鳥華亭

營業中

休息中

星期六晚和老公到灣仔鳥華亭吃拉麵。我們六點來到，不久就已經滿座，很受歡迎。店舖拉麵選擇不多，主要以雞白湯拉麵為主。至極雞白湯拉麵選了直身拉麵，湯底很濃郁，有三片厚切的雞胸肉，雞胸肉一點兒都不會踩，反而非常嫩滑和彈牙，炸蓮藕片十分香脆，像薯片一樣，很好吃。檸檬拉麵檸檬拉麵很特別，檸檬令湯底變得清新許多，吃完不會油膩膩的，另外加了$12要一隻味付蛋。忌廉蟹肉餅忌廉蟹肉餅新鮮炸起，熱騰騰的，吃起來很飽滿。

這間日本拉麵店位置比較隱蔽，店子細細，佈置充滿濃厚日式氣氛。星期六的兩點都需要排隊等位。幸好等候時間都比較快。主打雞白湯拉麵。至極雞白湯拉麵$99, 賣相擺盤有心思，雞湯溫度足夠，入口質感很厚有點漿口的感覺，雞湯鮮味香甜。直身拉麵口感比較爽口，軟硬度由大廚推介，是偏硬的程度，嚼勁中上。雞肉肉質超級軟嫩，仲有蛋香十足既半熟溏心蛋、蘆筍、混合蔥、炸蓮藕片等，配料豐富。除了雞白湯拉麵，仲有兩款特式拉麵，蕃茄莞荽拉麵便是其一，鐘意食芫茜既朋友一定鐘意，因為有一個芫茜山配上濃郁蕃茄湯。加入蛋黃的捲曲拉麵，口感比較嚼勁同掛汁，一樣配上軟嫩健康的雞肉。明太子雞翼小食，皮脆肉嫩，咬開有豐富飽滿既明太子餡料，帶點微辣，好滋味。

拉麵嚟講我最鍾意就係雞白湯😍不過嘴好叼，唔夠濃就唔滿意。咁啱見到呢間有魚介、辛辣、檸檬等唔同口味嘅雞白湯選擇，幾特別又去食下～✨檸檬拉麵 $98檸檬拉麵真係第一次見，成功引起咗我嘅好奇心😂 自家製雞白湯配左特製檸檬醬，再加埋幾塊新鮮檸檬，味道完全唔奇怪，仲好好味👍 檸檬同埋雞湯都唔會搶味，中和左濃郁雞白湯，整體更加fresh😋值得一試！✨至極雞白湯拉麵 $99呢度嘅雞白湯長時間慢火烹調，湯底濃郁+鮮味重，一個字正🥰雞肉全部都好嫩滑，高質啊！！✨唐揚雞 $48大件抵食，炸得好酥脆🤩外皮薄，完全唔會皮肉分離，雞肉嫩滑件件都有肉汁。✨手作餃子 $45皮薄餡足🥟🥟

📍鳥華亭 (灣仔)📍灣仔交加里22-30號華都樓地下15號舖🟡魚介白湯拉麵 $91加蛋$12🟡至極雞白湯拉麵$99🟡手作餃子$45落雨天凍凍地，一定要食返碗拉麵。鳥華亭位置喺灣仔後街，有種隱蔽的感覺，好鍾意呢個空間。我今日選擇了魚介白湯拉麵，湯頭清澈透亮，醇厚又不油膩。選了捲曲面，Q彈有勁，完美吸收湯汁！加上剛剛好的溏心蛋，超正！朋友嘗試了至極雞白湯拉麵。這款湯頭同樣鮮甜柔滑，淡淡的雞汁香氣撲鼻而來。一定要講上面嗰個炸蓮藕片真係絕配！如果唔係太飽，我一定會再叫多一碟先食炸蓮藕片！餃子皮薄餡多，肉味濃郁，伴隨著店家的醬汁，酸甜適中，一瞬間食哂！拉麵加餃子實在是大滿足！

一直都好想試呢間灣仔拉麵店佢嘅湯底係用雞白湯湯底🍜我哋叫咗兩碗拉麵一件小食拉麵有兩個選擇直身麵 捲曲麵分別在於捲曲麵有加雞蛋食落比較掛汁😋推介辛辣雞白湯拉麵Spicy Ramen $89湯底都算濃郁，辛辣有得揀小辣 中辣 大辣炸蓮藕片好香脆如果鍾意可以單叫炸蓮藕片檸檬拉麵Lemon Ramen $95好多檸檬片鋪面喺呢碗拉麵嘅gimmy😋湯底有少少清甜好Fresh嘅口感明太子雞翼兩隻$48雞翼皮炸得金黃色好香口

