鳥華亭

營業中

休息中

將他放在飯堂的名單內因為都是普通拉麵 都有想吃的種類這次推出了新系列海老味噌拉麵海老味噌 兩種濃味增味系列加在一起湯底會更香口濃郁 海老會香口 味增會增味麵條選了以往的有蛋香 也掛汁濃郁濃底並不是厚稠的都順滑的質地表面的配料豐富的 蝦乾 粟米筍 味玉和雞肉

唔錯嘅！！！！因為見外面好多人排隊 所以又跟住排好彩5分鐘有位入得未知我應該會轉另一間因為lunch食 趕住有meeting要見！麵可以自己click硬度，主打係雞湯有d廚師鍾意你飲曬個湯有d人飲完唔需要飲水證明湯底好靚好好味 冇味精！唔錯！會再食！

喺Openrice 見咁多哈哈笑，又係我想食嘅雞白湯，去開灣仔就試吓啦。Lunch hour 等左20分鐘左右，入到去，3個員工都係菲律賓人，心唸 “咦！咁嘅！？”😳佢有直麵/曲麵，兩個都係揀曲麵，個staff 話好食喎。☹️至極白湯拉麵 $96落單後5分鐘唔洗就到喇，一嚟到見個湯係淡黃色並唔係米白色，試下啖湯先，咦！😳雞白湯唔係咁架喎！但個味咁熟嘅🤔 再食啖，我唸到咩味喇！係忌廉雞湯嘅味！個麵質ok 嘅，似係攞貨果d囉，但個量好少，雞肉無乜味，但唔鞋嘅，隻蛋undercooked太生，又唔入味😖😣辛辣雞白湯拉麵 $87個辣好平淡單調，就係個忌廉雞湯加咗辣囉，呢碗仲慘，連蛋都無隻😫🤔真想唔知點解會有人比哈哈笑

天呀，食神再次眷顧我終於食到一碗非常非常好味的拉麵個人喜歡捲曲拉麵呢度都有得選擇直拉麵一如以往 有軟硬適中 麵質地選擇我同朋友去食實在太好味，食完一碗要再嗌多另外一碗share。但係唔好以為係細碗，一碗都已經好飽正常男人份量的，而且湯質感係稠密濃厚的。✏️要嗌多一碗夏天時令 <檸檬拉麵>食慾大增‼️‼️完全同傳統式拉麵毫無遺和感非常出色‼️🧡🧡🧡🧡🧡我✏️第一碗嗌嘅係<至極雞白湯拉麵>我從來都唔會太識得欣賞拉麵的肉，我食拉麵都係為咗食個麵同埋湯底的佢呢度係用雞白肉有Pepper 了，一啲都唔粗糙，嫩滑有不肥，加上超級濃雞湯非常出色成碗湯飲晒見圖就知道了🧡🧡🧡🧡🧡✏️第二碗朋友嗌嘅係 <魚介雞白湯拉麵>雞白湯嘅風味加上魚介嘅濃郁提升了兩者嘅鮮味，又一出色之作🧡🧡🧡🧡🧡食完之後真係明白嗰種溫暖同開心係有幾重要，食到咁我諗店主他們都對我一個女仔留下印象吧，飲晒啲湯係最大尊敬他🫡由於真係好好味，所以都需要等待片刻的，但絕對值得！真係俾滿分💯！逐步逐步嚟下次試吓海老味，再下次再試下辣味先得，但係我都好有信心呢間嘅絕對唔會令任何人失望！

已經試齊曬灣仔幾間拉麵店，暫時鳥華亭係我最想encore既，先講講位置先，鳥華亭鄰近華都樓(即舊灣仔戲院附近)，當晚6:10pm入座唔駛排隊，👍🏻分別叫左兩款拉麵同一款炸雞。至極雞白湯拉麵湯底係濃濃既雞湯味，配上溏心蛋，炸蓮藕同露筍，整體由賣相以至味道都好好。檸檬拉麵湯底係檸檬味雞湯，雞肉好滑，炸蓮藕又好脆，性價比高。炸雞配有蔥，檸檬同沙律醬，但食落雞肉同炸粉完全分離，失望。店內亦提供芽菜作配菜，都好味👍🏻

