鰹烏冬 (駱駝漆大廈第三座)

營業中

休息中

係搵緊觀塘有咩好食嘅時候見到呢間鋪頭有好多特別味道嘅烏冬😳推出過 咖啡、薄荷、紫菜等等口味就決定去撞下睇下今次遇到咩款🤣12點3去到估唔到都差唔多爆滿想食真係要記得預早少少去😯.🍴抹茶竹簾冷烏冬 配 骨付雞 $92 💛8.5/10不愧係自家製手打烏冬而且可能因為唔係放湯所以更加彈牙😆抹茶烏冬個顏色好靚 就咁食落口的確有淡淡抹茶味🍵切記千其唔好成條烏冬點哂個冷汁會比個汁cover哂個抹茶味食唔出😶‍🌫️骨付雞大隻肉嫩多汁 調味亦出色七味粉同大蒜經過燒焗後香噴噴🧄試完明白點解差不多枱枱都叫.🍴竹簾冷烏冬 配 炸多春魚 & 蘋果汁 $78 💛7.5/10友人驚中伏唔敢試新奇野叫返普通版😂原味版本個冷汁會有少少唔同會另外附上檸檬、芥末、蔥花、芝麻可以就自己口味小小變化一下👀炸多春魚正常質素未有驚喜友人表示超後悔冇揀配骨付雞😆另外仲跟左罐日本蘋果汁🧃100%果汁個種濃縮香味係幾好飲但真係稍為有少少細罐😶

💛 HKG - KATSUO UDON 💛ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Isn’t easy to look for a decent good udon in HK. And here you go 😌Reasonable priced udon 👍🏻 chewy , light soup base. @udon.hk makes me wanna fly to Japan 🇯🇵 now ! ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇#cass_udon#cass_觀塘#cass_kwuntong #eatwccinhk

骨付雞鰹魚清湯烏冬🍗首先講咗烏冬先，麵質好煙韌，好有咬口，非常好食😋而骨付雞其實姐係雞髀，肉質好嫩滑，亦保留到肉汁，配以辣粉調味，真係唔錯嫁。而湯底味道較清新，亦都保留到鰹魚嘅味道，配合隻骨付雞，食落就唔會太油膩。味噌鯖魚鰹魚清湯烏冬🐟依個就冇骨付雞咁驚喜，但都還好，鯖魚肉質都唔會太乾，亦唔太腥，配上一塊檸檬，都還好。天婦羅鰹魚清湯烏冬🍤依個就冇骨付雞咁驚喜，但都還好，天婦羅都係即炸，食落唔會太厚粉。總括而言，鰹鳥冬都算抵食，人均消費大約$100，大部分嘢食都即叫即整。至於環境同服務就唔要求得太多，座位唔算太寬敞，而冷氣大番少少會好啲。

《📍鰹烏冬の食評》小編今日同大家介紹位於觀塘一間隱世烏冬-鏗烏冬‼️唔單至店員非常有人情味，自家製烏冬同小食仲要超有水準，每次lunch都會大排長龍，一齊睇吓到底有幾「堅」啦🥴！🔸『夏一烏冬配天婦羅 - $102.6』話明夏一烏冬，就梗係「夏天」必食啦！夏一冷烏冬特別加檸檬及日本雞蛋，超fresh，為夏日帶來一抹涼意❄️！烏冬亦係自家製作，非常Q彈煙韌，再配上超級香脆嘅天婦羅，非常之豐富😳！🔸『鏗魚半湯冷烏冬配關冬煮 - $69.4』鏗魚湯十分之香濃，經過冷凍嘅烏冬格外煙韌🧊，再配上超級入味嘅關東煮，簡直係神級美味！小編特別想讚下本店嘅關東煮，每一樣食材都非常入味，每一啖都充滿濃湯，好味程度達致五粒星，令小編食唔停口🤤！🔸『竹簾烏冬配骨付雞 - $78.9』本店特意將烏冬放在竹簾上，皆因竹簾可保持麵身較乾爽，保持Q彈煙韌🤩！而本店嘅名物莫過於骨付雞，雞肉非常柔嫩，咬口淡淡肉汁，而且得滯醬料十分香濃，配上煙韌到十足嘅竹簾烏冬，絕對係Perfect match‼️🤪 iHungry肚餓指數：9/10分

