鳳城酒家 (禮頓道)

營業中

休息中

可能因為落大雨關係，今早個場比較冷清，樓下只有四五檯客，坐得疏疏落落，反而覺得幾靜侷，而且大部份茶客都是斯文人，講話細細聲，我拿出剛買的雜誌一面睇，一面呷啖茶食個包，就這樣過了一個舒暢的早上！這裏的點心不用多介紹，鳳城的出品都有一定水準，最抵食的是盅飯和粥，兩者均屬小點（$11)，其餘中點($15)大點($18)特點($22)茶位($8)，價錢不算平宜，但勝在上菜快，招呼又周到！

食過好幾次, average 都唔錯. 炸子雞皮脆肉嫩, 桂魚卷也好, 不過小女子較喜歡炸香魚骨, 蝦多士好香口, but quite oily gar果汁牛柳肉軟滑, ok wor.尋龍魚也很正, 有D軟骨咬下焗蓮蓉布甸很香滑, 一層層, 超正!

今日同亞媽來飲茶，12點無乜人，3 個人叫咗6個點心及一個雞肶飯。整體都不錯，但係义燒包就幾細隻，個人喜歡大隻嗰啲。雞肶比較鹹同乾身。亞媽話可能係昨晚整定同天氣熱要落多啲鹽。覺得佢地啲腸粉好滑，牛栢葉唔覺得有梘水味。埋單160蚊，都幾抵，而且坐得唔迫，又唔嘈。如果12點前埋單或者係下午茶仲可以平啲。星期六、日或者係假期都唔係咁易搵位，今日咁啱放假先唔使同人迫。

今日boss Amelia 請飲茶, sammy 一早就話間野唔野小, 同"滿貫" 級數無異! 未去前就已經好期待...... LUNCH TIME 一到, AMELIA 帶領大隊出發, 行到門口見到缸嚇死人唔償命的鱘龍魚, 就知呢間酒樓非同凡響! AMY 一早到左為我地叫左點心, 十八籠點心無一失準, 籠籠都有返0甘上下水準, 尤其呢幾款:1. 蝦餃: 圓碌碌既造型唔同其他酒樓, 蝦夠大隻, 好鮮甜兼彈牙, 丁點雪味都無, 一流!2. 叉燒包: 面皮好鬆軟, 內餡夠味夠水分, 唔似一般行貨叉燒包, 叉燒一D都唔乾.3. 笎茜餃: 絕對係驚喜之作!原本以為係潮州粉果, 一口咬落去, 又香又冶味, 只不過油多左些少. 4. 瑤柱海鮮炒飯: 賣相好靓, 味道都好香, AMELIA 都讚:"好難得, 飯可以炒到一粒粒!" 又真係間唔到兩粒飯黏埋一起喔, 好神奇呀....5. 芒果焗西米布甸: AMY 推介之選, 芒果味不重, 以致芒果怕怕既SAMMY 都淺嚐一番. 最值得讚既係唔算太甜, 有西米的布甸零舍有層次感, 口感好好! 食到大家最後點名打包! 幾勁!好滿足的一餐! 都係A

本來想去泉章居，因為要等二十張細枱，阿女又話肚餓，所以至來。這裹成七點都未坐滿，都心中有數。食物OK，招呼重唔及得泉章居(泉章居都已經冇招呼，咁你話呢)坐位太密，價錢拍得住翠園(不過大碟啲)。上菜速度參差，不過都喺慢，第一碟炸子鷄要十五分鐘到，第二碟漁湯腐波浸莧菜要二十分鐘，第三碟崧子炒蝦仁就勁啦，等咗四十分鐘，重要催先來。味道OK，冇驚喜，不過見漁湯腐波浸莧菜只得幾片腐皮，但隔離枱就成個碟舖到滿瀉。唔覺有禁煙區，門口又冇Label話不設禁煙區，好彩只有一枱人食煙。冷氣十分凍，阿女走時成個冰小咁。廁所更加雪房。

