鳳城酒家

營業中

休息中

昨晚Auntie請食飯，選址北角鳳城，有點擔心他漂浮不定的出品質素。甫到埗上二樓，見整個場只是半滿，心裡想應該今晚能吃到好吃的鳳城。除了預訂了的西米焗布甸，其他的都是到了才寫。點了蝦多士，一盅小的雞燉趐，瑤柱扒荳苗，一碟生腸，一碟义燒，一隻炸子雞還有一碟芥蘭炒斑球。先來雞燉趐，小的一盅剛好分五個湯碗，湯夠熱夠濃，我分得的趐不多，但三百一十蚊一盅我覺得物有所值。再來蝦多士，金黄色賣相吸引，蝦的份量如果能少三份一會比較好。席上討論不同地方不同的做法，但都認同這裡的做得很不錯，但如果怕油膩或不是趁熱食，就會大打折扣。炸子雞，跟我印象中的分別不大，皮脆，肉也算嫰，但Auntie覺得沒甚雞味。特別值得一提的是哪碟义燒，夠熱，肥瘦三折分開，三十五蚊一碟十分難得。生腸，芥蘭炒斑球和瑤柱扒荳苗不過不失，無須太多描繪但亦不會投訴，吃得開心（其實斑球是很鮮很好吃的，但是這道菜是後來添加的，所以印象不算太深）。最後的甜品是訂好了的西米焗布甸，這是我兒時最喜歡的甜品。端上來的時候夠熱，但布甸皮80巴仙的面積都燒焦了，理想的應該20巴仙scatter就最好。大家也認為面的蓮蓉太多太甜，令整盤最後剩下大量皮和蓮

繼鹿鳴春之一役後,小弟下一個大局,就在北角鳳城酒家,論順德菜年資,鳳城可話是數一數二.不會去刻意強調以食行先,大家既然在開飯結緣,相信大家也是為食之仕.所以美食當前,自然一擁而上.是次大局人數擁躍,超過五十人之數.店方一早為我們在大龍鳳禮堂內,間起一間房擺四圍.這次雖然在開飯網公開報名,算是開飯內其中之一個大局,但由訂位到寫菜期間,也沒有說明來意.一樣大陣仗到連長駐太子店的主理人,這夜也過來監場.不懂去做門面功夫,沒有去刻意營做的自製菜單,只有一張睇到眼花的手寫菜單.大約也看到這一役的陣容.鳳城的乳豬一向出色,生腸更出色.加海蜇,金錢雞來作頭盤.月前在太子店吃到沒有冰肉的金錢雞,寫菜時同經理千叮萬囑要重手一點.今次的金錢雞,冰肉固然有,但不夠厚同肥.雞肝就甘香,肥叉再肥一點就差不多.乳豬不用多說,豬皮香脆鬆化,生腸爽口,點芥辣吃是完美.跟住上的鵪鶉鬆生菜包,刀功不錯,鵪鶉剁得幼細,加上松子令到口感強一點,塗些甜醬,用生菜片包住吃,是一貫的吃法.市面近乎絕跡的金錢蟹盒,全港差不多好像得鳳城才吃到.蟹盒外層用肥豬肉,包住豬肉同蟹肉來炸.炸過的外層極為酥化,但頗油膩.一人一件剛剛好.另外金錢

北角鳳城 - 招牌菜.....冇得畀你食"鳳城"分店不少,常聽說北角鳳城是非一般的鳳城, 果然名不虛傳.......上星期我們一行十多人滿心歡喜專程去品嚐佢著名的招牌菜，卻換來失望與反感。一打開餐牌已深感不妙, 唔係"化", 八寶糯米鴨, 原條釀鯪魚, 金錢雞, 大良炒鮮奶, 百花釀蟹鉗, 蓮蓉西米焗布甸等接近十款的所謂的招牌菜, 通通都要一天甚至兩天前預訂。個姐姐係咁叫我地食鳳城四寶之雞湯翅同炸子雞, 等我Pizza姐自以為充滿誠意的一星期前已至電預先訂位, 為何聽電話的陳小姐卻沒有提點客人是否需要訂菜。當晚失望之餘仲淋深體會到老店的囂張: 1) 沒有什麼服務可言, 態度惡劣: 2) 侍應同我地講: 其他地方都有得食 (有趕客之意)3) 侍應同我地講: 唔關我事, 唔係我接電話; (深信你接電話都一樣,因你曾有以下之說)4) 侍應同我地講: 我地唔會主動提, 不過你問會講; 5) 侍應同我地講: 要預訂的菜單已放於大堂供客取閱; 6) 侍應同我地講: 如果係熟客都知要訂菜 (即係生客永遠都要唔知要訂菜啦)我真的錯了, 亳無誠意的致電訂位, 而非親臨此寶號取閱菜單, 訂位, 詢問, 訂

