鰹烏冬 (駱駝漆大廈第三座)

營業中

休息中

觀塘其實都好多美食選擇聽講呢間烏冬喺觀塘頭五名美食於是都特登嚟到駱駝漆排隊12:30去到都已經大概有10幾個人排緊隊大概排半個鐘左右就可以入去店舖空間位置都好大不過位置上都有啲迫叫咗佢一個咖喱烏冬同埋湯烏冬仲有好出名嘅炸雞髀自己覺得個烏冬比較普通可能唔係叫一啲特色湯底 下次可以考慮試吓魚湯 感覺呢兩個烏冬都比較普通 咖喱味會好少少炸雞方面都幾有特色佢應該唔算炸 有啲煎香左嘅感覺加上上面啲七味粉成個炸雞都好Juicy

最近好火熱既一間新鮮手打烏冬店，長時間都有一條長龍排隊睇返店家資料，原來老闆以前有係日本拜師學做烏冬，之後滿師返黎香港開店先食到咁好食既烏冬今日麻甩專員都唔執輸，排左半個鐘隊先食到，但要對大家講絕對排得過！店內有類近日本店舖嘅特色，裝修簡單舒服，木檯木凳既感覺似去左日本咁感覺專員今次叫左一個期間限定-袖子竹簾烏冬配骨付雞(姐係烤帶骨雞腿) +味噌焗鯖魚+天婦羅《味噌焗鯖魚》其實要做到好食嘅鯖魚本身就好難，因為肉質本身無太多脂肪，口感會比較乾柴同淡味店家直接用味噌取代鹽，原因應該係用鹽會係焗既時侯將魚嘅水份再抽乾但店家係鯖魚表面塗上一層味噌醬一齊焗，做法反而將鯖魚應有嘅香味同肉汁帶到出黎令到魚皮既表面焗得乾身之餘味噌醬滲到入鯖魚內，同時擠少少新鮮嘅檸檬汁，直接帶出鯖魚嘅香甜同鮮味，口感食落亦唔會太乾柴限定《袖子竹簾烏冬(冷)+骨付雞》骨付雞上檯時仲係出煙香噴噴，表面烤至微燶，肉質嫩滑有汁唔柴口少量七味粉既調味，味道適中微辣，唔會偏咸或偏甜烏冬新鮮手打，店家著重粗度同煙韌度。冷烏冬彈牙，唔易散開，口感一流另外將烏冬浸落特製既袖子汁內，烏冬黏上汁內粒粒既袖子，清新既味道直接衝擊味蕾，天氣熱熱

— 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 —【 烏冬款式多·質素非常參差 】#beerpig觀塘 #beerpig日本菜 #Beerpig良心小店✨總分：🍻🍻🍻🥃 6.73 / 10 分✨推薦：#🆗一般啦✨大家有興趣就記得｜𝐿𝑖𝑘𝑒•𝑆𝑎𝑣𝑒•𝑆ℎ𝑎𝑟𝑒｜呢個𝑝𝑜𝑠𝑡喇💖—#🍻🍖 質素：🍜鰹魚半湯烏冬｜$46首先介紹下豬生揀既冷烏冬呢款係有半碗湯汁既冷烏冬，碗內仲有鰹魚做伴碟呢款係粗身既烏冬，口感好彈牙👍🏻烏冬份量都算多湯底都幾清甜，會有淡淡既鰹魚香，味道都唔會過咸😌呢款烏冬質素幾好，價錢都抵食✨評分：8 / 10 分🍜三文魚籽醬油烏冬｜$78小編揀左呢款冷烏冬，都幾期待個醬油烏冬黎到望見配料｜三文魚籽·蟹籽｜算多但食落冇乜味道，完全食唔出有醬油味😅雖然烏冬彈牙，但整體味道不似如期，唔值呢個價錢🤷🏻‍♀️✨評分：4 / 10 分🍜掛鍋烏冬｜$46小編既朋友點左呢款烏冬，雖然小編無影到相🙇🏻‍♀️但由於質素實在有啲差，小編都想係到評一評掛鍋烏冬比較少地方有得食，所以小編都好好奇，呢款烏冬會用熱水浸泡住，再好似冷烏冬既食法咁，夾起烏冬沾上醬汁食呢款烏冬相對會無咁煙韌，適合啲中意食軟身烏冬既朋友不過最大

