鳳鳴居

營業中

休息中

作爲北區人，鳳鳴居己經食過幾次。醆香雞湯麵 - 轉左米線最出名一定係佢地嘅醉香雞湯麵，湯底甜甜地，帶有藥膳味，配有雲耳同紅棗，雞件份量適中，米線唔會過軟或過硬，配有辣豉油點雞件。但個人覺得食到後期．整碗湯偏甜。蟲草花雞湯麵 - 轉左米粉鋪滿蟲草花，同樣配有辣豉油點鷄件。辣豉油爽脆鵝腸鵝腸果然好爽脆，低舖滿芽菜，再淋上辣豉油。細三兄弟（爆丸、墨丸、魚片各2)油炸三兄弟，配有甜酸醬，不過不失。

醉雞麵食得多，但就未食過一間令我成日掛住佢嘅。有日咁啱去開上水就去試下總店，門口有人等緊外賣，入面就冇坐滿人所以直接入座。唔洗多講第一時間嗌左個醉香雞湯米線 $50，麵有好多選擇，不過我鐘意食米線所以嗌哩款。成間舖都帶住好香嘅醉雞味。嗌完好快就有得食，想讚下有樣嘢好好，麵一上，就有埋一小碟辣椒豉油同一個俾你放雞骨嘅碟仔，覺得哩樣嘢好抵讚，唔洗自己嗌，好體貼，又唔洗擔心啲雞骨要放邊好！一黎就試下啖湯先，一飲就覺得又香又甜，好鮮，唔係味精嘅味道，酒嘅味道又唔會過濃，係會忍唔住係咁飲湯。雞件方面有雞脾同雞胸嘅部份，雞胸係比較硬，但係可接受範圍，本身就咁食雞就已經好夠味，但掂埋個辣椒豉油就變得惹味，唔食得辣嘅人都唔洗擔心，bb辣黎，吊下個味好好食。除左雞仲有幾塊木耳，都幾大塊，仲好爽下，冇煮到好淋。米線質地好完美，係帶煙韌嘅口感，又吸左少少湯嘅味道，一啖湯一啖米線一齊食真係好好食！哩個價錢，哩個味道，可以encore無限次。

都有一段時間無寫食評，今日入開上水整車，於是就搵吓呢頭有咩好食。老婆知道我在上水，就即刻介紹我嚟呢間雞湯麵。一睇餐牌，有好多唔同款式的雞湯麵，見到有芫荽雞湯麵，諗都唔駛諗一定叫呢個(因為我超鍾意芫荽的味道)。湯麵好快就到，一上到枱，真係名符其實，因為成個湯碗都佈滿芫荽，啲芫荽嘅數量應該仲多過打邊爐的芫荽皮蛋湯。上枱嘅時候已經聞到超濃的芫荽味。首先即刻夾左住芫荽來吃，啲芫荽食落好爽脆，同埋亦都無浸淋，食落口唔錯。然後就入咗啖湯，個雞湯亦都真係好濃，飲落幾鮮甜。而啲雞嘅份量都好多，起碼有成七至八件，而且啲雞肉亦好滑，同埋啲雞本身都好好味(餐廳會有碟豉油俾顧客食雞時用，但相信就咁食已經好正，無豉油都絕對無問題。平時食麵都好少會飲啲湯，但呢個雞湯真係好濃，最後竟然成碗飲晒。整體嚟講，這碗雞麵真係正，唔怪得6點幾都未到晚飯旺嘅時候都已經坐在好多客，而且店外等外賣亦都超多人。如果鐘意食米粉或者米線嘅朋友可以試吓，相信會比麵更加入味。完全值得推介，可以再嚟食過

