鳳鳴居

話說今日黎到上水，鍾意藥膳味道嘅我梗係要去食吓鳳鳴居。一個人，拎左飛，門口等。前面有個伯伯到飛，入去坐低左。中間隔左幾張二人枱，然後終於輪到我，但喺無人講聲嘅情況下，我對面突然坐低多個人，原來要搭枱。Ok ge, 明白生意好，一個人食無理由霸一張二人枱，但係點解開頭唔放埋我入黎同伯伯搭枱呢？有趣🤔到落單，叫左個最經典嘅醉香雞米粉，加杯凍檸茶，口痕想食埋個蒜辣雞翼尖😌侍應落單無表情，無回應，明嘅，唔係個個都有一個想服務嘅心，都係打份工姐。落完單，收到張單，5分鐘未夠碗麵已經到，佩服佢出餐速度。以湯底黎講，我覺得佢聞落同飲落都有藥材香，係幾好，不過可能淨係藥材唔夠味，所以另外有加調味料，所以飲飲吓覺得個湯底有啲鹹，不過都係可接受。突然，帶位個女人行埋黎換左我張單，無出聲。我見到張單少左個雞翼尖，我心諗應該係賣晒，舉手問一問，果然。但帶位個姐姐，你過黎換單，起碼都同個客講聲吖？換左張單就算，啲野賣晒又唔講，你唔係prefer我要知你地咩事吓話？講到尾，味道方面係有，但未驚艷到我會為咗個味道而忍受佢哋嘅態度…查看更多

香港樓面黑面對客已經係常態，本來唔值得特別表揚佢哋。但呢間舖居然可以請到全部5~6 個同樣黑面，同樣冇表情的員工，我真係覺得要頒個獎俾佢。而且黑面員工效率極高，客人放低筷子5分鐘已經有人執枱，無論你隻碗仲有冇食物，都會極速收走。執完張枱之後2分鐘就會有人趕你哋走，效率之高，我相信係香港頭十名。我相信有好多餐廳老闆會想知呢班員工究竟係點樣訓練嘅，可以考慮吓開班賺錢。最後提提大家呢間舖頭只收現金，OpenRice寫話收Alipayhk 是錯誤資訊。…查看更多

作為上水居民，呢幾年比較出名嘅上水餐廳一定係佢。食咗好幾年，其實相比起佢最出名嘅醉雞湯米，個人係更鍾意麻辣雞湯米同芫荽雞湯米🤣特別係麻辣雞湯米佢辣得嚟唔會好重味精，食完唔會覺得好鹹成日好想飲水咁。而且佢啲雞普遍都幾嫩滑，吸埋啲汁真係好正。依家雖然都仲係好多人排隊，但間唔時都係會想嚟食，即使要等一陣先入座。…查看更多

早排見到有人喺社交平台問：「上水有冇啲有Live Band嘅餐廳？」結果街坊們好快就推介左鳳鳴居(笑)。#鳳鳴兒童合唱團不定時演出九成時間都要排隊既鳳鳴居，夏天想去幫趁記得帶風扇仔。⸻淨係計湯底都有13款口味，今次嗌咗2款人氣雞湯麵：1. 芫荽雞湯麵 ─日落荽山 $61芫荽多到成座山咁，成碗綠油油好似落咗森林咁。建議啲芫荽一上枱即刻撳落湯度浸，鍾意食軟身嘅會更啱口味。除咗視覺衝擊，味道都一樣咁荽利，推介俾芫荽控一試。2. 蟲草花雞湯麵 $64冇芫荽山咁誇張，但都鋪滿咗差唔多三分一碗，湯底偏甜。一年四季，每次唔知食乜就會叫佢。⸻鳳鳴雞既然叫鳳鳴居，點都要講下佢既雞。佢哋用嘅唔係一般我雞見到既黃油雞，色澤偏白，但雞味香濃。肉質視乎分到邊個部位，煮雞既時間大致上都控制得唔錯，除非係中咗雞胸就會偏柴啲。⸻檸檬茶鳳鳴居嘅檸檬茶好有誠意，茶底夠濃，檸檬片通常有三塊以上，飲落好夠味。不過冰就比較多。⸻1. 炸三兄弟魚片頭、花枝丸、醬爆肉丸組成嘅「兄弟組合」，雖然喺凍肉舖都買到，但鳳鳴居用炸嘅方式處理，炸得啱啱好。尤其係醬爆肉丸，每次咬開都有肉汁，好啱幾個人Share嚟食。2. 可口可樂飲落冇特別，不過張單會有啲小驚喜，想知乜嘢自己去試下啦！⸻建議：- 麵量幾大，細食或者當日冇咁肚餓，可以考慮叫少麵。- 排隊時間長，唔想排咁耐，建議早啲去或者避開繁忙時段。- 建議去多幾次，可以試晒咁多個湯底。⸻鳳鳴居係一間有個性、湯底選擇多又好味道嘅街坊小店，帶出雞味，唔只食物出色，氣氛都好有驚喜既鋪頭。…查看更多