叫咗一個鰹魚清湯烏冬同埋一個骨付雞 即係雞髀鰹魚湯鮮甜 烏冬更加係不得了 煙韌 有咬口 口感一流！ 預設嘅係粗烏冬 想食幼烏冬記得要特別講聲雞髀大隻 唔太鹹 好好食！ 係絕對會回頭嘅烏冬店

觀塘必食人氣烏冬店，作為九龍東人竟然而家先第一次食😂 星期六未夠12點已經排隊等入座，12點半已經坐滿要等位，唔想排最好開門前到。餐廳隔離就設有製麵所，新鮮日製讚歧烏冬，有各款冷/熱烏冬再選小食/配餸。黑胡椒粒拌蛋烏冬 $50呢款簡直為我而設，無湯的熱拌是我最愛，招牌手製烏冬果然正，非常煙韌彈牙，再加蛋黃撈黑椒夠哂味。黑胡椒粒香辣唔會過勁，有蛋漿撈唔使醬汁都好食。烏冬都幾大碗，食完超飽。鰹魚湯烏冬同樣好食👍🏻下次來試冷烏冬！骨付雞 $34好多人大讚的烤雞髀，手掌咁大隻，一切開勁多雞汁超juicy，佢加咗蜜糖烤所以會有少少甜味，雞肉裡面都超入味，真係幾正！雞髀控表示會再返兜😏

落雨天氣翳焗，胃口唔算好好，食咩好呢？搵咗呢間主打鰹魚湯烏冬嘅鋪頭，大約夜晚7點幾上到去，唔洗等，即刻有位。 主食清一色烏冬，有熱同冷嘅款式，另外可以加小食同飲品，選擇唔算好多。我哋揀咗一冷一熱，冷嘅係三文魚籽醬油烏冬，醬油喺個底度，面頭除咗三文魚籽仲有蟹籽，仲有大量青蔥同檸檬，賣相唔錯，色彩繽紛咁都已經幾開胃☺️撈匀之後食，醬油微微鹹但唔會過份，魚籽都有鮮味，主角烏冬就非常滑溜煙韌，唔錯喎😋再滴幾滴檸檬汁，微微酸嘅味道好清爽，食晒成碗都唔覺得滯😁 另外加配咗骨付雞，樣就好一般，白’lai sai’咁，但食落又原來唔錯，嫩滑有肉汁。另外熱嘅就揀咗鰹魚湯白味噌鍋仔燒烏冬，料都幾豐富，有牛肉，冬菇，獅子狗，窩蛋等等。湯底係清淡型，唔濃厚但亦都未至於淡茂茂。牛肉唔係全熟，食落嫩滑。不過呢個鍋都幾熱，所以啲烏冬都相對地淋好多。 另外再加咗份天婦羅，不過非常一般，唔推薦。兩碗烏冬相比之下，喜歡三文魚籽嗰碗多啲，味道配搭比較特別。呢間烏冬整體嘅口味係清淡路線，一啲都唔’漏’，悶熱天氣食真係啱晒😋

🐟 鰹烏冬 🍜香港人真係識靈活變通呀個個都出急凍湯包/外賣包裝不過如果唔變通真係俾政府清零呀嗰日見到鏗烏冬話嚟團購我以為仲有得食佢地啲烏冬咁正(о´∀`о)原來係團購佢哋自家製生烏冬見到都幾好Wor自己喺屋企有得食到自家製手打烏冬佢哋仲要勁細心有曬步驟同QR code可以喺YouTube睇番點樣煮呢個烏冬真係好細心呀生烏冬落滾水後等9-10分鐘途中要搞搞佢費事個烏冬會癡底而個湯包+80毫升水用中大火煮佢大概10分鐘（建議烏冬要過冷河會仲好食）就好簡單咁完成咗啦＼＼\\٩( 'ω' )و //／／個烏冬同係鏗烏冬食到嘅一樣咁彈牙不過個鏗魚湯底冇整得佢哋咁好食明明都係800毫升加個湯包(*´Д｀*)Btw 好食係好食 不過整完之後好攰結論係下次都係去返堂食啦 (*´∇｀*)