駱駝漆大廈食肆林立，但係要排隊嘅舖頭就唔算多，而家食烏冬嘅係其中一間，大概等咗半個鐘左右入座，提一提大家先，佢係人齊入座嘅。朋友就叫做一個湯烏冬，我就叫咗一個冷烏冬我嗰個烏冬係配炒烏冬，食落係有少少配茶嘅味道，但係如果點埋鰹魚汁嘅話，味道就冇咁濃烈啦。佢哋嘅烏冬比起其他地方食到嘅彈牙。我就叫咗鯖魚，但係見到隔籬枱好似食雞髀同埋天婦羅比較吸引，下次你都係會試返天婦羅以佢嘅質素，真係唔怪得有咁多人排隊

朋友介紹觀塘工廈一間烏冬店，上網睇發現店主曾經係日本學藝，之後先返香港開鋪，講到咁勁就一於去試下😚餐廳有茶免費供應，可以唔洗另外叫野飲🍵鰹魚清湯烏冬 $43烏冬份量都偏多，湯無特別。麵配菜有紫菜、蔥、鳴門卷同少少薑蓉，但薑蓉份量唔多，撈勻之後唔太食到薑味。烏冬口感真係好係好滑好彈牙👍🏻骨付雞 $43⭐️⭐️極度推薦⭐️⭐️雞髀好大隻，差唔多成隻手掌咁大✋🏻外皮香脆，雞肉唔榎，有肉汁👍🏻七味粉加蜜糖甜甜辣辣，而且充滿蒜香，非常惹味😋天婦羅5件 $51天婦羅有五件，分別係牛鰍魚(如果無食錯🤣)、多春魚、冬菇、茄子同蝦。炸得都脆口，但好失望無南瓜或者番薯🥲天婦羅價錢$51都偏貴，下次再食都係食骨付雞比，骨付雞性價比較高🤑鰹烏冬觀塘開源道60號駱駝漆大廈3期11樓O室#bei9sik觀塘#bei9sik💛#hkig#hkiger#hker#foodie#foodiehk#hkfood#hkfoodie#hkfoodblogger#foodblogger#foodblog#黃店#黃店推介#黃店推介#hkigshop#烏冬#手打烏冬#鰹烏冬#天婦羅#骨付鳥#骨付雞#觀塘#觀塘黃店#駱駝漆#駱駝漆大廈三座#

1）13:40 點菜2）14:00 追問，店員去工場攞碗烏冬出來，然後話炸蠔解唔切凍3）14:07 炸蠔上枱 = 等左半個鐘才有得食4）食之際個店員仲問我係咪第一次黎，話平時烏冬即切即煮都要15分鐘，廣島蠔解凍都要時間～～5）我覆佢，「咁不如你地係菜單寫明出菜時間要咗耐」鰹烏冬食物質素不錯，但奉勸只有短暫午休的觀塘友，真係要考慮清楚，值唔值得用十餘分鐘去將個熱辣辣既烏冬同炸蠔倒落肚！

今日約咗朋友去觀塘，跟住就去咗駱駝漆大廈度搵食。行行吓發覺有一間食烏冬麵嘅睇落好似幾出名，跟住就入咗去試。我同朋友各嗌咗一個烏冬餐，我嗌左個半湯烏冬連骨付雞，我朋友都嗌咗個金菇肥牛湯烏冬。首先就講吓個骨付雞先，佢係用蒜頭嚟煎香佢嘅。未食之前已經聞到陣陣嘅蒜香味啦，當切完舊骨付雞擺落口，發覺非常之Juice同埋好濃嘅蒜香味呀，怪唔之得差唔多每台嘅食客都有嗌呢一味骨付雞啦。至於個湯烏冬嘅湯底非常之清甜，烏冬亦都煙韌彈牙。 唯一覺得呢一餐有點美中不足嘅就係個金菇肥牛啲金菇非常之多，一大著咁包落去肥牛入邊，如果唔係好好金菇嘅話就會覺得呢味餸麻麻哋啦。