在公司出外午膳，不時選擇吃拉麵，特別是「鳥華亭」，因為這裏的拉麵非常彈牙、湯底濃郁，加上店面裝潢營造了溫馨舒適的日式氛圍，讓人感到放鬆，是灣仔區其中一間最值得一試的拉麵店！這次我吃的是「魚介白湯拉麵」（$91）。湯頭濃郁鮮美，因為大概用了多種海鮮熬煮而成，如鰹魚、貝類等，令湯頭的鮮甜和鹹香味層次豐富。而且麵條口感彈牙，能夠很好地吸附湯汁，突出麵條的本味。拉麵配有軟嫩的雞叉燒作餸菜，增加口感層次。另外我亦很喜歡煎餃子（$45）。煎餃子煎得金黃酥脆，內餡鮮嫩多汁，爆漿即食。餃子的餡料用新鮮的肉類和蔬菜混合而成，搭配合適的調味料，使餃子的口味更加鮮美。而我又點了明太子雞翼（$25/1隻）。雞翼烤製得恰到好處，外酥內嫩。明太子醬料帶有一定的辣味和鹹味，與雞翼肉質形成對比，使整體口味更加豐富。「鳥華亭」無論在食物品質還是用餐體驗上都給我留下深刻印象，所以我推薦給喜愛拉麵的朋友。鳥華亭 (灣仔)地址：灣仔交加里22-30號華都樓地下15號舖

餐廳位於灣仔鄰近地鐵站主打的就是日式拉麵，更是由日本人主理。拉麵的湯底採用了長時間慢火熬煮的雞骨高湯,濃郁鮮美的雞肉香氣在湯頭中散發著迷人的氣息。每一口都彷彿在舌尖化開,令人回味無窮。麵條選用講究,可口彈牙，完美吸附住湯汁的香氣,與濃郁的雞湯渾然天成。軟嫩鮮美的雞肉和流心溫泉蛋為拉麵增添了層次感,口感豐富。雞肉不嚡口，入口嫩滑。配上期間限定檸檬可樂,清爽酸甜的口感,為這頓拉麵增添了解膩解渴的功能。

今日想去食拉麵,不過落雨費事行咁遠去等位,於是去咗呢間開咗好耐都冇試過嘅雞湯拉麵試吓佢。我地都揀咗至極雞白湯拉麵,可能係我中意食麵,雖然雞肉三片很嫩滑,感覺蛋白質滿滿,仲有隻糖心蛋但我最愛仍然係個麵軟硬適中（揀咗大廚推介）枱面仲有芽菜自助加（補充少少纖維都好🤣)食完已經好飽同事仲叫左隻明太子雞翼添

雞白湯拉絕對係你鳥華亭最出色湯底拉麵店！絕對係香港元祖～入邊嘅裝修絕對同日本嘅居酒屋係一樣嘅！別有一番風味。每一碗拉麵上面都會加上炸蓮藕片，切得非常薄，炸到脆卜卜，非常香口惹味。🍜檸檬拉麵湯底方面夠香濃，質感呈Creamy。入口濃厚而且帶火喉，鮮味甚好！再加上清甜嘅檸檬！夠快Fresh！面嘅質感當然係啱晒軟身嘅口味。🍜辛辣雞白湯拉麵辛辣嘅雞白湯底，雞湯真正足料做到香濃惹味又夠晒火喉。絕對係不二之選！筍乾和露筍食材出色。

朋友大力推介呢間雞湯拉麵，試完湯底真的一試難忘！氛圍好日式好似去左日本咁。至極雞白湯拉麵-湯底好creamy, 勁濃雞味，完全唔膩-有3塊雞肉，十分嫩滑juicy, 完全唔乾唔柴口煎餃子-有6隻，係白菜豬肉餃，煎得好香口👍🏻明太子雞翼-用的係日本雞翼，明太子餡好多鹹香味好足！檸檬拉麵-大量檸檬加上自家製雞白湯，檸檬份量可自己調教，加左檸檬的雞湯好清新，係另一種層次，好獨特的味道-同樣雞肉好嫩好濃雞味

