鳳城酒家 (禮頓道)

營業中

休息中

係銅鑼灣shopping完, 阿媽話想去飲茶, 咪行去禮頓道鳳城, 時間剛好過咗2點, 有下午茶時段, 所有點心特價, 我同阿媽兩個人叫咗8個點心, 理單都係80幾蚊, 勁低!雖然點心半價, 但沒有偷工減料, 份量一樣, 重幾好味添! 尤其是煎魚餅, 脆口彈牙, 唔錯。另外, 阿媽話水仙茶都好濃香, 我話ok啦。

(13/5/07)book左1:00,同老公十二點零到,只需等15分鐘就有得入座。見到點心紙,因為母親節各加一蚊。鵝肝醬咸水角,一點鵝肝醬味都沒有,幸好咸水角皮脆。雞球大包,只食了皮,麻麻,見到有雞翼o係裡面。高湯炸粉菓,炸得太勁,潮江春的較好。酥炸小欖鯪魚球,無驚喜。手拉滑腸粉,軟熟得黎,在口中有彈下彈下感覺,介紹給,非喜歡食"水晶皮"的朋友。蝦餃皇,很爽甜,可一吃。姊姊極力推介的炸子雞,只屬普通貨,o係其他食店可食到更好o羅。等左好耐好耐的,紫金醬牛孖根,勁勁正!超難得食到唔韌、唔過腍、唔一pet槳,既牛孖根。侍應都話點心全部,即叫即蒸,所以好靚架。今次點都要食,聞名的焗西米布甸(細$78)!一向喜歡美心酒樓的焗西米布甸,豆沙餡,很夾味。而這裡用吉士餡,但係好滑又唔甜,最緊要唔漏麻,成為我的No.1布甸。p.s.奇怪,一點半左右已無人等位,仲有吉枱添。

以往只係去過北角同太子的鳳城正店食晚飯今日係首次去鳳城集團旗下的食店係銅鑼灣上堂難得有同事提議先攞位去鳳城飲茶當然要奉陪一次個叫左廿幾個點心味道都算ok 但要數有什麼特別好食又寫唔出最重要係今餐老闆埋單真係要係度多謝佢先

係呢度食晚飯，晚晚都咁多人的。坐位都好迫。但係都會一再黎的。爸媽喜愛呢度的食物，無法。有一味，一定要介紹，就係煎覺焗鱘龍，真係好好味。師傅將鱘龍煎香，再用豉油薑荵等係砂鍋度焗，咁就得喇。d鱘龍好香，好彈牙，好好味。此外，我好鐘意呢度的鵪鶉鬆。其他地方食唔到。好好味，配生菜一起食，口感一流。

傳聞年前有名球迷,入大球場睇皇馬比賽,時間尚早,到松竹樓飲茶,閒談期間得知松竹樓不想做下去,此名球迷興之所致,買下此舖位,轉租給鳳城.這段軼事是否屬實就無人去証實,反正今日的鳳城,比當年松竹樓人氣更盛,這是事實.如果自己拿主意,一定唔會去此間"偽鳳城".只係以一敵三,唯有順應民意吧.不出所料,平日晚市,沒有訂位真的要等,友人堅持之下,我唯有去利舞台打個圈先.拿住菜單,點回小弟常吃的幾味順德菜吧.有人要吃燒味,就來個例牌乳豬拼生腸,乳豬幾鬆化,底下的生腸肥美,但沒甚味道.蝦多士太油淋淋,席上其中一名友人,吃罷半件放下.個人覺得,此味做得沒有太子老店般乾身.大良炒鮮奶,炒得過佬,面頭的松子,反而吃得不亦樂乎.鳳凰野雞卷,細粒到無啖好食.同得龍差十萬八千里.炸粉果算是全夜多味菜式之中,最好的一味.外層粉果皮炸得鬆化,餡料很鮮.兩派鳳城,一吃就知龍與鳳.如果想吃得穩陣,去太子正店吧,除此間和北角渣華道店外,其他屬鳳城飲食集團下的鳳城酒家,只是分拆出來的掛羊頭店.如果食物水準真係掂的話,就唔會請埋些三流model仔,在電視上替其賣廣告.多年來,你地有無見過鏞記,Amigo等賣過廣告?

食物好貴, 一條淡水魚(好聽d就叫河鮮)要成300, 我不如食東星好過. 普通小菜都要成$80. 食物水準一般. 不過環境幾好, 靜靜地. 服務都不太差既.