每次經過都有人排隊, 見網評有唔少人話好味, 就試試佢。我同老公叫左鰹魚湯白味噌鍋仔燒烏冬+天婦羅廣島牡蠣半湯烏冬+骨付雞。嚟到鍋仔燒烏冬一望，塊豚肉係生嘅 ，入面仲係深紅色，就同店員幫講，佢其實都有禮貌咁道歉。但心諗，最基本食物要熟都搞唔掂?之後嚟左骨付雞，見到網評唔少人話好味，但食落只不過係不過不失，肉算係滑，但皮唔脆軟軟的，味道真係普通，重點係唔熱的。好，之後鍋仔燒烏冬又重新煮好上枱 ，唔知佢係Hea 我求其煮熟，定本身係咁，個湯係變得好杰身(係唔正常嘅杰)，個烏冬好脹，湯底係似有d豆漿味，味道好麻麻，個烏冬係彈牙的，但加埋個超杰湯底，我真係食唔到落去。之後炸廣島牡蠣，味道還可以，但蠔肉係有d 霉急凍個種，完全唔係網評講鮮甜好味。最後，見老公食剩左半碗，佢話個湯好杰，唔想食。簡單總結：只計烏冬口感係唔錯，但湯底，其他食物都唔好味，整體係難得地：食個烏冬都覺得難食到食唔落，實屬少見

*✲ﾟ*。🍗💛最愛嘅手打烏冬店🇯🇵😍😍烏冬係手打讚岐烏冬 食過好多次都覺得超級好食😋骨付雞必叫🤤 隻雞髀燒得好香🍗 加埋胡椒大蒜醬好惹味 勁大隻勁juicy🤤🤤🤤月見烏冬用左鰹魚湯做湯底 好香鰹魚味 上面仲有隻蛋🥚今次lunch嚟食終於試到抹茶竹簾烏冬 之前dinner 時間嚟通常都賣哂🥺但有少少失望 抹茶味比較淡 要好仔細食先feel到微微抹茶味🙈不過抹茶烏冬係冷烏冬 口感比較彈牙熱烏冬就淋d 我比較prefer冷烏冬個口感😆冷烏冬嘅話下次我都係食番夏一烏冬😋觀塘分店喺工廠大廈入面 weekday/weekend都勁full 😮 可能要等一陣位🙈上個月喺佐敦逸東酒店foodcourt開咗新分店好想試下佐敦店限定嘅焙茶烏冬 每日只限5份 應該要好早去先食到🙊-✨ 月見烏冬+ 骨付雞 ($82)✨ 抹茶竹簾烏冬 ($51)✨ 流心蛋 ($16)💰 Cash only-📍 鰹烏冬 @udon.hk▫️ 觀塘開源道60號駱駝漆大廈3期11樓O室▫️ 長沙灣元洲街450/464號寶華閣地下4號舖▫️ 佐敦彌敦道380號香港逸東酒店Eaton Food Hall LG樓8號舖

🔹勸塘// 鰹烏冬🔹人均約$120🔹▫️海苔竹簾烏冬（冷）$52好特別✨有陣陣嘅海苔味！食落去好煙靭，好好咬口😋而且唔貴～凍食夏天好岩！😎佢係配埋一個酸汁，可自行加埋Wasabi，芝麻，薑碎！好食😆▪️ 骨付雞 餐+ $36好好食😋有七味粉香味，食落去好重口味夠晒鹹！😛雞肉好大嚿啖啖肉好Juice！🍗必推介！▫️鰹魚湯白味噌鍋仔燒烏冬 $79個人唔太喜歡鰹魚湯底嘅烏冬，味道較淡口，而且烏冬凍食比熱食更好！🫡▪️飛魚籽凍豆腐 餐+ $18意外地幾好食🤣而且唔算好貴可以一試！▫️流心蛋 餐+ $13正正常常，口痕可以試吓🤣覺得可以醃耐d🤣味道唔係好夠，但係價錢唔算好貴🤣🔹好飽評語都已經試過幾次🤣💕體驗都唔錯😛醬油烏冬凍食都幾好食！個人覺得凍比熱食更加好🫡唔知係咪因為凍烏冬比較煙靭，熱食的話偏淋咗少少🤏🏻！🧠回頭指數：9️⃣🧏🏻‍♀️打卡港女：6️⃣🌬冷氣溫度：7️⃣🚽廁所評價：5️⃣🧾性價比呢：8️⃣

