鳳城酒家 (禮頓道)

營業中

休息中

除了百德新街, 其他每間鳳城都去過, 平均1-2個月總有一次. 此分店於12月6日開張, 今日是20日, 半新不舊, 但今次幫襯經驗是咁多次之中最恐怖一次!恐怖一, 不衛生, 門口等位處有6張椅, 後面竟然在魚, 血淋淋...恐怖二, 知客唔醒目, 雖然已訂位, 都要等一陣. ok, 我預左, 唔緊要, 點知個知客好唔專業, 差d將一張中檯比左遲我20分鐘來的6位(我地4位已等了30分鐘). 只因我企o係佢隔離講:"喂, 我地呢度呢4位, 等左好~耐~" 有個有經驗d o既captain就即刻比檯我.恐怖三, 客人嚴重超額. 下層咁細坐50-60人, 樓上咁矮樓底坐over100人. 我冇見過平時一張10人檯的位置, 係放4張4人檯. d椅背又高, 人人貼住坐, 侍應完全行唔到, 好多路都block哂, 如果有火災就大鑊. 而且今日係星期一咋.恐怖四, 人手不足. 放低個翅, 分幾鐘都冇人得閒分, 要不停提醒人來. 恐怖五, order一個炒飯, 等了over 1小時, 催了又催都話整緊. 當我地成個四人餐, 4個"送"都食完時, 竟然有個阿姐話:"對唔住, 個飯炒左, 要重新炒過"

香港0既第五間鳳城0係個多星期前開左喇，佢係上環鳳城0既分店，係松竹樓舊址。0係附近返工0既我，急不及待要約同事去試試呢間新野﹗9個人，好彩一早訂左位，如果唔係有排等。裝潢係比松竹樓靚左好多，但樓底仍然好矮，好彩都唔算好嘈，尚可。呢度0既灌湯餃係壞舊款，係餃包湯的，一籠兩隻，所以叫左五籠，一人起碼試到一隻。叫左好多款點心，大致水準唔錯，但因為去過上環0個個，試過個高湯炸粉果，比較之下就上環的好味好多，至少熱d。呢度唯一唔好就係好慢，做乜都好慢，漏單催左好多次都無人理，搞到本來落左個蓮蓉西米焗布甸都無得食﹗激死﹗下次都係一早拎定點心紙，揀到晒食乜，三個字唔到就即催佢穩陣。