燒、紫菜、蔥花和溫泉蛋作配料，非常豐富。➹ 2. 博多黑蒜油拉麵博多黑蒜油拉麵讀是鳴虎的另一道招牌拉麵。湯底以豚骨高湯為基礎，加入了特製的黑蒜油，增添了濃郁的香氣，食得出黑蒜油的烘烤香氣和濃郁的蒜味。兩碗湯底都各有風味，博多黑蒜油就比較濃味，而魚乾豬骨湯就較為香甜一些，各有特色。➹ 3. 免治雞肉棒配生雞蛋免治雞肉棒外酥內嫩，肉質鮮嫩多汁，搭配特製的生雞蛋醬汁，味道更加香濃，亦是較為少見的日式小食。➹ 4. 鰻魚串鰻魚串亦都做得皮脆肉嫩，入口即化。想不到藏於一田超市內，竟然有一間這麼高質的拉麵店。

這天去將軍澳辦點事，完成後吃過晚飯才回家，去到位於東港城的鳴虎拉麵。先在收銀處落單，然後坐在旁邊的位置，食物預備好之後，便可以從出餐處自取。這是期間限定的九州雞白湯鮑魚拉麵。共有兩隻鮑魚，分量十足，口感嫩滑，彈牙可口。麵質軟硬適中，九州雞白湯底鹹淡得宜，令人食指大動。半熟蛋煮得恰到好處。隨麵食附送飲品，我選擇了罐裝可口可樂。這是蝦味噌豬骨湯拉麵，拉麵掛湯一流，吃過一口就能感受滿滿的蝦香，然而湯底非常濃郁，喜歡重口味的話可以選擇這款拉麵。半肥瘦的叉燒，味道上乘。半熟蛋同樣是幼嫩的口感。加購原味波子汽水，是一種讓人感到愉快的甜味，令這一晚餐加強了日式風味。小食是肉餃子，一客共有五隻，外層香脆可口，大小剛好。

唔得閒去日本旅行， 好彩香港都有正嘅拉麵店，呢間鳴虎喺東港城嘅一田裏面，呢間係免收加一㗎一排長凳，雖然冇華麗嘅裝修，不過簡單乾淨，整齊衛生，赤虎 · 特濃辛口拉麵 - $98揀咗個少少辣嘅拉麵，可能因為我食得辣，所以我覺得只不過係食到有辣味，又唔算非常之辣，叉燒頗厚身，而且又夠大塊，口感彈牙，食得出火炙過的味道，做得好好嘅溏心蛋，食過呢間舖頭幾次，每次個溏心蛋都做得好出色，從來冇令我失望過，胡麻菠菜 - $38份量很足，好大碟，而且胡麻醬亦都好充足，菠菜口感爽脆，配上胡麻醬同大量嘅芝麻，非常香口，九洲雞白湯鮑魚拉麵 - $98第一次食拉麵係跟鮑魚！而且size都有返咁上下，我特登放對筷子埋去，咁就可以睇得出鮑魚幾厚身，鮑魚口感非常彈牙，味道剛剛好，而且湯底亦不會過鹹，飲到有雞湯嘅味道，個人認為呢一款係必點必試。

與男朋友一起去東港城商場逛逛，並在超市內的一家日式拉麵店吃東西。於收銀處付款落單，食物即叫即製。黑鳴虎拉麵：黑蒜油香氣四溢，豬骨湯再加上木耳絲、青葱和博多黑蒜油，很美味。兩片叉燒是半肥瘦的，脂肪入口即溶，瘦肉不柴，雞蛋味道正常，拉麵爽口彈牙，值得推介。拉麵可加配椰菜：椰菜鮮甜爽口。蒲燒鰻魚丼：鰻魚肉厚肥美，醬汁帶有咸味和甜味，白飯軟硬適中，抵食美味。單點鳴虎炸雞：炸雞外層脆內層軟，十分滋味。單點胡麻菠菜：菠菜翠綠，胡麻醬美味。