上星期五同朋友共５人，每人約１８８元，不是太便宜，order 了一個套餐，食物一般，沒有驚喜．炸子雞～幾好味，皮卜卜脆西芹炒斑球～斑塊很少糖水～合桃糊～幾好味竹絲雞湯～一般不過服務有待改善，部長不斷迫我們吃蒸魚，要我們將糖水加錢轉西米露，想趁我們不發現，經常問”係咪西米露未黎”，誤導兼都幾奸．食物來得很快，成日走黎，好似有點催促成份．坐位都幾迫．未去過可以試下，但我就唔會再去．

菜單選擇少, 價錢雖然不貴, 但食物完全沒有驚喜, 只麻麻地好食~ 服務態度唔掂, 有待改善!! 沒有理由要再去幫襯, 真係食唔過, 失望!

前幾天午飯,經過這間酒樓, 見冇人等位,於是走了入去,我地一行5人被安排坐在樓上,點的食物都很普通,但是都不錯了,尤其果個湯浸油角,環境方面因為係新裝修，都幾新正,不過冷氣真的好凍呢

之前已經好想試，松竹樓個場咁好都唔做，入得場都應該唔少野，唔係跑馬地班阿公阿婆阿太醫生律師點會，況且「鳳城」雖然唔係正宗間，個都唔細。唉！希望愈大，下句一定係失望愈大。星期六1點去到，人頭湧湧係門口等籌，唯有食2點下午茶個輪。裝修幾靚，中國式，都叫做新呀嘛，但係感覺有些迫。伙記少，想搵人沖水就要講命水，坐正門口收銀位，都要等勤力部長行過、得閒、睇到先得，門口著灰衫幾位姐姐仔完全按章工作，靜係叫你等陣，真係唔知呢個係咩陣。講返食，下午茶其實只係平$3，即係本來$15，依家$12，唔算好平，頂點要$25-30 tim。點心紙上面款式唔算多。試炸粉果，都應該叫做招牌點心，完全唔得，皮好粉，炸完都好散，唔知師傅有冇用力搓。OK，再試蒸粉果，都唔掂，我完全睇唔到食唔出係咩餡，黑mun mun，好肉酸。廣州出名腸粉，但係鳳城的腸粉一都唔滑，厚！粉！好多酒家仔大排檔甚至海皇都好過佢。無記錯的話，好少酒家會將燒賣同蝦餃一齊做特點，叫一籠試下，簡直笨，無特別，普通過普通，求求其4粒豬肉收你二、三十蚊，無蝦，有肥肉。較好反而係千層糕，唔太甜。但已經信心全失。我試過明珠廣埸間鳳城，是另一回事，唔知老細同唔同

13個人叫左一個set...有:炸子雞...炒鮮奶...鍋貼大明蝦...野雞卷...生菜鵪鶉崧等等...另外叫左千層肉...糯米飯& 鳳城炒飯...野食味道好好....最鐘意果個鍋貼大明蝦....炸得好香脆.....而且等得唔算耐....但係呢度真係太逼啦....隔離檯講乜都聽到哂...而且多轉彎位...好多時想叫D侍應都冇人睇到....加上樓底極矮....感覺局促....食完都唔想坐多陣....埋單$1125...P.S. 要去toilet 勁麻煩..又逼又窄...考我D縮骨功....P.S. 就食物而言..可以比個笑樣佢..但係坐得真係唔舒服...想比個喊樣佢...結果... 中立