-{灣仔雞白湯拉麵🍜}之前有見過雞白湯拉麵介紹依間！係香港雞白湯嘅元祖店😎🤤至極雞白湯拉麵🤤 ($118)麵係曲麵 有蛋香同埋較易掛湯😆原本覺得好厚嘅雞白湯味 第一啖可能啖少少 但唔會膩😋所以食得曬成碗🤓差啲就飲曬個湯🤩另外蓮藕片好脆口😍不過雞肉有啲啲嚡 都可接受嘅 蛋就熟左啲👖褲評: 8/10🤤明太子雞翼🤤 ($22)好多釀左嘅明太子餡😉都有肉汁不過味道唔算有驚喜👖褲評: 7/10個至極係必試😛依度全部都係東南亞人serve嘅 值得一試👍性價比: 8/10服務: 8/10環境: 8/10🚩 鳥華亭 🚩地址: 灣仔交加里22-30號華都樓地下15號舖#fuudjai #fuudjai日本菜 #fuudjai拉麵 #fuudjai灣仔

係灣仔打滾左咁多年，真係後知後覺，宜家先知原來有間頗有名氣既白湯雞拉麵店係交加里，有心唔怕遲，為左食好西，烈日當空下都照排隊，等左15-20 mins到入得店舖好細，只可客納10幾個人，驟眼睇全間拉麵店既店員都係外藉人，店員亦都招呼周到，好有效率👍🏼至極雞白湯拉麵黎呢度一定要試佢個雞白湯，呢個雞白湯係經長時間慢火烹調而成，個湯清得黎又有濃郁既雞味，入口又rich 又creamy，有點黏口既質感，有4片雞肉、蛋、蘆筍 & 炸蓮藕片，整體味道不錯個雞湯係不錯的，但配料就無太大驚喜，店舖地點真係幾隱蔽，平時真係唔會經過，價錢亦都合理，鍾意雞湯湯底既朋友可以試下

灣仔區比較隱蔽少少日式拉麵店入面整體俾到感覺真系好有日本感覺位置比較多　桌面都有芽菜可以自己添加翻主打都系雞白湯　麵條都可以自己揀其實他們雞白湯比較住家少少吾會有太多既花款　但水準好多時都維持到雞肉慢煮　入口會好嫩滑夾翻個雞湯　好順滑又吸到少少湯味雞蛋會流心　系我至愛既質地又吾會好鹹拉　啲啲蛋香拉曲麵會有蛋香同彈性　同平時食到既麵會有分別有時系呢頭行開都會黎食翻　系私心飯堂黎

係灣仔一條後巷嘅隱藏咗一間家庭式拉麵店，淨係門面已經好有日本風味😍好有feel ~店舖細細，由一位師傅掌廚，主打雞湯拉麵🐔***********是日之選***********🐔雞白湯拉麵雞湯濃厚、慢煮雞肉保持鮮味。麵質彈牙，好食！🍋香檸至極雞白湯拉麵相比起嚟，至極雞白湯底更濃味，另滲透淡淡檸檬香，帶出仲夏嘅風味，几特别嘅配搭👍🏻🦀忌廉蟹肉餅外脆內軟、好啱配拉麵😊 蟹味就淡咗啲🥟煎餃子餃子煎到脆脆地、又保持到入面啲肉汁、點埋啲醋食，好開胃，正！自家醃製芽菜：爽口、清甜、好開胃！總結：鍾意呢種地道小店、有自己風味、貼地、有種無形嘅溫暖感。簡簡單單一碗拉麵已經大滿足，正👍🏻

記得疫情前黎過食 當時覺得湯好飲雞叉燒好好食 （用左整雞卷既方法做，好L 有心思） 而且個份量啱啱好！ 覺得：正，發掘到隱世好店！ 後來因疫情，又搬離灣仔，事隔兩年有多重遊舊地， 見到依間鋪佢屹立不倒都感到喜出望外， 心諗：有料既餐廳果然唔洗驚！ 琴晚喺門外排左45分鐘先入到門口，入到店內，發現全部店員都變左外籍人士， 我已即刻腦中響起警號，死啦，係咪頂左手比人做？ （絕非racist, 個收銀姨姨同啲店員都好有禮貌） 見到個Menu 無唔同到，又再諗咁多人排隊，應該無事既。 碗麵一黎到，我同男友都嚇左嚇！ 下，點解啲雞叉燒變左咁？？ 個湯我依然覺得好味， 但個肉係乜野一回事？？ 個外觀同Menu 完全唔係同一回事喎！食落感覺就係急凍即食雞胸咁，我男友仲話佢塊肉係凍既！ 仲隱約見到塊雞肉有啲黑椒，同我地屋企既黑椒味即食雞胸差唔多！ 仲要今次啲麵份量都少左。 依碗麵索價$80-90，抱歉！真係一啲都唔值。 仲要喺出面企到身水身汗， 入到鋪頭，幾乎無冷氣咁。 總之我由入門同出門，個身都係出緊汗。所以我地一食完都急急腳走， 拿拿林搵間便利店涼冷氣。 原先諗住算數啦，隔左兩年幾，有變化都好合理