觀塘其中一樣好出名嘅名物 就係鰹烏冬 🍜 平時午餐時間基本上都要排三個字至半個鐘 先入到去🥲今日特登揀下午茶時間過嚟😛烏冬 🍜同 慢煮雞髀 🐔 係呢間鰹烏冬嘅招牌菜 👍🏼咁今次就叫咗牛冬同埋慢煮雞髀嚟試吓烏冬係佢哋隔離自家廠房整嘅 🤤 食落去冇任何澀味 而且非常之有口感 😋 食得出係新鮮烏冬 👍🏼👍🏼同平時屋企食嘅簡直係差天共地 另外金菇肥牛卷都非常之好味 🥳 牛肉嘅肉汁滲透左落金菇度 🥰配上烏冬非常之夾🤭慢煮雞髀 🐔 用上去特別配方嘅汁去醃製 😍 食落去除咗濃郁嘅蒜味之外 🧄仲有淡淡的甜味 非常惹味 🤩加上雞髀慢煮過 肉質嫩滑 😗 非常入味 超值得推薦👍🏼👍🏼👍🏼

其實本身小芝我係諗住同另一半食另一間位於駱駝漆嘅食店但上到去發現原來嗰間店星期日休息🤧即刻上openrice 睇下有冇其他餐廳好彩位於駱駝漆大廈一search 就有林林總總嘅嘅店舖咁我地就覺得呢一間食物嘅賣相好吸引就決定咗午餐喺度解決一去到門口唔駛等位就入到去(可能因為已經過咗食飯時間🙈)入面嘅顧客都好多(7-8成人左右)一坐底 枱面已經有茶水供應位置闊落兩個人可以坐到四人座位裝修就較為簡樸我地每人就叫咗兩個烏冬套餐小芝我就叫咗夏一烏冬(冷) 另一個就係鰹魚清湯烏冬(熱)另外我地每人都叫咗份骨付雞＋飛魚籽凍豆腐夏一烏冬(冷) ($55)夏一烏冬有蛋,芝麻,青瓜粒,紫菜,蔥,檸檬,薑味道較為清淡烏冬好有咬口 彈牙煙靭芝麻放得好足唯一可惜嘅係蛋味唔算濃鰹魚清湯烏冬($46)烏冬湯底嘅鰹魚味都好出但略為偏咸小芝我比較中意夏一烏冬較為清淡 配合骨付雞啱啱好必叫嘅一定係骨付雞 ($34)骨付雞就係一種由鹽,胡椒,大蒜醬汁做調味嘅雞腿一上菜 本身有啲擔心每人叫一份實在大多好驚成為咗眼闊肚窄嘅大曬鬼🫣點知呢個擔心根本就多餘因為呢度整嘅骨付雞就好入味 充滿住大蒜同胡椒嘅香味雞好嫩滑多汁皮燒到有啲脆口不

之前有聽朋友介紹呢間嘅烏冬係好好食所以今日星期六晏晝特登嚟試本身以為要等好耐最後都係半個鐘多啲入得我哋兩個叫咗兩份套餐同埋一入天婦羅- - - - - - - - - - - - - - - - - - - - - - - - 1. 鰹魚清湯烏冬+關冬煮呢間烏冬咁出名係因為店主去到日本學藝佢嘅手打烏冬食落煙韌似足去日本旅行食嗰種口感個人建議一定要試烏冬配湯個湯熬得好鮮甜啊一啲都唔味精嘅感覺2. 黑胡椒粒拌蛋烏冬+骨付雞呢個係店員推介嘅裡面係有黑胡椒、胡椒粉、牛油、蔥花再加一隻日本雞蛋拌勻之後就可以直接食食落口感都幾特別可能蛋汁令到烏冬更加滑溜同埋估唔到有啲胡椒調味又幾夾3. 天婦羅揀緊套餐食咩小食嗰陣我哋都好想試天婦羅所以就單點咗裡面係有蝦、牛鰍魚、多春魚、茄子同埋冬菇食落酥脆可口 似係即叫即炸炸衣唔會太厚 食落唔會成口炸粉

最中意食烏冬，係香港一直想搵一間超有咬口既烏冬，就見到有呢間推介，佢既烏冬都係有d咬口既，但未至於我想要既感覺，但整個擺位好美觀，而且又加左芝麻/蔥等等既配料，令成碗烏冬既味道升級