鳥華亭

營業中

休息中

雞白湯拉麵一直都有種莫名魅力，極濃滑奶白色湯底，彈牙嘅拉麵配上濃稠的雞白湯，簡直不得了！鳥華亭的雞白湯經過十幾個小時的熬煮，一入口便是很純正的鮮雞濃稠香味 🐔 溫度足夠，入口質感有些少漿口感覺，食得出的足料，雞湯鮮味和雞油香味在口腔中交織，喝起上來係非常窩心舒服！ 🥣拉麵點了捲曲麵，比較容易掛湯 🍜 雞叉燒每塊都肥瘦適中，口感軟嫩，但可能因為係雞胸叉燒，肉質硬係覺得有少少鞋🫠📍鳥華亭 @torihanateiramen灣仔交加里 22-30號華都樓地下15號舖

隱藏在灣仔不太明顯的街巷裡但依然有排隊的人潮店裡店外都充斥日本風情　裝潢和桌椅廚師是位日本的老先生　待應都是阿姨清淡系的雞白湯湯底湯面不會浮起層泡沫　沒有刻意打泡沫很基本的湯底款　配合麵條剛好吃到家庭感的雞湯拉麵雞蛋能做到流心狀態　麵條的軟硬適中　放在拉麵裡　不會變軟沒有普通的豚肉叉燒配上的是慢煮雞肉　份量並不少很軟滑的質感　清爽的口感和雞湯的清爽口爽配起來剛好　互相襯托忌廉蟹肉餅外層炸得香酥　不會表面有很多炸粉內層有少許流質狀　可能是加了忌廉的關系肉體不是結實的那種　不錯的小吃　嚐鮮是不錯

終於到左Happy Friday，班同事話想食拉麵，成日都食風龍，今次試下呢間鳥華亭。拉麵店都係小店形式經營，座位唔係咁多，今日12點出發都要等一陣位，係門口睇下食乜好，鳥華亭主打白雞湯，見到有個好特別既期間限定就決定試下檸檬白雞湯拉麵賣相都吸引，麵上有幾片檸檬，首先飲一啖雞湯，味道好濃又唔會咸得滯跟住就篤一篤d檸檬，等d檸檬汁同湯混合，濃香白雞湯加左少少酸味，味道麵幾特別，又開胃。不過提提想試既朋友篤檸檬唔好太貪心，因為我邊食又邊篤下，最後酸味蓋過左雞湯，篤少少就夠配料有3件雞胸，通常雞胸都好柴冇咩好感，但呢度又整得幾好食，好軟身嫩滑，至於麵底，多數拉麵店用白色拉麵，呢度係黃色同比較有彈性，我就鐘意要求麵硬身少少，同埋呢度既份量對女仔黎講都算岩岩好，味道都不錯，成碗食晒整體而言都幾鐘意呢間店，有位姐姐好熱情親切，一直笑咪咪下次可以試返主打既白雞湯底

聽講呢間雞白湯好出色，之前嚟過一次但係摸門釘，今次終於試到啦🤪至極雞白湯拉麵 $96湯係奶白帶微黃色，質地濃稠，飲落有點黏口，滿滿骨膠原嘅feel😍😍有別於一般嘅豬骨湯底，呢個招牌雞白湯超濃雞，超鮮甜濃郁，十分出色！拉麵分咗直身麵同捲曲麵2種，前者爽口，後者加咗蛋黃所以麵質有嚼勁，今次揀咗捲曲麵，麵條好掛湯食得好滿足！而雞肉叉燒食落似慢煮雞胸肉，無咩脂肪但係好嫩滑，感覺上比一般嘅拉麵健康😜配菜仲有炸蓮藕簿片同埋露筍，2樣都好食，糖心蛋食到有淡淡嘅酒味，幾特別涼拌辣芽菜係自家製，好香麻油味、辣辣地好清爽，撈埋麵一齊食都好夾！鳥華亭 (灣仔)灣仔交加里22-30號華都樓地下15號舖

之前一早都聽過有人介紹過呢度嘅雞白湯拉麵㗎喇，終於都可以一嘗心願，走咗過嚟呢度食飯一去到嘅就梗係要叫呢個至極雞白湯拉麵啦，成個拉麵嘅重點當然就係呢度嘅湯底啦！湯底真係有滿滿骨膠原嘅感覺，非常之滋潤，而且好濃厚嘅味道！鍾意飲雞湯嘅人真係要試吓！拉麵就正正常常，硬度適中！