在新年前後，共去了三間鳳城(禮頓、百德新街及上環)共四次，禮頓這間去多一次是因為要遷就朋友拍車，並不是說這裡特別好食。幾次去都是飲早茶，叫的都是差不多的東西。每次同樣都有叫灌湯餃，如果以餡料多寡，覺得百德新街略勝，素翅落得最多，但以湯汁計，又以上環優勝，而這間禮頓分店，相對之下稍遜。有驚喜的，反而在禮頓食的焗西米布甸，這裡沒有像上環可以一客散叫的，反而只得整盤上的，份量供六、七人，剛好岩晒我地。這裡是即焗的，準時半個鐘起貨，送出來熱辣辣，面頭微微焗焦，裡層的白蓮蓉分佈得相當平均，整個布甸食落幾有層次感，唯一美中不足的雖然說加了芒果，但芒果味卻稍稍缺乏。這裡分兩層，樓下的一層面積較細，而樓上的一層感覺樓底較矮，的確有點壓迫感，但飲下茶又冇乜所謂的。P.S. 相片是上環鳳城的一客焗西米布甸

昨天嫲嫲生日,因老人家喜歡,一家人便來吃飯. 我們6:00pm 到達, 當時可能少大人, 沒有開冷氣, 很悶熱..., 雖然後來開了,但冷氣始終不夠...樓底很低, 老外一定不會來,因要低頭走...我們總共13人, 叫了一個12人餐, $1880. 有原隻雞鮑魚翅,乳豬拼盆, 魚湯浸時蔬, 生菜鵪鶉崧, 大良鮮奶拼野雞卷, 大明蝦窩貼, 炸子雞, 時菜桂花卷, 鳳城炒飯, 鴛鴦粉果,生磨合桃露, 生果盤,壽包. 外加一個自買的蛋糕.鮑魚翅不錯,每人有一隻鮑魚翅.=)乳豬拼盆份量很少, 叉燒一人也吃不到一塊...魚湯浸時蔬沒有魚味..., 時蔬是豆苗.生菜鵪鶉崧,因不常吃鵪鶉, 并不清楚鵪鶉的味道, 個人覺得很像豬肉...像生菜包.=) 但我喜歡.大良鮮奶拼野雞卷, 大良鮮奶是炒蛋白,頗鹹...野雞卷是油泡的... =(大明蝦窩貼也是.... =(炸子雞皮脆肉滑, 很好吃! =)時菜桂花卷,鳳城炒飯,鴛鴦粉果一般.生磨合桃露很香! =)但也很甜. 生果盤太少....但壽包不錯!!總括而言, 炸的東西都是泡油的, 很肥膩!!服務十分麻麻, 黑口黑面不在話下, 那裡的侍應總是想收碟... 蛋

終於可以來飲茶拉.和媽媽細佬三個人,一口氣叫了14碟點心.有牛肉球,灌湯餃,其他的相片己影低.炸品如芋角,咸水角,不是即炸的,很失望.蒸的比較好,尤其魚湯腐皮卷及花膠魚肚.灌湯餃我也吃了兩隻.一家人閒話家常,多一點了解,多一份關懷.不知不覺就把點心掃光.

曾聽聞呢度起菜超慢，可能係叫套餐關係，晚飯高峰時間，40分鐘內已經可以全部菜上晒(12人餐)，但係等甜品就三催四請之下，都要等成20分鐘，心諗呢餐好彩叫套餐，如果散叫，可能三個鐘都未搞掂。食物質素幾好，好過渣華道間好多，裝收可以，不過間格唔好，一樓樓底好矮，好有壓迫感，最大問題密到離晒譜，基本上路只係夠一個人行，肥人或者大肚婆千萬唔好，隨時坐都坐唔落，其實好生意還好生意，密到咁樣，如果大吉利是發生火警話，客邊度走得到？今次環境分得一分，因為實在太迫。

1. Waiting while watching the kitchen staffs killing the fish is fun. However, they should watch out for the hygiene.2. The restaurant is over-packed with customers that waiters with a large trolley of dirty chinawares can't pass through except with the help of nearby clients standing up to make up some space.3. Never ask waiters to help you open the wine. I saw them holding the red wine upside down and shake it behind the guess.4. Bad communication among the staff: common for senior waiters sho