好耐無食過拉麵啦，朋友帶我來食，佢話呢到同其他拉麵店唔同，唔洗怕肥，因為呢到唔係用豬腩肉做叉燒，係雞肉(因為我減緊肥🫠)平時食拉麵如果怕油膩同減肥期間，絕對可以來呢到食，因為呢到主打雞叉燒‼️私心大推，幫你增加肌肉，想食拉麵都唔怕肥啦😋雞湯濃郁，完全唔會油膩，雞肉嫩滑，連隻糖心蛋都好好味😋有2種拉麵俾你揀，直身麵爽口d，捲麵加左蛋黃，會有口感同掛湯😋下次試埋期間限定檸檬拉麵🍋特盛雞白湯拉麵 $138至極雞白湯拉麵 $99餃子 $45

香港拉麵大多以豬骨湯作湯底，要找一家雞白湯湯底的拉麵，並不容易位於灣仔的鳥華亭，位置屬於隱蔽，一直想嘗試，所以今晚特意前來完全稱得上是一家元祖雞白湯拉麵店內座位約十多個，拉麵選擇有五至六款，以雞白湯作湯底，該店特別之處是可以選擇的直身麵或捲曲麵，價錢由$87-$138不等特盛雞白湯拉麵$138盛載著店內所有配料，紫菜，炸蓮藕片，流心蛋，竹筍，以及主角雞叉燒精華所在的雞白湯湯底，單看色澤已經知道用足料去煮，完全沒有油膩感，喝一口，好濃雞湯味，令我想起日本了，味道不會像中式湯口味般4塊紫菜全部脆卜卜6件雞叉燒好滑，好軟淋，感覺像低溫烹煮的方式炸蓮藕片，薄薄的兩片放在中間，保留香脆桌上有一瓶辣芽菜可以自行加料，芽菜爽口，加一點令雞白湯底帶點香辣流心蛋，咬一口中間的蛋漿慢慢流出，絕對100分最後點了一份忌廉蟹肉餅$42，一客三件即點即炸，入口餡料多到爆出黎，好香脆，唔油膩，如果一碗拉麵唔夠，建議多點一份小吃

係香港一直遇唔到好食既拉麵，直至我係灣仔試過呢間小店，味道同係日本食既一樣，小店座位唔多，大約只有10個，如果要食，一定要早D黎。至極雞白湯拉麵至極雞白湯既湯底係經過長時間以慢火烹調而成，呈米白色，味道清甜濃郁滑溜，口感豐富，雞肉都係經過慢煮而成，肉質非常嫩滑多汁，配料有溫泉蛋，洋蔥，蔥，炸蓮藕等，而麵底可揀直身麵或捲曲麵，麵度更可選擇不同硬度，捲曲麵口感柔軟而且有彈性，配雞白湯非常夾。辛辣雞白湯拉麵辛辣雞白湯是由自家製美味辣醬而成，湯底辣得黎清甜，辛辣程度可以根據個人口味調整，可選大中小辣。餃子餃子外皮香脆，餡料多汁。

食物質素本身唔差，但服務態度非常惡劣，食食下拉麵，就無端端收走餐桌上的芽菜配菜。如果唔食得，一開始就唔好放在餐桌上，食完一肚氣，埋單多謝都無句，都唔知係咪偽日式拉麵店。

復活節前夕搵好嘢食，有人被慫恿就去咗呢間交加街垃圾收集站隔離都煮得出好麵嘅雞白湯麵店試試。簡而言之，食物整體不錯，可惜格局、服務同員工就唔得。首先鋪位細細原感覺好日本地道小店，晚上6:45分入座完全冇人等，轉頭就有個菲傭般阿姐不斷用半鹹淡英文催落單，人地第一次嚟食梗係想睇清楚有咩食，佢就再行埋嚟指迫人睇佢餐牌上嘅相。再望清楚全店四個員工三個都係東南亞人，完全以為去錯泰國定菲律賓定南亞餐廳，所以唔好期望有日本餐廳應有嘅招呼和整潔。好啦叫完五分鐘左右就上菜，又係落單果位阿姐做埋傳菜，一嘢飛碗麵埋嚟，佢完全係食雲吞麵啲阿姐態度。然後剛食晒就狗衝埋嚟收你啲碗，人哋食到隻餃子好多肥豬肉要吐都收埋人隻碟。其實門外係冇人等。總結係，食物可以，而家其他好多拉麵店都做得好好，本想撐小店，但整體服務真心唔得，接受去日本餐廳食雲吞麵或港式茶餐廳fusion服務的話, 可試。2碗麵一碟餃子埋單$243。食雲吞麵係$50。