位於灣仔既拉麵多不勝數，日式拉麵基本上每隔一兩條街就有間係左近。嘗過不下數十間灣仔既拉麵店，鳥華亭確實勝價比高，湯夠濃郁、份量適中、麵質煙韌，最緊要價錢唔過$100 （除了特盛，即多片叉燒版）。🥇雞白湯 每月必定光臨數次既我，菜單所有既湯底都試過。個人比較雞白湯同魚介雞白湯會較喜歡前者，加了魚介搶走了原本雞白湯既香甜。🥢如果喜歡辣味不防試試辛辣雞白湯，大辣仍係可接受程度，大概介乎係譚仔三小辣吧。季節限定既檸檬拉麵有機會必定一試。剛好我係夏天試到，更入少少酸味既雞白湯令人更開胃。等候方便，始終小店座位有限，個人經驗如平日12:15前到就不用等位，往後時間到達大概就要等45分鐘至一小時。等餐時間都要預約15-30分鐘。最後一定要讚揚下小店既伴碟涼拌辣芽菜

6點半左右到達，只有一枱客人，菲律賓店員好熱情好有趣。**至極白湯拉麵**配有一隻溏心蛋，好食。湯算係中上程度的濃郁，飲落舒服但可以更香濃。曲麵加左蛋黃，會較有咬口，直麵就冇加蛋黃，聲稱比較爽口，我地兩碗試左唔同的麵，覺得...冇咩分別。男士唔係太鐘意呢種類似雞胸的慢煮雞叉燒，但我覺得幾好，清清地，但啲肉有啲鬆散。餃子普通，似係一般急凍餃子。呢個芽菜係店員每日自家製，混落湯底一齊食，好香好辣。店員話每晚大約8點幾9點就冇哂，想食就早啲黎。

午餐時段，朋友話好耐冇食過雞湯拉麵，咁我哋就決定去食鳥華亭😋。今次，朋友試食左檸檬🍋拉麵，而我就食咗辛辣雞白湯拉麵。辛辣 🌶 雞白湯：一如既往”好食”。薄脆蓮藕又香又脆，多一塊就好la🤤🤤 。 湯底又香又濃，而且濃得黎有d清爽。而且d麵又掛湯，令到個面升華曬🤤。檸檬拉麵：一黎就見到一排檸檬鋪咗起碗拉麵邊。仲耐左應該好清新，邊知有d 失望👉🏼👈🏼👉🏼👈🏼，無左雞湯濃郁，而且湯底唔清爽。雞肉有d 普通。

平日中上環返工嘅我難得過黎灣仔，緊係搵D特別餐廳食下啦經朋友介紹，有間拉麵店，小店黎嘅，喺交加里其實係喺灣仔道，再入一條橫街，就係交加里了，個度唔多餐廳，同埋真係好隱世，一般黎講都好少行去個頭搵食門外掛左好幾個日式燈籠，有居酒屋嘅感覺其中一個燈籠寫上店名店舖太細，12點零鐘去到都等左十分鐘左右先入得，坐喺門外等嘅時候，可以望到餐牌以腳架形式展示，外賣自取仲有八折等候中途，一名女店員會用英文問你幾多人，然後比左張點餐紙你落單先餐廳都好細心，除左中文餐牌外，反轉面係日文（其實都有英文字）有樣特別野真係要指出呢間拉麵店可以揀直身麵或捲曲麵我揀左前者，下次試試後者先點左呢間店最著名亦係最平嘅雞白湯拉麵，追加糖心蛋一隻拉麵冇糖心蛋簡直硬係欠咁D野咁配菜都有D同一般拉麵店唔同，有塊好薄身，炸過嘅蓮藕片，兩條蘆筍雞湯味道濃郁，忍唔住飲多幾啖，雞肉有四塊，亦都好味，唔“鞋口”，份量整體上唔係好大碗但都夠飽，餐廳亦有提供凍水比食客自己斟餐廳其實得3張枱，加一張面對廚房嘅長枱，好似bar枱咁，加上疫情關係，會分隔D食客所以想幫襯嘅朋友可能要比D耐性等等啦只見店內除左廚房兩位老夫婦預備食物外，就只有一位女店

I previously tried their regular chicken ramen several times and I think it is one of the best chicken ramens. I saw their Lemon Ramen and wanted to give it a try since I like trying out new things.Overall, the ramen was still good. The noodle itself was hard as I like it and the soup was rich and the chicken "char siu" was tender. However, despite it being called lemon ramen, I can't really detect much lemon flavor there except for the lemon themselves. The lemon became more like aesthetics in

睇社交平台介紹 黎試吓呢間雞白湯拉麵午餐時間去 等咗大約十分鐘 點了個檸檬雞白湯拉麵。入到去覺得怪怪的，因為店員都是用菲律賓語溝通🥴成個環境氣氛差咗賣相正正常常，食落無驚喜，有少少失望。湯底比其他店不夠濃厚，雞肉片似是一般配菜，不要有期望。檸檬有少少解膩作用，但是像就咁放落碗麵到，完全無功夫。最後 比期望低