今日踩完單車就黎到上水搵野食，經過呢間店見到好多人排隊同埋都聽人講佢個醉雞麵好好食，所以要試試佢!今次叫左個招牌 醉香雞湯麵，仲有芫茜控嘅朋友叫左碗芫茜雞湯麵。醉香雞湯麵真係好出色，個醉雞湯好濃郁好好飲，都幾大碗仲有好多件雞，啲雞都好大舊，仲有個特制辣椒豉油俾你沾雞，好正。芫茜雞湯麵面頭真係超多芫茜，我覺得啲芫茜蓋過左醉雞嘅味道，所以個湯相對無甘濃郁。我自己就比較鍾意醉香雞湯麵，因為個湯真係好正，但如果係芫茜控，都不妨試吓芫茜雞湯麵，都正ga😊

想試呢間好耐🥹🥹但又想特登出旺角（人很多😭）見佢咁啱喺上水開咗新分店，就決定一於去試吓🤭星期六日去唔想太多人，可以選擇五點到六點左右去😎直接walk-in不用等～醉雞米線果然必食，湯底一啲都唔味精好清甜好好飲，差唔多飲晒🫣雞亦都好嫩滑🌟喇沙湯底同樣不錯，味道唔算太辣比較適合喜歡濃味的人👍🏻有機會一定再去捧場😋

好耐都唔嚟上水一次，嚟到梗係要食上水名物-鳳鳴居😬😬嚟到以為好多人等緊，原來係等緊外賣。所以我地好好彩，好快就入得去坐。但人流都一樣好多，keep 住有人嚟堂食。Menu 有太多選擇，搞到有選擇困難症嘅我地都諗左一陣。📍醉香雞湯米線($50)我幾鍾意依個湯底，甜甜地但又幾滋補，有紅棗有雲耳。醉雞味十分濃郁，米線又唔會過淋或過硬，啱啱好呀👍👍雞件有好多，蘸埋辣椒豉油食好夾呀。📍喇沙雞湯米線($50)朋友鍾意食辣，所以叫左喇沙湯底。佢都大讚喇沙湯底好食，仲好食過出面專賣喇沙嘅舖頭。啲雞好滑，排得好整齊😂😂下次嚟上水都一定會再嚟食上水名物😛

鳯嗚居係上水區好出名，不時都要排隊等位。每次都必點佢個招牌醉雞米線湯底微甜，而且酒香味幾濃郁。不知不覺就會飲個湯底。停唔到口。醉雞味濃郁 ，雞都ok 多吓，最重要係唔會過老，咬落去都依然嫩滑。佢會上埋個辣椒豉油，記得點。同個雞，米線同湯好夾米線不過不失，最重要唔會偏硬或者煮耐左，又淋又線個種。配料方面，每碗都有搭配雲耳紅棗等！一啲都唔hea 唔馬虎。用料十足十，可以見得出店家的用心。 店面唔算非常大，不過可以食到好食米線都值得嘅

今日到訪坪洋村白茅草田後，搭車出上水走走，見到最近殺出旺角開分店既✨鳳嗚居✨ 一於試下佢地出名既醉香雞湯❣️💛 醉香雞湯米線 $50即飲湯頭試味先😆 花雕酒味食唔出，反而飲到甜甜帶藥膳雞湯味，幾好飲，夠哂補👍🏻 今次好彩地係雞髀肉✨ 鮮嫩唔會肥，蘸埋佢地既辣椒豉油，雞件更好食😋💛 麻辣河粉（午餐肉/豬大腸/牛腩）$49呢個就相對普通了。麻辣味出，午餐肉厚切，牛腩啖啖肉。個人還是比較喜歡食佢地既雞湯麵多啲😚💛醉雞腎 $25份量比想像中少，只有4舊雞腎🥴 但酒香同樣帶甜，味道不錯❣️跟飯麵可加$8飲品，我地就揀左凍檸茶同凍菠蘿青檸蜜。凍菠蘿青檸蜜有菠蘿味之餘，仲食到有菠蘿肉，幾好飲👍🏻$50一碗雞湯米，份量足夠飽肚，性價比不俗。

久仰大名！！！！朋友介紹之下 山長水遠入嚟上水食都等咗大半個鐘先有位門口企滿人睇menu 好多嘢想試今次食咗醉雞米線 同 姫松茸雞湯米線好好好好味！！！！但個人覺得藥饍醉雞湯底偏甜會比較喜歡姫松茸雞湯多啲 清新啲！舒服啲！鵝腸一般

Today I went to Feng Ming House, it is known to be famous with it 醉雞米, however I ordered the 蘿蔔清湯牛腩面。It is very 痴牙, maybe 醉雞米is better...