早前去飲茶已發覺水準下降, 諗住晚飯係唔同師傅, 所以選擇去食做冬, 點知....當晚一坐低就發覺唔對路, 因為枱上menu 只有幾樣野食, 正常 menu 已收起, 好, 即係迫住要食貴野啦~我地迫於無奈地叫左: 1) 炸子雞: 得d皮係脆, 雞肉白lai sai, 冇利文味, 仲衰過KFC! 食落d 雞肉仲有血水, 半邊雞收$100, 你冇野呀?!!!! 2) 鍋貼蝦: 基本上係蝦多士, 冇利文味, 萬年油出品, 凍冰冰, d 面包淋 bat bat, 浸滿了油, 超難食!3) 鵪鶉菘: 呢個都過得去. 除了一大堆疑似鵪鶉肉, 加埋d 唔知係咩外, 生菜係唔夠~4) 白飯: 最初叫了2 個飯, 等了 n 世都唔黎, 所以咪叫多次. 到我地差唔多埋單時, 最初叫果兩個白飯先蒲頭!!! 到最後埋單勒: 佢地竟然計我四個白飯 唉, 你地咁欠缺溝通, 叫我點再幫襯你地呀?!

最近愛上呢間酒樓﹐o黎o左好多次飲早茶﹐要早D來先有位﹐一定要搭抬﹗佢地o既灌湯餃我次次都要食兩籠﹐而老公就最鐘意百花釀魚肚牛肉腸份-我覺得好食過好多酒樓馬拉糕-好普通﹐不一定要叫蝦餃-還不錯叉燒腸粉-第一次食好味D﹐第二次D叉燒好鞋蓮蓉飽-呢個真係好味鳳城蒸粉粿-普通鳳城炸粉粿-老公覺得好難食﹐我覺得普通蝦腸粉-可能食o左灌躺餃所以o吾覺得呢個特別好食煎腸粉-非常之o吾好食(但系幾多人O益)蒸蘿蔔糕-不錯四寶雞扎-老公說不怎麼好食炸饅頭-大小不一(老公說大一點的比較好味道)對於環境和服務你就真的不要要求那麼多﹗ 太早去O既話要自己沖茶﹗

同朋友慶祝生日, 所以就黎左食 lunch生菜包, 幾好食, 剩低 d 料無生菜, 侍應大方免費加生菜魚肚羹, 十分多魚肚, 用料十足, 不錯鍋貼明蝦, 很香口, 啖啖蝦肉, 唔錯仲有數籠點心, 不過主角還是小菜有機會再黎食過

鳳城的老舖，自己也去過幾次，主要以晚飯為主，也試過一次早茶品茗，而今次朋友還為這飯局，預訂了幾款特式菜，都是屬於順德大良的風味。先來的燒味拼盤、其生腸、乳豬皮和海哲頭，這些招牌東西，固然造得有不錯，不過怎也不及追加上去的金錢雞，一塊肥(冰)肉、加一塊瘦叉，再夾上一塊雞肝，集三種口感和味道集於一身，味道上沒有新蒲崗的「得龍」那麼甜漏。例牌上都是說這些高膽固醇東西，少吃為妙，對我們一眾老饕食友，也例牌一句「膽固醇萬歲」作回應。招牌的炸子雞，仍維持一貫水準，皮脆肉嫩，至於釀鯪魚，有別於乾煎的作法，拆肉打成膠狀再釀入魚身後，煎至半熟後，再打了一個芡汁來煮熟，又是另一番的滋味。今水的的鵪鬆生菜包也弄得好吃，炒得乾身，而生菜也爽口，伴上海鮮甜醬，不自覺地吃了多件。順德的魚肚羹沒有勾上厚芡，口感比較淡，不過內裡十分足料，除有魚肚外，也加了炸米及芫茜，味道也不錯。再來一個蟹肉扒菜膽，令清淡的時蔬中多了一點鮮味，至於另一道桂花炒瑤柱，說實在的，印象較一般了。今次點了多款炸物，例牌的蝦多士和上湯炸粉果，和以前吃過的味道作比較，仍是相差無幾。少吃到的是古法的「金錢蟹盒」，用上類似雲吞皮的東西，包上蔬菜和蟹肉

夜了才吃晚餐, 所以飯店的客人不多.....店員介紹了招牌炸子雞 (半隻), 鍋貼明蝦 (蝦多士) , 蟹肉扒豆苗豆苗好嫰, 勁多蟹肉, 好鮮味. 蝦多士預左油膩因為係炸....但十分香脆, 比想像中無咁油. 蝦好爽. 炸子雞皮脆到不得了, 不肥, 係近期食的最好味既....肉一點都不韌店員服務好, 食物好味....下次會再來