星期日去東港城買野順便吃晚飯、原來一田超市裡面有好多餐廳小店。今晚揀咗食拉麵、鳴虎只有一排吧檯位、裡面是開放式廚房。有多款拉麵、定食和小食可選、價錢相對親民日本魚乾豬骨湯拉麵、有兩塊叉燒、木耳、溏心蛋、紫菜、豬骨湯底濃厚、加上香蔥粒更加香。四國香蔥油拉麵 麵條同樣煙韌、用料跟豬骨湯拉麵差不多、但湯底感覺較清淡、加入大量蔥粒、蔥油香氣濃郁。另外我地叫了鳴虎炸雞、即叫即炸、外脆內軟、仲好juicy，唔錯！

呢間餐廳係位於東港城入面既一田入面,一田入面都有幾多熟食店,呢度出名豬骨湯底用大量豬骨熬制而成既湯底,豬骨味道好濃郁,我地叫左一碗新出既鮑魚豬骨拉麵,鮑魚大大粒好新鮮爽口,麵好彈牙,再額外加多一份好味既日式叉燒,日式叉燒好啖啖肉而且唔會好肥,燒香左既外層,肉味香濃,呢度主要係獨立卡位一行咁坐,食客落單後要拎一部機等出餐部機就會響,另外我地叫左一碗咖哩豬扒飯,咖哩汁同飯係分開上既,咁就唔會令到咖哩上面塊豬扒因為D汁淋左,豬扒脆卜卜,好好味。

坑口夜晚食飯周圍都係人，想食個快飯都唔係咁易。不過有日行開一田超市，無意中發現入面有間拉麵店，店舖唔大，開放式，有一排長枱座位，仲可以睇到師傅整拉麵。鳴海老（蝦味噌豬骨湯拉麵）$88湯底帶有鮮蝦味，味道濃郁，拉麵軟硬適中，配菜豐富，有叉燒、溏心蛋、紫菜、黑木耳絲、香惹，叉燒唔會好肥，口感軟淋，輕輕炙燒過，食落更香口。溏心蛋好流心，好味！蒲燒鰻魚丼 $68平時食鰻魚飯好怕好多骨，但依間食落一啲骨都唔覺有，鰻魚好嫩滑，鰻魚汁濃厚香甜，送飯一流！肉餃子 $38餃子炸得香脆，入面肉質鮮嫩，仲有少少肉汁，唔會太乾，好食！

間中🐻都會去東港城一田超市掃貨🛍️溯源貨當然要醫下肚仔，呢個時候喺一田內嘅日式拉麵店「鳴虎」虎啱哂❣️.類似food court形式，落完單就坐埋一邊等食😌雖則係快餐形式，但裝修都好似日本拉麵店咁，幾有心思😙.🍴鳴虎💰$88招牌拉麵💕其實係魚乾豬骨拉麵🍜湯頭好重骨膠原感，入口非常濃郁豬骨味😋塊叉燒都好正，火炙後零舍香🤪肥瘦適中，好軟嫩😛.🍴綠虎💰$88四國香蔥油拉麵💕鍾意食蔥嘅就啱晒，成碗都係蔥花😍本身都係豬骨湯底，額外加入香蔥油，陣陣蔥香🤤拉麵麵條天有薪，食落都幾彈牙😌

之前和同事在西貢市吃過拉麵後隔咗一段日子又想吃，所以決定去最近OFFICE的一田裡面的拉麵店，因為店舖貼了九洲雞白湯鮑魚拉麵的宣傳圖片，喜歡試新野的我當然試吓呢個配搭好唔好食啦！同事點了蝦味噌豬骨湯拉麵，佢個人覺得不錯~~~而我就點了九洲雞白湯鮑魚拉麵，一上原來有不少蔥，鮑魚躲在裡面~~~裡面有兩隻鮑魚，個人覺得鮑魚夠軟熟，麵感覺不錯，湯底夠濃，下次再去一定點呢個，因為套餐價包飲品，加上不用加一，是不錯的選擇~~~由於我們兩人覺得唔夠肉食，所以加了肉餃子，個人覺得不錯=]

