📍安平燒肉 (旺角) 📍旺角彌敦道601號創興廣場9樓 🟡澳洲M5和牛吃到飽套餐 🌈高度推薦： ✨澳洲M5和牛肩胛肉 ✨安格斯牛小排 ✨台灣鯛魚下巴 ✨鹽選牛舌 ✨台灣小枕頭 （麻糬） ✨老虎雞翼 ✨安平炸蚵卷 成日聽朋友講話安平燒肉午餐去好抵食，環境好舒服又乾淨。難得平日放假，試咗澳洲M5和牛吃到飽套餐，真係超抵呀！2個人736元，我哋12點到，3:30前都可以任食，真係好爽！ 真心特別推薦幾款菜式： 澳洲M5和牛肩胛肉，肉質鮮嫩多汁，超大陣牛肉香。安格斯牛小排牛肉質感更嫩，朋友都話真係要食多幾轉！鹽選牛舌係薄片，真心好食到可以瘋狂食好多片！口感彈牙，好好味！ 台灣鯛魚下巴係我最鍾意，一個人連續叫咗五次，好似三文魚鮫咁滑，勁好食！ 台灣小枕頭（麻糬）朋友自己一個食咗四碟，佢話冇食過咁好食嘅麻糬，薄薄地一層，用心烹調可以做到日式嗰種麻糬嘅感覺，脆脆哋嘅外層，入邊有麻糬的軟糯感，中火烹調啱啱好！ 最後，老虎雞翼同安平炸蚵卷亦都好好食，開始同最後都叫咗個安平炸蚵卷，真係有蚵仔嘅味道，做得好好！下次午餐都會再過嚟食，食放題仲食高質嘢真係好難得！

📍軒尼詩冰廳 （駱克道） (灣仔) 📍灣仔駱克道139號地下 🟡豬頸肉湯金邊粉 $64 🟡+$22 炸蝦餅2件 🟡+$3 熱華田 今日晏晝要去灣仔工作，每次去灣仔都見到呢一間軒尼詩冰廳，終於試到正宗越南菜！正！ 豬頸肉湯金邊粉有超多豬頸肉，金邊粉煙韌程度啱啱好，唔會好淋，豬頸肉鮮嫩又多汁，仲有舊白蘿蔔送，超級好食！ 加點咗炸蝦餅，22元有2大舊，好抵！蝦餅外皮唔係好酥脆，但食到蝦餅的鮮甜味道，我反而幾鍾意呢一種唔使太炸嘅感覺！

📍申子居酒屋 (銅鑼灣) 📍銅鑼灣渣甸街50號渣甸中心9樓 🟡和牛壽司（訂座優惠） 🟡申子海膽和牛燒$378 🟡海苔拖羅赤膽壽司$198 🟡廣島蠔春卷$108 🟡汁煮左口魚群邊$148 今日去銅鑼灣的申子居酒屋，環境好舒適，星期一嚟都好多人，入座率七成滿！好勁咁！✨一坐低就有和牛壽司，超正！汁煮左口魚群邊，魚嘅油脂令到成件事好嫩滑，個汁有柚子味，加埋一齊好夾！ 海膽和牛燒一睇就知世界級，仲要有員工企喺你隔離燒，好似表演咁！海膽、黑魚子同和牛的香混合埋一齊，放喺口入邊融為一體！🤯💯🔥 海苔拖羅赤膽壽司，要爭取喺未淋之前食咗佢，海苔好脆，夾埋好新鮮嘅海膽，正！廣島蠔春卷冇諗過咁好食，蠔的鮮味與春卷皮完美結合！

