影片
更多
2008-11-04
62 瀏覽
3-11-2008又一行勁多人0黎掃場, 多謝食友 P 的安排!- 先0黎併盤: 有鹵生腸, 金錢雞, 海蜇及乳豬, ie「膽固醇萬歲」菜色 金錢雞係蜜餞的一「疊」叉燒, 雞肝及一小塊肥 (係咪叫「冰肉」?), 比得龍的 (http://www.openrice.com/restaurant/commentdetail.htm?commentid=1912441) 少一塊薑, 食落粉粉糯糯, 味道甘香又甜甜的, 好食; 海蜇十分爽口, 不過我覺得太鹹; 乳豬燒得熱辣辣, 皮極脆, 肉嫩又 juicy, 正; 不過最掂係生腸, 雖然賣相同肥媽的 (http://www.openrice.com/restaurant/commentdetail.htm?commentid=1895712) 差不多, 橙色「人造」得嚇人, 不過食落極爽口, sok sok 聲的, 而且好入味, 十分鮮甜, 好好食!- 鵪鶉鬆生菜包: 生菜好新鮮, 鵪鶉鬆混了唔少松子仁, 夠味, 唔會好鹹, 配上生菜包及少少甜甜0地的疑似烤鴨醬 (?), 惹味又幾清新.- 金錢蟹盒: 賣相十足 UFO, 炸得好脆,
又一行勁多人0黎掃場, 多謝食友 P 的安排!
- 先0黎併盤: 有鹵生腸, 金錢雞, 海蜇及乳豬, ie「膽固醇萬歲」菜色 金錢雞係蜜餞的一「疊」叉燒, 雞肝及一小塊肥 (係咪叫「冰肉」?), 比得龍的 (http://www.openrice.com/restaurant/commentdetail.htm?commentid=1912441) 少一塊薑, 食落粉粉糯糯, 味道甘香又甜甜的, 好食; 海蜇十分爽口, 不過我覺得太鹹; 乳豬燒得熱辣辣, 皮極脆, 肉嫩又 juicy, 正; 不過最掂係生腸, 雖然賣相同肥媽的 (http://www.openrice.com/restaurant/commentdetail.htm?commentid=1895712) 差不多, 橙色「人造」得嚇人, 不過食落極爽口, sok sok 聲的, 而且好入味, 十分鮮甜, 好好食!
- 鵪鶉鬆生菜包: 生菜好新鮮, 鵪鶉鬆混了唔少松子仁, 夠味, 唔會好鹹, 配上生菜包及少少甜甜0地的疑似烤鴨醬 (?), 惹味又幾清新.
- 金錢蟹盒: 賣相十足 UFO, 炸得好脆, 而且香得厲害, 睇0黎用了豬油? 餡料就係蟹肉混到豬肉, 紅蘿蔔, 唐芹 etc 內, 味道不錯, 不過呢味真係超級油膩, 咬一小啖係會 "beet" 出一大啖油的, 感覺麻麻.
- 順德魚肚羹: 以「羹」0黎講呢個好稀, 不過我其實好怕杰撻撻食物的, 稀 d 仲好 除0左粒粒魚肚之外, 配料仲有金華火腿絲, 大量芫茜及松子仁, 味道 ok 啦.
- 脆皮炸子雞: 賣相靚到 dum 一聲, 雞皮又薄又脆口, 肉就麻麻, 我已經夾了雞翼0架喇, 但仍然一般滑; 而雞味呢? 唔係新鮮雞, 無辦法啦.
- 蝦多士: 又係賣相勁靚, 不過食味麻麻 -- 蝦膠算彈牙, 但底部多士真係太太太太太油了, 加上炸得過火, 帶點油溢味, 諗起都打冷震! HKUAA 的 (http://www.openrice.com/restaurant/commentdetail.htm?commentid=1891745) 好食好好好好好多!
- 桂花炒瑤柱: 叫「桂花」當然唔係代表真係落桂花, 只係將 d 蛋炒到一粒粒桂花咁樣, 而呢個就係蟹肉, 瑤柱, 金華火腿絲, 芽菜, 韭王炒蛋, 炒得夠乾身, 蛋唔會太老, 味道不錯.
- 高湯炸粉果: 呢度名物, 都係第一次食炸的粉果... 炸得夠熱夠脆, 層皮甜甜0地, 味道好似鹹水角; 浸了上湯感覺就無油膩, 而上湯本身味道就幾淡薄.
- 煎釀鯪魚: 賣相有 d 似上星期食過的印尼式酸辣魚 (見 http://www.openrice.com/restaurant/commentdetail.htm?commentid=1945216), 而味道就不及蓮香樓的 (見 http://www.openrice.com/restaurant/commentdetail.htm?commentid=1934224) -- 鯪魚膠魚味 ok, 但腍腍的, 汁料亦無喱味道, 感覺麻麻.
- 蟹肉扒芥菜膽: 一向好怕食芥菜, 但呢度的完全無苦澀, 仲好清甜 (因為蟹肉落得重手?), 早知食多兩條啦
- 百花釀蟹鉗: 無耐前見到飲食雜誌介紹呢度的工序繁複炸蟹鉗, 已好有興趣, 呢日加了 $38 一隻試試. 賣相脹卜卜, 雖然顏色偏深, 但火喉不錯的, 蝦膠極彈牙味美, 正! 包0係中間的就係一大舊蟹鉗肉, 味道鮮甜, 炸得剛好唔會太乾硬, 好食. 值得試試!
- 焗蓮蓉西米布甸: 表層唔夠焦脆, 但味道十分唔錯 -- 蓮蓉味點到即止, 香甜度剛好, 面層帶點煙煙韌韌, 好食. 唔知換作麻蓉餡效果會係點呢?
酒樓間了一間房出來俾我0地舒舒服服地坐, 任我0地嘈到拆天 , 招呼亦好, 值得一讚.
每人 $238 (唔食蟹鉗就 $200), 比想像中貴, 不過食物唔錯, 價錢都 ok 的. 下次要食「窮鬼飯」喎, 去邊度呀?
張貼