3-11-2008又一行勁多人0黎掃場, 多謝食友 P 的安排!- 先0黎併盤: 有鹵生腸, 金錢雞, 海蜇及乳豬, ie「膽固醇萬歲」菜色 金錢雞係蜜餞的一「疊」叉燒, 雞肝及一小塊肥 (係咪叫「冰肉」?), 比得龍的 (http://www.openrice.com/restaurant/commentdetail.htm?commentid=1912441) 少一塊薑, 食落粉粉糯糯, 味道甘香又甜甜的, 好食; 海蜇十分爽口, 不過我覺得太鹹; 乳豬燒得熱辣辣, 皮極脆, 肉嫩又 juicy, 正; 不過最掂係生腸, 雖然賣相同肥媽的 (http://www.openrice.com/restaurant/commentdetail.htm?commentid=1895712) 差不多, 橙色「人造」得嚇人, 不過食落極爽口, sok sok 聲的, 而且好入味, 十分鮮甜, 好好食!- 鵪鶉鬆生菜包: 生菜好新鮮, 鵪鶉鬆混了唔少松子仁, 夠味, 唔會好鹹, 配上生菜包及少少甜甜0地的疑似烤鴨醬 (?), 惹味又幾清新.- 金錢蟹盒: 賣相十足 UFO, 炸得好脆,

鹿記過後~又一大禮堂之約~北角鳳城的名物早就視為must try item~滿有期待的~連開四圍~各散東西~你吵我鬧~很是盡興~想吃炸蟹鉗..也想吃炒鮮奶..但是夜已訂好的菜單好像是沒有的...是夜的流水菜單~~不乏煎炸油膩膽固醇萬歲 全是我的天敵.......還看大比的無私精神~全晚最討好的...是酸菜....雖然酸得有點膚淺...很嗆喉..但對我胃口. ..最愛青瓜也海蜇生腸乳豬大戰金錢雞.. 粗條狀海蜇滿得M歡心~生腸較un ~~金錢雞交由大比主理..再來鵪鶉鬆生菜包..生菜塊塊工整...鵪鶉鬆亦見不錯..咸度適中..加入菜甫... 喜歡那粒粒咬口~包著吃一口...加上點點甜醬..再吃..又不同金錢蟹盒....金玉在其內...敗在其外...極油..鳳城的炸物應當如此?順德魚肚羹~比想像中的''羹''定義為稀.芫荽極多...千挑萬選..吃不中芫荽的一口..都算幾rich~炸子雞來也~炸得皮極脆又不失嫩滑的肉地 貪心的挑了外皮較多的雞翼部份..薄得透光的外皮..翼尖也可一口不剩的全吞了煎釀鯪魚....前一回在蓮香吃過...找不著其特別之處....是夜也有...也不太 抱期望吃...我

睇完網友推介後，先知道原來我有好多野都未試過，今次就叫Ｄ完全唔同的點心～灌湯餃：即使係早餐時段，灌湯餃都要$22，唔特價，原來係用最傳統的做法做的！用個鐵托托住，唔係用水浸住，係包住水，有Ｄ似港式小籠包呀！水唔多，但係包皮幾實，唔會漏水，內面Ｄ肉好新鮮，無怪味，仲有好多蝦添呀！好好味！但係$22兩隻真係有少少貴，我諗都係試一次算喇百花釀魚肚：魚肚好老，好乾好韌，百花係墨魚丸，幾彈牙，但係同魚肚無乜關係咁，係鳳城最難食的點心糯米雞：唔係珍珠雞，係大大隻的，好多餡呢，有成舊叉燒同雞翼，好好味，飯有荷香，黏身唔乾，好好味！蓮蓉包：除左蓮香外，最好味的蓮蓉包！餡好滑，唔會甜到漏，有成半個蛋黃，食一個就好滿足喇！馬拉糕：我覺得唔特別好食，好乾身，無乜味，只係食黎懷下舊，因為好耐無見過原個大馬拉糕喇！蝦餃：好大件，原隻蝦，又新鮮，無怪味，皮薄之餘又彈牙，係咁多茶樓之中最味的蝦餃！唔想去蓮香同人迫個陣近近地去鳳城都係一個唔錯的選擇架！伙計都係有Ｄ寸，但係比蓮香客氣好多，只係會成日話＂我唔知喎＂同掛住睇股票心不在焉姐！

此老牌洒家雖然近年開咗唔少同名分店但始終都係以太子同北角呢兩間最正宗,是日下午嚟到已經2時半,一入去樓不櫃面阿姐已經講話收3點不過仲可以叫點心,呢度無下午茶但早晨就有優惠時段由9點至11點,大,中,小點同價.坐落即刻叫點心,食咗义燒包,一籠兩個,饀料足,好大舊义燒,蓮茸包又係一籠兩個,都係蓮茸饀靚,但係個D包就比較粗鞋,馬拉糕就好正宗,唔係時下好多酒樓個D雞旦糕可比,爽肚夠爽又好大碟,最後隻糯米雞原來好大隻,饀料唔算多只有雞翼,义燒等但係好好味,呢度D點心係一次過嚟晒証明真係即叫即蒸,味道懷舊,完全係兒時味道,食得好飽又滿足.