我選左加配漢堡扒($8)😊。醉香湯底帶有濃郁嘅酒香，雞湯鮮甜，雞肉嫩滑。有齊雞脾、雞翼同胸背部位。識食嘅雞米一定要配米線☺️，米線吸滿湯汁，大滿足。湯裡面仲有紅棗同雲耳，增添口感同健康感。瑞士雞翼✅️好入味，讚。價錢定價合理💲，好味得嚟又滋補🔝。Lunch嚟講係一個唔錯嘅選擇。✨️提一提午餐時間餐廳人流眾多，記得預留至少15至20分鐘等位時間📍鳳鳴居上水馬會道154號地舖#homeieatfood #homeieatfood_上水 #homeieatfood_上水 #sheungshui #上水美食 #醉雞 #鳳鳴居 #foodie #hkfoodie #thai #chill #vibe #cocktail #泰式 #打卡美食 #美食推介…查看更多

叫左個醉雞米、芫荽雞米同黃金魚皮，d雞好鞋、湯又重味精、黃皮魚皮更加無鹹蛋黃味，只不過係魚皮上加d鹹蛋黃粉都夠膽收44蚊，名不副實可以唔使黎試。好多雞米線都整得好嘋過呢間鋪頭！…查看更多

今日天氣突然轉涼🫨所以想揀啲暖胃的麵食🍜就選擇了上水出名醉香雞湯米線 《鳳鳴居》一入到餐廳已經聞到震震嘅酒香味😃當然我就試咗醉香雞湯米線，等緊食物嘅時候就聽到背景音樂播好多廣東歌，大部份都係千禧年代的流行曲🎶🎵餐廳的員工會一齊唱，氣氛很好👍🏻米線來到，有木耳、紅棗同埋雞，我第一啖就試飲湯，果然有淡淡的藥材味同酒香味👍🏻而每一嚿雞都很嫩滑🤪不會煮到過火，食完全身暖笠笠。建議冬天一定要來食🫶🏻…查看更多

終於試到上水名物啦🥳平時旺角店好多人 上水店去到唔使排隊直接入去 今次食左醉香雞米線 ($58)個湯底好甜 裏面仲有啲紅棗同木耳 令個湯再昇華左雞嘅份量有起碼六嚿咁多 仲要啲雞好嫩 超鐘意👍🏻超推介 呢度會成為我嘅上水飯堂…查看更多

一seach上水美食，就會自動彈出鳳鳴居～所以一個平常的星期六剛巧去上水，就同老公試午餐～我地11:35已經到，因為剛剛開門（11:30開）直接入，不需要排隊！其實店舖都唔太細，都有大約10張檯！⭐️醉香雞湯麵（$58）大約5分鐘就上菜，湯底好甜，應該沒有什麼味精，因為當日食完都冇咩口渴！我叫左米線，每一口都連湯食，但個人覺得有點過甜，酒味不是很多雞件好幼嫩，不會太「柴」值得一讚！份量都剛剛好！湯仲有兩粒紅棗，都好甜！鐘意！⭐️蟲草花雞湯麵（$64）其實湯底同上面醉香雞湯麵大同小異，只係多左蟲草花老公都係覺得有d甜湯底同埋佢叫左油麵，就冇我米線咁夾湯～⭐️春卷（$32）好香脆，普普通通正正常常⭐️凍洛神花（$8）…查看更多