📍饗11 (銅鑼灣) 📍銅鑼灣勿地臣街1號時代廣場11樓1101號舖 🟡4 courses dinner set $348 ✨廚師精選沙律：鴨胸芝士配無花果 ✨是日餐湯：蘑菇湯 ✨+$68轉酥皮龍蝦湯 ✨香煎比目魚柳．脆薏米．青豆蘋果蓉汁 ✨炭燒美國牛柳拼珍寶虎蝦 ✨英式蛋糕配雪糕 ✨+$68朱古力心太軟配雪糕 今日係饗11食4道菜套餐，位置喺時代廣場，餐廳環境好舒適又高雅。冇諗過價錢咁抵，中價位的高質西餐！ 廚師精選沙律是以鴨胸和芝士搭配無花果，口感好平衡，絕對唔係屋企買嗰啲求其鴨胸，好食好多！是日餐湯係蘑菇湯，好濃郁。好耐冇飲過酥皮龍蝦湯，見到隔籬枱個個都叫，諗住試吓，點知真係咁好飲！見到佢湯嘅質地就知絕對係用心烹調，加$68好值！ 香煎比目魚柳搭配脆薏米和青豆蘋果蓉汁，比目魚好厚，脆薏米好香，加埋個汁係好完美的配搭！炭燒美國牛柳拼珍寶虎蝦，個牛肉5成熟，生生地岩岩好，虎蝦大癲，勁香！超欣賞個蘑菇薯蓉100分！ 最後，英式蛋糕配雪糕，蛋糕加啲焦糖醬，加一小球好好食的雲呢拿雪糕，真係世界級！想試晒兩種口味，加咗$68 朱古力心太軟配雪糕，真係冇得彈，我男朋友話係佢食過最好食嘅心太軟！咁嘅質素，咁嘅環境，埋單$1000有找，真心好抵！絕對是值得一試！

📍時光逆流 | Revtime 📍中環雲咸街41號文靜大廈地下低層 🟡酒釀雞卷定食$168 🟡澳洲和牛漢堡定食$168 時光逆流真係好似去咗另一個世界，鬧市中的小店，試咗兩個定食，酒釀雞卷定食和澳洲和牛漢堡定食。 酒釀雞卷定食的雞卷，超嫩口感，酒釀個汁加埋落去錦上添花。胡麻烏冬係用高級烏冬做，再加埋煮得啱啱好嘅溫泉蛋，超正！沙律菜都好新鮮，最欣賞有關東煮，成件事感受到好用心！成個定食感覺非常完整。 澳洲和牛漢堡定食，漢堡扒絕對係高質，肉質鮮嫩多汁，漢堡扒上有額外一隻煎蛋同下面有芝士襯托，連埋漢堡扒特製嘅醬汁，同定食入面嘅胡麻烏冬都好夾！ 聽老闆講有時餐廳夜晚會有live show，下次試吓夜晚再黎！

📍HANA Korean Restaurant (尖沙咀) 📍尖沙咀金巴利街1E號地舖 🟡泡菜章魚粥$128 🟡韓式牛肉烏冬$118 🟡煎韓牛餃子$82/5隻 🟡桃味梳打$27 尖沙咀韓國街嘅HANA見到裝修就想入去，又乾淨又靚！試咗泡菜章魚粥同韓式牛肉烏冬，連擺盤都咁靚，視覺同味覺一齊享受！ 泡菜章魚粥，好綿密，粥底濃郁，我唔食辣都接受到的微辣！入邊有細細粒的章魚，味道好豐富！ 韓式牛肉烏冬，係高質素嘅烏冬麵，牛肉用一個小碟載住好cute！醬汁夠地道，個肉係分開上，牛肉配粥都好好食！ 煎韓牛餃子，餡料好豐富，好香脆嘅外皮，煎得微微焦香，正！最後叫咗個韓國桃味梳打，好開胃又好解渴！