細細個已經好鍾意去鳳城飲茶,所以應該要為佢寫返遍食評0既鳳城係好傳統0既茶樓,點心種類好少,唔好期望佢會有咩花式,佢0既好處係傳統點心做得好味而且足料,永遠serve出黎都係熱辣辣冒晒煙馬拉糕:鍾意佢唔係切開細細舊,而係傳統0既一大舊,不過味道一般,蓮香樓會好味D,但係近近地懷下舊都係一個唔錯0既選擇蓮蓉包:好大個,D蓮蓉好滑,無沙,唔會太甜,仲有蛋黃,非常好味叉燒酥:好鬆化,永遠都係熱熱地,叉燒都夠多,好好味!叉燒包:好足料,包好軟熟,整開會冒煙,叉燒半肥瘦,好正!蝦餃:話晒都係招牌,蝦真係好大隻,好抵食!腸粉:我通常都係早茶最後的時段先去,所以那個時候好多時都無腸粉,想食就要早D去/等正價時間去,腸粉好滑好多料糯米雞:係懷舊的,好大舊好多料,D飯唔會太濕滴晒水佢仲有蛋白燉蛋,但係質素就麻麻,我咁鍾意食燉蛋0既人都好少食(次次都係Daddy幫我叫,我先會因為唔想hurt佢所以食)以前就會成日食炸饅頭,佢炸得好香,金黃色,見到都開胃!不過服務態度就認真唔得,伙計都唔啋人,問佢點解咁耐都未有點心黎,佢居然可以答你"我唔知喎!",真係激氣D傳統酒樓就係咁,野食得服務唔得...睇黎無野係可以

坦白說，小時候的自己對於到酒樓"飲茶"，都只限於那隻美味的蝦餃、"菲林卷"、椒鹽魷魚鬚、焗西米布甸、灌湯餃而已﹔除此之外，心中總不明白父母為什麼能花上數小時在茶樓閒坐著，不過到了自己獨立出來之後，也就漸漸愛上這個"玩意"。久聞北角鳳城還可嚐到正宗的灌湯餃，還記得以前的時候，這個點心完全只有大人才可以吃，心中難免有點不憤。 即使一會要趕回去灣仔的動漫節，但也絕不會放過這次機會。還好其中一位食友 - 高達提早致電給我，否則便要遲到三十分鐘以上了，只因為自己錯記了會面時間.....雖然有點急趕，但是總算是在應約時間遲了十分鐘後到達。看到店內十分熱鬧，人雖多但不算嘈吵，感覺比一般的茶樓來得舒服，實是不錯。坐下後已急不及待拿點心紙來看，大筆一劃，除點了兩籠灌湯餃之外，還點了一些必食的心水點心。等了一會，數籠點心首先"彈出":<<鮮蝦腐皮卷>>真正的皮脆肉滑，腐皮經油炸之後變得脆口鬆化，而內裡的蝦腸則爽甜鮮滑，混入了一點點的馬蹄粒，口感上的層次感增加了不少。<<上湯炸粉菓>>不論炸的火候和餡料，都比陸羽的出色一點點。唯一可以挑釁的，或

聽友人奇雲高達兄說,北角鳳城的灌湯餃,是用金屬托盛上.有別現今大多的用湯浸的做法.眾人聽罷,就找個周日早上,在鳳城二樓擺下龍門陣.既然為著個灌湯餃而來,當然一人要一隻.在金屬托上的灌湯餃,拿上來也要小心翼翼,怕把外皮弄穿.放在碗上,一篤,鮮甜湯汁破繭而出.餡料足.小弟的一隻外層較齦,而陵兄所吃的第二隻就不幸地,未上碗就穿.除此之外,粉果是鳳城其中一味必吃.小弟偏愛上湯炸粉果,聽到粉果浸在湯內而產生的"沙沙"聲,未吃已喜.身為鳳城的正店,絕對有水準.有些人在那些"鳳城飲食集團"的鳳城,吃過的粉果就話麻麻.那些只是A貨鳳城,來老店再試一試吧.糯米雞大大隻,胃口不大者,吃一隻已叫飽.其他點心水準一般,再來個燒味拼盤.雖然貴為順德菜館,但其燒味也是高水準.乳豬皮入口鬆化,叉燒充滿蜜香,肉質軟稔.最好吃是生腸,鹵得夠味,入口爽脆,點些芥辣吃是絕讚.很喜歡一大班人飲茶,天南地北無所不談,各位,下次去邊度飲茶好呢?