鳴虎喺好多地方都有分店，其中一間就開喺東港城一田超市入面。雖然佢只係佔一小角嘅位置，但並無損佢嘅質素。佢嘅拉麵款式選擇唔少，有赤虎、綠虎、鳴海老、黑鳴虎等。除此之外，仲有幾款日式便當同小食可以揀。今次我同朋友就叫咗赤虎同綠虎（叫完先見到有雞湯鮑魚拉麵😭），兩者湯底都非常濃郁，特別係赤虎，有少少似一蘭拉麵嗰隻味，而麵底都非常有咬感，至於d叉燒肥瘦適中，好有厚度。另外一提嘅係由於佢開喺超市入面，所以呢度上菜速度好快，好適合1個人或者要快快脆食嘢嘅人嚟。

原來東港城一田入面都開咗間《鳴虎》，有一排長櫈座位，呢間係自助型式，行去counter落完單，坐低等叫拎拉麵🍜就可以😌食完記得放返去回收車度，所以呢間分店係唔使收加一☺️╰☆綠虎 $88四國香蔥油拉麵🍜湯底濃郁蔥油香，麵條幼身爽彈，有兩片叉燒，肥瘦適中，配料豐富，包括有香蔥、木耳絲、紫菜同原隻流心蛋😍追加粒半熟蛋 $12╰☆蒲燒鰻魚丼 $68鰻魚肥美嫩滑，仲要無骨，口感一流！ 配埋飯同鰻魚汁，正到不得了😋╰☆波子汽水 $18未試過士多啤梨味🍓嘅波子汽水😍，飲落唔會太甜仲幾香添╰☆可樂 $12

今日喺東港城商場行街，行完一田之後勁肚餓，見到有鳴虎拉麵就即刻醫肚先🥰九州雞白湯鮑魚拉麵 $98 送汽水香氣撲鼻，麵條爽口，配上濃郁的九州雞白湯，簡直是一絕！湯底濃郁卻不膩口，帶著淡淡的雞肉香氣，令人回味無窮。鮑魚鮮美，口感彈牙，散發著淡淡的海鮮香味，好正。蝦味噌豬骨湯拉麵 $88食麵前飲啖湯先😆 湯底幾濃厚、蝦味重，味道啱啱好，唔會過咸。拉麵軟硬度適中，都幾掛湯。呢款拉麵配有兩塊叉燒，入口甘香軟滑，而配菜就有紫菜、黑木耳絲、溏心蛋及香蔥，十分豐富。我地邊食邊飲返啖冰凍可樂，透心涼爽哂芝麻雞翼 $48即叫即整! 熱辣辣，雞翼又大大隻🙈 外皮金黃酥脆，內裡雞肉嫩滑無比，加上香味濃郁嘅芝麻，香口又惹味，值得一試！

收工有啲肚餓，甘熱嘅天氣又唔想返屋企煮嘢食，決定去速食一碗拉麵，喺東港城內一田，點餐落完單好快就已經食得，快靚正👍♥︎ 九洲雞白湯鲍魚拉麵 🍜 $98盛夏新品✨夏季新出嘅拉麵梗係要試吓啦，同埋本身對雞白湯底情有獨鍾🫣雞湯味先甜濃郁，每啖拉麵都吸收哂精華，而鮑魚又夠彈牙♥︎ 日本魚乾豬骨湯拉麵 🍜$88拉麵掛汁感受到魚乾豬骨濃郁既湯底，湯底唔會好油膩，配上肥瘦適中既叉燒同溏心蛋係完美既配搭，好容易一啖湯一啖拉麵滴湯不剩