一直都特別鐘意雞白湯拉麵，今次黎到鳥華亭就試左夏季限定檸檬拉麵$92，另外再加味玉 $12，以濃厚的雞白湯為基底，表層飄著一層膠質，真材實料，搭配上新鮮檸檬切片，實際喝上一口湯頭後，檸檬的味道比想像中清淡，檸檬片在口感上沒有強烈的酸味，加入湯汁後散發出的香氣與麵條相互融合，吃起來十分順口，少少酸甜味，意外地相當開胃清爽，不過呢間鋪頭好細，坐得比較迫，如果lunch hour 黎到好多時都要等位，夏天烈日排隊就真係幾辛苦。

再次造訪鳥華亭有時到灣仔　都會想起來這裡吃碗麵魚介白湯拉麵雞湯在底　魚介舖滿了湯面用湯匙把兩者混合　可把鮮味提升口味和鹹度比濃雞湯高曲麵比直麵的彈韌度和蛋香味都較高掛湯會比較好其實能把魚介湯底吸收雞蛋水準依舊不錯有流心狀態　但蛋味欠俸這次我們也加了煎餃子吃餃子的底部煎的很焦香內餡肉菜比例剛好不是那種很大隻的餃子下次還是濃雞湯底的拉麵就好

這間拉麵店嘅白雞湯拉麵真係好出名，不過次次都食有啲悶吧。所以這一次回訪，發現有新的 #期間限定 麵款，我就點來試吓啦～海老味噌拉麵 (HK$98) & 味玉 (HK$12)．3片雞肉，嫩滑口感，好重雞味，正😋👍🏻．這是濃郁的鷄白湯加入北海道小樽產的濃厚海老味噌，出來的味道，我覺得好濃蝦味，但偏鹹，反而鷄白湯比較淡．麵種就一定揀捲曲麵，口感比較煙韌和掛湯好好，超有濃蝦味噌味㗎～．喜歡多青蔥和多櫻花蝦．小粟米OK啦，我比較想要炸蓮藕片多啲😙．這是濃郁的鷄白湯加入北海道小樽產的濃厚海老味噌，出來的味道，我覺得好濃蝦味，但偏鹹，反而鷄白湯比較淡不過呢，感覺怪怪的是，店員和廚師，2位都係菲律賓女人，以前見過的日本拉麵師傅就不見蹤影🙄

近年越黎越多拉麵店主打雞白湯，係灣仔呢個唔太起眼既街角度，就有間好早已經開始專注雞白湯拉麵既小店✨🔸至極雞白湯拉麵有別於常見既豬骨湯底，湯底用雞骨雞肉等熬足火喉而成，呈奶白色既湯，感覺骨膠原精華都係晒裡面黎😳坊間其他既雞白湯好多時都會打泡係面，而呢度就冇咁做，面頭有片炸蓮藕片同露筍簡單點綴，風格相對比較平實，我幾欣賞👍雞白湯頗有厚度，揀左曲麵令佢更掛湯～湯底濃得黎唔會好咸好油膩，為左見碗底既小雞圖案我決定飲晒佢🙈整體都幾滿意呢碗拉麵，不過配料既慢煮雞肉覺得可以再改善下，雖然肉質唔柴，但食落冇味，有種可有可冇既感覺～

第一次來這間出名的白雞湯拉麵，直接就試佢招牌菜 - 至極白湯拉麵。還有試了明太子雞翼$22/隻，正常好食，要小心熱。糖心蛋加多一隻$12，正常發揮。呢間鋪主要食佢個雞湯，超級濃嘅雞味，仲有後勁，估佢唔到。個麵就正正常常啦，無乜特別。雞肉唔鞋口，算係唔錯，好過出面嘅。糖心蛋就正正常常，都流心嘅。個人意見，黎呢度唔試佢招牌菜其實唔駛黎，因為個重點係個白雞湯，你試其他野基本上同出面其他分別不大。