聽人講呢間好味，於是中午兩點幾經過附近，見佢又有位就去試吓。雞湯是亮點我雖然叫咗大辣(實際唔係幾辣)，不過d雞湯味仍然好濃厚。我最終差唔多飲晒。麵質不錯，我嗌了直麵，個人偏好稔少少。結果都算幾好。碗中間個片蓮藕勁脆勁好味，下次再去要就咁嗌一碟蓮藕先夠過癮。明太子雞翼，將雞翼去了骨，明太子都鑲入去，十分肥美。不過18蚊隻係貴少少，但喜歡雞翼者會覺得很驚艷，試一次無妨。仲有個沙律醬都好好味，旁邊d洋蔥絲好新鮮夠香夠辣，就咁放入口都正！加埋101蚊，同其他好食嘅拉麵店比較，其實總括來睇唔算係好貴。

事隔兩年，再次到訪昔日心目中雞白湯第一的鳥華亭，只覺人面全非，味玉成一大敗筆，可惜。後街小店，質素差了，竟然多了人排隊，有趣的現象。雞白湯拉麵 (總分: 7.75/10) ⚪️湯頭(8.5/10)：雞白湯質感濃厚，雞味濃郁，真材實料，無味精不口渴，尚能保持昔日質素👍🏼🐓 雞叉燒(7.5/10): 質感嫩滑🍜 麵質(7/10)：正常🥚 溏心蛋(3/10)：全熟的溏心蛋，低級錯誤，完全不合格配料(7.5/10)：以前最愛的炸蓮藕依舊不錯，但不及昔日大塊和香脆。露筍是很好的配搭。餃子(2/10)：要煎得這樣差也不容易。———————————————————————————⭕️ 總結：今不如昔，味玉成敗筆，已落後於座銀、金鶴，希望會改善💵Budget: $100 pp 📍 鳥華亭 (灣仔)灣仔交加里22-30號華都樓地下15號舖

灣仔交加里的家庭式作業日式拉麵店，一眼睇晒全店4人，煮麵、炸物丶招待和洗碗姨姨。去到門口見前面有2+2+1 排緊隊，我哋跟著後面排，等了五分鐘完全冇動靜，於是探頭入內想了解一下是否取票等位，與裏面既店員四目交投，但她絲毫沒意思出嚟搭理我們，我們唯有繼續在外面等，過了一會兒，她出來招呼兩位客人入內，完全有理我哋，我哋請問⋯她卻迅速跑走了。不久她再出來招呼兩位入內，這次我們把握時間，箭步上前，問她是否要攞票排隊。她居然說um ⋯OK la . You are last two啦 no more啦 ! 之及給我們兩張點麵紙。 我們大驚！！！難道這麵店是每天限賣的嗎？～我們今天走運了麼？大約等了30分鐘，她出來叫我們入內後，我們被安排座門口bar 枱位，枱上放滿雜物和紙張空間就啱啱可放兩碗麵，感覺有點兒像在日本駅傍立食的麵店，太有風味了吧！我點了雞白湯拉麵🍜，硬直麵，加糖心蛋$91.～雞湯底非常濃稠，而且湯底比較鹹，麵底一般，兩三片雞胸肉伴上紫洋蔥丶蘆筍和炸蓮藕片。那隻糖心蛋，實在太鹹了，最終放棄。魚介雞白湯拉麵🍜，普通丶曲麵加有味筍$95.湯底味道濃稠，比較鹹。配上蔥花蘆筍和炸蓮藕片。味道一

看完一位Youtuber介紹，立馬約朋友來試。我好鍾意食雞白湯，所以每逢有新發現都會即刻去。雞白湯當中，香港裏我的最愛不外乎座銀同金鶴。所以一聽到Youtuber說這是香港第一的雞白湯拉麵時對這間非常期待。Weekend 12:30到達，外面已經排隊。店舖不算大，只能坐大概12人。一排隊店員就把落單紙送上，可以先填寫點什麼食物。排隊排左大概30分鐘。裡面很小，坐得不會舒服，但很有小店風味。落單後等了大概15分鐘就有得吃。一上枱就覺得雞白湯的顏色非常像日本銀座篝 (我認為最最最好食的雞白湯，我在香港見到佢出既杯麵都唔會放過！）立刻試飲個湯，不得了。滾熱辣，濃厚，香 - 我會比100分。溏心蛋都煮得剛剛好。有見過其他人嘅comment話湯唔夠、溏心蛋過熟，我完全冇遇上呢啲問題依一間拉麵店已經成為我心中香港雞白湯拉麵店既top 3 之一 已經好期待下次再去!!