📍Festival Authentic Korean Food (中環) 📍中環域多利皇后街13號地舖 🟡醬油蟹$180 🟡辣炒年糕$50 🟡韓式炸雞$55 🟡烤牛肉拌飯$80 今日食咗間超地道的韓國菜，笑住走～入去見到老闆係韓國人，吹咗兩句水，老闆介紹我哋試吓醬油蟹，原本無諗過係小店食醬油蟹，點知！一食真心驚艷了我！大癲！隻蟹咁多肉先$180，調味好有心，好似去咗韓國咁，融合了醬油、大蒜和其他秘密配方的醬汁，完美地融入到蟹入面！ 辣炒年糕份量相對較少，但每一條都好大條，口感柔軟糯滑。兩個人分享作為小食已經非常足夠！另外，韓式炸雞令我聯想到KFC，外層酥脆，內部肉質鮮嫩多汁，炸粉的質地也非常出色。烤牛肉拌飯好正宗，啲米都好飽滿，烤牛肉唔會好乾，拌飯拎嚟送醬油蟹一流！ 香港食韓國嘢不嬲都好貴，呢間中環地段，韓國人開又正宗又貼地又好食，醬油蟹呢個質素真係冇理由唔食！趁未加價，快啲試下！

📍鰻工房 (尖沙咀) 📍尖沙咀赫德道1-3號利威商業大廈地下7號舖 🟡三重鰻魚丼（鰻魚+穴子+活鰻魚）$208 🟡生燒鰻魚丼（汁燒）$188 ✨套餐加$30（溫泉蛋、菜、鰻魚肝白貝湯和玄米茶） ✨開業優惠：任何套餐送鰻魚飯團（原價$28） 三重鰻魚丼結合咗鰻魚、穴子和活鰻魚，味道豐富，可以一次過試晒三種鰻魚，活鰻魚真係100分，一條刺都搵唔到，無得輸！而生燒鰻魚丼以汁燒的方式烹調，保持住鰻魚的鮮味和嫩滑，仲要有八嚿我最愛嘅鱔！超厚實！ 另外，套餐真係必須加！溫泉蛋整得好好，加入個飯嗰度一流！鰻魚肝白貝湯有啲似胡椒豬肚湯，入邊仲有一粒好厚肉嘅蜆，好飲！仲要鰻工房岩岩開業有開業優惠，任何套餐都贈送鰻魚飯團，正！

📍8Five2 Restobar (尖沙咀) 📍尖沙咀天文臺道8號地下2號舖 🟡吞拿魚伴厄瓜多爾醬$138 🟡墨西哥酥餅羊肉沫薄荷奶酪$138 🟡豬肉墨西哥玉米餅 $142 🟡炸魷魚 $128 吞拿魚伴厄瓜多爾醬用新鮮嘅吞拿魚，搭配著濃郁的厄瓜多爾醬，超開胃！ 墨西哥酥餅揀咗羊肉沫配薄荷奶酪。上碟熱辣辣有4大塊，羊肉好香，配搭三個醬汁，每一啖嘅口感都好豐富！豬肉墨西哥玉米餅都有4舊，質地綿軟，入邊夾住手撕豬肉，再加唔同嘅配料，所有味道都恰到好處！ 炸魷魚真係估你唔到咁好食！即叫即炸，唔係間間餐廳都可以做到呢個水準。外層酥脆，又保持魷魚嫩滑的口感。 真係好難得香港有咁好食嘅墨西哥餐廳，下次一定會再過嚟食！

📍2 Kims’ Pocha (尖沙咀) 📍尖沙咀赫德道4號The Hart地鋪 🟡醬油蟹$250 追加海苔飯$20 🟡半半煎餅$148 🟡粉紅醬炒年糕$188 🟡無酒精莫吉托$98 2 Kims‘ Pocha醬油蟹好新鮮，醬油調味高質。啖啖蟹肉好滿足！另加咗海苔飯，食蟹膏一定要配海苔飯！口感好豐富，正！ 半半煎餅估你唔到泡菜味咁正！脆皮外層，口感又軟糯，每人各2塊無問題！粉紅醬炒年糕都好出色，年糕好煙靭，好似烏冬版既年糕，個醬汁唔會好膩，兩個人食晒！ 飲品有好多酒精飲品都想試，但因為身體唔飲得酒，所以揀咗無酒精莫吉托！呢杯飲品超正，清涼爽口，有薄荷同檸檬嘅香氣，滿足到我想飲酒嘅慾望！