鳯鳴居身為全上水少數幾間要排隊既餐廳，食物當然有返咁上下好食啦醉雞就食得多，今次試佢既麻辣蕃茄湯米線，原來都一樣咁出色！麻辣醬好惹味，配搭蕃茄好開胃，辣得黎唔會噴火，流少少汗咁啦食醉雞食到悶悶地，突然想食辣既朋友絕對要試下！…查看更多

終於試到，這店很受歡迎，撘枱是必然的。原來不是我想像的藥饍湯，有雞湯主題，也有自行配撘的似車仔麵，我選了姫松茸雞湯改了烏東底($72). 嘩，d雞湯濃，雞又滑，可能加錢改了麵底，我碗雞份量比隔鄰食客的多。特别要提他們的特製醬油，微棘吊味一绝。吃完之後，感到疲憊又壓的身體被受到滋養，十分感激。…查看更多

今日又過來上水, 當然又來依度🤣唔算等好耐, 大約4, 5張枱, 今次揀左醉香雞🐔米粉, 想食菜, 加左通菜, 亦想試下佢d小雲🥟吞, 亦試下佢d熱奶茶, 等左一陣飲品先到, 飲一啖先, 唔係太好飲😂茶味同奶味的比例好似怪怪地, 等左一陣碗粉送到, 好大碗, 賣相擺得好靚, 飲啖湯先, 第一啖酒味非常勁濃👍😚好香, 再之後飲就飲到甜味😄😍, 米粉比得都好多, 浸左d湯更加好吃, 米粉質地ok, 唔會碎濕濕一夾就爛🫶, 通菜都比得幾多, 浸左湯又係更加好食, d🐔🐔又係份量十足, 唔係好肥, 我不過也會咬左d皮😁, 🐔🐔好多肉, 唔會比晒d頭頭尾尾😅, 再加上配佢哋d汁料食, 又係好好味, d湯就越飲越想飲🤣🤣, 小雲吞🥟份量都比得多, 不過我覺得皮食落硬左d又厚, 我應該唔會再叫😆, 遲d再過來食過😙醉🐔…查看更多

今日又過來上水, 吃飯時間要等一陣, 試下花膠🐔雞湯油麵, 真係N年前無食過油麵, 另外配熱菊花🌻蜜, 等左一陣飲品先到, 唔算太甜👍 之後再來湯麵, 雞🐔依然好多, 花膠有2-3舊, 不過唔係好大舊, 飲啖湯先, 好有雞味😆還是醉湯底好味d😅, 油麵算無乜鹼水, 但食落就米線米粉會比較夾d, 🐔🐔依然好滑, 唔算好多膏好肥😚, 個人咬左皮唔食添😁, 真係份量比得幾多😋😋d麵亦比得唔少, 飲埋飲品好滿足😘😍下次再試下其他款式😀😄…查看更多

🧡醉香雞湯麵 $56🧡麻辣醉香雞湯麵 $66醉香雞湯麵, 雞件份量唔少,,🐥雞件肉質夠嫩滑,有香濃醉雞味道,再加上特製麻辣豉油🌶️🌶️味道更惹味👍🏻👍🏻😋十分建議第一次食醉香雞湯麵,,麻辣醉香雞湯麵會令醉雞味無甘出,,當日去了上水總店,,星期日下午一點半,,等咗半個鐘,二點先入到去食,,如果食記得預留時間等位‼️‼️鳳鳴居 📍上水馬會道154號地下📍 旺角西洋菜南街138號地下2號舖…查看更多

今日過來上水, 好似好耐無吃😚不如過來吃下, 不過已經下午2點多接近3点, 所以唔係太多客人, 望下餐牌, 叫左個姬松茸🐔雞湯要米粉, 加$要熱菊花🌼薑蜜, 等左一陣兩樣野也到, 碗粉份量也足, 飲一口湯, 好有雞🐓味🤣, 有幾個大大粒姬松茸, d雞也比得幾多, 撕左d皮, 舊雞都唔係好肥, 舊舊都好滑😋唔會有陣雪味, 杯飲品就正常味道, 唔係特別突出, 但勝在唔甜, 還是醉雞和芫茜雞好味d😁😋但相比之下, 服務態度同食物味道都比旺角好, 佢d辣椒豉油也有味好多🫶👍…查看更多