又係幫襯黃點系列喇 呢間遠近馳名嘅鳳鳴居叫咗個招牌醉雞米線 湯底偏甜醉雞味濃郁 雞件好多而且非常嫩滑 點埋辣椒豉油食好夾呀 米線煮得軟硬適中 同時好夠滑溜 入面仲有紅棗！杞子木 耳等等嘅材料 更豐富

蟲草花雞湯米線這個湯底超清甜！一喝就停不口！蟲草花份量也不少，雞肉很嫩滑連雞胸肉的位置都很嫩滑，雞皮滑溜，另外有一小碟自家製的醬油沾雞肉吃。我最後把所有湯喝完了。姬松茸雞湯米線男朋友這個湯底有種獨特味道，他說這是姬松茸的味，我覺得有點像南北杏的味道，也很清甜的，雞肉也嫩滑。

雖然每次黎鳳嗚居都係要排隊，但係食過就會覺得值得排隊，因為佢嘅醉香雞米線真係食過番尋味。😋男朋友食完都話正！👍🏻 食過咁多間最好食都係鳳嗚居，因為湯底夠濃郁！

作為一個上水友，鳯鳴居呢間咁出名食雞湯麵嘅舖頭已經食過無數次，每次食都保持到水準，簡直食過返尋味，又點可以唔介紹佢。最近仲殺出上水，係旺角鬧市開左分店，咁大家就唔洗山長水遠入到嚟上水食啦! 重點係鋪頭嘅店員都係後生小鮮肉😈 唱得又睇得，店入面嘅氣氛好好，食到食得開心啲。大約十二點先開門，通常已經有一條龍仔排隊等緊入去，平時亦都有好多人企係門口等外賣必食嘅🐓雞湯麵，可自選麵款、湯底同配料，湯底有醉雞、清雞湯、喇沙、蕃茄、麻辣同芫荽等選擇。除此之外仲有飯類同其他小食。個人因為唔太好酒，所以麻麻地招牌嘅醉雞湯底，嫌湯底偏甜同都幾重花雕酒香味。整體嚟講，份量多，味道好，價錢合理，性價比高，值五星🌟_➤蟲草花雞米線🐓🍜$58私心推介蟲草花雞湯，超足料！面頭有成堆養身嘅蟲草花，幾爽口，雞份量都算多，肉質新鮮又嫩滑，大大件，每嚿都啖啖肉，部位就random，係雞胸啲位少少嚡。平時喺其他地方食麵唔會飲埋啲湯，但係呢度真係忍唔住要飲哂成碗湯，金黃色嘅湯底，雞味濃郁鮮甜得嚟唔會好油膩，亦冇味精feel，飲完好舒服唔會口渴，米線索哂雞湯，軟硬度岩岩好。另外每碗都會跟一小碟辣椒豉油，香辣惹味，覺得雞湯底淡味可

上水人氣店，之前經過通常見到有人等位，依家疫情嚴重，明顯少咗啲人，第一次食，叫了多人推介的醉雞湯，果然好味👍🏻，濃而不䶢，不過D湯如果熱D仲正，有酒香味但唔會搶喉，雞唔鞋口，瑞士雞翼入味，肉質不錯，炸芝士年糕芝士唔係多同唔係幾夠熱，有進步空間，蘿蔔清湯腩飯湯夠熱而且清甜，牛腩大舊，好大碗飯👍🏻，蟲草花雞湯也不錯，有好多蟲草花，整體來講係幾正，價錢合理，份量足，店員主打年輕人，服務也ok，值得支持.