環境算係咁，不過裝茶壺勁多油漬，上菜十分慢，侍應服務態度不好，食物味道一般，賣點烏冬都係麻麻，食物質素唔值得等咁耐，價錢唔平 。未食過永遠可以唔使試，留返啲錢同個肚食其他。未試過其他分店唔知其他分店質素如何。堅超市推介：真打稻庭風急凍烏冬。單純烏冬質素唔會畀佢餐廳差。（唔係賣廣告）真心推介試過你就知！鰹魚清湯烏冬 分數：1.5/10烏冬比出面食既彈牙程度差唔多，偏硬身但一碗齌烏冬值唔值尼個價各位親身去試一試，見仁見智

🙋🏻‍♀️Any udon lovers here 📣? Save 底左依間餐廳好耐，終於有時間去試啦！店舖位於觀塘工廠區，原來佢自己係有製麵工場，每日新鮮製造烏冬，而佢隔離就係餐廳。聽聞好多人排隊食，好彩今次唔洗點等就有得食✌🏻烏冬都好多不同款式配搭可以揀，選擇困難症既我都揀左好耐🥹 因為好多都好吸引好想試。有冷烏冬，熱湯烏冬，撈烏冬，素烏冬，有粗有幼烏冬。可以配搭的五款餸有關東煮，鯖魚，雞髀，金菇牛肉卷，天婦羅。太多combination 睇到好攰😆🍲鰹魚清湯烏冬配骨付雞$78 (魚湯豆乳+$5)淡淡既🐟魚湯豆乳味道好清但質地唔算太滑，無魚腥味，🥛豆乳味都相對地清。鳥冬煙韌彈牙口感十足，係真心好食嘅😙🍗雞髀真係幾大隻，烤到脆脆嘅雞皮，用上七味粉同好香嘅蒜蓉烹調，仲有淡淡既酒香，十分入味🤤 雞肉勁嫩滑超juicy，好impress 佢整得咁好食🫡 我諗我會為左食雞髀而返黎食🤭，不過下次食會試清湯🤔🍤天婦羅櫻花蝦雜菜餅 $20依個天婦羅炸得好靚，薄薄既炸粉配上份量十足既芫荽同櫻花蝦🦐，芫荽味好香，蝦味帶出淡淡既咸味，點上清淡既天婦羅汁，食起無左油膩感😌，味道整體好夾，整得好出色既雜菜餅一

呢間位於觀塘嘅餐廳，無數次都依然會覺得好好味嘅餐廳！烏冬唔使多講，麵身滑溜彈牙，配任何一種味道都唔會輸！骨付雞世一，雞皮香脆，上面灑上適量七味粉，十分惹味！雞肉係嫩到出汁！每一啖都超級滿足！最近試左蠔天婦羅之後返唔到轉頭，每次去必點，雖然係炸但個蠔超級多汁，絕對唔會乾爭爭，炸既時間真係拿捏得恰到好處！表面的炸粉又香脆可口，總之就係好味啦！大家如果經過觀塘，一定要去試下，絕對唔會後悔！可能都會成為你既飯堂🤣

難得佛誕假期諗住出去食下好西，本人其實唔係好喜歡去工廈食野，但朋友講到好多人排隊就即管試下。由於好早去到，所以唔駛等位就可以入座，年輕既待應同啲嬸嬸都好有禮貌，唔知係咪家庭式經營啦，見到啲野都好隨意咁擺放，野食就普通屋企煮出黎既質素，但份量都幾多下，臨走都覺得不過不失。去到最後比錢埋單個陣，有個帶眼鏡呀叔收錢，張單明明寫$201，我比$500，佢找$277我，心諗勁多個問號？？？？？佢話張單打漏左個蘋果汁$12，咁其實係你地員工打漏張單，可以同我講聲收返錢，$201+$12，咁應該找返$287，然後佢找啲錢又勁散，好自然就要數清楚，個呀返就勁唔耐煩咁話：點呀，數岩錢啦嘛！哇，找錯錢仲要聲大夾惡，好似我欠左佢咁，仲要講到係我錯，我唔知佢係咪老闆啦，如果咁唔願意打開門做生意其實可以執左間舖頭🙂呢間野永遠都唔會再幫襯！