記得好細个時成日去鳳城。大个咗都好耐冇去過，特然有朋友話去食晚飯，再去已是八年後了！八年之後再食，價錢貴咗好多，食物差咗，裝修無變，服務好一般，D嘢好油，整體感党唔太好！兒時既好image無哂:<今時今日做生意要與時並進先得架！

今日大約十點同經理黎左，諗住飲個早茶之後先去迎接呢個忙碌既星期六。去左銅鑼灣比較有歷史既鳳城茶樓嘆一盅兩件，去到坐底就發現好有壓迫感，因為果度樓底好矮，坐得吾舒服。第一樣出場既係蛋撻仔（竟然會係食甜野先），都可以既呢個；之後係腸粉同排骨飯，個腸粉好滑，而個飯就好有排骨既香味，不過就無俾豉油囉。（都吾明點會上呢兩樣先，搞到飽左一大半）之後有醃過籠又超有胡椒粉味既牛柏葉，無湯既灌湯餃，不過有一個奶皇卷（好好食架）。最後出場係雞扎，不過吾知點解會有叉燒，重要最好食同入味既魚肚竟然會吾熟同無味。真係好失望，應該無機會再見喇。

深夜的豪雨被迫濟留通一頂，竹戰也該有個定局。當眾人議論紛紛，究竟要吃大家樂、茶餐廳還是乾脆回家，到了十字路的關頭，朋友C急急彈出了鳳城的名字，一致讚成飲茶去。可能是平日朝早，加上剛停雨，地下也是只是四五檯，閣樓更是人煙稀少。五人要了數樣點心，特價點心低至$5.8起。柴魚花生粥、梅菜豬頸肉飯、莧菜餃、玉子豆腐及叉燒包。粥與蒸包一向不是我所好，所以沒有吃，個盅飯算是不過不失，硬是覺得梅菜配豬頸肉很怪似的，莧菜餃皮薄餡靚，皮做得夠煙靱，玉子豆腐也很滑，有水準。五個人AA也不過17元埋單平過一個正正經經的早餐。

今天一行六人食午餐，ｄ野好食，兩點入坐有ｄｉｓｃｏｕｎｔ。　坐到四點半ｄ侍應生都好好服務，比完錢坐多３０分鐘，服務一流

晚飯要同老公屋企人食飯作為生日慶祝活動之一，下午Angelini果餐都未落格，加上見到呢度迫到咁，我已經冇ｍｕｄ胃口.５個大人order左例牌會叫的雞燉翅(半隻)、松子蝦仁、上湯豆苗、紅燒豆腐、炒尋龍魚同大良雞卷。翅好少，只可當雞湯飲，其他５個小菜just so so,上湯豆苗好多油,尋龍魚又係好多油, 但就幾新鮮好味。呢度咁迫又唔係太好食，去泉章居好過，起碼平d！

老人家生日, 今晚在這裡吃飯...工作關係...到達時已經吃了炒鮮奶, 燒腩肉, 炸鮮奶.....涼了...全不好吃炸蜰鉗...好大個...好味8寶鴨..ok帶子炒xx..不夠味....too bad,,..it"s simple dish!清炒豆苗..ok雞球麵....d 麵勁林...bad壽飽..ok..起碼夠熱2支啤酒12人共$2340沒有熱情服務...算了..反正吃得起!!

一行十人,目的是為兩朋友慶祝生日,都是慕名而來,叫了1個8人套餐$1188+1小吃(炸鮮奶)+2隻餃子明大蝦,埋單一共$1520<環境> 較狹窄,沒有特別裝修<食物> 一般,沒有多大驚喜,唯脆皮雞較出色,而推介的炸鮮奶較泉章居遜色套餐:雞燉翅+餃子明大蝦+鱸魚鍋+脆皮雞+京蔥炒海蔘+時菜+炒飯+糖水+生果盆另加:招牌炸鮮奶<服務> 跟泉章居一樣,都不是太好,沒有再幫襯的念頭

之前與親友吃過飯, 又飲過下午茶, 今晚再和老爸媽子再來.先來個例牌爽脆生腸, 生腸肉厚又爽又冇朕味, 不錯.大良炒鮮奶都有奶味, 凍左就冇咁好.椒絲腐乳唐生菜, 鑊氣唔夠, 明顯和權發比下去, 好似灼熟的菜倒的腐乳落去, 味道還過得去.味菜炒雞片俾媽子彈雞多過味菜, 的味菜真係咁貴???粉絲什菜煲都不過不失; 好多食客點的炸子雞係就係炸子雞, 皮脆肉嫩, 不過碟底同表面既油就多到...埋單又係五百倒, 論食物我會去權發翻炒.如果黎我覺得飲下午茶會好dp.s.樓底超低, 幸好我沒有撞過頭.

今年中秋去咗特首食淡水魚果間鋪(謝斐道),先頭感覺可能會好貴但一睇菜牌D餸價錢都平而地方又清潔.....我哋叫咗個餐12位用都係$888, 先頭想今晚唔夠飽要食公仔麵添, 但食咗四五味餸我哋都飽最後要打包走添.....聽聞佢地因為業主加成2倍租佢地做到10月尾關門添....如果想去食就快D....