知道呢間開咗一段時間，呢日終於來試下。地方環境算係舒適的，不過食物就覺得好一般。叫咗呢個味噌牛肉烏冬， $78，冇乜味… 牛肉亦都冇乜特別…. 睇賣相都唔吸引。跟餐加嘢飲，呢罐細細的蘋果汁都要$12即係我呢個餐係要$90。 性價比….總括來講，很普通和一般。

次次行過見到鰹烏冬一定排哂長龍👀 今次平日lunchtime行過竟然見到有位即刻轉入去試試佢😛💛 黑胡椒粒伴蛋烏冬 ($50)呢個烏冬入口好彈牙，但係個黑胡椒粒同蛋嘅味道唔會好驚喜（可能因為食咗月付雞同金菇肥牛卷先已經震撼夠😂）呢隻烏冬絕對唔會有超級市場買返嚟嘅烏冬嗰陣酸味！ 下次會考慮試吓佢其他特別啲嘅烏冬，例如抺茶烏冬～ 💛 骨付雞 (+$35)呢個雞脾喺切開嘅時候已經feel到佢好好食😦 切完你會睇到佢好juicy好嫩滑嘅感覺，食落去係唔會令到你失望🥺 雖然個醬汁係油咗啲但係平時好怕肥膩嘢嘅朋友仔都忍唔住點嚟食🤪 佢個汁係有啲蜜糖嘅甜💛 金菇肥牛卷 ($43)睇openrice見到好多人推介呢款小食所以就要try try佢🤣 佢嘅醬汁係甜甜哋嘅好惹味～ 牛肉唔會太乾，金菇亦都唔難咬開😍 （事緣樹熊我以前食金菇肥牛卷試過金菇卡喺牙縫然後條金菇吞到一半勁辛苦😢 有冇人都試過？🤣）

原本滿懐期待入去食 坐低餐都未嗌 就有職員問我地可唔可讓位比4人家庭坐 我地都讓佐位 但原來根本唔係比家庭坐 比佐另一對情侶坐佐 咁點解要我地讓呢？到落單等佐就黎30分鐘都未到 而男朋友個餐都食完都仲未上另一個餐 中途問佐2次 話整緊 ok 繼續等啦 最後係男朋友發現後面一台遲過我地入黎但嗌一樣嘅餐 竟然係上先過我地 再問職員 先知原來將個餐送錯佐 個位職員竟然係對方台拎返個餐比我地 同我地講未食架 你要唔要呀 呢下真係非常之嬲 對方除佐口罩有無食過都唔知 然後你問返我地食唔食返？真係極度失望 永遠唔會再食

雖然宜家進行緊 #生酮飲食但係我仲有好多食完未post既餐廳呢排太懶 無咩動力希望由今日開始比D動力自己😆😆觀塘呢間 烏冬店好出名 而且去既時候特凳揀啱啱開門去 遲咗少少去已經要排隊但係好彩裡面好大 有好多張臺 所以等咗一陣就可以入去見到每台都會有隻雞脾無錯我都唔執輸叫番隻◀︎ 骨付雞鰹魚清湯烏冬 ▶ $78烏冬可以揀粗/幼個人比較鍾意粗身既烏冬 的確好彈牙有口感 但係要讚既係隻雞脾 黎到已經聞到好香‼️好Juicy 嫩滑 微辣惹味 應該就係面頭既七味粉❥❥𝘚𝘤𝘰𝘳𝘦: 7.3/10◀︎ 柚子烏冬 ▶ $52黎呢度其中一個想試都係呢個冷柚子烏冬柚子汁係另上 細心睇每條烏冬都有柚子粒係上面😍對比熱食 呢個烏冬會比較乾身同偏硬（彈依然彈牙）配合柚子汁都好Fresh 好適合夏天食☺️☺️❥❥𝘚𝘤𝘰𝘳𝘦: 7.1/10之後發覺佢地既分店原來都幾多下🤔🤔-長沙灣-佐敦-牛頭角都有🙃📍鰹烏冬 觀塘開源道60號駱駝漆大廈3期11樓O室@udon.hk #sharemyfoodin觀塘